"ငါတို့ ဘာလုပ်သင့်လဲ?"
အဘိုးကြီးတစ်ဦးက ပြော၏။
"ဒီရောဂါဆိုးကြီးကို ဘယ်လို ဖယ်ရှားရမလဲဆိုတာ ဆွေးနွေးဖို့ ဘုရင်မင်းမြတ်ဆီ သွားရမယ့် အချိန်ရောက်ပြီ ထင်တယ်"
"ဟုတ်တယ်... ဒီအချိန်မှာ ငါတို့က ဘုရင်မင်းမြတ်ကို ကူညီမယ်ဆိုရင် ငါတို့ရဲ့ ကြင်နာမှုကို သူသေချာပေါက် အမှတ်ရနေလိမ့်မယ်... ဘာပဲဖြစ်ဖြစ် ငါတို့ကို နောင်နှစ်တစ်ရာ ကျော်သွားရင်တောင် မိသားစုက အကာအကွယ် ပေးနေဦးမှာပဲ!"
"ကျုပ်လည်း အဲ့ဒီလို တွေးမိတယ်... အဲဒီကျောင်းသားရဲ့ ဝိညာဥ်သားရဲက အရမ်း အစွမ်းထက်တယ် ဆိုရင်တောင် သူက ကျုပ်တို့ကို ဒီလောက် သန်မာတဲ့သူတွေ အများကြီးကို တားနိုင်ပါ့မလား?"
"လူတိုင်း ကိုယ့်ရဲ့ ဝှက်ဖဲတွေကို ထုတ်လိုက်ကြ... အားလုံး အတူပူးပေါင်းရင် သတ်နိုင်လိမ့်မယ်လို့ ကျုပ်ထင်တယ်!"
အဘိုးကြီး တော်တော်များများကလည်း ကိုယ့်အတွေးများကို ဝင်ပြောလာကြသည်။
ဘုရင်မင်းမြတ် ချန်ရှုံသည် ပေရွှီး တော်ဝင်အင်ပါယာ၏ အရှင်သခင်ဖြစ်ပြီး ၎င်းတို့၏ အခြေခံအုတ်မြစ်များ အားလုံးသည် ဤနေရာတွင် ရှိနေကြလို့ သူတို့သည် ချန်ရှုံနှင့် မိတ်ဖွဲ့ရန် သေချာပေါက် မျှော်လင့်ကြသည်။
"ဟူး... မင်းထင်တာက ရိုးရှင်းလွန်းနေတယ်!"
အဘိုးအို တစ်ဦးသည် လူတိုင်း၏ စကားဝိုင်းကို ရပ်တန့်လိုက်ပြီး သက်ပြင်းချလိုက်သည်။
"ရိုးရှင်းတယ်?"
အားလုံးက သံသယစိတ်နဲ့ ကြည့်နေကြတယ်။
"ဟုတ်တယ်... ဘုရင်မင်းမြတ်က ဝိညာဥ်သားရဲဆီက အရိုက်ခံရလို့ အရှက်ကွဲခဲ့ရပြီး မျက်နှာလည်း ပျက်သွားခဲ့တာ.. ဒီအကြောင်းကို တခြားသူကို မသိစေချင်တာတော့ သေချာတယ်... ငါတို့က ပြောင်ပြောင်တင်းတင်း သွားကူညီရင် ငါတို့ သိပြီးပြီလို့ မဆိုလိုဘူးလား? သတင်းဆိုး ဆိုတော့ ဘုရင်မင်းမြတ်က သူ့မျက်နှာကို ဘယ်မှာ သွားထားရတော့မလဲ?"
ထိုအဘိုးအိုက ပြန်ပြောလေ၏။
"ဒါ..."
လူတိုင်း အေးခဲသွားသည်။
YOU ARE READING
ပြန်လည်မွေးဖွားလာသောဧကရာဇ် (book 3)
FantasyArc 3 chapter (160) ရဲ့ အဆက်ပါ Arc 3 chapter (160) ရဲ႕ အဆက္ပါ
Arc 3🗡224🗡ဘိုးဘေးများကိုအံ့သြစေသူ
Start from the beginning