Collide

Chapter 14

"I'll get the keys," Ang sabi nya lang.

Nang bumalik sya ay dala nya na ang isang plastic kung saan naka lagay ang mga niluto nya na naka plastic rin individually. Kinuha ko iyon from him, then sabay kaming tumayo sa harap ng elevator.

Sa fourth-floor parking kami bumaba.

"How many of your cars are here?" Curious na tanong ko. Nakita ko na 'yung Ford ang gagamitin namin dahil iyon ang susi na hawak nya.

"Just two. Ito lang naman ang mga sasakyan ko. Hindi practical na bumili ako ng marami when I only need two." Kibit balikat na sabi nya. He opened the shotgun seat's door for me. Kunwari ay hindi ako affected pero parang gusto ko tumili.

What a life. Ngayon pa lang iniisip ko na agad na ganito pakiramdam maging girlfriend ni Kade Montes. Sadly, I am only experiencing a taste because he's like that with his employees, or should I say, his assistants. Tanggap ko naman iyon.

"Uhm, ilalagay ko ba address ko?"

"Nope, no need." He started the engine.

"Uh, sige, ituturo ko na lang ang daan."

Lumingon sya sa akin. "Caitlyn, I know where you live. Just... let me do the driving."

Nangunot ang noo ko. "What? Paano?"

"Personnel file,"

That shut me up hanggang makalabas na kami sa premise ng building.

Alam na alam nya ang daan. Kinilig ako knowing na alam nya kung saan ako naka tira kahit wala namang meaning iyon. I mean, oo, nasa personnel file. Pero kabisado nya ba lahat ng address ng mga employee nya? Siguro, kaming mga assistants nya.

Ah, whatever!

Bitin ang byahe. Before I knew it, papasok na sa main entrance ng Saffron Tower II ang sasakyan ni Kade. Hindi ko tuloy alam ano ang sasabihin.

"We're here," He announced as if hindi ko naman nakikita.

"Uh, t-thank you. And sorry ulit for the trouble kanina." Mahigpit ang hawak ko sa plastic na naglalaman ng mga pagkain na niluto nya.

"No, I should be the one thanking you. It's a thank you dinner, remember?" He grinned.

I smiled. "Yep. Okay. Take care, Sir."

"Thank you, Caitlyn. Take care as well."

Alas kwatro pa lang ng madaling araw ay nasa Neonova na ako para tumulong at mag assist sa mga nagse-set ng finishing details para sa birthday party ni Kade. The event hall can hold up to five hundred people at kulang kulang na ganoon ang bilang ng mga invited.

Si Mrs. Montes ang namahala sa guest list. Parties like this are still all about business. Mga who's who sa industry ang nasa list pati na mga politicians, celebrities at syempre pa, mga naka deal na nila. Kaya alam ko na invited si Theo at ang papa nya. He told me a few days ago nang magkausap kami na pupunta raw sila.

Since dinner time naman ang party, nang matapos na ang lahat ng preparations before lunch time ay umakyat na ako sa office. I finished everything dahil gusto ko na umidlip sandali pag umuwi na ako. Theo will pick me up. Hindi raw sya sasabay sa daddy nya. Late na raw makaka punta ang daddy nya dahil galing pa raw sa Japan at sa party na dididretso from the airport.

Whenever I hear things like that, namamangha pa rin ako sa way ng mga mayayaman. That's when you'll truly realize that most problems can be solved kapag may pera ka. Minsan magiging kalaban mo lang ang oras sa mga bagay bagay but if you have money, there will be less problem.