قدر مراهقة

الجزء 83

#قدر_مراهقة
الجزء 83
عيطت لمجد وقولتلو بلي روحنا وائل قالي مليح اصلا راني مطول كنت حانعيطلكم باش تروحو وحدكم _ خلاص او معانا وائل متخافش _ سلميلي عليه قولو فليل نجي ونقصرو غاية _ اوك باي.  كوبيت وقولتلو بلي مجد فليل ويجي اذا تستناه _ ايه معليش اصلا عندي خدمة منا لليل وكي يلحق هو نكون فريتها _ وش من خدمة _ كي نوصلو وتشوفيها. سكت طول طريق وهو يتخنزر في رنيم وهي تترعد مفهمتش وش مخوفها منو وآتاري كانت حاسة بلي جايتها طريحة تاع الموت. وصلنا لدار حنا طلعنا وهو ڨارا اللوطو ماجينا نفتحو الباب وندخلو لقيناه ورانا، خبط الباب تاع برا وخبط رنيم بكف جابها طايحة في لرض انا تصدمت من وش صرا والشي الي راني نشوف فيه. نزل على ركايبو وحكمها من شعرها ويخلخل فيها ويعيط _ وش قولت لر** على لبسة لق** هذي وش قولت ياك حذرتك من قبل وحلفت اذا زدتي عريتي فخاضك ولا صدرك نضربك ولا مقولتش جاااوبي متسكتيش سمعيني صوتك. هو يعيط وهي غير تبكي دموعها ماحبوش يحبسو وهو كي شافها ساكتة ومردتلوش زاد كلب وتقلق _ فوق زبلتك زدتي تسمطي فيا كلبة بصح الغلطة ماشي فيك الغلطة فيا انا الي ساكتلك ويزيدلها كف ثاني انا غير واقفة ونتفرج منقدر ندير والو لوكان ندخل علبالي يضربني وانا مش قادرة حتى نوقف كي لعباد الدوخة تدي فيا وتجيب وكلش فيا يوجع بلا سبة. كي نقولكم قتلها بالضرب منيش نبالغ شوهلها وجها يضرب بلكفوف وبالركل ثاني خدودها مطراسين بيديه شواربها مفلقين بالدم فخاضها زورق يديها ثاني تبان وحدة فاتت على حرب مخلاش فيها عظم صحيح هي غير تبكي مقدرتش تسكت شقتلي قلبي كي شفتو محبش يحبس وخفت يقتلها روحت ليه دزيتو عليها والو حجرة محبش يتحرك عيت وش ندير رحت للكوزينة جبت مقلة ونجي نعطيه لظهر انا قولت صاي راح فيها كي شفتو حبس ومتحركش خلعت مت. دار ليا تخنزر فيا واحد التخنزيرة المقلة طاحت من يدي فت جرية لشومبرتي وسكرت الباب بالمفتاح علبالي لوكان نبقى قدامو يكمل عليا ويفزدلي خليقتي وانا كلش كلش ووجهي الجميل هذا ماعندي نفرط في كلش غير وجهي. سمعت صوتو كي بدا يعيط عليها _ بلعي ر** فمك فوق مادرتيها قد راسك مزالك تبكي كلبة لوكتاه تبقاي هك متتربايش نظل نوصي فيك متتعرياش غطي جسمك وانت حاطة كلامي في ت** وقاعدة عليه، نطقت هي _ والله ماعولت غير كي روحنا لبحر تعريت وكنت ناوية ندير حجاب شرعي وراني شريت حجابات وهاي ميرال شاهدة شريتهم كي خرجت معاها وملي جينا هنا وانا نلبس المستور غير اليوم وين تعريت،  تحكي وتبكي انا غاضتني والله مانتمنالها الشر والضرب الي داتو اليوم يغفرلها كلش طاحت في وائل غيار بزاف ويخدم يدو قبل فمو زهرها معوج. قربت للباب فتحتو وبقيت نطل عليهم وخايفة يشوفني، كي شفتها كيفاه تشهق روحت ليها وحضنتها تخنزرت فيه _ والله ماتحشم ترضاها لختك تدي الضرب هذا كامل _ اذا تعرات كيما هي فتستاهل كثر من هك وانا منقولش كلمة _ نشفيك امالا نهار تتضرب ختك ونشوفو وش دير على جالها _ اذا انت تضربتي منحركش صبعي على جالك نعرفك بلي تاع مشاكل وتتبلاي واكبر مثال هو ذوك ضربتيني بالمقلة متحشميش تضربي خوك كبير عليك _ وانت متحشمش تضرب صاحبتي تستاهل لوكان مابعدتش عليها اني زدتلك ضربة لراس نخليك تفقد الذاكرة _ ياريت نفقد الذاكرة وننسى هاذ الكلبة الي قدامك بصح قلبي الطحان مستحيل ينساها _ ياعمري على الحب لدرجة هذي تحبها علاه مقلتليش من قبل كنا زوجناكم ودرنالكم العرس فرحنا بيكم _ انت مش مليح واحد يحكي معاك تدخصي بزاف وتتجاوزي حدودك متنسايش بلي الي قدامك خوك _ ايه منسيتش بلي خويا ضرب صاحبتي قدامي وحڨرها _ متفكرينيش راني حاكم روحي بالسيف شوفي انت عندي مليح رنييم اخر مرة تخرجي بالشلالڨ هذو لبرا والله ونلقاك بيه غير نحرڨهم عليك وكي تروحي لداركم اني نجيب يما وبابا باش نخطبك طولنا بزاف فلحكاية. قال كلامو ودار خارج رنيم الفرحة باينة من وجها تقول مادات طريحة تاع الموت كلبة ظهرت طايحة فيه طيحة لكلاب ، الي قال الحب اعمى والله ماكذب.
#فريال