صعدت بسياره حطها امير بحظني
لبستها الحجاب
وصلنا للمستشفى دخلناها للطورائ امير شايلها
واني اركض وراه
حطها ع سديه وراح صاح للدكاتره
اجو الدكاتره وامير راح وگف ع جهه
حطولها مغذي وضربوها ابر
الدكتور:شبيها
ضي:عدنا حالة وفاة وتاثرت بيها
الدكتور:مايصير هيج تأذي روحها
الله يصبركم
التفتت للمساعد وياه وگاله:
_تسويلها تحليل دم تشوف اذا صار بيها سكر
وتضمد هاي الجروح
واذا خلص المغذي صيحلي
_تمام دكتور
راح الدكتور والمساعد اخذ دم من ايد فيّ
وراح
اجت بنت عالجت ايد فيّ والخراميش الي ع وجها
بعد ربع ساعه تحركت ايدها وفتحت عيونها
باوعتلها وكفت ع راسها
صفنت شويه بالسقف وطفرت من مكانها
وكعت المغذي وسحلته وياها
كمشتها تدفع بيه ،،امير صاح لدكتور
فيّ:وخريييي اريدددد اروح لبيبيييييي
ماتتت وعافتني معقوله هي ماتعوفني
ماتجذب عليه وخريييي هدي ايدددييييي
اني حاظنتها وقافله ايدي عليها بقوه
ضي:فيّ ذكري الله انتِ مؤمنه وهذا قدر الله وقضائه
فيّ:ماريددد قدر الله ماااريد لاتحجين وياي
بس وخري عني راح امووووت فلتي ايدييي
اجه الدكتور
وهي تصيح وصوتها صار مبحوح من الصياح
الدكتور:سلامات سلامات
كل هاي رده فعلج ماراح ترجعها
بس تأذيها
اذا تحبينها اقريلها قرآن وصليلها
دنگت راسها تبجي
فيّ:دكتور هاي امييي
انه يتيمه وعايشه بالدنيه لخاطر عيونها هسه راحت عيونها،شسوي عايشه بدنيا
دكتور عندك شي يموتني كتلها انه اموت وراج اذا متي
بس مو گد حجايتي طلعت مامتت وراها مااااااامتتتت
كعدت ع ركبها بالكاع وصارت تبجي بحرقه قلب
كل النسوان الي ويانه بالغرفه صارن يبجن عليها
منظرها يهد الحيل
بعد محاولة اقناع شديده وياها هدئتها وطلنه من المستشفى،طلع عدها بالتحليل فقر دم حاد
ونقص فيتامينات هواي بسبب قله الاكل والشرب
وصى الدكتور بعدم الارهاق والتعب والبجي
لان يسبب عدها سكته قلبيه وموت مفاجئ
كلش خوفني عليها
ركبنا بالسيارة نريد نرجع للبيت
دكيت ع امي اريد اعرف هم وين
_ها يمه وين أنتو
_بيت ام خضر
_شعدكم
_ابوج گال فرغو البيت مالتنه يسون بي فاتحه الزلم
وبيت ام خضر لفاتحه النسوان
_اجو من الدفن كملو،هذا امير يريد يروحلهم
_اي بطريق جاين
سديته منها حاجتني فيّ بس مافهم عليها صوتها مبحوح كلش
_خلي ياخذنا للمغتسل انه اغسلها
_رايحات خواتها وبيبي ام خضر مغسلاتها
احنه مالحگنه عليها
_كله بسببي ضعفت ووگعت وماكدر اروحلها اودعها
ضربت راسها بجامه السياره وبجت لزمتها:
_فيّ ع الاقل انتِ قمتي الها بالواجب واكثر
وشفتها اخر مره وحظنتيها ودعتيها
شكول اني حته من ردت اروح لبيتي ماشفتها كانت بالحمام.
part 26
Start from the beginning
