فرصة لآخر العمر

أعطاها باقة من الزهور

ملاك الزين
الفصل التاسع
بسم الله الرحمن الرحيم
______________________________________________
صلوا على النبي 🌹
تفاجئت ملك بذهول
_ انتى....رجعتى امتى من السفر
ضمتها منة بقوة
_من يومين... وحشتيني اوى
ضمتها ملك إليها بقوة أكثر
_وحشتينى....بجد مفتقداكى اوى
ربتت منة على كتفها بحنية
_ بلاش عياط بقى...بصى مين جاى معايا
_My love وحشتيني
كانت هذه منار تتحدث بسعادة وهى تفتح ذراعيها لتضمها
_منورة... وحشتيني اوى اوى..كدة متسأليش عليا
_معلش غصب عني والله...المهم أخيراً اتخطبتى يابت مين اللى وقعك ها...ثم غمزت لها
_ لا إله إلا الله ما تشوفى مامتك يا منة...والله ابوظ الجوازة دى
_ خلاص خلاص...يخربيت اللى يزعلك
_ استاذ معتز...آسفة والله مشوفتكش... حمدالله على السلامه
اخفض رأسه وقال باحترام
_ الله يسلمك يا آنسة ملك
_اتفضلوا اقعدوا يا جماعة
كانت هذه صفاء التى رحبت بهم بشدة
_ أمال فين خالو على
_ طالع هو وباباكى...ماهو اللى جابنا من السفر
كانت هذه منة..ثم نظرت لها بلوم
_ كدة أعرف من امبارح بتعب ميار
_معلش كنت هبلغك وأقطع فرحتكوا وانتوا مسافرين
عن اذنكوا بقى انا رايحة أعمل كيكة
شهقت منار
_ملك داخلة المطبخ لأ وكمان هتعمل كيكة
_لا حول ولا قوة إلا بالله العلي العظيم...بتخرجوا الواحد عن شعوره انا ماشية أحسن
حل الليل وجاء(عبير وعز وعلى وسيد والد ملك وأكرم)
ارتدت ملك فستان باللون الازرق ذلك الذى أحضره زين
وحجاب باللون الأبيض وبه بعض الفراشات الزرقاء الصغيرة
_ الو...زين انت فين
_انا بركن العربية اهو يا حبيبتي
_ الله انت عندك عربية
_ اه.....لأ ده انا اعجبك اوى
ضحكت
_طب يالا احنا مستنين
جاء زين و والدته رحبت عائلة ملك بهم بشدة
تحدثت هادية والدة زين بابتسامة مشرقة
_ انا مبسوطة اوى بجد أن ابنى ناسب ناس زيكوا...مش هتصدقى يا ملك زين بيحبك ازاى ده طول اليوم بيجيب فى سيرتك
_احم بس يا ماما
_ وادبك.....ودايماً يقولى بحبها يا ماما بعشقها يا ماما
تحدث زين باحراج
_ احم ماما خلاص
كانت ملك تضع يداها على وجهها باحراج
_اتفضلوا يا جماعة الغدا جاهز
كانوا يتحدثون ويأكلون بسعادة
_ تسلم ايدك يا ملك
تحدثت بعفوية
_لااااه دى ماما اللى طبخت....انا مبعرفش اطبخ
همسات منار لصفاء
_ الحقى بتك هتفركش الجوازة
_ربنا يستر
تحدث زين
_خالص
_ خالص
تحدث زين لنفسه
_ اه ده لازماً اشوف مستشفى كويسة بقى جمب البيت
تحدث سيد
_ وانت يا زين عندك شقة
_ اه احم...والدى الله يرحمه كان جابلى شقة عشان يأمن بيها مستقبلى
_مش وقته الكلام ده يا سيد
_احم...عمى بعد اذن حضرتك ممكن آخد ملك بعد الغدا ونخرج
_ معنديش مانع بس ساعتين بس وترجع
_ انا جاى معاكوا
كان هذا اكرم
_ليه بقى إن شاء الله
تحدث معه زين بغض..ب
_عشان انت لسة خطيبها مينفعش تخرج معاك لوحدها لما تكتب كتابك اعمل اللى انت عايزه....ولا انت شايف ايه يا بابا
تحدث سيد بهدوء
_كلام أكرم صح
صك زين على أسنانه بغيظ
_كُل يابنى الأكل مش عاجبك ولا ايه
_لا ابداً يا طنط تسلم ايدك الأكل حلو
ثم همس لملك بشتياق
_وحشتينى
ضغطت على قدمه وقالت بحدة وبنفس الهمس
_كُل يا استاذ زين
قال لها بحب بان فى عينيه
_مكنتش اعرف أن غالى عندك للدرجاتى عرفت لما لبستى الفستان
تذكرت حين هاتفها وقال لها ترتدى الفستان الذي أحضره
اكتفت بابتسامة
_وكمنتش اعرف برضوا ان ذوقى حلو اوى كدة
_اه الفستان جميل جداً
_ لأ انا مش قصدى الفستان....قصدى عليك انت يا جميل
احمرت وجنتيها ووضعت يدها على خدها والايد الآخرى على قلبها كان يدق بسرعة
فاقت على صوت الملعقة التى اوقعها أكرم لي يلفت انتباهم
تحدث أكرم بغيرة
_ احم...... مش بتاكل ليه يا استاذ زين
_ ها لا ولا حاجة باكل اهو
_____________________________________________
انتهى الغداء على خير وأخذوا يضحكون و يتحدثون
ولم يخلو الجو من مشاكسه زين لملك ... ومراقبة أكرم لهم وكانت الغيرة تشعلل فى قلبه
تحدثت ملك أخيراً لتقوم من جانب زين
_ احم انا هقوم اجيب الكيكة
_ اوعا ملك بتعمل كيكة....بركاتك يا شيخ زين
تحدث أكرم مازحاً
_ اتفضل الكيكة انا اللى عاملاها بنفسى
كانت توجه حديثها لزين
_ ها ....لا شكراً مش عايز
تحدثت ملك بعند
_...لأ هتاكل منها انا واقفة تعبانة فيها وعملاها مخصوص عشان.......ك....احم
_ماشى
_ ها حلوة
تحدثت بلهفة
_ امممم.....ااه هى حلوة
تحدثت بسعادة
_ بجد.....انا مش مصدقه نفسي
_حيث كدة بقى هانى ندوق
كان هذا اكرم
_ايه ده .....يع دى وحشة اوى
نظر إليه زين بغض.ب
_ وحشة بجد يا أكرم
_ اه وحشة جداً انتى حطيتى بدل السكر ملح.....مش قادر حاسس هيجرالى حاجة
لمعت عيناها وامتلئت بالدموع ثم ذهبت إلى الشرفة لتقف بها
جاء زين ومعه طبق به قطع من الكعك
_ عايز اعرف القمر ده زعلان ليه
_ ها لا أبداً مش زعلانه..هى فعلاً الكيكة وحشة
_ لا طعمها حلو
_ متكدبش عليا
_هكدب عليكى ليه..... بصى عشان اثبتلك انا هاكل الطبق ده كله
وبدأ يأكل ولكنه كان يبلع بصعوبة
اخذت ملك قطعة وتذوقتها
_يع...زين بلاش تاكل دى طعمها وحش هتتعبك
_ لأ ملكيش دعوة عجباني....انتى بس مش فاهمة فى التذوق
أنهى طبقه
_ عملت كدة ليه هى وحشة قول لكن بلاش كدة ممكن تتعب نفسك
_عملت كدة عشانك وعشان بحبك....ملك انا مش عايز اشوف دموعك دى نازلة عشان خاطر حد فى الدنيا .... دموعك دى غالية عندى اوى ومستحملش اشوفها انا لو اطول أجيب لك الدنيا كلها تحت رجليكى.....وعشان ده..(شاور على ضحكتها)
ضحكتك اللى مجننانى دى يا لوكا بعشقها وبدوب فى غمازاتك القمر دى...(وختم حديثه بكل حب)... بحبك يا لوكا
حديثه اثر فيها جعلها سعيدة للغاية لا تعلم لماذا ولكن هى تريد الان معانقته وبشدة
_ بصى انا هروح ماما وهاجى جرى عشان افسحك...تمام يا لوكا
_تمام...خلى بالك من نفسك
_ سلام
دخل عليها أكرم وعانقها من الخلف
_ حبيبة بابا مالها
لوت شفتيها
_ مفيش
أعطاها قبلة رقيقة على وجنتيها
_ آسف..انتى عارفة انى مد.ب آسف والله ملك.... وبعدين انتى عارفه انى مقدرش على زعل بنوتى صح
_ صح
_خلاص بقى صاف يا لبن
_ حليب يا قشطة
_ احلى بنوتة فى الدنيا واحلى دكتوره.....تعرفى انا كنت قاعد هموت من الغيظ
_ ليه
_ بسبب استاذ زين عمال يتغزل فيكى وانتى تتكسفى كنت هقوم اديله فى مناخيره
_ غيران
_طبعاً غيران انتى مش حاسة بى احساسى...... عارفه انا لسة فاكر يوم ولادتك كأنها امبارح مع انى كنت صغير...بس اللى فاكره كويس ملامحك تعرفى انا اول واحد شيلتك بين أيدى كنتى ملاك حرفياً اول ما شوفتك حسيت انك بنتى يا ملك كنت خايف عليكى وبحميكى فاكرة لما الولا اللزج اللى اخد منك كراستك عملت فيه ايه انا فاكر كويس كان عندك ست سنين وانا كنت ١٢ يومها انا نفخته عشان قرب منك....غمضت عينى وفتحتها لقيتك كبرتى وبقى عندك ٢١ سنة وخطوبتك كمان شهرين وهتبعدى عنى احساس صعب اوى مش قادر اتخطاه
كبرتى بسرعة يا موكا

اكمل والدهم حديثه بدخوله وهو يعانقهم
_ ويجى واحد عشان ياخدك مننا وبسهولة فاكرها سايبة.....كبرتى يا ملك اوى وكبرتينى معاكى......انتى مش عارفه أنا كمان غيران ازاى حاسس انى شوية وهلغى الجوازة
اردفت ملك وهى تبكى وتعانقهم بشدة
_طب بس بقى كفاية نكد بدل ما انا اللى ألغى الجوازة
جائها إتصال من زين يقول إنه ينتظرها بالأسفل
______________________________________________
_ملاهى الله أنا بحبها اوى
_ تعالى يا لوكا
كان هذا زين
اخذوا يلهون ويلعبون هنا وهناك وكان دائماً أكرم برفقتهم
احضر لهم زين بعض المثلجات
_ اتفضلى يا لوكا...ايس كريم فراولة
_ انت عرفت منين
_ قولنا مخابرات.....خد يا سيدى ايس كريم الشوكولاته اهو...بالهنا
_ شكراً
وجدت ملك بائع البالونات المضيئه عيناها تعلقت بهم بشدة
لاحظ هذا زين
_ ثانيه واحدة
احضر لها بالون مضيئة وأعطاها لها
_ بجد شكراً شكراً شكراً على البالونة
_ على ايه.....ثم همس لها..لوكا تؤمر وانا انفذ...صحيح الأسورة حلوة اوى عليكى
_ شكراً
_ بتقولوا ايه
_وانت مالك واحد وخطيبته
_ماشى
_ زين تعالى صورنى خد الكاميرا اهي(تلك التى أحضرها لها)
_ لأ انا هصورك
كان هذا اكرم
_ بارد
قال ذلك زين ولكن بصوت منخفض
التقط أكرم بعض الصور لها وكانت رائعة
_ الله دى حلوة اوى تعالى اصورك انت وزين يالا
نظروا لبعضهم بغض.ب ولكن لن يريدوا كسر خاطرها
التقطت صور ولكن كانوا ينظرون لبعض بتحدى وغض.ب
ضحكت ملك بشدة
_ مش قادرة هموت بصوا شكلكوا عامل ازاى....وبس أكرم بيبص ازاى انتوا نكتة
وفجاه أحست بدوخة بسيطة
جاء زين ليسندها لكن منعه أكرم وتحدث بلهفة
_ ملك مالك انتى كويسة
_ اه متقلقش يا أكرم دى دوخة بسيطة
_ طب يالا نروح...هانى ايدك
_ لأ انا هامسكها يا زين و هوصلها روح انت
_يعنى ايه بقى انا مش فاهم انا هروح ها زى ما جبتها....اختك تعبانة
صرخت ملك بهم
_ بس مش وقته خناق انا تعبانة و عايزة اروح
ركبوا الثلاثة السيارة ملك بجانب زين وأكرم فى الخلف
توقف زين بالسيارة
_ ثوانى هجيب حاجة
تأخر لخمس دقائق ثم جاء احضر باقة من الورود من نوع الكاميليا يعرف انها  تعشقه أحضره لها
_ اتفضلى
_ شكراً يا زين بجد تعبتك معايا
_ لاشكر على واجب... اهم حاجة راحتك
ذهبوا إلى المنزل ودخلت ملك إلى غرفتها لكى تستريح
نظرت لباقة الزهور كانت جميله لمحت كارت صغير فتحته
_ الف سلامة عليكى يا لوكا..يارب تكونى سعيدة النهارده وقدرت ابسطك عارف انك بتحبى ورد الكاميليا جبته عشانك ملك خليكى عارفة دايماً انى بحبك وان سعادتك من سعادتى
مكنتش عارف اتكلم بسبب اخوكى الرزل ده....(ضحكت) عارف دلوقتي انك بتضحكى ...تصبحى على خير... بحبك يا لوكا
إمضاء (زين)
جائها إتصال من زين
_ الو
_اطلعى البلكونة
_دلوقتى
_ اه اطلعى يالا انا واقف تحت
ذهبت الى الشرفة
_نعم...عايز ايه
نظر إليها بحب
_ بحبك
اكتفت بابتسامة
_بحبك يا ملك بحبك بحبااااااك
_ انت مجنون الناس
_مش فارقة...انا لو اطول دلوقتي اطلع لكل واحد واقوله انا بحب ملك يا جدعان...بحبك والله العظيم
ضحكت على جنونه
ثم ظهر أكرم من شرفته وهو يشاور لزين
_ روح نام يالا....زمان مامتك قالبة الدنيا
وانتى ادخلى جوة
حدثهم بحدة
قال زين
_اخوكى ده رزل اوى....سلام
______________________________________________
خلصنا رايكم الريتش واقع خالص...وده مزعلنى
يارب الفصل يعجبكم
#Malak_Mansour