بقلم هوس ريجا
وصلنا لدارنا لقيت طوموبيلات خاوتي وولادهم ورجال خوتي ڨاع مڨاريين مكاش بلاصة ڨارينا بعيد على باب دارنا ورا طوموبيلات خاوتي هبطت انا وياه جا راجل ختي عندنا لاح علينا السلام دارلي براسو روحي رحت نمشي قطعت الطريق طاحت سوسات تاع محمد ماقدرتش نهبط كعدت هازة محمد والكابة تاعو جيت ندور عندو باه يجي حتى لقيت واحد هزهالي هاكي غير طلع راسو لقيتو ساعد جيت نلوح يدي نحكمها لقيتو ورايا هو لي حكمها عليه ماعرف وقتاش جا عندنا حكمها عليه قالو صحا خويا ساعد راح وهو حط السوسات في فم محمد نحالي الكابة وحط يدو على ظهري امشي مشيت انا وياه وصلني للباب دخلنا عطالي الكابة دخلت وهو خرج...
بعد العشا عيطلي ريبونديت عليه وي يحيى _راه عيطلي راجل وراني رحت عندي خدمة شوفي باباك ولا واحد من خاوتك يوصلك ،علاه ماجيتش هنا _لا جيت بصح عيطلي راجل ورحت عندو وراح نطول معاه اذا لقيتي شكون يجيبك رواحي ولا استناي حتى نخلص ونجي ،ملا راح نبات _انا نقولك شوفي شكون يوصلك لدار وانتي تقوليلي نبات ،ايه نبات علاه حتى نروح وانت مطول _خلاص انا الغالط لي عيطتلك استناي حتى نجي نديك وكوبا لقيت ختي راح تروح قتلها وصليني معاك حطيني في طريقك وصلتني لدار دخلت مالقيت حتى واحد دخلت طلعت الفوق حطيت محمد نحيت حوايجي حكمت بلاصتي عيطتلو بلاكام ماريبونداش عليا بعد 5د عاود عيطلي كام ريبونديت عليه شفتو قاعد فالطوموبيل ،وي حبيبي _راكي فالدار ؟ مع من روحتي ،جيت مع ختي وصلتني _ _اخر مرة تركبي مع رجال خواتاتك ،لاه _هكذا رحيل من باباك وخاوتك مانقبلش ،بصح راني مع ختي _ولو مانقبلش اك سكت رحييييل ،فهمت فهمت مكلاه تبدا تعيط عليا سكت ،واشبيك يحيى ،والو _ماعرف جيتني زعفان _لا عيان برك ،ماعرف تبان مهموم دا نفس عالي فيه الف حسرة حتى انا ديت نفس طويل _علاه الحسرة هذه رحيل واش وراها ،حسرتك اكبر من حسرتي _حسرتي سمعتيها وشفتيها بصح في نفس الوقت ماتعرفيش واش هاز في قلبي ،حتى انا بطلت نعرف واش كاين داخلك نحسك بحر غميق كل ما نقول وصلت مانوصلش _ومراحش توصلي ،علاه صعيب انت يحيى _انا ساهل مع لي نحبهم وصعيب مع لي ما نحبهمش ،وانا واش من قسم _انتي كي شفتك من برا قلت صعيبة بصح كي تعمقت فيك لقيتك ساهلة بزاف بصح مع لي تحبيهم ضحكت ممكن صح ومدام قلت ساهل مع لي تحبهم يعني تحبني _نحبك برك وسكتي راني عاشق ولهااااان ضحكت بقا يشوف معايا وتايه حتى قالي رحيل ،وي حبيبي _كاينة حاجة بصح راح نسقسيك ونتمنى تجاوبيني عليها بكل صراحة ،ايه وشنو هي _هذاك الراجل العشية لي عطالك سوسات تاع محمد شكون تعرفيه ،كنت راح ننكر بصح قلت نهدر صح خير ايه نعرفو جارنا _وين تعرفيه انتي ،جارنا موالفة نشوفو مع خاوتي وخو صاحبتي دارلي براسو وسكت _بصح علبالك هذا الراجل شفتو شحال من مرة قدام داركم شفتو نهار كيما حكمت عليك دوا وصديتي لداركم وشفتو كيما ديتك لداركم في فيونصاي خوك وشفتو اليوم هذا الشي ڨاع صدفة ؟؟؟انصدمت من هدرتو واش قصدك زعما يدي ولات ترجف ومشات فيا رجفة خفت كاش ما سمع وقلبي ماعرف واش صرالو ماعرف خفت ولا حاجة اخرى_لابال طولت وانتي راح تديني لغير طريق حتي نجي ونهدرو مليح واش قصدو هذا يشك فيا ولاكيفاه ايه والله غير يشك،واش قصدك يحيى _ماقصدي والو ،لا قصدك صينو علاه تهدر عليه _مكان والو كي نجي نهدرو ،لا نهدرو ضك واش قصدك _ملخر مانكذبش عليك هذا الراجل ما عجبنيش وتوسويت منو وانا كي نتوسوس مانغلطش وكي نجي نتفاهمو عليها مليح ،علواه نتفاهمو مافهمتش _كي نجي نهدرو مليح،كاش ما سمعت انت _علاه كاش ما كاين ولازم عليا نعرفو بقيت نشوف ظعاه مالقيت ما نقولو _قولي كاش ما كاين ولي توسويسي في بلاصتو ،انا لي راني نسقسي فيك واش كاين_كي نجي نهدرو و وكوبا بقيت نشوف مع التليفون ماشي كاش ما سمع هذا شاك فيا .بقيت رايحة جاية نستنى فيه اليوم يفهمني واش قصدو هبطت التحت وقعدت نستنا فيه يجي حتى سمعت صوت المفتاح فالباب كنت مقلقة طول الوقت وانا نتفكر شحال ذليتلو روحي غير باه يرضى عليا وفلخر يجازيني بالشك كلامو نرفزني نرضى كلش غير يشك فيا وفي اخلاقي وتربيتي صح ساعد كنت نحبو بصح كي تزوجت صاي
