فرصة لآخر العمر

احتل قلبها

ملاك الزين
الفصل الرابع عشر
________________________________________
صلوا على اشرف الخلق 🌼
نزل من الدرج وهو يتمتم مرتدى هذا الجلباب وحين نزل وقع الجميع من الضحِك ....كان مرتدى جلباب للنساء لونه اسود به بعض النقاط البيضاء مزخرفة عند الاكمام و الرقبة
زمجر اكرم وقال
_ فى ايه اول مرة تشوفه جلابية
ضحك جابر بشدة وقال
_ معلش اصل بتفكرنى بحماتى الله يرحمها
ضربته سعاد بخفة
اخرجت ميار هاتفها وبدأت بالتصوير
لمحها اكرم والتقط خفه الذى يرتديه والقاه عليها
_ بتصورى ايه يا اللى تنشكى فى حواجبك
صفقت له ميار
_ اوعا بقينا بنعرف ننشن اهو....لا وكمان بتردح
توقفت للحظات ثم ابتسمت بخبث وابتسامه شيطانية
_ جدو
قال لها جابر بحنين
_ يا جلب چدك عايزة ايه
نظرت له ببراءة جعلت الرعب يدب فى قلب اكرم هذا يدل على مشكله اخرى
_ ينفع يعنى ناس غريبة تشتغل فى الارض بتاعتنا و اصحاب الارض قاعدين فى البيت....الناس يقولوا ايه
نظر لها جابر للحظات ثم فهم قصدها ابتسم بخبث
_ لأ طبعاً مينفعش.....يالا يا اكرم
نظر له بغباء
_ يالا فين
قال له جابر
_ هنشتغل فى الارض عود نفسك طالما جاعد هنا يبقى هتشتغل دايماً....انت مش اقل من الناس اللى برة دى بتشتغل
استوقفه اكرم
_ ثوانى بس انا معاك في كل حاجة والكلام كتير ده
بس هو لامؤخذا هطلع برة كدة ازاى
نظر له جابر
_ كدة عادى مش فاهم
_ وبالنسبة للبس ابلة فضيلة ده اطلع كدة عادى
صحح له جابر بجدية
_ محدش هياخد باله يالا ....انا جولت كلمة واحدة فاهم
خرجا الاثنان ليعملوا فى الارض ولى جمع المحصول
وخلفهم ميار وسعاد
امسك جابر أداة لجمع المحصول (المنجل)
قال له جابر
_ ارفس
شهق اكرم
_ ايه ده...مش هعمل كدة طبعاً
_ اسمع الكلام...يالا
_ استغفر الله العظيم.... حاضر
_ ركز معايا هتمسك المحصول بى إيد والتانية فيها المنجل وتعمل كدة وبعدين تحط اللى حصده هنا...بس اهم حاجة السرعة وحاسب لا تعور نفسك
زمجر اكرم
_ لا يا جدو انا مش هعمل كدة لا ده صعب اوى... وبعدين انا مالى

عصب جابر عليه
_ واه اسمع الكلام يا وِلد
بعد قليل جاء جابر ليطمئن عليه...ولكن صدم مما رآه
صرخ جابر بوجه أكرم
_ يا نهارك الأسود بتعمل ايه
نظر له اكرم بغباء
_ عملت ايه
رفع جابر عصاه فى وجه
_ بتجرطف الملوخية يا واكل ناسك
قال له اكرم مبرراً
_ اسمعنى بس...انا معرفتش اشيلها من البتاع ده وقولت انتوا هاتحتاجوا ورق الملوخية فا مش مهم العدان دى
قطعه جابر وهو يركض خلفه بالعصا
_ انا هاوريك يا أكرم ...انا هاربيك
وركض اكرم مسرعاً حول المحصول وفى الناحية الاخرى  احضرت ميار هاتفها وبدأت بالتصوير
_ حاسب يا جدو جرى الناحية التانية
اهو وراك اهو......مضربتهوش على رجله يا جدو...شاطر
وهناك أكرم يسب ويلعن ميار وتوعد لها بالانتقام
_________________________________________
تردد كثيراً اي يهاتفها أم لا لابد من الاعتذار على ما حدث نعم..آخذ القرار الصحيح وضغط على إسمها
انتظر قليلاً ثم استجابت
_ السلام عليكم
رد عليها باحترام
_ وعليكم السلام.... احم عاملة ايه
_ الحمدلله بخير
طال الصمت قليلاً ثم تحدث
_ احم انا كنت حابب اعتذر عن اللى حصل امبارح...يعنى مش عارف اقول ايه والله انا كنت بقلش بس...انا اسف بجد
ابتسمت بخجل
_ متعتذرش بس بلاش قلشك ده عشان بيودى فى داهية
ضحك ثم اراخ رأسه على الحائط
_ عجبتك العلبة
نظرت بجانبها إلى العلبة الموضوعة ابتسمت
_ أوى أوى انا اصلاً مخبياها منهم وشايلاها فى اوضتى بجد دى احلى هدية جاتلى ربنا يخليك ليا
ثم شهقت ووضعت يداها على فمها
بينما هو نهض مسرعاً من على الكرسي وقال بلهفة
_ انتى قولتى ايه
_ ها....بقول دى احلى هدية جاتلى
_ لأ لأ اللى بعديها
_ مش فاكرة
_ انتى قولتى ربنا يخليك يا ايوة انا متاكد.... بقولك هى أعراض الصدمة بيبقى شلل مؤقت كدة صح
ضحكت بشدة ثم اغلقت الهاتف ونظرت مرة أخرى للعلبة واغمضت عيناها بشدة تتذكره
_________________________________________
حل الليل وعم الهدوء على القرية استيقظ اكرم شعر بالعطش الشديد نزل للأسفل ليشرب الماء وجد شىء على الأريكة اغمض عينيه وافتحها مرة انها هى نائمة بكل هدوء عكس طبيعتها نظر إليها وجد شعرها خارج حجابها اخفض رأسه سريعاً ولكن لمح ورقة موضوعة على الطاولة امسكها ليراها انها كانت ترسمه هو...هو العزيز على قلبها..لم يكذب ظنه ابتسم بسعادة ولكن لم تدوم... استيقظت حينها وهى تسحب الورقة وتلعنه...وهى غاضبة
_ بتعمل ايه وازاى تاخد حاجتى كدة انت اتج
قاطعها
_ شششش انتى اللى رامياهم هنا وبعدين غطى شعرك
وضعت يداها على شعرها فا اخفته سريعاً
_ وانت بقى واقف من امتى ...شايفنى نايمة قولت تستغل اللحظة و تشوف الورق..وكما
_ اخرسى بقى تعرفى تخرسى شوية....انتى اللى نايمة هنا دى غلطتك انتى مش انا وانا كنت نازل اشرب
قاطعهم تدخل جابر وهو يصرخ لهم
_ جبر يلمك انت وهى....بزيداكم عاد خناج اطلع انت وهى اچهزوا عشان نلحج نسافر...
تحدث اكرم بضيق
_ يوه انت دايما كدة كابسنى
ضربه جابر بالعصا
_ واد انت مش مظبوط لبست الچلابية ومش مظبوط
اطلع يالا عقبال ما اصلى الفچر
_________________________________________
كانت مسترخية على أريكتها تقرأ القرآن ولكن قاطعها هاتفها نظرت له كان هو من يتصل استغربت كثيراً
ردت عليه
_ السلام عليكم
_ وعليكم السلام....اسف لو صحيتك من النوم
ابتسمت له وقالت
_ لأ مفيش مشكلة انا اصلاً صاحية...هو فى حاجة
_ بصراحة لا بس انا عايز اسمع صوتك...مش مصدق ان  خطوبتنا بعد بكرة حاسس اني بحلم
تنحنحت ملك وقالت
_ زين احم....هو انت مش حاسس ان احنا استعجلنا اوى ...انا حاسة انى اخدت قرار غلط
_ لأ ابوس ايدك بلاش عقلك دلوقتي انا مصدقت وافقتى مش هستحمل اى قرار متهور والله
_ طب اسمعنى انت مش فاهمنى ....انا حاسة بالإستعجال....زين انا منفعكش خالص انا عارفة مشاعرك تجاهى وعارفة انت قد ايه بتحبنى وده باين اوى فى طريقتك معايا واسلوبك انت تستاهل حد احسن منى حد يناسبك والحد ده مش انا
قاطعها زين
_ ملك انا عمرى ما هاستغنى عنك ابداً انتى حبى الاول والاخير يحبيبتى انتى اللى تناسبينى وتشرفينى دايماً وحبى ده محدش يستاهلوا غيرك انتى ده حب ٣ سنين
ويشهد عليا الله انا هشيلك فى قلبى وهصونك دايماً وعمرى ما هزعلك ابداً....«فا والله يا حبيبة القلب سأعشقك فوق عشقى عشقاً وسأحفظك فى قلبى يا اجمل من رأت عينى واتمنى من الله أن آخر نفس اتنفسه يكون بجانبك وآخر عين آراها هى عيناكى يا محبوبتى»
ولحظات واستمعوا لصوت العذب وهو يقول
«الله اكبر الله اكبر »
أبتسم مستكملاً
_ اهو إشارة من ربنا روحى استغفرى كدة واتوضى وصلى الفجر وادعيلى وادعى لعقلك ينضج شوية
_ لا إله إلا الله ما انت كنت ماشى كويس...اقفل عشان اروح اتوضى
ضحك على حديثها ذاك
_ سلام
اغلقت الهاتف واغمضت عيناها بشدة وهى تتذكر حديثه
....«فا والله يا حبيبة القلب سأعشقك فوق عشقى عشقاً وسأحفظك فى قلبى يا اجمل من رأت عينى واتمنى من الله أن آخر نفس اتنفسه يكون بجانبك وآخر عين آراها هى عيناكى يا محبوبتى» شعرت بقشعريرة تلامس جسدها...تردده وكأنها تحفظه وتمنت من الله ان يضعها بالطريق الصحيح
_________________________________________
جلس أكرم على المقعد بملل ونظر بالساعة التى بيده ثم صرخ بهم
_ حرام عليكم صحتونى من الفجر عشان نسافر ونوصل بدرى دلوقتي الساعة ٩ الصبح ولسة متحركناش
تحدث جابر وهو يجادله
_ وهو مين اللى آخرنا غير ستك
تحدثت سعاد من خلفهم
_ مش لازم نفطر الأول واعملكوا حاجة ناكلها فى الطريق ولا ايه
تحدث اكرم
_ طب يالا يالا
صعدوا إلى السيارة وجاءت ميار تصعد استوقفها اكرم
رفعت حاجبها له
_ فى ايه
_ اركبى قدام
_ لأ انا هركب مع تيتة وجدو
_ لأ المكان ورا مش هيكفى
_ ازاى يعنى الكنبة بتاخد ٣
_ لأ كنبتنا بتاخد ٢ بس يالا بقى
ثم فتح لها باب السيارة فصعدت وانطلقا
_________________________________________
فى غرفة غريبة إجتمع بها الرؤساء والضباط وعلى رأسهم حسين
تحدث بهدوء
_ العملية هتبقى النهارده استعدوا
تحدث زين برزانة
_ ايه الخطة يا فندم
قام حسين وبدأ يشرح على خريطة موضوعة أمامهم
_ العملية هتقوم هنا عمر ورجالته هيبقوا فى الشرق
وياسين ورجالته فى الغرب اول ما يسلموا الشحنة عمر هايهجم الاول وبعدين ياسين  عصام الراوى مش هيكون موجود ده اخوه ده اللى نعرفه بس احنا اكتشفنا ان عصام هيكون موجود بعيد عن تسليم الشحنة فى البيت ده هيستنى اخوه ويهربه لو حصل اى حاجة احنا هنحط قوة حوالين البيت
ثم وجه نظره لزين
_ وانت يا زين هتبقى تبع رجالة عمر زى ما قولت لك هتتحمل المسؤلية كاملة لو حصل حاجة
هز رأسه موافقاً
_ تمام يا فندم
_ بالتوفيق.....يالا اجهزوا
_________________________________________
مرت ساعات كثيرة وهم فى الطريق
زمجر جابر وتحدث بملل
_ احنا هنوصل امتى
تحدث اكرم
_ لسة بدرى يا جدو الحكاية مش سهلة
_ طب وقف شوية انا تعبت انا وستك
_ ماشى
وقف اكرم امام محطة بنزين
ونزل جابر وسعاد
تحدث اكرم بمزاح
_ اتمشوا هنا ها....عشان لو حد تاه هسيبه وامشى
ثم وجه نظره لسعاد
_ وانتى يا سوسو اوعى يقولك تعالى اوريكى القمر فى النهار وتروحى معاه يختى دى أعراض
ضحكت ميار وسعاد وضرب جابر اكرم على رقبته
وقال بغضب
_ احترم نفسك
ثم رحلوا... وخرج اكرم من السيارة وقال لميار
_ هروح اعمل حاجة متخرجيش برة العربية دى
غاب للحظات ثم جاء ومعه علب العصائر وبعض الحلوى
وقدمها لميار
_ خدى اشربى
تجاهلته ونظرت أمامها
_ خدى بقى متبقيش باردة
_ اهو انت.....انا مش عايزة حاجة منك
جز على أسنانه بغيظ
_ معلش استحملى سيادتك قربنا خدى العصير وكلى يالا
_ لأ
وهنا اشعلت غضبه وانفجر بها
_ اسمعى يا بت انتى هتشربى العصير ده يعنى هتشربيه وكمان هاتكلى انتى من الصبح ماكلتيش ورفضتى الفطار
وبدأتى تدوخى امسكى بقى...بلاش قرف
أمسكت بالعلبة بغضب وفتحتها وشربتها على مرةً واحدة بكل غل... وبدأت تنفسها يزداد وهى تتنفس بغضب لا لم تستطع التحمل اكثر من ذلك صرخت به بغضب
_ بعد كدة انت لو زعقت لى تانى مش هيحصلك كويس سامع يا اكرم و ملكش دعوه بيا ادوخ امرض اموت ملكش دعوه انت مش ولى أمرى واعمل حسابك انا اول ما ارجع هتجوز....هتجوز اللى بيحبنى فعلاً وخايف عليا مش لازم انا اكون بحبه هتجوز محمد
وهنا صعد جابر وسعاد وقبل ان يتحدثوا
انطلق أكرم بسرعة مما صدر صوت عنيف نتيجة احتكاك
إطار عجلة السيارة بالأرض
بعد ساعات اخرى وصلوا أخيراً وذهبوا لمنزل ملك وكان الجميع هناك يستقبلهم ورحبت ملك بجدها وهى تحضنه
_ وحشتني اوى با جدو
_ جلب جدك وحشتونى كلكم....امال فين عريسك
_ بكلمه مش بيرد
ثم جاءت عبير تحضن ميار وتقبلها ثم جاءت ملك وتعانقها بشدة
_ وحشتيني اوى...كنت حاسة انى وحيدة من غيرك
_ وانتى كمان يا حبيبتي بس بعتيلى بلوة تقعد معايا الله يسامحك
تحدث صفاء
_ يالا يا جماعه الغدا جاهز....واعملوا حسابكم انتوا هتباتوا هنا النهارده
_________________________________________
جهز الجميع و بدأ عمر بإلقاء التعليمات على رجاله و ذهبوا إلى مكان وقوفهم منتظرين الإشارة
بعد فترة لمحوا رجال ضخمة آتية ومعهم حقائب ضخمة
وبعد لحظات بدء بالهجوم و تعالت أصوات إطلاق النار
بينهم وكان زين يبحث بنظره على عصام وحينها وجد اخيه يهرب ركض خلفه مسرعاً
صرخ به عمر
_ زين استنى
_ لازم الحقهم هيهربوا
ركض خلفه اخيه وهو يطلق النار عليه ولكن كان يتفداها
ووقفت سيارة بها عصام فتح باب السيارة لأخيه ليركب
وهنا اطلق زين مسدسه واصاب أخيه صرخ عصام بفزع
_ امين
التقط امين انفاسه الأخيرة ثم سقط أرضاً
جاء عمر ليساند زين
وركب عصام سيارته وهو يتحرك سريعاً ويقول
_ هقتلك.....هقتلك يا زين مش هسيب حقى
_________________________________________
_ انت فين يا زين بكلمك مش بترد عليا
_ معلش كنت فى مأمورية انا آسف والله انا عارف ان جدك جاى النهارده بس
_ خلاص مش مهم اهم حاجة انت بخير
ابتسم لها
_ اه الحمدلله
_ الحمدلله.... وبعدين انت كدة كدة هتقابل جدو فا مش لازم النهارده
_ تمام....هعدى عليكى بكرة اوديكى الكوافير
_ تمام
_________________________________________
فى صباح اليوم التالي استيقظ الجميع وذهب ملك وأكرم وزين لتوصيل ملك إلى صالون التجميل
وبدء الجميع يجهزون والأجواء جميعها مليئة بالحيوية والسعادة وجاءت صفاء لميار واحضرت لها فستان ترديه
ولم يخلوا اليوم من مشاكسه اكرم لميار ومشاجرة صفاء ومنار وعبير وحل الليل وجهز الجميع وذهبن للقاعة وهم فى كامل تألقهم
كانت ملك مرتديا فستان لونهُ زهرى رقيق وحجاب بنفس اللون
وكانت تردى ميار فستان باللون الاحمر باكمام طويلة وحجاب ابيض
وارتدت منة فستان ارجوانى ضيق قليلاً عند الصَدر
جاء اكرم من خلف ميار
_ ايه القمر ده فى حلاوة كدة يا جدعان
نظرت ميار امامها بتكبر
_ دى اقل حاجة عندى
_ لأ يا واد واثق من نفسك على طول....لأ بجد ايه القمر ده الفستان الاحمر يجنن عليكى
_ كويس انك قولت لى لما اروح هولع فيه
_ باردة ..... بحبك
نظرت له باستغراب
_ انت بتكلمنى انا
_ لأ بكلم امى....ايوة انتى انا بحبك
_ ماشى...
_ ايه ماشى دى
_ امال اقول ايه يعنى
_ ماشى يا ميار
جاء عز وهو يتحدث
_ فى ايه يا ولاد انتوا بتتخانقوا
قال اكرم
_ لأ بس ك...
قاطعته ميار
_ انا هاقولك يا بابا
وضع اكرم يداه على قلبه بتوجس
_ اصل اكرم كان بيقول انه نفسه يلعب معاك ماتش ملاكمة وعمال يقول انا هفوز وان انا الاقوى
وضع عز يداه على ذقنه ثم قال
_ يوم الجمعة بليل الساعة ٧ فى نادى ال*** هنلعب الماتش ونشوف مين اللى هيكسب انت ولا انا
بلع ريقه بخوف
وقالت ميار
_ اكيد انت يا بابا فى حد عاقل ينافس الكابتن عز بطل الملاكمة فى مصر
_______________________________
كانت تنظر ملك امامها ثم ضحكت بشدة استغرب زين وقال
_ بتضحكى على ايه
_ اصل اول مره اشوف خطوبة سريعه كدة والعرسان ميعرفوش بعض كويس اصلاً اتقابلوا مرتين بس بصراحة الموضوع يضحك
ضحك زين أيضاً
_ تعرفى شكلك حلو اوي النهارده
توقفت عن الضحك ونظرت لعيناه قال لها
_ لأ متوقفيش ضحك عايز اشوف غمازاتك اللى مدوبنى دول.... بحبك
____________#Malak_Mansour___________
خلصنا رايكم يا حلوين ♥️
متنسوش الڤوت