သူထွက်ခါနီးတွင် ရှောင်းချင်ထျန်း နောက်မှ လူငယ်တစ်ယောက် ရှေ့သို့ ခြေတစ်လှမ်း တိုးလာလေသည်။ လုရွှမ် သူ့ခြေလှမ်းတွေကို ရပ်လျက် ပြန်ကြည့်လိုက်သည်။
"မင်းသွားချင်ရင် ရတယ်... မင်းရဲ့ပစ္စည်းတွေ အားလုံးကို လွှဲပြောင်းပေးရမယ်.... မင်းယူသွားတာ ဟုတ်မဟုတ် မင်းမထွက်သွားခင် စစ်ဆေးပြီး အတည်ပြုလိုက်ကြရအောင်!"
လူငယ်က အေးစက်စွာ အော်ဟစ်လိုက်သည်။
"ငါ့ကိုစစ်ဆေးမယ်"
လုရွှမ်၏ မျက်နှာ မည်းမှောင်သွားသည်။
"မှန်တယ်!"
လူငယ်က ပြင်းထန်သော အကြည့်ဖြင့် ဟိန်းဟောက်ပြီး
"မင်းက မြို့သခင်ရဲ့ စံအိမ်ထဲကို ပထမဆုံး ဝင်ရသူမို့ ရတနာတွေ မယူသွားဘူးဆိုတာ အာမခံချက် မရှိဘူး.... တရားမျှတဖို့ မင်း ပစ္စည်းတွေ အားလုံးကို ထုတ်လိုက်... ငါတို့ စစ်ကြည့်ရမယ် မဟုတ်ရင် ဒီကထွက်သွားဖို့ မစဥ်းစားနဲ့!"
"တရားမျှတမှု? ဒီတရားမျှတမှုဟာ မင်းအတွက်ပဲမလား? ရှေးဟောင်းမြို့တော်မှာ ရတနာကို ဘယ်သူယူယူ ရတဲ့သူက အပိုင်ပဲ! ဘာလဲ? ခေါင်းဆောင်ရှောင်းက လုယက်ဖို့ ကြံစည်နေတာလား? မင်းတို့ကို ရှေးဟောင်းမြို့ထဲ ဘယ်သူခေါ်လာတယ် ဆိုတာ မမေ့ပါနဲ့... ငါ့ကြောင့်သာ မဟုတ်ရင် မင်းတို့ အပြင်မှာ လျှောက်သွားနေဦးမှာ!"
"ညီလေးလုရွှမ် ပြောတာ မှန်ပါတယ်.... ဒါပေမဲ့ ရှေးဟောင်းမြို့ထဲမှာ ရတနာတွေ အများကြီးရှိတယ်.... ငါတို့မှာလည်း လူအများကြီး ရှိတယ် ငါတို့က ဘယ်သူအတွက် ရတနာ ရွေးပေးမယ်ဆိုတာကိုလည်း ကြိုတင် သဘောတူထားပြီးသား...."
ရှောင်းချင်ထျန်းက မျက်လုံးများ မှိတ်တုတ်မှိတ်တုတ်ဖြင့် ပြုံးကာ ပြောလိုက်သည်။
"မြန်မြန်!! မင်းရဲ့ခန္ဓာကိုယ်ပေါ်က ပစ္စည်းအားလုံးကို ထုတ်လိုက်.... မဟုတ်ရင် မင်း ငါတို့ကို ဒီကိုခေါ်လာခဲ့တာတောင် အားမနာဘူးလို့ အပြစ်မတင်နဲ့!"
ဘိုးဘေးရဲ့ အကူအညီ ပေးသံကို ကြားတော့ လူငယ်က အေးစက်စွာ ဆိုလိုက်၏။
YOU ARE READING
ပြန်လည်မွေးဖွားလာသောဧကရာဇ် (book 3)
FantasyArc 3 chapter (160) ရဲ့ အဆက်ပါ Arc 3 chapter (160) ရဲ႕ အဆက္ပါ
Arc 3🗡168🗡ရှောင်းချင်ထျန်း မျက်နှာပျက်သွားပြီ
Start from the beginning