تكملة باقي حلقات الجزء الرابع من أنت قلبي

الجزء الرابع /الحلقة ١٢٢

في شقة حازم.
تالا : ماما أنا طالعه أنام.
ندى : ماشي يا تالا اطلعي.
تالا : طيب تصبحي على خير.
ندى : وانتي من أهله.
خارجة تالا من باب الشقة في دخلة حازم.
حازم : ايه يا بنتي رايحه فين؟
تالا : طالعه أنام يا بابا.
حازم : ما تباتي معانا كريم هيبات مع باباه.
تالا : ما أنا عارفه.
حازم : طب باتي انتي وابنك هنا متناموش فوق لوحدكم.
تالا : طيب هقول لكريم.
حازم : ماشي روحي قوليله سيبي أكرم معانا.

في شقة علاء..
كريم : نام شوية يا علاء وهصحيك الفجر.
علاء : خليني صاحي يا كريم.
كريم : طيب براحتك.
علاء : مخلتنيش اكمل كلامي.
كريم : عاوز تقول ايه يا علاء؟
علاء : عاوز اقولك اللي لازمه الصيدلية من الولاد ياخدها واللي لازمه الشقة ياخدها علشان ميتخانفوش مع بعض أنا قولت لهم بس أنا بقولك علشان تبقى مسؤل عن القسمة دي ساكت ليه يا كريم؟
كريم بيلتفت الناحية التانية يمسح دموعه.
علاء : ابقى تعال اسأل عنهم متقولش خلاص مبقاش ليه حد هنا ومتجيش.
كريم وهو بيبكي : ممكن تسكت بقى.
علاء : حاضر.
كريم قرب من علاء.
كريم : أنا مش قصدي يا علاء بس بلاش الكلام دا علشان خاطري بلاش.
علاء : طيب..بس خُدني المسجد.
كريم : خليك هنا.
علاء : عاوز اقعد في المسجد خُدني قبل صلاة الفجر سيبيني هناك وروح.
كريم : هقعد معاك لحد ما تقولي يلا نروح.
علاء : بكرة وديني أزور بابا وماما.
كريم : حاضر.
علاء : معلش بتقل عليك.
كريم : ايه اللي بتقوله دا
أنت أخويا يعني حته مني
ياريت أقدر أخد اللي عندك واحطه في جسمي.
علاء : بعد الشر عليك يا كريم خُد بالك من صحتك علشان ولادك ومراتك بكرة تجوز زين وتفرح بيه وجميلة كمان  خُد بالك منها واهتم بفريدة راعيها يا كريم هي استحملت معاك كتير شيلها في عنيك وخلي بالك من ولاد عمك وبالذات علي معلش أنا عارف إنك زعلان منه بس في النهاية احنا دم واحد والغلط يتصلح طول ما الواحد عايش وفيه نفس ادعي لماما وبابا واعمامك وبنت عمك
وطنط منيرة وطنط ميرفت وادعيلي لما الحقهم متبخلش عليه بالدعاء لاني وقتها هبقى محتاج قوي لـ أي دعوة من حد بيحبني.
كريم انفجر بالبكاء لـ أول مرة.
علاء : بتحبني قوي كدا معقول أنت مبكتش كدا على ماما وبابا أنا مش عاوزك تعيط ولا تزعل
إنا لله وإنا إليه راجعون.
كريم بيمسح دموعه : ونعم بالله..
بس يا علاء خلاص ارتاح دلوقت.
علاء : صحيني قبل الفجر علشان انزل اروح المسجد.
كريم : حاضر.
________
في فيلا كريم.
جميلة بتتقلب مش عارفه تنام.
جميلة : مامي.
فريدة : نعم يا حبيبتي.
جميلة : ممكن تنامي علشان أنا كمان أعرف أنام.
فريدة : حاضر يا جميلة تصبحي على خير.

بعد شوية.. كانت جميلة نامت.
التليفون يرن تقوم بسرعة علشان الصوت ميصحيش جميلة.
في التليفون.. 📞
فريدة : ايوه.. يا كريم أنت لسه منمتش يا حبيبي؟!
كريم : عاملين ايه يا فريدة؟
فريدة : احنا كويسين مال صوتك؟
كريم : ادعي لعلاء كتير يا فريدة.
فريدة : بدعيله في كل وقت يا كريم بس علشان خاطري متعملش في نفسك كدا.
كريم : أنا تعبان قوي محتاج اترمي في حضن حد واقعد اعيط لحد ما ارتاح.
فريدة : ياريت ينفع بس قعادك مع أخوك أهم من الدنيا كلها.
كريم : أخويا يا فريدة أنا مش قادر اشوفه كدا وأنا عارف إن مفيش في ايدي حاجة اعملها ادعيله وخلي جميلة وزين يدعوله ادعيلي كمان بالصبر وإن أقدر أتجاوز المحنه دي حاسس بوجع في قلبي مش قادر اوصفه.
فريدة بتبكي : حاسه بيك يا كريم وعاوزاك تفضل معايا تكلمني وتفضفضلي عن اللي جواك بس قعادك مع علاء دلوقت أهم مني.
كريم : ما هو أنا مش قادر خرجت بسرعة تقدري تقولي هربت علشان أكلمك كنت عاوز الاقي حاجة تشغل عقلي وتفكيري شويه علشان ميحصليش حاجة بس برضو مقدرتش وأنا معاكي إني مفضفضش عن اللي جوايا يمكن الاقي الراحة عندك.
فريدة : اقعد جنب علاء صدقني مهما كان الألم اللي جواك أهون بكتير من حاجة تانية اقعد اتكلم معاه اضحكوا هزروا افتكروا مع بعض ذكريات جميلة كانت ما بينكم فكره بعيلتنا زمان خليه دايمًا مبسوط وأنت معاه متدهوش فرصة يفتكر أي حاجة وحشه.
كريم : ماشي خلي بالك من نفسك وخُدي الدوا بتاعك متنسيش.
فريدة : حاضر بس متشغلش بالك بيه تصبح على خير.
_________
تاني يوم الصبح..
في فيلا آسر.
ملك : ولما حضرتك ملهوف عليها كدا وبتسأل عن أخبارها متروحش ليه تصالحها؟!
مجدي : زينة زعلها وحش قوي يا ملك.
ملك : مفيش ست زعلها وحش كبيرها تخاصم وبس لكن أول ما يتقال لها كلمة حلوة هتنسى الدنيا وما فيها.
مجدي : منك نستفيد تقترحي عليه اصالحها ازاي؟
ملك : هات لها هدية حلوة.
مجدي : زي ايه؟
ملك : أنا معرفش مراتك بتحب ايه أنت اللي تعرف على العموم يعني الستات بتحب الورد والشيكولاته
والكلام الحلو كتر بقى من الحلو ده علشان تقدر تثبتها هههههههه
مجدي : ولا حاجة من دول هتنفع مع زينة.
ملك : خلاص احجز اسبوع في شرم ولا الغردقة في أوتيل كدا يكون كويس واعمل هالها مفاجأة.
مجدي : زينة مش بتاعة مفاجأت دي ممكن تتخانق معايا.
ملك : لا بقى دي زعلها وحش فعلا.. هو سيف جه حقيقي ولا أنا سمعت غلط؟
مجدي : رجعت امبارح أنا ومليكة لاقيناه هنا.
ملك : غريبة مقالش لمليكة يعني أصل لو قالها كانت عرفتنا.
مجدي : عاوز يعمل هالها مفاجأة مع إنها مفاجأة بايخه.
ملك : ليه؟
مجدي : محدش بينزل فجأة كدا من غير ما يعرف مراته دي خضه مش مفاجأة.
ملك : هههههههههههه عندك حق.