بقلم هوس ريجا
كي كملت الربعين ماما راحت وعجوزتي راحت بقيت غير معاهم ملي نوض وانا معاهم نرقد هذا ينوض هذا نرضع هذا يبكي هذا لولاد شوي اما هذيك شيبتلي راسي نهار كامل وانا هازتها وندور نرضعها وتشبع بصح تبكي ماعلباليش علاه واش تحوس العشية دخل لقاني في حالة رحت رميتهالو هاك حكمها لا نرمي روحي من البالكو دخلت الشمبرة رميت روحي على السرير صوتها يصرع هزيت المخدة وحطيتها على راسي بقا يسكت ماحبتش تسكت بقا معاها وانا رقدت فطنت على صوت لولاد يبكو نضت رضعتهم رجعو رقدو انتبهت الطفلة مكانش خرجت لقيتو مكانش فالدار حليت الباب شفت محمد يلعب عيطتلو طلع عندي ماما وراهي رتولة _عند مم محمد فريدة يعيطلها مَمَ وانا ماما هبطت التحت سمعت صوتهم فالصالو دخلت لقيتهم قاعدين وهي هازتها غير شافتني ناضت حطتها في حجرو وهذيك تفحم شفت معاه لاه جبتها هنا تخنزر فيا رحيل رحت خطفتها من حجرو وخرجت طلعت الفوق علبالي زودتها بصح خايفة على ضنايا حابتهم في حظني ماحبتش تسكت فحمت عذبتني وصلت لحافة الانهيار بسبابها مافهمتش واشبيها مالقيت مانديرلها حتى خفت منها ديتها وهبطت لقيتو خرج خرجت هي من الشمبرة واشبيها رتولة ،مانعرف ماحبتش تسكت _هاتي نشوف غير هزتها ودارتها في حظنها سكتت بقيت نشوف معاها مصدومة بقات تدوح فيها حتى رقدت عطتهالي جبتها وطلعت حيرانة واش دارتلها هذه حتى سكتت هكذا حطيتها ورحت نجري استغليت الوقت درت دوش وفت درت عشا خفيف كليت ورحت لشمبرة لقيتها مزال راقدة هذه اول مرة ترقد هكذا مرتاحة شفت مع الكوافاز عندي بزاف ماستكيتش روحي لتيت مع الحمل لولاد وهملت روحي حسيت روحي كبرت 20سنة لقدام قعدت قدام الكوافار سرحت شعري مكيجت درت بوردو لفمي رحت لخزانة بقيت نحوس لقيت بيستي مع جيب تاعو لنص الفخذ فالڨرونا لبستهم عطرت روحي وقعدت نستنى حتى سمعت صوت الباب تحل نضت خرجت لقيتو هو شاف معايا من الفوق التحت ماهذا الجمال ضحكت رحت عندو حظنتو وحاوطتو بيديا بستو توحشتك حط يديه تحت ظهري وغلق عليا توحشتني الحلوى درتلو براسي ايه هزني عندو وانا وحشي ليك كبير لدرجة مانقدرش نعبر عليه بالفم لازم الفعل دخلنا لشمبرة شاف مع لولاد وهذه كيفاه رقدت اليوم ،ماعرف معجزة _ملا انستغلو الوقت ونحو شوية وحش درتلو براسي ايه فاتت ساعة ناضت تبكي نضت جبتها رضعتها ماحبتش تسكت هو دار المخمدة على راسو رحت عندو نحيت المخدة انت حاب ترقد وانا نبقى نعاني وحدي ،دار عندي حبيبي نديرو حل شباب ،واشنو هو _روحي اخرجي انتي للكولوار دوري بيها ساعتين وانا نرقد كي تفوت ساعتين تاعك رواحي ارقدي شوية وانا نهزها شفت معاه ايه اك خرجت بقيت ندور بيها رايحة جاية ماحبتش تسكت والنعاس يدي فيا ويجيب كملت الساعتين تاعي رحت عطيتهالو داها وخرج وانا رقدت جبنا ليل كل هكذا واذا رقدت نص ساعة وتفطن شيبتنا لصباح باه رقدت شوية ناضو خاوتها رضعتهم ورجعو رقدو انا رحت نجري درت الغدا كليت ورحت نجري لدوش كلش تاعي بالجرية غير نلقا دقايق راحة نستغلهم سمعت صوتها تبكي فحمت ضربة وحدة شوية صوتها مكانش لبست الكاب وخرجت نجري قلت واقيلا كاش ما صرالها دخلت الشمبرة لقيت فريدة هازتها _جبت محمد ولقيتها تبكي هزيتها درتلها براسي ايه حكمتها عليها هي خرجت وهذيك تفحم قعدت نسكت فيها ماحبتش رضعتها مكانش درتلها بيبرونة مكانش درت بيها مكانش تلفتلي اعصابي زادة ناضو هذوك يبكو وليت نبكي معاهم مزية دخلت عجوزتي جات تجري واش كاين هكذا عطيتها الطفلة ورحت نجري رضعت لولاد سكتو ورجعو رقدو غير هي بقيت ندور بيها شافت معايا نقولك حاجة هذه الطفلة مدام النهار لول شمت ريحة غير ريحتك مراحش تقبلك ،كيفاه زعما ،من نهار ولدتيها شمت ريحة فريدة وليمات لولين توالتها فريدة مراحش تسكت عندك روحي مديها لفريدة اذا ما سكتتش شفت معاها بنرفزة علبالي تحاول تقنعي فيا باه نمدهالها ديتها لصالو وقعدت نسكت فيها بصح والله غير صح غير تهزها تسكت ساعتين وحنا معاها باه سكتت ورقدت راسي راح يطرطق منها عياتني وهدت حيلي عينيا يتغمضو وحدهم رقدت وانا قاعدة يامات وانا هكذا تعبتي ريتال بزاف لا ليلي ليل ولا نهاري نهار طيحت مني النص مشتاقة نرقد ساعة كي الناس شعري طاح جسمي تعب عينيا تنفخو من السهرة رقدت على وجهي سمعتها تبكي نضت نعيط واشبيك واشبييييك هبلتيني زاد بكاها وليت نضرب في وجهي هبلتيني قتلتني نخنقك ضك نقتلك باه نتهنى وتتهناي هزيتها رضعتها بالسيف حتى خرج الحليب من نيفها وتخنقت ضربت ضربت مكان والو زراقت ونفسها راح وهزيتها وهبطت نجري نعيط فريييدددة ماتت اجري ماتت حلت الباب وتجري شكون لي مات ،ريتال ماتت شوفي نحتهالي قعدت في لرض دارتها في حجرها ماعرف واش دارتلها وحكمتلها من نفيها رجعلها النفس بقات تحظن فيها وتبكي يا يما بنتي قريب ماتت تبكي عليها من قلبها وهذيك سكتت في حظنها حتى رقدت عطتهالي جبتها وجيت درت ورايا لقيتها على نفس قعدتها وتبكي شڨتلي قلبي طلعت الفوق حطيتها على السرير وقعدت نتفرج معاها استنتجت راحتها ماشي معايا مع فريدة غير تشم ريحتها ترتاح بقات للمغرب راقدة غير ناضت نفس الشي تقعد تبكي وتموت خممت خممت حتى قررت نمدهالها تربيها وخلاص ياك راهي قدام عيني هزيتها وهبطت التحت وصلت لباب شمبرتها نسمع فيها تدعي في ربي و تبكي شفت مع ريتال ممكن هذا مصيرها واحسن ليها و متاكدة بلي درت الصح وماغلطش طبطبت الباب يديا يرجفو ماعرف كيفاه راح نمدها حلت عليا الباب عينيها منفوخن الدموع في وجها عطيتهالها هاكي هذه من اليوم بنتك غير حكمتها سكتت شافت معايا كيفاش زعما ماقدرتش نهدر تخنقت كيفاه نمدلها قطعة مني تعبت عليها وهي لقاتها واجدة شفت معاها اديها هذه من اليوم بنتك تهلاي فيها وحافظي عليها وبلاكي تآذيها في يوم من الايام وكون تآذيها بشعرة نحيهالك تلاحت حظنتي والله نديرها في عينيا وكيما قريتي عيني ربي يقر عينيك بعدتها عليا وطلعت نبكي دخلت لشمبرة طحت في لرض وقعدت نبكي جا عندي محمد حظني وقعد يبكي معايا ويمسح في دموعي....ماعلباليش شحال فات الوقت شفت محمد راقد نضت ديتو معايا حطيتو على سرير شفت مع لولاد راقدين وهاديين رحت حظنت محمد ورقدت ملي مديتهالها ما سمعت صوتها وكي كانت عندي السقف طيحاتو فطنت على صوتو نضت قعدت ها واش صحا نوم راكم ڨاع راقدين الدار هدوء سكت واشبيها حبيبي درتلو براسي والو ورجعت تكيت على ظهر السرير _تعباتك ريتال ،من اليوم مراحش تعبني شاف مع لولاد وشاف معايا وراهي هي ،علاه ما شفتاهش راهي التحت _اواه ما شفتاهش طلعت ديراكت عندك بالي معاك نعيطلك ماتهزيش علبالي ريتال معذباتك سكت _عقد حواجبو وين التحت عند فريدة درتلو براسي ايه وحطيت يديا على وجهي ونبكي بعدلي يديا على وجهي واشبيك تبكي ماتقوليش جات دتهالك بالسيف جا ينوض حكمتو لا انا لي مديتهالها _وشنوووو، مديتهالها ،_ماتكذبيش قولي نحتهالك بالسيف عليك كاش مادرتلك علبالي لالا والله غير مديتهالها واحد مايقدر يدي حاجتي مني بالسيف بصح راحتها مع فريدة ماشي معايا بقا يشوف معايا ما فاهم والو _رحيل شفت معاه،واشبيك عادي هي تعلقت بريحتها وانا مديتهالها هذه هي ارادة ربي العالمين ماعندي ماندير بقا يشوف معايا نضت نهرب من عينيه حكمني مني يدي قعدت شفت معاه بكيت حظني حبيبي نروح نجيبهالك ونجي علبالي قلبك على بنتك ،لا خليها كلش عندو حكمة انا رزقني ربي بك وهي رزقها ربي بريتال جبدني عليه حكملي وجهي باسني عينيا ومسحلي دموعي ماتبكيش ملا ياك راهي هنا قدام عينيك تشوفيها الوقت لي تحبي ومدام عند فريدة ماتخافيش ڨاع عليها ،علبالي ...واقفة فالدروج نعيط على محمد يجي نلبسلو الليلة حنتو الهول مزين باولونات قلوبة الورد العاب كادوات لاتارت حلوى شموع طلع محمد عندي يجري الله يبارك ضك في عمرو 3سنين ديتو لشمبرة لبستلو ولبست انا قفطان سامبل فالاببيض محرج فلارجونت مع صندالة لارجونت ودرت معاه اكسسوارات لارجونت درت حمرة بوردو قعدت نشوف مع روحي تولهت على الروبة برنساس روز شريتها لريتال محطوطة على السرير علبالي هي تشريلها غير الغالي بصح مانقدرش نشري حاجة بلا مانشريلها هي دمعو عينيا بقيت نشوف معاها مالغري يوميا تجي عندي بصح كي تجي تديها ينزف قلبي عليها فقت مع صوت محمد حاكملي يدي ويعيط عليا شفت معاه وشنو ماما _راح نروح لمم ،روح بلاك تخرج برا راح يجري سمعت صوتو يهدر معاه دخل عليا ماهذا الجمال ضحكت وعينيا مدمعين حط المفتاح وجا عندي رحيل ماتخميش التخمام يمرض درت للكوافاز نشوف مع روحي مانيش حابة نبكي كاش ما تحتاج _لا والو جيت نشوف برك كاش ما تحتاجو جا ورايا حظني همسلي في وذني راهي قدام عينك وجها في وجهك درتلو براسي ايه نهرب في عينيا من عينيه _رحيل اذا حاباتها اديها ضك مدامها صغيرة اذا كبرت مراحش تقدري تديها منها نزلو دموعي دورني عندو رحيل حابة بنتك روحي اديها ضك ،لالا خليها _وعلاش راكي تبكي فاتت المدة هذه ڨاع وكل نهار نقول ضك تنسى وتلتى بولادها بصح كشغول مراحش تنسايها وراح تبقى كية في قلبك راح تبقاي ديما تبكي عليها اذا حابتها نروح ضك نجيبهالك ،نخاف تكبر وفريدة تكرها فيا وتولي عدوتي وتكرهني _واش الهدرة هذه فريدة اصلا خايفة من خيالها لا تديها منها
كون جات حابة دير هذا الشي ماتقولهاش هذيك ماماك جامي نكراتك وديما تبعثهالك تنحي الشوق منها خلاص حبيبي والله ما تستاهل هذ الدموع ڨاع بنتك قدام عينك وتجي عندك وعلبالها بلي حتى انتي يماها وتعيطلك ماما واش تحوسي كثر صاي انساي وعيشي حياتك درتلو براسي ايه حكملي وجهي باسني نقولك حاحة وشنو _كل ماتزيدي تكابري وتنضجي كل ما تحلاي وين رايحة بهذا الزين رحميني شوية انا راجل صحتي على قد حالي ضحكت غير مكلاه تبدا ورانا حنة _وعلاه انا واش قلت ،بلا ما تقول نعرفك _شفتي انا لاه نحبك تفهميني بلا مانهدر _هيا ضك نهبطو ممبعد نشالله نتلاقو ،مراحش تحضر _اواه خذو راحتكم ،معليش هبطت انا وياه وخرج وانا قعدت مع ماما شفت فريدة خرجت وهازة ريتال طالقة شعرها نسخةمصغرة مني سمرة تشبهلي في كلش حتى القباحة واللسان الطويل داتو مني لابسة روب برنساس فالاحمر وصندالة حمرة وسيرتات حمرة ودايرة في وذنها زوج مناڨش ذهب وبراسلي ذهب مدللة بزاف كشغول بنت ملك ماطيحش ڨاع في لرض يوميا هازتها فريدة وتمشي واحد الطايرة والمدللة عند الناس كامل مالغري هي الصغيرة بصح خاوتها تضربهم وكي تحب على حاجة تديها ذراع وتبقى تبكي حتي تديها وفريدة اذا شافتها تبكي تقلب الدنيا حاطة دم رفادها عليها صيغتها ڨاع ذهب تفكرت هدرتها كي قاتلي كي جيبي طفلة نلبسها غير ذهب ونخرج بها قلب عدياني وصح مشللتها ڨاع بالذهب وماتقبل حتى واحد يتوشيها ويمسها انا كون ماجاتش شوية تخاف مني والله ماتخليني نمسها قعدت ودايرتها في حجرها ومحمد وايوب ونوفل في 3 دايرين بيها لي يشوفهم يبانو ولادها هي ماشي ولادي انا يحبوها يموت عليها غير ينوضو الصباح يشربو الحليب يهبطو عندها مايطلعوش عندي ليل حتى نخرج نعيط عليهم ونهار يبات عندي يحيى يهبطو عندها في 3 وترقدهم معاها في 4 هي تعاملهم خير مني هما جايين ڨاع مدللين يحبو غير رايهم يكسرو ويوسخو ويفسدو وانا نعيط عليهم ونضربهم ماشي كيما هي تخليهم يديرو رايهم ماتقلق منهم ماتكره هي لي خرجتهم مدللين رجعو هما حياتها ملي تنوض وهي حايرة بيهم وكي تروح لدارهم لازم تديهم معاهم حتى هما يبكو عليها كي نحرمهم عليها اما فريدة ضرتي لي كانت الفترة اللخرة عدوتي انا وياها اعلنا الهدنة ممكن هدنة مؤقتة بصح امواج حياتنا هدات كل وحدة في دارها لاتية بولادها لي هما ولادي ونفس الوقت ولادها هي في حدها وانا في حدي خاصة انا جابدة روحي عليها نهائيا حتي هي ديما تتجنبني وتخاف تحتك معايا تخاف في يوم من الايام نحيلها ريتال والصح تاع ربي جامي خممت في هذا الشي عطيتهالها بال قلب الصافي ووالنية الطيبة اما هو يوم عن يوم علاقتي تقوى به وحبي ليه يزيد الحمد الله عايشة معاه عيشة هانية بلا مشاكل صح دفعت ثمن هذا العلاقة والحب هو بنتي لكن كسبت راجل وسند ليا يستاهل وهذا قدري وراضية وشكرا
النــــهايــــة♥️
