ရှောင်းချင်ထျန်းသည် ရှေ့သို့ ခြေတစ်လှမ်းတိုးကာ သူ့မျက်နှာသည် ဖြောင့်မတ်ခြင်း အပြည့်နှင့် ဆိုလိုက်သည်။
"ဟူး... အဲဒါကြောင့် မင်းက အရေထူပြီး အရှက်မရှိဘူးလို့ ပြောတာပေါ့! ငါ မင်းနဲ့ စကားမပြောတော့ဘူး... အစီအရင်ကို ချိုးဖျက်ပြီးပြီ ဆိုတော့ ရတနာကို လက်ခံလိုက်ပြီ! နှုတ်ဆက်ပါတယ်!"
စကားပြောပြီးနောက် အနည်းငယ် လန်းဆန်းသွားသလို ခံစားလိုက်သည်။
ဟူး!
လူအုပ်အလယ်က အစီအရင်ကို ချိုးဖျက် ခံလိုက်ရတဲ့ ကျောက်တုံးမြေပုံဟာ သဲလွန်စ မရှိဘဲ ချက်ချင်း ပျောက်ကွယ်သွားတော့သည်။
ထို့နောက် ချက်ချင်းပင် မရပ်တန့်ဘဲ ရှေ့တည့်တည့်သို့ အမြန်ပြေးကာ အကြိမ်အနည်းငယ် လှုပ်ရှားရင်း လူတိုင်း၏ မျက်စိရှေ့တွင် ပျောက်ကွယ်သွားခဲ့သည်။
"ဘာ?"
"ဘယ်လိုလုပ် ပျောက်သွားတာလဲ"
"ဟ!! ဒီကောင်က ငါတို့အာရုံကို တမင်တကာ ဆွဲဆောင်နေတာပဲ.... တကယ်က ရတနာခိုးယူဖို့ စက်ဆုပ်ရွံရှာစရာ နည်းလမ်းတချို့ကို သုံးခဲ့တာပဲ ဖြစ်ရမယ်"
"သူ့ကို မလွတ်စေနဲ့!"
သူတို့ရဲ့ ခွန်အားတွေ အကုန်ထုတ်သုံးပြီး နောက်ဆုံးတော့ ကန့်သတ်ထားတဲ့ ကျောက်တုံးမြေပုံကို ရရှိခဲ့သော်လည်း တခဏချင်း ပျောက်ကွယ်သွားတာကို မြင်လိုက်ရတော့ အားလုံး ရူးသွပ်သွားကြသည်။
ရှောင်းချင်ထျန်းလည်း သွေးအန်လုမတတ် ဖြစ်သွားသည်။
ဒီလောက်တန်ကြေယ ကြီးကြီးပေးပြီး သူ့အတွက်ပြောပဖို့ မရေမတွက်နိုင်အောင် ခွန်အားကြီးတဲ့ လူတွေကို စုဆောင်းပြီး ရတနာကို ရတော့မယ့် မျက်စိတစ်မှိတ် အတွင်းမှာပဲ အဓိပတိနယ်ပယ်သာ ရှိတဲ့ ကလေးတစ်ယောက်က ဖြတ်လုသွားခဲ့လေသည်။
"အဲဒီကလေးကို ငါ့အတွက် ဖမ်းလာခဲ့!! ဖမ်းနိုင်တဲ့ ဘယ်သူမဆို သူ့ခန္ဓာကိုယ်ထဲက ရတနာမှန်သမျှကို မင်းတို့ ဆန္ဒအလျောက် ရွေးချယ်နိုင်မယ်လို့ ကတိပေးတယ်။"
ခက်ထန်သော မျက်နှာဖြင့် ရှောင်းချန်ထျန်းက အရူးအမူး ဟောက်လိုက်သည်။
YOU ARE READING
ပြန်လည်မွေးဖွားလာသောဧကရာဇ် (book 3)
FantasyArc 3 chapter (160) ရဲ့ အဆက်ပါ Arc 3 chapter (160) ရဲ႕ အဆက္ပါ
Arc 3🗡174🗡ရူးသွပ်စွာလိုက်သတ်ခြင်း (ပထမပိုင်း)
Start from the beginning
