بقلم هوس ريجا
فطنت على محمد يبكي درتلو البيبرونة عطيتهالو جبتو قدامي ورجعت رقدت نعسانة وعيانة لقيتو دخل عليا ها صحا النوم حط الصاشيات نوضي تتعشاي ،ما ناكلش حابة نرقد بصح ادي معاك محمد نخاف نرقد ونخليه جا عندي قعد واشبيك ،ديخانة برك _معليش نوضي كولي شوية وارقدي حطلي صاشيات لقيتو جاب ماكلة تاع دار كليت شوية ورجعت رقدت وهو دا محمد وخرج ..
طبطب الباب حليت عينيا شكوون ادخل تحل الباب لقيتها فريدة نضت قعدت واش تحوسي لاه جيتي عندي _حابة نهدر معاك بقيت نشوف معاها _ندخل ،ايه ادخلي جات دخلت قعدت على السرير قابلتني واش شعورك وانتي بالكرش عقدت حواجبي وشنو _واش راكي تحسي راه يتحرك ياك ..لالا مزال شوية باه يتحرك شافت معايا ماكي حاسة بوالو في كرشك واشنو شعورك كي تشوفي الولاد قلبك يرجف ياك هذا هو احساس الامومة حطت يدها على وجها وتبكي قوليلي كيفاه داير احساس الامومة حابة نحس بيه حلمي نكون حامل كيما انتي ونتوحم ونتعب ونعيا حتى شهر واحد نجرب برك الاحساس كيفاه داير قابلة يعطيني ربي لابغا طفل معوق مهم نجيبو من كرشي انتما بواش خير مني علاه انتما ڨاع تهزو وتتوحمو وتجيبو وانا لالا واش درت انا حتى يعاقبني ربي بسرطان الرحم حتى انا مراة كيفكم ما ناقصني والو حابة نجيب طفل من كرشي نبوسو نحظنو نشم ريحتو بقات تبكي وتشهق انتي حملتي مرة وراح تزيدي تحملي مرة ثانية وثالثة ورابعة ويحيى مايزيدش يهتم بيا بعد ماتجيبيلو واش عجزت عليه انا انتي راح تجيبيلو لولاد لي كان متمنيهم وانا نبقى نتفرج عليكم طول عمري كي بقات تبكي نزلو دموعي قهرتني حسيت بعجزها وضعفها ،اذا زعفتي مني كي هدرت معاك سمحيلي من زعافي هدرت هكذا ك حتى انتي جرحتيني بكلامك لاه تقولي على وليدي نحس وهو مزالو في كرشي وماشافش الضو واش دارلك هو حابة تفرغي غشك فيا معليش بصح ولادي خط احمر مانقبل حتى واحد يوصلهم و جرحتيني بزاف كي هدرتي على وليدي هكذاك ناضت وقفت مسحت دموعها شافت معايا انا نكرهك صح خاطر ديتي راجلي مني بصح نقدرو نكونو صديقات انا وياك واش رايك انتي تولدي وتعطيلي نربيهم شفت معاه بصدمة واشنو _ايه انتي اولدي وعطيلي لولاد ليا وادي يحيى ليك ،مزلتي برك تخططي _مانيش نخطط بصح انتي تقدري تحملي شحال من مرة بصح انا مانقدرش مايصرالك والو كي تعطيهولي ،الله يهديك فريدة عيطت عليا خلعتني_والله مانخليك تتهناي دايرة في بالك تدي يحيى ولولاد ليك وحدك وانا نبقى نتفرج فيكم يا تعطيني واحد يا والله مانخليك تتهناي بقيت نشوف معاه راحت خرجت تهدر وحدها والله مانخليك تتهناي علاه انتي تولدي وانا لالا علبالي يحيى ينساني ويلتهى بك وبولادك وانا نبقى وحدي بقيت نشوف اول مرة نشوفها فالحالة هذه والله غير خفت منها جاتني ماشي طبيعية ربي يكون في عونها نضت غلقت الباب ورجعت خفت ترجع بقيت حاكمة بلاصتي مرات تقهرني وتعضيني ونفس الوقت نكرها من تصرفاتها
طبطب الباب نضت خرجت شكوون _انا حلي نضت حليت الباب غير دخل حظنتو ،واشبيك درتلو براسي والو جبدت روحي شفت معاه يبان تعبان ،واشبيك _والو عيان برك هيا رواحي نرقدو دخلنا لشمبرة حط محمد في بلاصتو حكمت بلاصتي رقدت جا دخل عندي وحط راسو على صدري حظنتو عندي ويدي على شعرو انتبهت هو قليل الكلام بصح من عينيه وعقدة حواجبو يبان ماشي مليح همست واشبيك حبيبي طلع راسو شاف معايا والو ،واشبي صوتك _عيان ،عيينك يبانو مهمومين _تحسي بيا حبيبي ،اكيد نحس بك عمري انت بصح انت ماتحسش بيا _ماشي وقت العتاب ڨاع رحيل راني تعبان ،ماشي عتاب باسني سكتني بقيت نشوف معاه طلعلي تريكو تاع البيجامة حط يدو على كرشي مبروك علينا ،راك فرحان _وعلاه مانفرحش تزوجت باه نعوض روحي بطفل فالتالي عوضني ربي بك وبمحمد ونوفل نشالله ،راح تسميه نوفل _ياك انتي كنتي حابة تسميه نوفل ،وعلاه انت واش حاب تسميه _كنت حاب نسميه ايوب ،معليش الطفل الثالث نشالله ،_نشالله ، بصح كون تكون طفلة واش _ايه مرحبا بها راح تكون دلوعة باباها ، واش نساميوها _نسميوها ريتال ،واش معناتو _المرتلة فالقران ،بصح علاه هذ الاسم _نقولك وماتزعفين ،لالا نورمال قول_فريدة لي كانت متمنية تجيها طفلة وتسميها ريتال وهي طلبت مني اذا جبتي طفلة نسميها ريتال سكت شاف معايا زعفتي ،لا علاه نزعف خلاص وعد مني اذا كانت طفلة نسميها ريتال باسني على خدي الحنينة تاعي ،قببل جات عندي فريدة وبقات تقولي اعطيني نربيهم _وقتاش ،قبيل شوية _مادريش عليها راهي تهدر برك ،بصح جاتني ماهيش نورمال _هذيك هي حالتها جيها فترة غير تبكي وتعزل روحها وتخرج منها ،ربي يكون معاها _امين ،بصح قالت كان عندها سرطان _ايه كان عندها سرطان في عنق الرحم جريت بيها لكل بلاصة ودارت اوبراسيو وبرات وعاود رجع ومشالها فالرحم كامل ودارت لاشيمي بصح بلا فايدة ونحاولها الرحم _تاع الصح ربي يكون معاها والله ما قليل هذا الشي لي صاري معاها _علابيها نقولك ماديريش عليها لا بغا غلطت معاك راهي تهدر برك من حرقة قلبها وماتزيديش تقوليلها هذيك الهدرة ،لا طلبت منها السماح واصلا مانزيدش نعاود والله هدرت من غشي برك _صحيتي ديما نحبك هكذا عاقلة وحنينة حظنتو عندي ورقدت.
الصباح فطنت لقيتو هو مكانش راح محمد مزال راقد نضت قعدت شفت فراشي مطلي بالدم اوو منين جاني هذا الدم شفت مع سروال البيجامة مطلي رحت غسلت سمعت محمد يبكي درتلو بيبرونة عطيتهالو صونا تليفوني لقيتو هو ريبونديت عليه وي _صباحو ،صباح نور _واش راهي حبيبي _،لباس _واش صبحتي ،لباس _ماكيش موجوعة ،لالا بصح نضت لقيت الدم _واش من دم ،ماعرف نضت لقيت قشي مطلي _خلاص بعد الغدا نجي نديك لطبيبة تاعك لازم تروحي تسويفي عندها ،اك راني نستنا فيكا
لنص النهار خلينا محمد عند فريدة ورحنا لطيبية هو قعد برا فالطوموبيل وانا قعدت مع النسا جات دالتي دخلت عندها طلعتني لسرير كي شافت كرشي لقات بلاصة لوبيراسيو شافت معايا زيدتي سيزاريان من قبل ،ايه _شحال عندك ملي درتيها ,عندي 9 اشهر _واشنوووو عندك 9 اشهر ملي درت اوبيراسيو زدتي هزيتي واشبيك مدام واشبييك علبالك هذا الشي يتسمى انتحار ،علاه _دونجي عليك وعلى البيبي علبالك واش معناتها القيصرية راهم فتحتولك 7طبقات من كرشك نورمالمو تستناي عامين حتى تبراي مليح انتي بريتي من برا بصح من داخل مزلتي خضرة وكاين طبقات من كرشك مزال حتى ماتغلقوش كيفاه حتى تعاودي تهزي ،مادريتش هكذا ماكليتش دواء جيست كنت مدايرة حساباتي ماعولتش هكذا _بصح الحمل في هذا الوقت دونجي عليك بزاف من ضك نخبرك راح يصراولك بزاف مضاعفات قادر يصرالك تمزق الرحم الولادة المبكرة نقص وزن الجنين وبزاف حوايج الحمل في هذا الوقت غير امن لذلك لازملك رعاية خاصة ومتابعة دائمة مع الطبيبة اي حاجة صغيرة تصرا معاك لازم جي عندي دارتلي الجال الكرشي وبقات تشوف مع الايكو شفتها كي ضحكت ممبعد قالت لا حول ولا قوة الا بالله ،الخير دكتورة واش كاين _دقيقة برك نعاود نثبت بقات تشوف وتعاود مسحتلي كرشي نضت قعدت واش كاين _جيتي وحدك برك ،لا مع راجلي _ملا عيطيلو يجي ،علاه كاش ما كاين _صراحة كاين خبر مليح وكاين خبر ماشي مليح وحملك هذا دونجي بزاف من الاحسن عيطي لراجلك نفهمو باه يتهلا فيك مليح ويساعفك باه مايقولش عليك راكي تدللي نضت هبطت لبست عبايتي درت نقابي وخرجت للباب لقيتو قاعد فالطوموبيل شافني حل الباب وهبط جا عندي ها حبيبي واش كاين ،الطبيبة تحوس تهدر معاك _لاه الخير برك ،ماعرف قاتلي عيطي لراجلك يجي نفهمو ،كاش ما كاين _ماعلاباليش حتى انا ماخبرتنش _هيا رواحي نشوفو واش كاين دخلنا عندها قعدنا شافت معاه حابة نهدر معاك انت بالذات لانك انت المسرول عليها باه ما تقولش راهي تدلل_الخير برك واش كاين _بصراحة عندي ليكم زوج اخبار واحد مليح واحد لالا _ابداي بالمليح شافت معايا المليح يا مدام عندك 3توام في كرشك شفت معاه ومعاها تلاثة؟؟_ايه ثلاثة 3 الله يبارك بكل صراحة ماعجبنش ڨاع الحال كعاد ثلاثة ومافرحتش قاتلي مبروك عليك والله مارجعتلها _واشبيك مافرحتيش مالقيت ما نقولها شفت معاه هو ضحك خليها خليها مزالها مصدومة ضك تبدا تستوعب كي شافتني في هذيك الحالة بقات تهدر معاه _المدام كاش ماتعرضت لحادث _كيفاه زعما _ماعلباليش طاحت على كرشها دارت اكسيدو _ايه درنا اكسيدو دارت عندي تقستي في كرشك _ايه ماكنتش دايرة السانتورا كي دخلت فينا الكاميو ملور ضربت فالكارو وضربت فالحافة _علبالك هذا الشي سببلك انفصال المشيمة ،كيفاه زعما _المشيمة كيما نقولو بالدرجة الخواتات هي عنصر لاصقة في جدار الرحم ودورها تغذي الطفل وتعطيه الاكسجين والمشيمة تاعك تفككت وبعدت على جدار الرحم وهنا ولادك مراحش ينموو بطريقة كاملة ويلحقهم الاكسجين وقادر ديرلك نزيف حاد قبل الولادة ولا بعد الولادة لازم يكون في حسابك بلي راح يصراولك مضاعفات خاطر ماعندكش بزاف ملي درتي القيصرية اولا وثانيا عندك انفصال المشيمة حتى هي عندها مضاعفات ممكن لولاد يولدو ميتين ولا يولدو ناقصين وانتي يصرالك تجلط الدم الفشل الكلوي وتلف اي عضو في جسمك كي قالت هكذا قلبي رجف ووليت نبكي شفت معاه بقا يسمع وساكت _ماتبكيش الحمدالله انك مزلتي فالبداية وتقدري تنقصي هذا الخطر بصح يليقلك رعاية خاصة شافت عندو مسيو كيما سمعت المدام يليقلها عناية خاصة ضك تروح ديرلها تحليل الدم والبول باه نتاكدو من هذا الشي واذا خرج عندها انفصال المشيمة لازم تابع علاجها فالسبيطار وتبقى يامات ثما يعطوها دووات باه يكمل نمو الرئة للجنين ويحافظ على سلامة دماغو اهم الشي الراحة التامة فهمتني مسيو الراحة التامة يعني جي فوق السرير وترقد وتابع علاجها وتاكل دواها في هذه الحالة ممكن تولد ممكن ولادة مبكرة وهي مدام عندها 3توام اكيد بالقيصرية نتمنى طبق نصايحي وتحافظ عليها حتى تعدي على خير _ايه من عينيا خرجنا من عندها نبكي ومانيش فرحانة ڨاع وزادت خلعتني دار عندي واشبيك تبكي ،اذا صرات بيا حاجة انت السبة انت لي ما خليتنيش ناكل دوا وبقيت تڨولي نديرو حسابنا نديرو حسابنا هو الحساب كيفاه _وانا علاه 9اشهر وانا نمشو هكذا ماهزيتيش بصح كي كتب ربي هزييتي راح تكفري بواش عطاك ربي ،ماشي كتبت انت السبة _رحيل استغفري ربي واشبيك راح تجهلي ،وعلاه مانجهلش وانا هازة ثلاثة في كرشي وين نروح بيهم هذو كيفاه نديرلهم والله ياكلوني _رحيل علبالك هذا الشي لي راكي ديري فيه سخط جيتي تفرحي بواش عطاك ربي وليتي تسخطي وتجهلي ومابقالكش تكفري ، خاطر كلش طاح على راسي انا وانت واش يهمك تخرج من الصباح ترجع لليل تجي ترقد _واش مشكلتك انتي ،مانقدرش نربي 3 انا محمد حايرة معاه واصلا راهم دونجي عليا دار عندي واش قصدك ،راح نطيحهم ضربني على فمي واشبيك انتي واش صرالك تقتلي ولادك ،ياك حلال كي يكونو خطر على الام _كوز جا خطر عليك راهي قاتلك طبيبة طيحيهم ماسمعتيس واش قاتلك اتهلاي في روحك وكلش يجوز بخير ،ولو راح نطيحهم مانقدرش نربيهم _ماتقدريش تربيهم انتي مديهم لفريدة تربيهم تخنزرت فيه نمدهم لفريدة تربيهم ؟ نمدلها جمر يكويها انا راني نموت وفريدة تاعك تديهم واجدين نقتلهم و مانمدهمش لفريدة بقا يشوف معايا حاير انتي اعصابك تلفو راكي غير تخلطي فالهدرة نديك لدار ترقدي وتريحي ويرحمها ربي رحنا درنا ليزاناليز وداني لدار هبطت ديراكت عطيتها برقدة ...فطنت على اذان المغرب جيت في بلاصتي وقاعدة مورالي زيرو نفسية زيرو مكتئبة اعصابي تلفانة ماعرف من الوحم ولا من كلام الطبيبة ولا من الحمل تلمو عليا سمعت صوتو يهدر مع محمد نروحو نشوفو ماما يادرا ناضت ولا مزال دخل لقاني نايضة هاهي ماماك نايضة جا حطلي محمد على كرشي رقد عليا حظنتو وقعد قدامي هاه رجعلك عقلك ،ماعلباليش _ملا مزال الوحم داير فيك رايو ،راني مكتئبة _واش نديرولك ،خرجني حابة نمشي _هيا نوضي نضربو دورة هنا ونجو ،ومحمد _ضك نخلوه عند فريدة نوضي البسي حتي نجي راح دا محمد وانا لبست درت نقابي طلعتو على وجهي وخرجت لقيتو دخل عطاني يدو حكمتها وابهطنا لقيناها قاعدة وهازة محمد _وين رايحين ديوني معاكم _مراحش نحوسو راح نديها دير دورة وجي _حتى انا حابة ندير دورة _فريييدة قتلك مانيش رايحين سياحة _حتى انا حابة نروح نحي على خاطري ،واش تنحي على خاطرك فالزنق _ولاه هي تخرج _هي حابة تمشي ماهيش مليحة _حتى انا مانيش مليحة _واشبيك حاطة راسك في راسها روحي عليا روحي _راك تشوف بلي ماكش تعدل _يا مراة واشبيك واش نعدل هي راهي تتوحم وجا في بالها تمشي انتي علاه واش دخل العدل هنا استغفر الله ياربي راح تكفرو الواحد خرجني معاه وخبط الباب بقيت نشوف واش من جهة نروح شفت مع الجهة لي مقابلتني طريق طويلة وفيها غير الشجر قتلو نروح منا قطعنا طريق وبقينا نمشيو ماعلباليش شحال فات الوقت حتى عييت درت عندو عييت _ارواحي نقعدو هنا قعدنا على الطرطوار الطريق خالية نحا الفيةستا حطها على ظهري حطيت راسي على كتفو ورقدت بقينا ساكتين ،يحيى دار عندي فتحلي ذراعو دخلت رقدت على صدرو طلعت راسي شفت معاه كنت غير نهدر كي قتلك نطيحهم _علبالي مانديرش عليك ،ماعلباليش واش يصرالي مرات نهبل ونفقد عقلي ونخمم بغباء _معليش هذا هو الوحم كل هبال وانتي بلا وحم مهبولة ضربتو حرام عليك مكانش اعقل مني _انتي متناقضة مهبولة وعاقلة طيبة وحقودة شرانية وملاك تحبي ناس وتكرهيهم انتي بالمختصر انسانة مزاجية و تمشي على حساب الموقف اذا الموقف مليح تكوني مليحة واذا العكس تكوني العكس بقيت ساكتة _علاه مافرحتيش شفت معاه كيفاه نربي انا 3 مانقدرش _غير يجو بخير وعافية نربوهم ڨاع مع بعض ،تهدر برك ممبعد تروح تخليني _وين نروح لاه كي جبتي محمد خليتك ياك ڨاع تعاونا فيه ،بصح هذو3 _قولي الله يبارك ونشالله يجو بخير برك ويرحمها ربي ،بصح سمعتها واش قالت _ايه سمعتها مليح قاتلك تهلاي في روحك وكلش يكون لباس ،مانعرف ماعلباليش لاه خايفة _ماتخافيش مكان والو حيري بروحك وبحملك وتهلاي في روحك ونشالله ما يصير غير الخير ،نشالله ...
فاتت حملي بصعوبة كبيرة جبتها غير بين الطبا والسبيطارات والدواوات عايشة فالسبيطارات كثر من داري وليت نقعد بال15 يوم باه نخرج كل بوم نزيف كرهت حياتي وكرهني فيه الشهر السادس جبتو كامل فالسبيطار ماصدقت خلاوني نخرج هزيت حوايجي وخرجت شفتو واقف بعيد وليت نمشي بالخطوة كرشي كبيرة وثقيلة تقول هازة طوبة لداخل لي يشوفني يبقا يشوف معايا كرشي غير طبيعية شافني جا عندي سلمت عليه نحالي الكابة واش حوالك ،لباس وينو محمد لاه ماجبتوش _خليتو عند جداتو حط يدو على جنبي ويمشي فيا ماقدرتش نمشي وليت نلهج تقول كنت نجري خرجت للباب درت عندو عييت ماقدرتش _اقعدي هنا فالدروج حتى ندخل الطوموبيل ونجي عاوني قعدت على الدروج حتى جاب الطوموبيل وجا هبط عندي مبروك عليك الطوموبيل الجديدة _يبارك فيك عجباتك ،ايه مليحة _انتي اول شخص يركب فيها ،احلف _والله خرجتها من لاميزو وجيت ديراكت هنا ،كان حلمي نسوق طوموبيل _هذا مكان نعلمك تسوفي ،احلف _والله غير تزيدي على خير نديرلك ديما نهار ونديك لبلاصة ايزولي نعلمك ونديرلك حتى البارمي ،احلف _واشنو هذه احلف خرجتيهالي جديدة ،لا احلف _والله نعلمك السوقة ونديرلك البارمي ،ملا دراهم الورث لي راح نجيبهم من بابا نحي منهم ونشري طوموبيل _قتلك نعلمك السوقة صح ونديرلك البارمي بصح هذا مايعنيش تشري طوموبيل ونخليك تسوقي جااامي ،علاه جامي وعلاه تعلمني وديرلي بارمي ملا _ها ناس بكري قالو تعلم واترك يجي نهار وتحتاجي هذا الشي بصح باه تشري طوموبيل ونخليك تسوقي غير ماتحلميش،واش فيها كي نسوق _اواه ماجاياش مكاش كيفاه ،علاه بصح واش فيها _رحيل مانقدرش انا مرتي تبقا فالدار كي ندخل تكون قدامي وكي تخرج تخرج معايا وقدام عيني وانا لي نخرجها ورجلها على رجلي مانقدرش نخليك ديري طوموبيل وتخرجي لطريق وتسوقي وتروحي وجي كيما تحبي مستحيل هذا الشي،راهي نورمال انت برك معقدها _لي عندو مرتو تسوق نورمال الله يسهل عليه بصح انا ماعنديش حابة تتعلمي نعلمك ونديرلك بارمي بصح باه تكون عندك طوموبيل وتسوقي لالا هيا اركبي يما راهي تستنا فينا ركبت وجا ركب رحنا ديراكسيو لدارهم هبطنا لقيت عجوزتي تستنا فيا سلمت عليا داتني لشمبرتها فرشتلي في لرض رقدت بقات تسقسي فيا كي دخلت فريدة لاحت على الدرا غطات كرشي جات قعدت معانا تهدر والعجوز ترجعلها بالتشناف ولات ناضت خرجت دارت عندي غطي كرشك منها راهي تحسدك شفت معاها واش الهدرة _خذي راي وخافي منها _عمتي واشبيك لاه نخاف منها واش راح ديرلي _راهي غيرانة منك وكون تصيب راهم ماتو ،شكون هذه فريدة _ايه فريدة ،لا راكي غالطة _مانيش غالطة سمعتها بوذني تهدر مع مرت بني الغيرة واعرة وتخلي الواحد يدير كلش وماتزيديش ترجعي لدارك وابقاي هنا عندي حتى تزيدي بقيت مصدومة منها جا وقت العشا دخل عندي جعتي ،ايه شوية _ضك يجيبولك تتعشاي ،لا نوض تتعشا معاهم كرهت من رقاد _هيا نوضي ملا عطالي يديه حكمتهم ونضت وقفت هز الخمار حطو على راسي خاوتي هنا ،ندير النقاب _لا ماديريش انتما تتعشاو وحدكم وحنا وحدنا ،اووو علاه _هكذا نسا خاوتي ڨاع منقبات وانتي منقبة ماتصلحش نجمعو في بلاصة وحدة كل واحد في جهة خير باه ناخذو راحتنا ،ايه معليش خرجنا دخلت لشمبرة وين مجمعين رحت قعدت معاهم جات عندي عجوزتي غطي روحك كي شفت مع فريدة لقيتها تشوف مع كرشي مافهمتش نظراتها ليا توسوست منها غطيت كرشي تعشينا نسا خاوتو ڨاع روحو بقات غير ختو وفريدة لقيت ختو تغسل قعدت نشل معاها دخلت العجوز روحي ترقدي ماكيش تاع غسيل وراهي هذيك تجي تغسل ناضت تعيط فريددددة دخلت _انعم ،ارواحي اغسلي معاها رحيل ماتقدرش _علاه ماتقدرش مكسرة اليدين _ واش الهدرة هذه احشمي على روحك _علاه نحشم واش قلت خليها تغسل لاه مكسرة من يديها ،ماشي مكسرة من ذرعيها بصح ماتقدرش _علاه غير هي لي راهي بالكرش حتى نهار كامل وانتما ماتقدرش ماتقدرش كرهتوني نشالله نموت ولا تموت هي وولادها ونتهنى منكم وخبطت الباب وخرجت شافت معايا عجوزتي شفتي كيفاه راهي تهدر قتلك غايرة منك عسي روحك منها كاش ما ديرلك بقيت غير نشوف مافهمتش لاه دير هكذا حقدها عليا غير يزيد حتى نخاف
دخل هو علينا واشبيها فريدة تبكي دارت عندو يماه _هذيك فريدة تخليها بعيدة على رحيل غدوا رجعها لدارها ورحيل راح تبقى هنا عندي _علاه _كيفاه علاه المراة حاقدة عليها وتدعي بالموت عليها وعلى لي قي كرشها كون تخليها وحدها كاش ماديرلها شاف معايا كاش ما درتلك درتلو براسي لالا _روحي ارقدي تريحي ماتبقايش دوري مسحت يديا وخرجت لشمبرة تكسلت شفتها فاتت لابسة الحجاب واقيلا مروحة دخل هو جا عندي قعد معايا حبيبي انا راني رايح ندي فريدة لدار غدوا نشالله الصباح نكون عندك وكاش ما يكون عيطيلي فالتليفون ،ايه معليش _ماديريش على فريدة راهي تهدر برك ولات حساسة بزاف حالتها ماعجبتنيش تبقى هكذا نديها لطبيبة نفسانية راح تتعقد ،معليش ربي يكون معاها _تهلاي في روحك ياك باسني على خدي وراح خرج وانا بقيت سهرانة مع سلفتي ل12 باه رقدنا كامل في شمبرة وحدة لغدوا نضت عاونتهم فالغدا هو ما جا ما عيط حنا حطينا الغدا سمعنا صوت الباب ناض محمد يجري عندو دخل علينا هازو و لاح السلام رجعولو وانا بقيت ساكتة جا عندي حط يدو على ظهري جبد الكرسي قعد وحط محمد في حجرو ها واش صبحتي ،من عند ربي لباس _ولاه الناس واش دارولك حتى ماكيش لباس منهم سكت بقينا نتغداو قتلهم بصحتكم ونضت خرجت لحقني ام محمد مارجعتلوش _بطة ضحكت عاد ديما يقولي بطة كي سمنت _رحولة مولات الخدود درت عندو بركا ما تتنمر عليا علبالك بلي سمنت من الحمل _والله ماني نتنمر عليك بالعكس وليتي تقتلي كل يوم تزيدي تحلاي على النهار لي قبلو ضحكت صح _والله غير تقتلي بصح ما ذقنا والو من هذ الحلاوة ،وشكون قالك ما تذوقش _والله هذا كي عدت خايف عليك عوجت فمي_اليوم ماترقديش مع يما ،علاه _راجلك متوحشك واشبيك ،مكلاه تتوحش راني تعبااانة _كون جات اي وحدة بالكرش ماتخليش راجلها يوصلها كون واحد مايخلي مرتو تهز حطيت يدي على خدو باسها الليلة فيها ياك ،لالا _علاه _راني زعفانة _واش زعفك ،انت ملي رحت البارح ماجيت ولا عيطت _والله ربي غير خرجت الصباح بكري وهذا وين كملت وجيت ديراكت عندك سكت _صحا حبيبي فيها ياك ،راني نرقد مع يماك مانقدرش نخليها ونجي نرقد معاك _واش راحلك في يما انتي قولي ايه وخلي كلش علياالجزء 63
بعد السهرة انا متكسلة فالشمبرة ومحمد رقدتو معايا عجوزتي قاعدة قدامي مع مرت عمو ساكنين قدامهم الحيط فالحيط وختو جا راجلها داها بقينا سهرانين دخل هو ها واش مزلتو نايضين وشاف معايا اذا راني نايضة نطقت يماه ايه وليدي نايضين كاش ما تحتاج لا والو _بايت هنا اليوم _ايه بايت هنا _ مرتك مخليها وحدها _لا وصلتها لدارهم _روح ملا لشمبرتك وارقد شاف معايا ضحكت ماعجبوش الحال راح خرج بقاو كثر من ساعة وهما مزالو سهرانين وانا نعسانة عاود دخل واش مزالتو سهرانين غطيت وجهي نضحك دارت عندو ياماه اذا ما جاكش الرقاد ارواح تسهر معانا جا قعد قابلني وانا مغطية راسي حسابني راقدة بقا يسعل باه نفهم نحيت الغطا شفت معاه دارلي براسو اخرجي درتلو براسي ايه ناض خرج وانا بقيت نشوف حشمت نوض قداهم علبالي راح يفهموها طايرة وليت قعدت في بلاصتي عيطلي شي الف مرة فالتليفون باه نوض نروح عندو بعثتلو مساج مزالو سهرانين مانقدرش نوض قدامهم ساعتين قدقد وهما مزالو سهرانين حتى دخل عاقد حواجبو ومطنكر وشعرو داخل بعض ويهدر بنرفزة مزلتو سهرانين ماترقدوش تخطفت يماه درات عندو ياخاه واشبيك _ارقدو يما وارقدو راهي 12 ماشي مليح ليك السهرة وانا ماقدرتش نرقد من حسكم ونصبح خدام شاف مع مرت عمو وانتي عمتي عمي راه يعيط وين راهي المراة خلي تجي تدفي حظني ناضت نفضت روحها ماشي عمك لي يحوس على المراة تدفي حظنو انت لي تحوس ضحكت خرجت هي العجوز توصلها الباب وجا عندي نحا عليا الغطا حكمني من يدي نوضي انتي لي عول عليك يبقا بلا عشا خرجنا للكولوار هزني حاوطتو من رقبتو ضحكت واشبيك مقلق _متوحش مرتي ومانيش قادر حتى نوصلها بصح مشاء الله عليك واش ثقيلة ،واشبيك انت معايا اليوم جايبها تنمر _رانا نهدرو برك واشبيك حل الباب برجلو دخلني وحطني على السرير رحيل وليتي ماتليقيش علبالك ،انت راك تتنمر عليا _يا حاي والله ماني نتنمر عليك راني نتغزل بك ،صدقتك _والله كيما نهدر معاك حلاوة تقطر منك تكسلت على السرير شفت معاه وهذا كيفاه راح يكفينا نحا حوايجو مايهمكش فيه ارقدي انتي برك وانا ندبر راسي جبناها قصرة وضحك لصباح رقدني في حظنو كل شوية يمس كرشي ياك راك لباس
ما تأذتيش مني ،لا لباس حط يدو على كرشي تصبحو على خير وليداتي ضحكت يحيى شفت معاه تحس بيهم _وعلاه مانحسش بيهم ولادي هذو راني متحمس نشوفهم كيفاه دايرين مدام دخلتي السابع نروحو نشوفو واش عندنا ،واش حاب يجينا _لي جا مرحبا به مانشرط والو مهم يكونو بخير وتكوني بخير ،خايفة كاش مايصرالي شفت طبيبة ما شكرتش ڨاع حالتي _خاطر انتي ماتسمعيش الهدرة قاتلك الراحة وخلاص وانتي ما تساعفيش روحك ،ماعرف راني خايفة بزاف _ماتخافيش مابقاش نشالله ويجو بخير ويكبرو ونروح من الخدمة وهما يلاقوني يجرو بلا لبسة وانتي هازة مطرق وتجري وراهم ،واش الامنية هذه يحيى كنت سرحانة معاك ونتخيل فالتالي حتى امنيتك فيها أذية ليا_واشبيك رحيل تعسي فيا عالكلمة واش هذ العقل لي عندك ارقدي عليا لا نرفسك من نقلبك على السرير،علبالك انا العالطة لي جيت رقدت معاك جيت نايضة حكمتي ارقدي رحيل لا نفقدك الوعي تاع صح وليتي ماتلقيش حظني وغلق عليا رقدت في حظنو همسلي في وذني نحبك يا بطتي ضحكت وانا نموت عليك لغدوا رحنا لطبيبة لقيت عندي زوج ذكورة وطفلة بصح حالتي ماشكرتهاش ڨاع بقات غير توصي فيا حاذري روحك وتهلاي في روحك وساعفي روحك حتى تكملي وماتتحركيش وصح جبت ياماتي لي بقاو ڨاع فراش وليت عايشة عند لعجوز هو يوميا عندي ل12 تاع ليل باه يروح مايقدرش يخلي فريدة وحدها وساعات يجيبها هنا ملي جي وهي حابسة روحها فالشمبرة
كنت متكسلة حاطة ذراعي على عينيا حسيت بخيال فوق راسي نحيت ذراعي لقيتها فريدة بقات تشوف معايا واشبيك مقابلتني فريدة اليوم نهار كامل وانتي مقابلتني_مقلقاتك بحاجة درتلك حاجة ،لا بصح واشبيك مقابلتني نهار كامل نخاف يخرج واحد من ولادي ليك وين ندي وجهي _سعد يامات يخرج ولادك يشبهولي سورتو اذا الطفلة ،بعيد الشر تشبهلك بنتي _غيرانة مني والله كون تخرج ليا تولي عندها جمال رباني ونولي نلبسها غير الذهب ونخرج بيها قلوب الغيارات هزيت حاجبي هذا بنتي اذا نسيتي ماشي بنتك باه تخرجي بيها قلبي ضحكت صحا قوليلي تحركو جات تحط يدها على كرشي نضت قعدت خايفة منها خبيت كرشي بيديا _واشبيك خايفة حابة نحس بيهم برك ،حطي يدك بصح كون كاش ماديريلي نخرجلك عيينك تسع اشهر شفت فيهم الويل قعدت قابلتني حطت يدها فرحانة خلي يتحركو _كيفاه نخليهم يتحركو ماعنديش قفالة في كرشي باه نخليهم يترحكو _كيفاه يتحركو في كرشك ،نهار كامل و وهما يرفسو فيا كي يعطوني دفرة نطيح أجونو بقات تمس حتى تحركو بقات تضحك ونفس الوقت دمعو عينيها مانحبش نشوفها في هذا الموقف غير طلعت راسي لقيتو واقف على الباب يشوف معانا دارت عندو ناضت ضك نلبس ونجي دارت عندي معليش ندي محمد معايا اليوم شفت معاه دارلي يراسو خليها ،ايه اديه راحت خرجت جا عندي قعد هاه واش حالتك ،راح نموت بالتعب كرشي ثقيلة _ماعليش مابقاش من غدوا نولي نبات هنا معاك راكي في يماتك حط يدو هلى على كرشي ياك راهم يتحركو ،دايرين مصارعة في كرشي ضحك معليش يكونو بخير برك كلش يهون ،كنت شاهد على هذا الكرش واش جوزت فيه _والله غير يعطيك صحة الشي لي فوتيه والله ما قليل ،هذا اخر كرش بربي نشالله _علاه،نشالله راح يكون عندي 4 بزاف حتى طبيبة قاتلي ماتزيديش تهزي منا على 4سنين _معليش 4فيهم البركة ياربي لوكلنا وشربناهم وقريناهم وربيناهم اذا تحبي وبقات صحتك على قد الحال ماتزيديش تهزي ڨاع 4 بزاف ،ايه راني مخططة هكذا مانيش قادرة _معليش مابقاش قد لي فات اصبري يمات ويجو ويكونو هنا معانا ،نشالله _هيا انا لازم نروح الصباح نجي عندك كاش ما كاين عيطي ،ايه باسني وراح خرج ..
