تكملة باقي حلقات الجزء الرابع من أنت قلبي

الجزء الرابع /الحلقة ١٣١

#أنت_قلبي٤
__________
الحلقة ١٣١
ماهر خارج من الفيلا لمح عربية مراد لكن لسه متحققش منها  شاور لواحد من صحابه اللي كانوا جايين من بعيد.
ماهر : ايه اللي أخرك كدا؟
صاحبه : الطريق كان زحمه.
ماهر : هي مش داخله ولا ايه؟
صاحبه : هي مين؟
ماهر شاور له على اللي واقفه عند عربية مراد بعد ما قفل زجاج العربية وحاول يستخبى.
صاحبه : اه جايه..
بيشاور لها..
الست لمراد : ايه مش داخل جوه ولا ايه
ما ترد عليه أنت روحت فين!؟
شكلك ملكش في الجو بتاعنا أنا ماشيه.

بعد ما دخلوا جوه.. مراد رفع رأسه وأخد نفس عميق.
مراد : كنت هروح في داهيه..
التليفون يرن..
في التليفون.. 📞
مراد بغضب وانفعال : مجتش ليه يا زياد أنت مستني ايه؟
زياد : أنت واقف عندك بتعمل ايه.. امشي بسرعة قبل ما يشوفك والخطه كلها تبوظ.
مراد : امشي اروح فين ما تيجو يلا.
زياد : مش عاوز اغلط فيك واقول إنك غبي مبتفهمش.
مراد : لا يا عم شكرًا كتر خيرك هو أنت كدا مقولتش يعني؟!
زياد : اتحرك من عندك يا مراد ابوس دماغك متبوظش شغلنا بقى.
مراد : حاضر بس قولي جايين امتى؟
زياد : يا ابني افهم أنت مش قولت كلهم بيتجمعوا الساعة عشرة؟
مراد : حصل.. أنا قولت كدا فعلا.
زياد : طيب يا حبيبي امشي غور من عندك وسيبنا نشوف شغلنا مستنين لما الحبايب كلهم يتجمعوا علشان نكبس عليهم مرة واحدة.
مراد : مش عارف ليه يا زياد مبثقش فيك ومش مصدق إنك ظابط شرطة اصلا.
زياد : بطل رغي يا مراد واتحرك من عندك والا هحبسك.
مراد : حاضر همشي بس اوعى اتحرك من هنا متجيش تقبض عليهم.
زياد : اقفل يا مراد.. اقفل ومتتصلش بيه.
وقفل زياد مع مراد..
مراد : اما امشي من هنا علشان حضرته بيتقمص.
ويدوس مراد بنزين ويمشي.
_______
في فيلا كريم.
فريدة : جميلة هاتيلي الملح نسيت احط على البيض.
جميلة : حاضر.
دخلت اخدت الملح وجات : اتفضلي.
فريدة : يا سلام!
ومالك كدا بتقوليها من غير نفس؟!
جميلة : زهقانه.
فريدة بتنهيدة : هو انتي يا بنتي على طول زهقانه؟!
جميلة : مامي هو ممكن حد يحب حد مبيحبوش؟
فريدة : ايش معنى؟
جميلة : ايش معنى ايه؟
فريدة : ايش معنى بتسألي السؤال ده؟
جميلة : أنا بسأل حضرتك فسألتيني ومجاوبتيش على سؤالي.
فريدة : انتي كلامك ملخبط ليه يا جميلة؟
جميلة وهي مترددة : أصل أنا... أصل أنا..
فريدة : أصلك ايه هتفضلي تكرريها كدا كتير ما تتكلمي يا بنتي.
جميلة : أصل أنا حسيت اني بحب حد والحد ده كنت مفكره إنه بيحبني وبعدين عرفت إنه خطب هو ممكن يكون بيحبني وخطب برضو في نفس الوقت؟
فريدة : لا استني واحدة واحدة كدا علشان أفهم
بتقولي حبيبتي واحد.. صح؟
جميلة : اه.
فريدة : مين بقى حد نعرفه؟
جميلة : ممكن احتفظ بالإجابة دي لنفسي؟
فريدة : طب لما انتي مش عاوزه تبقي صريحه معايا جايه تسأليني ليه؟
جميلة : مش مهم هو مين يا مامي.
فريدة : حاضر يا جميلة مع إنه مهم بس ماشي الحد دا بقى طالما خطب يبقى ازاي كان بيحبك؟
جميلة : معرفش هو ممكن يكون مجبر على الخطوبة دي؟
فريدة : انسيه يا حبيبتي انتي دلوقت مش هتكوني قادرة تتأكدي من مشاعرك هتلاقي نفسك مشاعرك متلخبطه متتعلقيش  بحد في السن ده.
جميلة : مامي كل البنات صحابي بيحبوا زمايلنا في المدرسة ومن بره المدرسة كمان أنا بشوف ان دا غلط لانهم هما الاتنين صغيرين لكن....
وسكتت جميلة.
فريدة : تقصدي اللي حبتيه دا أكبر منك يعني إنسان ناضج فاهم هو بيعمل ايه.. صح؟
جميلة : أنا فهمت حضرتك عاوزه تقولي إيه.. بس أنا حبيته هو ليه محبنيش؟
وتبكي جميلة..
قامت فريدة اخدتها في حضنها : حبيبتي مش كل اللي بنحبهم لازم يحبونا بس المهم لما نعرف كدا نبعد علشان منتوجع وانتي لسه صغيرة متدخليش في الدايرة دي في السن ده انتي عندك حاجات أهم دلوقت لازم تركزي فيها انتي في تانية والسنة الجايه هتكوني في تالته دي سنة مهمه قوي عاوزه مذاكرة وتركيز علشان نفرح ونفرح بابي  مش كدا ولا ايه؟
جميلة : حاضر بس سؤال أخير.
فريدة : اسألي يا حبيبتي؟
جميلة : هو أنا ممكن انساه بعد قد إيه؟
فريدة : هتنسي مع الأيام وهتبقى مجرد ذكرى.
جميلة : يعني هنسى مشاعري دي وهبطل أحبه؟
فريدة : اه يا حبيبتي.
جميلة : طب سؤال كمان.
فريدة : انتي قبل كدا قولتي إن دا أخر سؤال.
جميلة : سؤال واحد بس يا مامي علشان خاطري.
فريدة : اسألي يا جميلة.
جميلة : هو حضرتك يعني حصلك كدا قبل كدا؟
فريدة : ايه!
جميلة : خلاص بلاش كإني مقولتش حاجة تصبحي على خير.
وطلعت جميلة فوق.
سرحت فريدة شوية وافتكرت إيهاب (لإنه كان أول حد حبته لكن ملقتش نفسها افتكرت له أي حاجة حلوة كلها ذكريات وحشه زي الصور اللي لاقاها كريم وزواجه من رحمة أختها ومحاولاته إنه يوقع بينها وبين أي حد تعرفه).
كريم جه من بره وهي سرحانه.. قرب منها وهو بيقولها : سلام عليكم.
طبطب على كتفها.. صرخت من المفاجأة.
كريم : ايه يا فريدة مالك حصل ايه أنا كريم.
فريدة : ايه يا كريم مش تقول حاجة وأنت داخل؟!
كريم : ما أنا عمال أقول سلام عليكم.. مردتيش بخبط على كتفه صرختي في وشي.
فريدة : معلش كنت سرحانه شوية.
كريم بيقعد يستريح : امال فين الولاد؟
فريدة : فوق.. اغسل ايدك وتعال علشان تاكل.
كريم : الولاد أكلوا؟
فريدة : اه بس أنا مكانش ليه نفس قولت أكل دلوقت بقى علشان أنام.
كريم : طيب هطلع اغير هدومي الأول واجي.
فريدة : ماشي.
______
في شقة مجدي.
مجدي : يعني ايه يا انكل الكلام ده هي المشكلة كانت في إن حضرتها بس تعتذر لي ولا تيجي تبوس دماغ زينة أنا مش موافق على الكلام ده.
هشام : اسمع يا مجدي احنا كنا رايحين على اساس إننا نهددها وفي نفس الوقت الأستاذ مجدي هيمشي في الإجراءات القانونية عادي لكن اللي حصل إن والدتها تعبت بسبب الحوار ده وقعدت تتحايل علينا إننا نتصالح بمعنى هي هتتنازل طبعا عن المحضر دا شيء مفروغ منه ملوش علاقة خالص إننا احنا نتنازل أو لأ لكن هي اترجتنا نسامحها علشان خاطر ابنها وسمعتهم وإنها ست كبيرة ممكن يجرا لها حاجة وكل الكلام ده واحنا اتعاطفنا معاها وحسينا إن كفاية تعترف قدام الكل إنها غلطت وإنك برئ وتيجي تعتذر لك هنا وتبوس دماغ زينة كمان وتعتذر لها عاوز تسامح وقتها بقى أنت حر.
مجدي : وحقي يضيع كدا يا انكل؟!
هشام : مضاعش يا ابني ما أنا قولتلك هتتنازل وتعتذر وتبرأك قدام مراتك.
زينة جايه بالقهوة : خلاص يا مجدي سامحها بقى.
نظر لها مجدي بدهشه.
زينة : الواحد مبيحبش أذية حد وطالما هي اعترفت بغلطها وهتعتذر دا كفاية وكمان كفاية شكلها قدام أهلها بعد ما عرفوا الحقيقة.
مجدي : انتي بتقولي ايه وهي دي بيحوق فيها أي حاجة؟!
هشام : لأ حصل وكانت مش قادرة ترفع عينها في عين أمها أنا عارف إن اللي عملته صعب بس المهم إننا لحقنا الموضوع قبل ما المشكلة تكبر.
مجدي : وحضرتك يا عمي لو مكنتش صدقت وزينة سابت البيت ومشيت وصممت على الطلاق وبيتي اتخرب كان هيفيدني بـ ايه بقى اعتذارها ليه؟
هشام : واهو محصلش يبقى تقبل اعتذارها وتروح لحال سبيلها.
مجدي : اوك تيجي تعتذر وتعمل كل اللي احنا عاوزينه دا بس علشان يترد لي اعتباري لكن من جوايا أنا مش مسامحها صحيح مش هسجنها ولا اضرها علشان ابنها ووالدتها لكن مش مسامح يا انكل.
هشام : دي حاجة بقى أنت حر فيها محدش يقدر يضغط عليك فيها استأذن أنا بقى.
مجدي : ما حضرتك قاعد  منورنا.
هشام : عاوز اروح استريح دماغي خلاص استوت أنا في الحوار دا من الصبح باباك سابني وخلع وقال لي روح لوحدك.
مجدي : اه ما أنا كنت عند بابي النهاردا في الشركة بعد ما رجع من عند الست دي وقالي على كل حاجة وبصراحة اتعصبت جامد وزعقت وسيبته كدا معرفش شكله كان تعبان.
هشام : اتصل اطمن عليه متزعلش باباك منك هو بيحبك وعاوز مصلحتك واحنا لو شايفين إن الحل دا مش كافي ومش هيرد لك اعتبارك ويحفظ بيتك احنا مكناش وافقنا عليه.
مجدي : تمام يا انكل متشكر لحضرتك تعبينك معانا.
هشام : لا يا حبيبي أنا مروحتش وعملت كل ده علشان سواد عيونك أنا عملت دا علشان خاطر بنتي.
زينة بتقرب من والدها فيضمها ليه.
مجدي بابتسامة : وأنا مش زعلان يا انكل بالعكس بس أهم حاجة زينة تكون مصدقه.
هشام : معقول بعد كل دا لسه مش مصدقه؟!
زينة : ما بلاش يا مجدي... ها بلاش أحسن.
هشام : هههههههههههه طب اسيبكم بقى تتفاهموا مع بعض.. سلام عليكم.
يرددوا : وعليكم السلام.
بيوصل مجدي هشام لحد الباب ويرجع.
مجدي : تعالي هنا رايحه فين؟
ويمسك ايدها..
زينة : آي.. سيب ايدي.
مجدي : معناه ايه بقى الكلام اللي قولتيه قبل ما باباكي يمشي ده؟
زينة : مقصدش حاجة أنت فهمت ايه؟
مجدي : بلاش إيه.. كنتي عاوزه تقولي حاجة.. صح؟
زينة : لأ.
مجدي : طب ينفع أقول أنا؟
زينة : اتفضل قول.
مجدي : بحبك.. بحبك.. بحبااااااك.
زينة : اششششش وطي صوتك رهف نايمه
ههههههههههههه هتصحي اللي في البيت ويقولوا مجنون.
مجدي : مجنون مجنون ولا يهمني المهم إني بحبك.
زينة : طيب.
مجدي : طيب ايه؟
زينة : طيب وخلاص.
مجدي : هههههههههههه مكسوفة ههههههه
بس زي القمر وانتي كدا.
زينة : اه بس خُد بالك لو  عينك زاغت كدا ولا كدا هحط صوابعي دول فيهم.
مسك صباع صباع قبله.
مجدي : بقى في حد يبقى معاه القمر ده ويبص بره برضو.
زينة : اه فيه.
مجدي : هههههههههههه ما خلاص بقى.
زينة : سامحنا خلاص بس تبقى أخر مرة.
مجدي : أخر مرة يا ميس مش هتتكرر تاني.
زينة : هههههههههههه خلاص عفونا عنك.
______
في شقة سيف...
مليكة تيجي تنام على السرير من التعب..
مليكة : سيف ابقى شيل الأطباق اللي على السفرة دخلهم المطبخ بس علشان مش قادرة هموت وأنام.
سيف : حاضر يا حبيبتي بس انتي أكلتي؟
مليكة : اه.. اطفي النور ده.
سيف : طيب بقولك ايه؟
مليكة : سيف اجل أي كلام للصبح مش قادرة.
سيف : كدا. طيب.
وخرج سيف للولاد.
حلا : بابي مامي فين؟
سيف : نامت.
يوسف : يحيى نايم؟
سيف : ايوه.. خلصتوا أكل؟
حلا : اه أنا خلصت.
يوسف : الحمد لله.
سيف : طب ادخلوا اغسلوا ايدكم واسنانكم يلا علشان تناموا.
يوسف : هتخرجنا يوم الجُمعة؟
سيف : حاضر.
حلا : هنروح فين؟
سيف : أنتم عاوزين تروحوا فين؟
يوسف : عند جدو لأ.
سيف : ليه؟
يوسف : كدا مش عاوز اروح هناك.
ودخل يوسف جوه
سيف واقف يفكر ليه يوسف مش عاوز يروح عند جده مع إنه هو اللي بيطلب دايمًا يروح هناك.
حلا : بابي.
سيف : نعم يا لولي.
حلا : ارفعلي الكم ده.
سيف : حاضر.
حلا : ودا كمان.
سيف : طيب على مهلك هعمله حاضر.
حلا : يوسف اخرج بقى.
يوسف : طيب استني.
سيف : تعالي جوه.
حلا : مامي نايمه.
سيف : هندخل بشويش من غير ما تحس بينا.
حلا : هههههههههههه ماشي يلا.
________
في شقة معتز.
معتز : مالك يا هدى؟
هدى : زهقانه شوية.
معتز : زهقانه من إيه ما هو لازم يكون في سبب.
هدى : ما أنت زعلان ومكتئب بقالك كام يوم سألت زعلان من إيه؟!
معتز بحزن : لأ علشان انتي عارفه السبب.
هدى : طيب يبقى خلاص كل واحد يكون في حاله أحسن.
معتز : ايه الكلام دا يا هدى ازاي يعني كل واحد يكون في حاله؟!
هدى : معتز أنا مخنوقه قوي كان نفسي يكون عندي عزوة ولاد وبنات كتير أفرح بيهم أنا عيشت طول عمري وحيده وحتى لما بابا اتجوز وبقى عندي ماما وبدأت احبها ماتت ورجعت يتيمه من تاني وبدأت أحس بالوحده واخواتي بقى كل واحد عايش حياته ولما بتجمع وسطهم مبحسش بالالفه معرفش علشان هما أخوات مع بعض وانا يعتبر البنت الغريبة اللي وسطيهم اللي أمهم اتجوزت أبوهم ولا دا احساس جوايا ملوش أي سبب حتى سيف مش مرتبط بجد مننا لا من اخواته من الأم ولا قريب مني أنا اللي يعتبر أقرب ليه منهم.
معتز : أولا يا حبيبتي كدا تفكيرك غلط طنط نادين مكانتش مرات أب ولا باباكي كان زوج أم بالنسبة لهم ولا أنتم حتى مع بعض كان في حاجة اسمها دا أخويا من الأب ولا دول أخوات من الأم ولا كل الحاجات اللي عماله تقوليها دي دا احساس واصلك بس علشان في حاجة مضايقكي مش أكتر
وطبيعي يبقى لكل واحد حياته امال انتي مفكره إيه واحدة ولا واحد هيتجوز ويبقى له أسرة زوجة وأولاد هيكون فاضي بقى كل يوم رايح جاي على أخته ولا هتكون هي فاضيه لـ أختها!
المهم صلة الرحم متتقطعش ويكون في مودة كل فترة عارفه يا هدى في حاجتين بيعكروا العلاقات بين الأخوات
الجواز والميراث
ودا مش موجود عندكم
كل واحدة اخدت حقها أو اتراضيتم بينكم وبين بعض ومحدش اتجوز من التاني يعني مفيش داعي نزعل من بعض..
هدى : بس أنا أوقات بغير من حب واهتمام سيف بمراته ومبحسش بالحب دا ناحيتي.
معتز : غلطانه علشان هو مش هيحبك زيها ولا هيحب مراته زيك أنتم الاتنين حب مختلف زي ما انتي بتحبيني مش زي اخوكي هل هو بقى له حق يزعل؟!
هدى : بس سيف أصلا مبيحبنيش.
معتز : ازاي بقى هو في أخ مبيحبش أخته انتي بس اللي سقف توقعاتك أكبر بكتير من الواقع عاوزاه يكون عندك كل يوم زي ما بيروح بيته كل يوم..
هدى : لأ.
معتز : انتي بتحبي سيف بس بلاش حبك ليه يتحول كره لمراته زي ما مش مطلوب منك تحبيها
بس تكرميها وترحبي بيها لو جات عندك اكرامًا لـ اخوكي متأذهاش علشان دي اذيه ليه هو كمان فهمتيني يا هدى؟
هدى : فهمتك بس اخواتي بدأوا يعاتبوني و يزعلوا مني بسببها.
معتز : مش بسببها دا علشان هما شايفين إنك بتعامليها وحش مش معقول هما كلهم غلط وانتي لوحدك صح حاولي يا حبيبتي تهدي شوية علشان اخوكي ميبعدش عنك مهما كان برضو ملكوش غير بعض.
هدى : وأنت بقى هتفضل قاعد كدا مكتئب وحزين؟
معتز : غصب عني يا هدى علاء مكانش بس أبو ولاد أختي أنا أعرف علاء من واحنا قد كدا كنا بنلعب سوا بنروح المدرسة مع بعض فصل واحد وكلية واحدة كبرنا مع بعض سنة بسنة فراقه وجعني قوي وسبب لي فراغ فظيع دا غير إنه قلب عليه المواجع منستش شهد بس قلبي اتوجع قوي عليه هو كمان.
هدى : معلش كل حاجة في أولها كدا صعبه بس مع الوقت بتعدي والحياه بتستمر.
_______
مراد جاي من بره بيفتح البوابة.
هشام بيلتفت : مراد!
مراد : سلام عليكم.
هشام : وعليكم السلام.
مراد : لسه جاي ولا ايه؟
هشام : اه.. أنت كنت فين؟
مراد : كنت في مشوار كدا ومستني الاخبار السعيدة ادعي إن المكالمة اللي هتجيلي بعد شوية دي تفرحني.
هشام بابتسامة : هدعيلك حاضر بس خير يعني؟
________
في فيلا ماهر..
ماهر : هههههههههههه أنت تجيب اللي قولت لك عليه وملكش دعوة.
الجنايني : سلامة النظر يا بيه الحاجة اللي طلبتها اهي قدامك.
ماهر : ايه دا أنا مش شايفها.
صاحبه : هههههههههههه جرا لك إيه هي دماغك ضاعت ولا ايه يا ماهر؟
ههههههههههههه
صاحبه التاني : طب ما تقوم ندور له عليها
ههههههههههههه
ماهر : شكلكم أنتم اللي اتسطلتوا امال فين الحلويات بتاعتنا؟
صاحب تالت : عاملين إجتماع سري هناك اهو هههههه
صاحبه الرابع : دا في راجل وسطيهم هههههههه يا بخته.
صاحبه الخامس : ويا بخته ليه ما احنا نلم بعضينا ونروح نهيص معاهم.
واحد تاني : خلاص يلا بينا هههههههه