تكملة باقي حلقات الجزء الرابع من أنت قلبي

الجزء الرابع /الحلقة ١٢٨

#أنت_قلبي٤
_________
الحلقة ١٢٨

في التليفون.. 📞
هشام : اه دخل هو قاعد عندي جوه فيه حاجة ولا ايه؟
مراد : خليه قاعد عندك يا هشام ميطلعش فوق.
هشام : ايه اللي بتقوله دا يا مراد ازاي يعني هطلعه فوق؟!
مراد : معلش يا هشام أنا آسف بس مضايف اصلا من مجيت الواد ده.
هشام : ليه؟
مراد : مبرتحلوش.
هشام : هو هياخد واجبه ويمشي.
مراد : هجيله اشوفه عاوز ايه.
هشام : خلاص ماشي تيجي بالسلامة.
________
في شقة علاء.
فريدة وجميلة وزين وكريم قاعدين على السفرة وقت الغدا..
جميلة : مامي.
فريدة : عاوزه ايه يا جميلة.
جميلة شاورت لها على والدها..
كان قاعد سرحان..
فريدة : كريم مبتاكلش ليه؟
فاق من سرحانه : هاكل أهو يا فريدة.
زين يقوم : الحمد لله.
الباب يخبط يفتح باب الشقة.
زين : اتفضل يا أنس.
أنس : عمتي في حد تحت بيسأل على عمي كريم.
كان كريم دخل جوه.
زين : مقالكش مين؟
أنس : بيقول اسمه فراس وجاي يعزي.
نظر زين لجميلة اللي اضايقت من نظراته ليها وقامت دخلت جوه لباباها.
كريم كان قاعد على السرير والباب مفتوح..
كريم : في حاجة يا جميلة؟
جميلة : جايه اقعد جنبك.
حاوطها بدراعاته ووضع رأسها على صدره.
جميلة : بابي متزعلش انا عارفه الفراق صعب بس المعلمة قالت لنا إننا لازم نصبر على البلاء وان اجر الصابرين دا كبير قوي عند.. ربنا.
كريم : ونعم بالله.
جميلة : قول إنا لله وإنا إليه راجعون.. اللهم أجرني في مصيبتي واخلفني خير منها.
بكى كريم...
جميلة : متعيطش أنا أول مرة  اشوفك بتعيط.
كريم : وايه المشكلة اني اعيط يا بنتي دا مش ضعف دي مشاعر غصب عننا لازم تخرج بالصورة دي.
جميلة : بابي حضرتك دايمًا بتكون قوي حتى مامي لما بتضايق وتزعل بتهون عليها بحس إن أي حاجة قدامك سهله وبتعدي حتى أصعب المشاكل.
كريم : بيتهيألك يا جميلة مفيش حاجة سهله
أنا إنسان زي كل البشر ممكن أقل حاجة توقعني مش سوبر مان زي ما انتي متخيله.
زين بيخبط..
كريم : تعال يا زين.
زين : بابي الولد اللي اسمه فراس ده واقف تحت جاي يعزي حضرتك أنس بيسأل يطلع؟
كريم : خليه يطلع يا ابني.
زين : حاضر.
كريم : رايحه فين يا جميلة؟
جميلة : هخرج اقعد مع مامي بره.
كريم : طب لو سمحتي هاتيلي الجاكت ده.
جميلة : حاضر.
اخدت الجاكت اللي متعلق على الشماعة :
بابي.. اتفضل.
كريم : متشكر يا حبيبتي.
______
في شقة سيف.
مليكة : سيف... سيف.
سيف كان سرحان : ها يا مليكة عاوزه حاجة؟
مليكة : بسألك أكلت؟
سيف : أكلت يا حبيبتي تسلم ايدك.
اخدت مليكة الأطباق اللي كانت على السفرة ودخلت المطبخ لحقها سيف هناك.
مليكة : عاوز شاي؟
سيف : لأ.
مليكة : مش عاوز تشرب حاجة يعني؟
سيف : لأ بس كنت عاوز اتكلم معاكي في موضوع كدا.
مليكة : موضوع ايه؟
سيف : فيروز عزماني أنا وانتي يوم الجُمعة.
مليكة : اه فهمت.
سيف : فهمتي ايه؟
مليكة : فهمت ايه اللي كان شاغل بالك واحنا بناكل أكيد الموضوع ده وطبعا مش عارف تعمل ايه لو مروحتش طنط فيروز هتزعل ولو روحت طنط هدى هتزعل وهتقول ايش معنى مجاتش عندي.
سيف : طيب ايه الحل؟
مليكة : الحل إنك تتصل بطنط فيروز تعتذر لها وتقولها السبب الحقيقي اللي هيخليك متاخدنيش معاك..
نظر لها سيف بدهشه.
مليكة : ايوه.. زي ما بقولك كدا ولو محرج عادي أنا ممكن اكلمها واقولها مش هينفع يا طنط اجي العزومه أنا آسفة علشان مش عاوزه حد يزعل مني لاني مروحتش عزومة طنط هدى ومش ناويه اروح خالص علشان مسمعش كلام يزعلني فمعلش اعذريني مش هقدر اجي.
سيف : معنى كدا إن لو حد عزمك من اهلي مش هتروحي علشان هدى متزعلش؟!
مليكة : في حل تاني إنك تفهم طنط هدى إننا ليه مبروحش عندها.
سيف : طب ولو جات اعتذرتلك.
مليكة : ما هو حصل يا حبيبي وأنا مشكلتي مش إنها تعتذر أو لأ لإن دا مبيمعنش إنها ترجع تهيني تاني عارف يعني ايه لما تقولك مش عارف تمشي بيتك أكيد فاهم ولما تاخد الكلام دا بجد وتتخانق معايا وتحصل مشكلة هيبقى دا كويس؟!
سيف : خلاص يا مليكة.
مليكة : شوف هتحلها ازاي أنا عن نفسي معنديش مشكلة اروح عند أي حد في العيله عندك ما عدا طنط هدى لو هتتقبل الموضوع ده ومتحصلش مشاكل اوك أنا موافقه.
سيف : لا خليكي قاعدة احسن لا تروحي ولا تيجي.
مليكة : زعلت ليه دلوقت؟
سيف : لازم ازعل يا مليكة لما الاقي العلاقة كدا بينك وبين اخواتي ومش زعل منك أنا عارف إن معاكي حق بس زعلان إن دا يحصل ما بينا.
مليكة : أنا معنديش مشكلة مع أي حد يا سيف وأنت عارف.
سيف بغضب : خلاص يا مليكة فهمت.
مليكة : زعلان ليه دلوق؟ .
سيف : خلاص قولت لك مش زعلان.
وخرج سيف من المطبخ..
شوية وجات مليكة دخلت الحلو للولاد جوه وخرجت قعدت جنب سيف.
مليكة بابتسامة : اتفضل.
سيف : ايه دا؟
مليكة : جيلي.
سيف : مباكلوش وانتي عارف.
مليكة بابتسامة : طب لو قولت لك علشان خاطري؟
نظر لها واخد الطبق.
مليكة : تاكله كله.
سيف : مش هقدر كُلي معايا.
مليكة : خلاص أكلني.
نظر لها بابتسامة : انتي عاوزه ايه بالظبط؟
مليكة : عاوزين نبقى كويسين مع بعض ونبعد عن المشاكل دي اللي يضايقني نبعد عنه وخلاص الكلام دا ليه أنا على فكرة مش ليك علشان بس متتهمنيش اني بحرضك على قطع صلة رحمك بس خرجني خالص من الحوارات دي وطنط فيروز أنا هراضيها
ولو معزومين لوحدنا ممكن نروح عادي بس من غير ما حد يعرف طبعا.
سيف : كلهم معزومين عندها يوم الجُمعة.
مليكة : خلاص كدا بقى مش هينفع اروح
روح أنت والولاد وأنا هاخد يحيى ونقضي اليوم عند بابي في بيتنا قولهم قسمنا نفسنا علشان محدش يزعل وفعلا بابي كان قالي تعالي يوم الجُمعة بس قولت استأذنك الأول.
سيف : خلاص ماشي.. كُلي بقى من ايدي.
مليكة : بس أنا مباكلش الجيلي.
سيف : امال عملاه لمين؟!
مليكة : عملاه للولاد.
سيف : طب أخد معلقة وانتي معلقة.
مليكة بابتسامة : خلاص ماشي.
_________
في شقة علاء..
فراس : أنا لما عرفت زعلت قوي قولت لازم اجي اعزي حضرتك.
كريم : متشكر يا ابني تعبت نفسك.
فراس : لا يا دكتور متقولش كدا تعب ايه بس دا أقل واجب بابا على فكرة كان جاي معايا بس تعب شوية.
كريم : ألف سلامة عليه.
فراس : متشكر.. هو حضرتك تعبان؟
كريم : اه شوية.
فراس : لا ألف سلامة على حضرتك استأذن أنا علشان تستريح.
كريم : ماشي يا حبيبي سعيكم مشكور.
فراس قام وزين قام هو كمان يوصله بعد ما خرج قفل زين باب الشقة.