ပြန်လည်မွေးဖွားလာသောဧကရာဇ် (book 3)

Arc 4🗡36🗡သွေးကြောများ တိုးမြှင့်လာပြီ

နဂါးအစစ်၏ နှလုံးသားထက်တွင်ရှိ ရှည်လျားသော နဂါးကိုယ်ထည်သည် ရုတ်တရက် ကျုံ့သွားပြီး အဆက်မပြတ် တိုသွားကာ မကြာမီတွင် ဆယ်ပေခန့်ရှည်သော ရွှေနဂါးကြီး ပေါ်ထွက်လာခဲ့သည်။

ရွှေနဂါးကြီးသည် ဆယ်ပေခန့် ရှည်လျားပြီး မြွေကြီးတစ်ကောင်၏ အရွယ်အစားသာ ရှိသော်လည်း ၎င်း၏ စွမ်းအင်ကတော့ အလွန်သန်မာလှသည်။

"နဂါးဝိညာဥ်!! လုရွှမ် ဒါက နဂါးဝိညာဉ်ပဲ... တကယ့်နဂါး နှလုံးသားက ဆင်းသက်လာတဲ့ နဂါးဝိညာဉ် မြန်မြန်ဖမ်း... ငါစားချင်တယ်!"

ရွှေနဂါးငယ်လေး ပေါ်လာတာနဲ့ ကျီးကန်းသည် စိတ်မရှည်စွာ အော်ဟစ်လာလေ၏။

နဂါးဝိညာဥ်? လုရွှမ် သူ့အတွေးထဲ၌ တုန်လှုပ်သွား၏။ နဂါးဝိညာဉ်ကို သားရဲများကသာ စုပ်ယူနိုင်သည်။ သူသာ ဒီနဂါးဝိညာဉ်ကို စုပ်ယူနိုင်ရင် စိတ်ဝိညာဉ်စွမ်းအား အတိုင်းအတာဟာ ပမာဏများစွာ အလွယ်တကူ တိုးလာနိုင်သည်။

နဂါးနှလုံးသာ ဒီနေရာမှာ နှစ်ပေါင်း ဘယ်လောက်တောင် တည်ရှိနေခဲ့လဲ မသိပါ။ သူသည် ကျောက်တုံးများကို နဂါးသွေးသံအဖြစ် ပြောင်းလဲစေရုံ သာမက နဂါးဝိညာဉ်ကိုလည်း မွေးဖွားပေးခဲ့သည်။

တကယ်လို့ ဘယ်သူမှ မတွေ့ခဲ့ပါက နဂါးနှလုံးက နဂါးဝိညာဥ်နဲ့ စိတ်ဝိညာဥ်တွေကို ထုတ်ပေးကာ နဂါးတစ်ကောင်ရဲ့ ခန္ဓာကိုယ်ကို ပြန်လည်ပုံဖော်ပြီး လုံးဝ ပြန်လည် ထမြောက်စေနိုင်သည်။

"ကောင်းပြီ!" လုရွှမ် ခေါင်းညိတ်လိုက်သည်။

ကျီးကန်း၏ ဇာစ်မြစ်ကို သူမသိသော်လည်း စိတ်ချ ယုံကြည်ရ​လေသည်။ သူသာမရှိလျှင် လုရွှမ်ဟာ ဖီးနစ်အမွေးနှင့် နဂါးနှလုံးကို မသိနိုင်သလို ယွမ်ယန်ကျင့်စဥ်ကိုလည်း ကျင့်ကြံနိုင်လိမ့်မည် မဟုတ်ချေ။

သူ့ရဲ့ ညာလက်ကို ဆန့်ထုတ်လိုက်သော် စီးဆင်းနေတဲ့ ရွှေအရှိန်ရဲ့ သက်ရောက်မှု အောက်မှာတွင် သူ့တစ်ကိုယ်လုံး အလွန်သွက်လက်စွာဖြင့် နဂါးဝိညာဉ်ကို တိုက်ရိုက် ဖမ်းဆုပ်ထားလိုက်သည်။

ဝူး!

နဂါးဝိညာဥ်က ရှည်လျားသော ဟောက်သံကို ထုတ်လိုက်ပြီး လန့်ဖျပ်သွား၏။ ၎င်းက သက်တံကဲ့သို့ ကူးခတ်လာကာ လုရွှမ်ရဲ့လက်ကို ကိုက်ဖို့ ပါးစပ်ကို ဖွင့်ဟလိုက်သည်။