بقلم هوس ريجا
حسيت بخيالو فوق راسي حليت عيينا لقيتو واقف لاه طلعتي هنا ،ماقدرتش نرقد ثم هنا خير _و مزلتي نايضة ،علاه قدرت نرقد _علاه ،خايفة دخل ورايا لاح ذراعو تحت راسي ويدو على كرشي دورت وجهي عندو باسني من عيني ضحكت _واشبيك تضحكي ،نقولك حاجة بصح خفت تزعف هز حاجبو واشنو هي _لا والو خلاص علبالي راح تقولي لسانك طويل ،قولي برك مانزعفش ،صاي انسا ودرت كنت راح نقولو انت ممثل محترف كل دقيقة تروح عند وحدة تكذب عليها كون ماسمعتوش كيفاه يهدر معاها نصدقو بلي يحبني بقا يمس في كرشي ويدو بدات تمشي بجراة همسلي في وذني ماتحكرش اليوم ،لالا _علاه _واقيلا تعب حكمتلو يدو _مانديرلك والو ما تخافيش درت عندو حكملي وجهي وبقا يبوس فيا جبدت روحي واشبيك تهربي مني مراح نديرلك والو جيست توحشتك دورت وجهي ونزلو دموعي انت تحبني ولا واشنو فهمني راني عييت نفهمك منا تحبني انا ومنا تحب فريدة __ماعلباليش كيفاه راح نشرحلك هذا الشي وماعلاباليش كيفاه راح تفهمي ملا نسكت خير ناض ارقدي مليح و ما تخافيش وراح خرج قعدت نبكي ماعرفتش لاه يدير معايا هكذا يلعب بمشاعري علاه علبالي بيه يحب فريدة وانا لاه يدير معايا هذا الشي ،نص ساعة حسيت بيه دخل ورايا درت عندو لاه رجعت _ماقدرتش نخليك خايف عليك ،اذا تخاف عليا صح ماتلعبش بمشاعري _ياسيدي وكلي عليا اذا راني نلعب بمشاعرك سكت دورني عندو هيا عندي حاب نحيلك خوفك علبالي مراحش ترقدي صح كنت محتاجة حظن يطمني حط راسي على صدرو وغطاني كانت الشمبرة شوية باردة وكنت بردانة غير رقدت في حظنو ودفيت وتنحا الخوف لي في قلبي وحسيت بالامان بقا يمسح على شعري وظهري حتى غفيت ورقدت فطنت على صوت فريدة تنوض فيا وهو مكانش صباح الخير هيا نوضي وجدي روحك نروحو _وينو يحيى _راه يفطر هزت الكابة تاعي وهبطت نضت غسلت لبست عبايتي درت نقابي هزيت صاكي لقيتو دخل صباح الخير درتلو براسي وسكت _واشبيك شفت معاه نزلو دموعي فتحلي ذرعيه رحت عندو حظني واشبيك خايفة مكان والو شفت معاه مسحلي دموعي باسني على نيفي هيا خلاص ما تخافيش منا على ساعة جيبلنا محمد نشالله ،نشالله حكمني من يدي خرجنا هبطنا التحت لقيناها تستنى فينا التحت شافت مع يدو كي حكملي يدي دورت وجها خرجنا فتح الباب من القدام جات تركب قالها اركبي انتي ملور خلي رحيل تركب معايا شافت معاه نظرة مافهمتش واشنو هي حلت الباب ركبت وركبت انا من القدام وجا ركب ديمارا يقعد يقعد ويشوف معايا كل مانقربو لسبيطار نزيد نخاف حكملي يدي درت عندو خلاص راح يصرالك جلطة من كثرة الخوف وصلنا لسبيطار هبطنا جبد الكابة وجا حكملي يدي دخلنا مدينالهم لوراقي قالولنا روحو ستناو فلاصال رقم ++ حتى تكمل الطبيبة رحنا لصال فريدة قعدت وانا وياه بقينا واقفين ماقدرتش نقعد خفت توترت بقيت واقفة ومتكية على الحيط وهو واقف قدامي يشوف معايا شفت الطبيبة جات لاحت علينا السلام حلت الباب دخلت لحقتها فريدة انا بقيت واقفة _هيا واش تستناي بقيت نشوف جا عندي لاح يدو على كتافي حظني باسني على خدي واشبيك خايفة هكا والله ما كاين حاجة ،وكون نموت وما نفطنش _بعيد الشر تفيقي وتلقايني انا ومحمد نستناو فيك سكت _هيا حبيبي ندخلو دخلنا عندها بقات تشوف مع الوراقي عيطت الفرملية جات _روحي معاها توجدك حتى نجي نضت وقفت شفت معاه بخوف وخرجت مع الفرملية سمعت صوتو ورايا درت عندو جا عندي رحت ديراكت حظني ونبكي رحيل علاه ديري في روحك هكذا نص ساعة وهي فاتت ،اذا مت تهلالي في وليدي وقولو يماك تحبك بزاف ووصي فريدة تربيه وديرو كيما وليدها _وليدك مايحتاجني لا انا لا فريدة يحتاجك انتي هيا حبيبي كوني قوية كيما نعرفك نص ساعة وتلقايني هنا نستناك فيك ،بلاك تدولي وليدي والله نموت ديجا والله ما نخليكم تدوه راني رحيل ضحك علبالي ماكيش ساهلة عير نوضيلي بالسلامة برك وريلنا شطارتك سكت هيا روحي راهي تستنا فيك وما تخافيش باسني على جبيني وجبدت روحي رحت معاها درت عندو لقيتو مزال واقف درتلو بيدي باي حط يدو على قلبو يعني قلبي معاك دخلت مع الفرملية عطاتني قميص زرق رحت لدوش تعريت لبستو وخرجت داتني لشمبرة رقدتني على السرير بقات تسقسي فيا دارتلي الصيروم بعدها ما شفيت على والو فطنت على وجاعة في كرشي تقتل وريقي ناشف ومانقدرش نهدر غير ندور من ومن حسيت بيهم كي هزوني حابة نهدر ماقدرتش غير نتمتم بشوية بشوية باه بديت نتفكر ونوعي على روحي حطيت يدي على كرشي لقيتها مكانش زربت تحركت مت بالوجاعة الفرملية فوق راسي الحمدالله على سلامتك _وينو وليدي داه وراحو ياك بقيت نشوف مع الشمبرة لا يحيى ولا فريدة ولا وليدي لا اراديا وليت نعيط وليدي وينو جيبيهولي راح نوض حكمتني واشبيك وليدك راه هنا عندنا ،تكذبي علبالي داوه وراحو خلاوني هنا ودموعي ينزلو وحدهم راح نوض ماقدرتش والوجاعة عڨابي وهي تحكم فيا حتى تفتح الباب لقتيتو دخل ها نضتي وليت نبكي بصوتي جا عندي واشبيك ،حسبتك رحت وخليتني _وين نخليك راني هنا نطقت الفرملية والله هبلتنا اليوم حتى وهي مخدرة وتعيط عليك وتحاول فيك ونحبك وماتدليش وليدي ناض يضحك حتى التخدير وماحكمش فيك ،وينو وليدي _راه هنا ،قول والله _والله وجبد تليفونو وراهولي شوفيو راني صورتو بقيت نشوف معاه ونبكي قول والله غير هذا وليدنا ناض يضحك والله غير وليدنا وصحتو لباس عليها بصح لازم يبقا يمات هنا باه نخرجوه ،قول والله_واشنو هذه قول والله خرجيتهالنا جديدة واقيلا ،مراحش تنحيهولي ياك _حتى تقولي قول والله شفت معاه فرحان راح يطير بقيت يامات انا والبيبي صراولي مضاعفات ونزفت حكموني عندهم غير شافو حالتي تحسنت خرجوني حتى البيبي على مسؤوليتة يحيى وفرلو كلش كنت حابة نروح لدارنا ونقعد بصح هو ماقبلش ومع البيبي لازملو عناية خاصة في درانا مكاش ماشي كيما في داري وفرلو كلش قبل مانروح جات يما وخواتاتي فرزولي دياري وسيقولي وفرشولي غير روحت انا وياه الصباح ذبح ودار عشا لوليدو انا ملي روحت وانا راقدة مرات جيبني الفطنة نلقى فريدة معاه عقلها طاير معاه فرحانة به ملي زيدت وهي رايحة جاية عليه فاتت 15 يوم في هذه ال15 فريدة هي لي مهتمة بيه داتو ڨاع عندها كعدت انا مريضة ومانقدرش الوجاعة قتلتني نهار كامل وانا نبكي حتى الطفل مانحوسش عليه ساعات هي تطلعهولي اما يحيى مايخرجش ڨاع من دار يجي عندو ومقابلو غير فاتت 15 يوم بدات تتنحا عليا الوجاعة
العشية فطنت لقيت روحي فالشمبرة وحدي نضت غسلت وبدلت وهبطت التحت دخلت لصالو لقيت فريدة دايرتلو بيبرونة ترضع فيه دخلت قعدت كون خليتيني نرضعو بصدري خير _شفتك راقدة ماحبيتش نوضك ديجا وليتي غير ترقدي دوا هذا يديرلك رقاد كملت رضعاتو نضت نحيتهولها وهي خرجت درتو في حجري كي نخلي يدي على عينيه باه تكون ظلمة يفتح عينيه غير نحي يدي يزرب يغلقهم دا من عندي غير العينين اما الملامح من باباه زين وشعرتو كحلة بقيت نلعب معاه ونضحك حتى سمعت صوت فريدة تهدر تفضلو تفضلو لقيتها ختها وبنتها تجي قدي دخلو سلمو عليا وقعدو يهدرو قاتلي فريدة عطيهولي نحكمو ،لا خليه برك عندي مدامني رتحت من اليوم انا لي نتهلى في وليدي سكتت ماتولهتش ليها بلي زعفت ختها وبنتها بقاو يتخنزرو فيا وليت هزيتو نضت واشبيهم هذو واش قلت انا حتى يتخنزو فيا ويزعفو ايه وليدي وانا لي نقوم بيه فت الكوزينة وقعدت دخلت بنت ختها ما نسمحلكش تهدري مع خالتي هكذاك شفت معاها واش هدرت مع خالتك حتى تزعفي ايه وليدي وانا لي نقابلو وهي تعبت معاه بزاف ويكثر خيرها دخلت علينا فريدة شافت معانا واش كاين ،بنت ختك واشبيها معايا سبحان الله وليدي كاش ما قلت حاجة عيب _واشبيك شايفة روحك على خالتي هذا ڨاع كي جبتي طفل وهي ماتقدرش عيطت عليها فريدة اسسسكتي واخرجي منا واش جابك هنا _شوفي ليها لاه تهدر معايا هكذا _اخرررجي روحي عند يماك حتى نجي راحت خرجت وانا خرجت طلعت الفوق ماهبطتش ڨاع هما بقاو لعشا تعشاو ورواحو
