Michelle
"Matagal pa ba?" Bagot na tanong ko kay Jana.
"Sandali na lang. Wait lang kasi." Hinila ako nito sa bench para maupo ulit.
Nakabusangot na naupo ako. Palibhasa'y alam nitong wala akong duty kaya dinamay ako sa pag-aaksaya ng oras dito.
Tiningnan ko ito ng masama ng saksakan nito ng headset ang teynga ko.
"Arte. Nangatuli sad ko uy!" Agad depensa nito na nakairap pa.
"Wag mo akong pagsalitaan ng mother tongue mo. Saksakin kita dyan eh." Gigil ko ring ganti dito.
"Tss. Sabi ko malinis ang teynga ko."
"Ano bang bisaya ng teynga?" Nagdududa kong tanong.
"Ano.. dunggan." Nag-aalangang sagot nito.
"Walang dunggan sa sinabi mo kanina!" Akmang pipitikin ko ito sa noo pero agad naman nitong pinalis ang kamay ko.
"Wag ka ngang makulit. Makinig ka sa song."
Sinubukan kong pakinggan ang kantang naka-play sa Spotify nito.
"Mas gusto ko parin yung Save your tears at Love Me Harder." Komento ko sa bagong collaboration ng The Weeknd at ni Ariana Grande.
"Girl, tugtog lang ang maganda dun pero di naman maganda ang meaning. Ito oh, pakinggan mong mabuti. Die for you! Imagine?"
"Duh! Di naman nangyayari sa totoong buhay kaya di na nagma-matter ang lyrics ngayon."
"Jazmin, ikaw ba yan?" Kunwaring sinuri ako nito mula ulo hanggang paa.
"I'm prettier." Pasakay ko naman sabay hawi ng buhok ko. Biro lang syempre. Maganda si Jaz.
"Can't argue with that."
Napalingon kaming dalawa ni Jana sa nagsalita. Ganun na lang ang pag-init ng mukha ko ng makita ang dumating. Si Alexa lang naman kasama ang buong barkada nya. Habang natatawa ang iba, si Jazmin poker face lang. Anong bago?
"Gretch, wala ka bang comment?"
"H-huh?" Napakurap na tanong ni Gretchen kay Riva.
"Mas maganda daw si Michelle kaysa kay Jaz." Paglilinaw pa ni Riva.
"Totoo naman!" Di ko alam kung nang-aasar lang tong si Alexa kay Jazmin pero uminit ang buong mukha ko.
"Uhmmm... They're both pretty naman." Namumula din ang teyngang sagot nito.
"So, sino mas bet mo sa kanilang dalawa?"
"Huh?" Sabay tanong namin ni Gretchen.
"I mean, sinong beauty mas bet mo?" Mas lalong nanlalaki ang mga mata ni Gretchen.
"What the hell, Riv! Straight ako. I have a boyfriend. Walang kwenta yang tanong mo!" Mukhang napikon ito sabay walk out. Natahimik kaming lahat at sinundan namin ito ng tingin hanggang sa nawala na ito sa paningin namin. Lahat kami nagulat sa reaction nito.
Maliban sa dalawa. Riva at Alexa.
"I didn't mean it that way. What's wrong with her?" Nasabi na lang ni Riva.
"Yeah, right." Walang ganang saad ni Jazmin at umalis na din.
"Jaz, wait!" Agad itong hinabol ni Kendra.
"Ayan kasi. Joke mo wala sa ayos. Bad mood yun kanina pa." Pangaral ni Alexa dito.
"Kaya nga. Gumawa na nga ako ng paraan para mag-usap sila. Nung isang araw ko pa napapansin na di nag-uusap yang dalawang yan. Naku!" Busangot na saad nito.
