قدر مراهقة

الجزء 39

#قدر_مراهقة
الجزء 39
حنا هكاك ومسمعو عياط مجد سماااااح ياكلبة جا ديراكت ليها وخنقها مع لحيط_كلبة كيفك تحكي على مرتي هك_علاه انا كذبت _وش راكي تلبزي. راحت يماه جبداتو عليها_وليدي مديرش عليها راك تعرفها فمها خاطيها_فمها خاطيها تخطيني وتخطي مرتي متوصلهاش، نطقت هي منيش نكذب وباين عليها قحبة لوكان جات نظيفة راو توشاها ولدك وزيد بالزيادة كيفاه طفلة صغيرة تتزوج فالسن هذا وفي ظرف شهر باين فيها ان _بنتي اسكتي بزايد ماتشعلي فالنار_خليها تشعل اي باينة الطفلة من الصباح تشطح وتنڨز قول مادخل عليها وزيد رقبتها وصدرها مفيهش حتى طراس وحدة _خلاك ربي غير للتوقاب وعسان الناس لوكان تلهاي بروحك مش خيرتلك ومعندو مدخلك وذا تحكي على ليطراس يالكلبة ياقليلة لحيا اذا نسيتي راني خوك مش صاحبك باش تقوليلي هك و مرتي  متربية وتستر روحها مش كيف شي عباد يديرو لبهادل ويزيدو يشركو فامهم_اذا صح مرتك عفيفة وريلنا النويزات تاعها نشوفوها_تشوفو ز**  وش انا قدامكم طحان حتى تشككو في شرف مرتي وتحبو تتأكدو منو. دخلت خالتو بدات هدي فيه وهذيك مبغات تسكت تعاير وتسب القحبة مدتلو ق***وجاية تتشيكر علينا وفوق هذا كامل السبع تاعك يحب يضربني على جالها. هي تقولو هك وهو يخبطها بكف قدامنا _مش كامل كيفك يمدو نعيهم ويزيدو يضحكو ويقولوها يكل فخر ويروحو للاوتالات ويعيطو لفامي تاعهم باش يجيو ويجبرو الراجل يتزوجهم سمعتي مش كامل قحاب كيفك انت مكفاكش طيحتي بقيمتنا قدام الناس وذوك جاية تعايري مرتي الي هي اشرف منك متلحقيهاش يالوكان بظفرها. دار عندي حكمني من يدي وجرجرنا داني لشومبرة _هيا البسي قشك ولمي حوايجك خلينا نروحو. كي شفتو قلقان لبست حجابي فوق لاغوب ودرت خيكاري بالزربة ولقيت رنيم ديجا لمتلي حوايجي، رفد لفاليزة وحكمني من يدي جا خارج حكماتو يماه تحلل فيه باش يبقى وهو مسنطح محبش يقعد. خرجنا من عندهم ديراكسيوا دارو في ولاية خلاف. جبنا 4سوايع باش لحقنا مع 21 تاع ليل فات شرا لعشا شوي هك ڨارا قدام ابارتومو جاية من هذوك لكبار تاع15طاج وفي كل طاج تلقاي 5ديار ولا كثر باين خدموهم الشناوة لانو تاوعنا عندهم فرد ستيل ميبدلوش. نزلنا هو رفد حوايجو وحوايجي وانا رفدت لعشا فتنا على العساس سلم عليه وباركلو وفتنا طلعنا فالاسانسير لطابق 10.دارو جاية اونفاص للانسانسير تنزلي منو تقابلك بابها كحل كيف زهري باين عليه يموت على الكولار هذي لانو كل قشو كحل وزيد مام لاشومبر تاعو وطوموبيل خص غير يطلي الدار بلكحل وتكمل عليه ههههه. مع دخلة كاين كولوار كبير ومع الجنب تلقاي كوزية فكحل ثاني هههههه كبيرة ومعاها بالكو وفالجيهة ثانية الصالة كبيرة طول تجي قيس زوج شنابر فيها ليفوتاي فلكحل ثاني وطابلة فنص وتليفزيون وبعدها يجيو زوج شنابر فارغين وحدة فيها سرير كبير وطابل دونوي وكوافاز وخزانة ويازهري لمكحل حتى هذو ودراهم كوحل الله يكحل ايامو منعرف وش من سر وراه نعيا ونكتاشفو ونعرف علاه متعلق باللون هذا بزاف ياخوفي يكون الشي الي في راسي صحيح لثم وين تخلا عليا صح، تطوال ولا تقصار راح نعرفو راح نعرفو ولثم عندنا هدرة خلاف.
#فريال