قدر مراهقة

الجزء 90

#قدر_مراهقة
الجزء 90
وصلنا لدار رفدني هو وطلعني انا مقولتلو والو حضنتو وقعدت نشم في ريحتو هبلتني وبغيت نبوسو وحشمت منو لا يعود يقولي مكبوتة. حطني في فراشي عاوني بدلت قشي موليتش نحشم منو هو الي موالف يدوشني راحت الحشمة ذوك شفاو الناس الي يقولو الحشمة تروح مع الطفل لول هكاك صراتلي انا. قالي نهبط نجيب الكابة ونجيبلك لغدا ونشري الدوا ونجي. خرج ماطولش ياربي ساعة ورجع وكلني شربلي دوايا كي شافني فشلانة وعيت نتحرك _ ندوشك _ ايه دير فيا مزية والله غير فشلانة عيت نتحرك _ تبالي والفتي الدلال _ ياك ندلل على راجلي وش دخلك انت _ هاه بدينا ثاني بطولة لسانك _ الله غالب هذا الموجود اتحمل واسكت معندك مادير _ هذا واش عطانا ربي الحمدلله على كل حال نصبرو وفرات. رفدني داني دوشت وشيحلي شعري وحطني في فراشي جا رقد من ورايا منعرف منين جبت الجرأة هذي ودرت عندو حضنتو وحطيت راسي في رقبتو هو مدار حتى ردة فعل بقا جامد كي شفتو هكاك بعدت عليه _ علاه بعدتي ارجعي كيما كنتي _ مكلاه نقلقك _ شكون قالك تقلقت منك _ شفتك بقيت جامد محضنتنيش كيما موالف _ خفت نقيسك ومنقدرش نتحكم في روحي نوليو في جاحة خلاف وانت متحبيش _ في واش نوليو _ اسكتي برك ارجعي ارقدي ترتاحي _ لا قولي برك فواش راح نوليو _ لوكان مترقديش ذوك نعريك وندير فيك ڨاع هبالي _ الطبيبة قالت ممنوع وانت عارف مزالني خايفة منك _ علبالي وانا قد مانقدر راني صابر _ بغيت حاجة _ وشنو هي _ نبوسك _ وشنووو _ بوسة برك والله سخفت عليها مش انا بنتك بغات _ ذوك كلش حصليه في بنتي قولي انا بغيت نبوسك مش بنتك _ صاي انسى وش قولت انا الغالطة الي قولتلك _ ارواحي برك مام انا حاب نبوسك قصدي نبوس بنتي شوي ونشبع منها. قبل مانجاوبو لقيت فمو فوق فمي يبوس فيا بواحد الطريقة تخليني نذوب منقدرش نقاومو مانحس بوالو غير وانا حاكة يديا ورا رقبتو ونستمتع بالبوسة. بقا يبوس فيا وانا نحاول نتفاعل معاه بصح مقدرتش منعرفش كي شافني هكاك بعد عليا وناض يضحك شبع عليا ضحك انا تقلقت منو ونضت نبكي منعرف علاه بصح حاساتو يتمسخر بيا _ هاي بدات ثاني تبكي _ اخطيني متزيدش تحكي معايا _ علاه وش درتلك ثاني _ علاه تضحك عليا ياك غير قولتلك تشهيت نبوسك مدرتش حاجة عيب _ هيه صح مدرتيش عيب حلالك بوسي وعضي وديري كلش _ علاه تضحك عليا _ متعرفيش تبوسي _ جامي جربت البوس غير معاك عليها منعرفش _ هكا خير متعرفي والو وانا نعلمك بالشوي حتى تولي محترفة _ خليني نرقد تعبت _ ارواحي ابنتي ارواحي _ منيش بنتك _ منحكيش عليك انت اصلا راكي كبيرة نحكي على صغرونة باباها. رحت رقدت عندو ولا نقولو انا رقدت وهو لا بقيت نشم في رقبتو وهو مزيرني عندو وصوت انفاسو كل مايزيد ويقوى كي شافني غمضت عينيا بعدني عليه وفات لدوش يدوش انا مديتهاش فيه النعاس حاكم فيا غمضت عينيا ودخلت لعالمي الجميل.
#فريال