قدر مراهقة

الجزء 42

قدر مراهقة
الجزء 42
غسلت وجهي وقعدت ثم نستناه يخرج  منحبش نقابلو حتى نتأكد من شكوكي ونتحرك ونخليه يندم على الي دارو فيا لانو من طبعي نرد ضربتي ومنسكتش عليها حتى ونعرف روحي نموت بعدها ميهمنيش المهم نرد اعتباري ونخلف ضربتي وناس الي غلطت في حقي راح ندمها على كلش ونخليه تذوق من نفس الكاس الي شربتني منو. كي طول مسمعت حتى صوت خرجت ديراكت للكوزينة نروح نبلع شوي لانموت بالشر، فتحت لفريجيدار جبدت قرعة جو وفتحت بديت نشرب هكاك بالواقفة ومن القرعة (هذي الطبيعة الخاسرة فيا تظل ماما تندب عليها وتقولي او عيب بصح بلا فايدة لوكان منشربش منها نموت). بلعقل لا تتخنقي ونحصل فيك، خلعي الحلوف جيت نرد علبه ونحطلو سعدو من بعد تراجعت نسكت خير نلمهملو مليح ونهار نطرطق نهردو. دورت ليه لقيتو رافد باط تاع باتيسري وصاشي فيها كرواصو. حطهم فوق الطابلة وقالي ديرلي قهوة_منعرفش_تتمسخري بيا_لا نحكي من نيتي منعرفش ندير القهوة ولا اي حاجة في الكوزينة حياتي كامل وانا مقضيتها رقاد_هههههه ياربي على لمار الي بليتني بيها فهما خاطيها وفوقها فنيانة _معجبتكش ردني لدار بابا _تحلمي بيها انا نحبك بيك بعيوبك وراني قابلة وبالشوي تتعلمي واحد مازاد متعلم _منتعلم ماتطمع باش تردني خدامة نظل نهنبر عليك والله لا صرات_براحتك ديري الي يريحك _من بكري براحتي لاعود تحسب راح يكون براحتك انت يا ع.._كمليها ونحلفلك سنيم نريبهم_منخافكش _علبالي انت متخافي حتى واحد كمليها برك _روح اخطيني وهاتلي ناكل جعت. نحيتلو لباط وفتحتها لقيت كيكة التفاح الي نحبها كي شفتها ريقي ساح طحت عليها كول كول حتى خلصتها هو غير يشوف فيا متعجب خلعتو انا وراني مشوكية من روحي اليامات هذو شهيتي مفتوحة بزاف ولوكان نلقى كل ساعة نبلع ومنشبعش هذا كامل من الغش تاع مجد كعاد منقدرش نسبو نهرب للماكة نفرغ غشي لا نكلاطي ونطرطق. كولني خير _ ياريت نقدر ناكلك والله منقول لا_اخلايا وش انت تاكل لحم البشر اويلي الحقيني اماما راح يذب. حني وياكلني _مش ناكلك بالمعنى الحقيقي ناكلك بمعنى اخر وبطريقة خلاف _وش من طريقة هذي ووش من معنى باين رايح طيبني وتمضغني وتسرطتي_نو مش هكاك راح نعض ونمشمش ونبوس برك _كيفاه هذي مفهمتش _يجي نهار وتفهمي الحمارة تاعي قال كلامو وغمزني واااه من الحركة هذي فشلني بيه مفقتش بروحي حتى قولتلو عينيك يهبلو وكي زدت غمزت ذوبتني علبالك_لوكان غلبالي بلي غمزة مني تذوبك راني درتها من قبل. حط يدو على خدي وبقا يمشي فيها وانا كي الدابة نخزر في عينيه عجبوني ياووو هبلوني مكرهتش نبوسهم _بوسيهم_كيفاه_ياك ذوك قولتي مكرهتش نبوسهم ام ليك ديري الي تحبي عليه انا كلي ملكك وانت كلك ملكي وحدي. كي قالي هك كي شغل عطاني كف وفيقني من سهوتي ضربتلو يدو الي حطها على خدي وزربت وقفت روحت نجري لشومبرة هذا لوكان نبقى معاه هك والله نضعف قدامو حنانتو بدات تذوبني وياخوفي نطيح فيه لثم يروح كلش فلهوا وتخلى عليا، وش من طيحة ناعل راستك اصلا انت من قلة النوم وليتي تهترفي عليها عجبوك عينيه روحي ترقدي ترتاحي وتلمي افكارك لا تخلاص عليك في مشفى المجانين هذا الكلب مش ساهل لازم تكوني بصحتك باش تردي ضربتك وتنتاقمي منو.
#فريال