'တောက်...တောက်'
ဖန်စားပွဲကိုနောက်ဆုံးပေါ် Samsung ဖုန်းစောင်းနဲ့ခေါက်နေလို့ထွက်လာသည့်အသံဖြစ်သည်။
"ဟူး...ပျင်းလို့သေတော့မှာပဲ"
ယွန်းဂီမနက်မိုးလင်းတည်းကပျင်းရိနေတာဖြစ်သည်။ယခင်နေ့တွေကဆိုမိုးလင်းတာနဲ့ ထယ်ယောင်းရဲ့ခိုင်းဖက်လုံးလုံးဖြစ်ပြီး ခိုင်းသမျှလုပ်ပေးရပေမယ့်ခုလိုတော့ပျင်းဖို့မကောင်း။အခုတော့ကျယ်ဝန်းလှတဲ့အိမ်ကြီးထဲမှာသူတစ်ယောက်တည်း။အဘိုးကလည်းပြန်မလာသေး ချစ်ရပါသောတစ်ဦးတည်းသောသူငယ်ချင်းကြီးကလည်း အစ်ကိုဆော့ဂျင်နဲ့တွေ့ပြီးတည်းကသူ့ကိုရှိတယ်တောင်မထင်တော့။ဟူး...ခုချိန်ကမ္ဘာပေါ်မှာအထီးကျန်ဆုံးလူကိုဖော်ပြပါဆိုရင် သူပဲဖြစ်လိမ့်မယ်။
"ပျင်းတယ်...ပျင်းတယ်...ပျင်းတယ်"
"အဒေါ်ကြီးကမုန့်တစ်ခုခုလုပ်ကျွေးရမလား...စားချင်တာရှိလား...ဥက္ကဌလေး"
ပျင်းတယ်ဆိုတာကိုမမောနိုင်မပန်းနိုင် တတွတ်တွတ်ပြောနေတုန်းခြေသံလုံလုံနဲ့အနားရောက်လာတဲ့အိမ်ရဲ့ပင်တိုင်စားဖိုမှူးအဒေါ်ကြီး။
"မရှိပါဘူး"
သူပြန်ပြောတော့ အဒေါ်ကြီးကခေါင်းညိတ်ပြပြီးထွက်သွားသည်။အဒေါ်ကြီးထွက်သွားတော့မှ ခေါင်းထဲရောက်လာတာက မမ။မမLAကပြန်ရောက်တည်းကသူခုထိသွားမတွေ့ရသေး။ပြီးတော့အတည်ပြုစရာကိစ္စကလည်းရှိသေးသည်ဆိုတော့ မမကိုတော့သွားတွေ့မှဖြစ်မည်။
"ခဏ...ကျွန်တော့်ကိုချောကလက်ကိတ်တစ်လုံးလောက်လုပ်ပေးလို့ရမလား..."
"သေချာလှလှလေးလုပ်ပေးပါ့မယ် ဥက္ကဌလေး"
မီးဖိုခန်းထဲရောက်ခါနီးမှ သူလှမ်းပြောတာကိုသေချာမှတ်ပြီးကိတ်လုပ်ဖို့ဝင်သွားတဲ့အဒေါ်ကြီးကိုစောင့်နေတုန်းသူလည်းရေချိုးပြီးပြင်ဆင်ရမည်။ဟိုဟာလေးပြောတာတော့ မမကချောကလက်ကိတ်ကြိုက်တယ်တဲ့။ပြီးတော့ဟိုတစ်ခေါက်ပြောပြသွားတဲ့ သစ်ခွပန်းစည်းလည်းမရမကရှာဝယ်သွားရမယ်။သူ့စိတ်ကိုအတည်ပြုဖို့လိုတယ်။ဟိုညတည်းကကိစ္စကြောင့် သူ့မှာအတွေးတွေများပြီးအိပ်မရတာများခဲ့ပြီးပြီ။ဟိုဟာလေး သိနေလား?မသိဘူးလား?ဆိုတာကလည်းသူ့အတွက်ချိန်ကိုက်ဗုံးလို။လောလောဆယ်တော့ အဲ့ဗုံးထက်သူ့ခံစားချက်အစစ်အမှန်တွေကိုသိဖို့မမဆီအမြန်သွားရမည်။
.
.
.
ထယ်ယောင်းdeadlineအမှီ နေ့တိုင်းကြိုးကြိုးစားစားလုပ်ထားတဲ့ရလဒ်အနေနဲ့ အရုပ်ပေါ်ကမိမိုက်နေတဲ့ဒီဇိုင်းတွေကသက်သေပြနေသည်။အင်ကျီက ဆွယ်တာကိုမှလေးထောင့်ပေါက်အကြီးကြီးတွေ၊သေးသေးလေးတွေနဲ့ဖန်တီးထားတာကြောင့် လုပ်ရတာအရမ်းလက်ဝင်ပြီးသေချာလက်ချုပ်ပါလိုက်ထားရတာဖြစ်သည်။ဘောင်းဘီကတော့အတိုဖြစ်တာကြောင့်သိပ်မခက်ပေမယ့် ဝတ်လိုက်တာနဲ့ချပ်ကပ်ပြီးကွက်တိဖြစ်နေအောင်အသေးစိတ်လုပ်ရသည်။အစထွက်လာတဲ့ရလဒ်ကို လက်လေးပိုက်ကာကြည့်နေတဲ့ထယ်ယောင်းကသဘောအကျကြီးကျကာခုမှသက်ပျင်းချနိုင်တော့သည်။ဒါလေးပြီးဖို့ သူဘယ်လောက်တောင်အားထုတ်ခဲ့ရသလဲ?