حياة بعد التحديث (كامله) لـ خديجة السيد الجزء 2 من "روايه بدون ضمان"

الفصل السابع "الجزء" (1)

فصل بتاريخ : 5/10/2023

#روايه_حياة_بعد التحديث الجزء الثاني
من روايه "بدون ضمان"

⁦✍️⁩#بقلم_خديجه_السيد

الفصل السابع
_________________

ظل الوضع متأرجحًا بين ليان و أيمن، بينما تمسك هو بها ومازال يحتضنها بقوة تجاوز تلك الساعات العصيبة لكن لم تتوقف هي عن بكائها، واقتحم عقلها سيلاً متداخلاً من مشاهد مختلفة لمقتطفات متفرقة من حياتها، السيئه والحزينه.. وخيانتها مع طارق الحقير.. و مشاحنات عنيفة مع زوجها، بعد وقعها في المحظور وجرها لحبائل طارق الخبيثة، و توريطها في مسألة المحادثات التي كانت بينهما وما تبعه من انكشاف المستور وطلاقهما الحتمي، والآن عودتهم الى بعض للمره الثانية.. لكن مع كل ذلك سيظل الأمر يدور حول نقطة واحده العلاقه بينهما ما زالت فاتره .

ازدردت ريقها بانكسار هاتفة بين بكائها المرير

= تعبت، كفاية بقي، يا ريت أموت وأرتاح، خدني يا رب، ارحمني من العذاب ده!

هز رأسه وتنهد بضيق شديد من حالتها وهو يقول بصوت جاد

= ليان كفاية، متقوليش كده، كلنا معاكي وجمبك!

ثم لمعت عيناه بوميض مشرق، متابعًا حديثه

=أنا جمبك ومش هاسيبك، سمعاني يا حبيبتي أنا موجود معاكي

للحظة تسرب صوته الجاد إلى أذنيها فبدا كالترياق لذلك الذي يلتهمها بضراوة، هدأت نسبيًا وانخفضت حدة بكائها الحارقة، ظل يبث في روحها المعذبة كلمات مهدئة حتى خف أنينها المصاحب لصراخها نوعًا ما، و رفض تركها بمفردها و شغل تفكيره حالتها المعذبه تلك وتساءل في نفسه بفضول عن الذي دفعها للوصول إلى الحضيض في مشاعرها، لتعاني بقسوة رافضة التمسك بأقل الآمال لتبقى في حياته.. فهل لهذه الدرجه تعرضت للظلم والمعاناه وهي معه وحتى وان كانت ليس معه
،قبل جبهتها بعمق وهو يردف قائلا

= كفاية عياط لحد كده، عينيكي بقوا كاسات الدم، خلاص يا ليان أهدي عشان خاطري.

تعلقت عيناها به بيأس وحسرة، وقالت بصوت متحشرج

= أيمن علاقتنا مش هترجع في يوم وليله زي الأول، وانت اكيد لسه مش واثق فيا 100% وما تحاولش تنكر ده .

إبتسامة لطيفة شقت على ثغره وهو يقول

= كويس إنك عارفة ده، فيا ريت نكون صُرحة مع بعض! ليان أنا مش عاوزاك تخبي عني حاجة، أقل حاجة بتزعلك حتى ولا تعصبك ولا تضايقك.. خليكي صريحه معايا من الاول وده هيفرق معانا جدآ في علاقتنا وانا كمان نفس الوضع.

هزت رأسها متفهمة طلبه، امتص غضبه قبل أن يسيطر عليه مكملاً بجدية

= خلينا يا ليان واقعيين مع بعض من البدايه عشان نحاول نتجاوز أي حاجه هتحصل وتبوظ علاقتنا إحنا الحمد لله دلوقتي في حاجات كتير عديناها كانت صعبه علينا، طب اقول لك على حاجه على قد ما تعبت من بعدك! بعد طلاقنا بس حاجات كتير رجعتها في حياتي معاكي وحسيت ان انا غلطان فيها.. او زودتها معاكي او ما كنتش جنبك في الوقت ده وانا فعلا قصرت.. وانا شايف أهو الوضع كمان عندك نفس الحكايه وفي تغير حصل.