نار الهوى
بقلم هوس ريجا
رحنا لدار هبطنا انا طلعت ديراكت لشمبرة نحيت حوايجي حتى لقيتو دخل عليا رحيل ،واشنو _ توحشت وليدي حاب نحس بيه لحد الان مانيش مصدق بلي راح يجيني طفل ويهز اسمي دورني وجا ورايا حط يديه على كرشي خليه يتحرك ،كيفاه زعما _ ماعلباليش اهدري معاه كيما اي ام حاب نحس بيه درت عندو والله مافهمتك _رحيل واشبيك ديري اي حاجة باه يتحرك مانيش عارف كيفاه نوصف فرحتي ،والله ماعلبالي _اهدري معاه كيما كل مرة الببي يحس بيماه كي تهدر معاه حابو يتحرك بقيت نشوف معاه مافهمتش واش بيه نشوف فيه مفرفج دورني وحط يدو على كرشي روحي اهدري معاه واش موالفة تقوليلو ،ديما نقولو نحبك ومتشوقة لشوفتك دورني عندو حكملي وجهي باسني على شعري طول عمري وانا نحلم يجيني طفل بصح كنت خايف من هذا الشي علبالي كي نتزوج مراحش نتهناو بصح الحمد الله كي سمعت لهدرة فريدة علبالك الفضل الكبير لفريدة طبعتو عليا بعددد عليااااا انا هزيت وتعبت وشفت الويل وانت تقولي فريدة عرفتها بلي حاب تفرح مرتك هذا اذا ماكمش مخططين تديوه مني وتحاوزوني شاف معايا بصدمة واشنوووو ،ايه علبالي راكم مخططين هذا الشي صينو علاه خليتوني عندكم بعد الشي لي صرا ڨاع كنت قادر طلقني وجيب غيري بصح اذا دايرين في بالكم تنحولي ولدي تكونو غالطين مزال ماتعرفونيش ماشي كي سكتلكم على الشي لي درتوه فيا راح نخليكم تنحولي ولدي وترموني لشارع والله نلعب بيكم لعب انت ومرتك في زوج روح سقسي بابا وقولو شكون رحيل انا بابا وخاوتي في 7 وياما تحديتهم وماقدروليش في وقت الصح وكي توصل لكبدتي ناكلك انت وياها ملا افكاركم والشي لي مخططينو تنحوه من راسكم ماشي انا لي ديرو فيها هذا الشي تكون غالط انا راني رحيل فهمت رحيييل ماتنساش هذا الشي بقا يشوف معايا بصدمة واش راكي تهدري انتي ،راك فاهمني مليح علواه نهدر الطفل هذا انا لي هزيتو وانا لي تعبت عليه ومرتك يكثر خيرها على الشي لي دارتو معايا بصح اذا مخططة تنحيلي وليدي يا قسما عظما ومانخليهاش تعيط يا ندامتي مانيش رحيل حاب تفرح مرتك روح اشريلها بيبي ولا روح لكاش ميتم وتبناو واحد انا وليدي مانمدوش _علاه هذا القسوة ڨاع ،على جال وليدي نشرب دمكم نورمال وماتهمونيش حياتي وخسرتها بصح وليدي خط احمر حتى واذا كنت انت _رحيل نحي هذ الافكار من راسك ،ماشي انا لي نحيها انتما لي تنحوها وكون كاش مانحس بحاجة من جيهتكم نهج منا والله ما تلقالي طريق حكملي وجهي رحيل نحي هذا الشي من راسك واحد ما يقدر يديه منك ،ماعرف لاه شاكة بلي راح تدولي وليدي _واحد مايديه راح يبقى معاك انتي سكت جبدت روحي منو رجعني عندو باسني على شفتي حاولت نجبد روحو بين يديه ماخلانيش اخر شي باسني على شعري رحيل راح نولي أب مانيش مصدق هذا الشي روحي تعلقت بيه نزلو دموعي ماعلباليش واش بيا حتى هو ماعلباليش واشبيه حساتو متبدل معايا جامي دار معايا هذا الشي كي يتوشيني يدي حقو ويروح خايفة يكون يلعب بمشاعري خاطر وليدو في كرشي ماخافش نتعلق بيه ونحبو _خلاص ماتبكيش مانزيدش نمسك روحي ترقدي تريحي شوية ماتعبيش روحك رحت رقدت ونخمم تخربطت افكاري ومشاعري . فطنت على صوت تليفوني لقيتو هو ريبونديت عليه ارواحي تتعشاي ،شبعانة _رحيل هيا اهبطي ماشي مليح ليك لازم تاكلي سكت _هيا راني نستنا فيك ،وينهي فريدة _مريضة ،واشبيها _زعفانة شوية كوبيت عليه وهبطت التحت لقيتو قاعد فت جبت صينية حطيت فيها العشا هزيتها وين _راح نتعشا انا وفريدة دارلي براسو روحي ديتها وطبطبت الباب سمعت صوتها من داخل حليت الباب ودخلت لقيتها راقدة ،نوضي جيت نتعشا انا وياك _مانيش قادرة اتعشاي انتي برك لازم تاكلي ،راح ترجعيني ناضت قعدت ربعت رجليها حطيت البلا على سرير وقعدت شفت معاها عينيها منفوخين وحمر ،علاه راكي تبكي دارتلي براسها والو،زعفانة مني _لا زعفانة من نفسي _علاه بصح _هكذا ،حاجة ما تستاهل تزعفي على جالها هيا كولي بقينا ناكلو انا وياها مسحت يديها جبدت روحها كولي ماكليتي والو _لا شبعت ،بصحتك نضت ديت البلا وخرجت تلاقيت بيه مسحلي على شعري وفات دخل عندها
فت الكوزينة غسلت وطلعت الفوق تكسلت على السرير بقيت سهرانة مع التيلي شبعت نوم فالنهار جعت هبطت التحت للكوزينة حليت فريجدار درت سندوتيش سلاطة فرماج وكاشير وطماطم سمعت صوتو ورايا جعتي درت عندو ايه شوية جا عندي علاه ماكليتيش حاجة اخرى ،مانقدرش ناكل حاجة ثقيلة نحب ناكل حاجة خفيفة كرشي ثقيلة مانقدرش درالي براسو ،نديرلك معايا _هاتي نجرب عطيتلو تاعي ودرت واحد ليا قعدت على طابلة وقعد هو بقينا ناكلو بالساكت حتى خلصنا نضت غسلت يدي حسيت بيه واقف ورايا غير درت عندو حط شفتو على شفتي بقا يبوس فيا يحيى بعد واشبيك فريدة تدخل عندنا _اششش مانقدرش ،ضك تجي فريدة _وامبعد مرتي انتي ،بعد عليا واشبيك _رحيل خلااااص اسكتي واشبيك شاف معايا خلاص حبيبي وكمل يبوس فيا جبد روحو عليا حكمني من يدي ومشاني معاه طلعني لشمبرة لثالث مرة استسلمتلو حتى كمل جبدت عليا لغطا وغطيت روحي ونبكي ماقدرتش نحمل في داخلي انا من النوع لي نهدر واش كاين في قلبي مانخبيش طل عليا علاه راكي تبكي رحيل ،علبالي بلي ماتحبنيش وكلامك وتصرفاتك معاايا غير على جال وليدك ماديريش معايا هكذا وتضرني في قلبي ماتخلنيش نعاني وراك من الخذلان _مراحش نخذلك ماتخافيش انا بعدت عليك غير كي قلتي ماتقربليش فالبداية ماكنتش نمارس معاك العلاقة الزوجية بصورة مليحة خاطر مانقدرش نكذب في مشاعري بصح ضك ماعلباليش واشبيا نحبك ونحب فريدة وماتسقسنيس كيفاه خاطر حتى انا مانيش فاهم هذ الشي بقيت نشوف معاه وليت لحت يدي حاوطتو من رقبتو حظنتو ونبكي بقا يمسح على ظهري جبدت روحي عليه حكملي وجهي باسني بوسة خفيفة هيا تصبحي على خير انا نروح ،علاه تخاف عليها هكذا _رحيل فريدة انسانة مكسورة من داخل بقات حطام امراة فجاة لقيت روحي وسطكم ماعرفتش كيفاه نوازن بينك وبينها بصح والله وربي شاهد هي اولى منك انتي انسانة قوية وواحد مايكسرك بصح هي انسانة مكسرة مافيها لي يصلح ملي شافت البيبي عند طبيبة وهي تبكي عينها ما صحاتش راهي تحس بالنقص انتي مراة بصح هي مراهيش تشوف في روحها مراة هي بقات حطام امراة ماعرفتش كيفاه نرممها راهي مدمرة نفسيا وجسديا ومالغري هي انسانة متدينة بصح ايمانها ضعف بعد الشي لي صرا معاها ومرات تآذي نفسها بلا ماتجيب خبر فهمتي لاه نخاف عليها ماشي قضية هي نحبها وانتي نكرهك انتي وهي ماشي كيفكيف ،ربي يكون معاها _امين ماتزعفيش منها مهما دارت معاك ديما القايلها اعذار خاطر ماهيش على طبيعتها درتلو براسي ايه باسني على جبيني تصبحي على خير ،وانت من اهلو ناض لبس وخرج بعدت كل الافكار من راسي ومانيش حابة نحس احاسيس ونندم عليها .
لثاني يوم فطنت لقيتها هي فالكوزينة صباح الخير دارت عندي صباح نور قعدت نفطر نشوف فيها مقلقة وعينيها منفوخين من البكا ماعلباليش واشبيها حتى نطقت رحيل شفت معاها _ماعندي حتى واحد فالدنيا هذه غير يحيى ويما خواتاتي متزوجين بديارهم خاوتي متزوجين ولاتيين بنساهم وولادهم وديارهم واحد مالاتي بيا بغير يما ويحيى وماتقدريش تتخيلي شحال نحب راجلي لدرجة ضحيت وجبتلو مراة باه مانحرموش من حقو مانسمح لحتى واحد يديه مني ويخربلي داري ،مافهمتش علاه راكي تحكيلي هذا الشي _علبالي البارح خلاني راقدة وجا عندك انتي
ضحكت باستهزاء بصحك فريدة ؟ انتي لي راكي تهدري على هذا الشي وتشكي منو بقات تشوف معايا علبالك اخر وحدة تهدر على هذا الشي هو انتي ماعندكش الحق تشكي من هذا الشي اك ماعندكش الحق وماتبقايش تشوفي معايا بنظرة بلي انا لي دخلت حياتكم وسرقت راجلك منك راجلك انتي لي دخلتيني في حياتو وانا اخر من تشكي فيها تسرقلك راجلك خاطر اولا الشي لي درتيه فيا عندي الحق ننتقم منك ونديه منك ونحاربك لانك انتي درتي معايا نفس الشي من ليلتي اللولى هو صح غلط معايا وظلمني بصح علبالك علاه باه ماتزعفيش انتي ماعلباليش واش راكي ديرولو بصح الظلم لي دارو معايا انتي عندك دور فيه انتي ماثرة فيه ماعرف خاطر يحبك ماعرف حاجة اخرى بصح مهما يكون ماعندكش الحق ديري هذاك الشي انتي علبالك بلي انا وانتي كيفكيف واش تسالي انتي نسال انا بصح تهناي ماشي انا لي نحتم روحي على راجل ونخليه يحبني الحب ماشي بالسيف وماشي انا لي نظلم على جال راجل واخر مرة تهدري معايا هكذا وتحاسبني خاطر انا مرتو كيفي كيفك ماعندكش الحق تحاسبيني اذا بت مع يحيى ولا رقدت معاه ولا اي حاجة خاطرو هو راجلي وانا مرتو مي تهناي ماشي انا لي نحتم روحي على راجل ونظلم ونكسر خاطر غيري على جال راجل ونضت خرجت طلعت الفوق مانيش حابة نقلق روحي راح نولي نمشي بالدوا تاع الاعصاب من تحت راسهم
جيت فالشمبرة وقعدت ماهبطتش ڨاع صليت ظهر وقعدت حتى لقيتو دخل عليا لاح سلام رجعتلو جا وقف فوق راسي كاش ماصرا بينك وبين فريدة ،علاه _ماعرف راهي تبكي ،وكل ماتبكي فريدة تاعك جي عندي انا ؟؟ _لا بصح الصباح تقابضنا على جالك وشكيت واقيلا كاش ما صرا بيناتكم وسمعتيها كلام قاسي ،وعلاه ماشي هي لي سمعتني _خاطر نعرفك عندك لسان يذبح ،ماعندي ما سمعتها ممكن كي هدرت الصح زعفت وأنبها ضميرها مالغري هي لي سمعتني بصح مازعفت ما بكيت خاطر مهما تقول مراحش تأثر فيا لاني انا مظلومة مانيش ظالمة وضميري مرتااااح ونيتي صافية _علاه حتى يأنبها ضميرها ،مانعرف هي علبالها _رحيل قتلك مهما هدرت معاك فريدة ماديريش عليها ،مادرتش عليها بصح انا كلمة الحق نقولها ومايهمنيش لي حاب يزعف يزعف اصلا ما يزعف غير لي قاسو الكلام شاف معايا وراح خرج كل ما بكات فريدة تاعو يجي يجري عندي سمعت الحس التحت خرجت طليت لقيتو يمشي فيها تبان مريضة رجعت حكمت بلاصتي مارجعوش لا ليل انا بقيت فالشمبرة ماهبطش ڨاع جبدت روحي عليهم قعدت سهرانة مع التليفزيون حتى جعت من الصباح ماكليت حاجة هبطت التحت شفت تلفزيون تاع الصالو شاعل رحت الكوزينة كليت وخرجت بقيت نشوف مع الصالو وليت دخلت شفتو متكسل على الفوتاي رحت عندو وقفت فوق راسو نحا ذراعو على عينو واشنو ،واشبيك _والو تعبان برك ،واشبيها فريدة _طاحلها سكر وديتها لسبيطار ،واش راهي ضك _راهي راقدة درتلو براسي ايه جيت ماشية حكملي يدي درت عندو جبد روحو رواحي عندي توحشت وليدي بقيت نشوف معاه هيا رواحي رقدت معاه وحطيت راسي على صدرو باسني على شعري وحط يدو على كرشي وقتاش يجي هذا بلاك ينحي علينا هذ الكآبة ويفرحنا طلعت راسي شفت معاه انا سبابكم ياك ؟_وانتي علاه من نهار نحاولها الرحم تبدلت حياتنا ولات غير مشاكل فريدة تبدلت وبقات حطام فريدة وحاسة بالنقص ،جامي شفت زوج يحبو بعضاهم كيما انتما _حبنا انا وفريدة مختلف خاصة من جيهتي حبي ليها كحب ابن لامو مراحش تفهمي هذا الشي فريدة زوجة وصديقة وام بالنسبة ليا ياما وقفت معايا واحتواتني وكانتلي سند معنوي هي تفهمني بلا مانهدر زواجنا كان تقليدي بصح نجحنا فيه ملي جبتها وهي مريحتني كنا عايشين فالعسل فجاة تحولت حياتنا ولات غير مشاكل وهموم ماعرفتش كيفاه نحتويها عندي ماحبتش تصدق بلي راح نبقى نحبها كيف ما كانت تكون مالقيتش طريقة نقنعها بهذا الشي ماعرفتش نبنيها من جديد كل ماحاولت نبنيها هي تهدم نفسها
،ربي يكون معاها ماتقدرش تساعدها اذا هي ما ساعدتش نفسها _عييت نفهمها هذا الشي ماحبتش تفهم كسرت روحها وكسرتلي ظهري معاها كي نشوفها فالحالة هذه يطيح مني النص انسانة كيفاه كانت وكيفاه ولات كانت جبل مايهزك ريح وضك ولات انسانة كلمة تريبها وتهدمها ،ربي يكون معاها جيت نوض حكمني وين اقعدي معايا ،لا نروح مانيش حابة تنوض صباح وتلقانا هكذا وتقولي سرقتيه مني _بصح هذه دالتك انتي ،وانا تنازلت عليها وعلى كل الليالي _وانا ما تنازلش عليها ،واش تبدل بين البارح واليوم من ليلة لولى وانت تتنازل _علبالي بصح كنت مجبور كي كنت نرقد عندك ونهبط نلقاها جثة ،علاه _صحتها مكان مكان وماقدرتش تتقبل هذا الشي ،كون حكيتلي مانيش انا لي نتقابض على ليلة راني سامحة فيك وفي ڨاع ليالي ابقا معاها ليل مع نهار بقا يشوف معايا _علاه تكرهيني هكذا ،كنت بصح ضك لالا والله غير سماح ليك وليها ومسامحتكم على كلش واش درتو فيا مهم تكون لباس _هي علبالك علاه ماتقبلتش نكون معاك ،علاه _خاطر تحبني وتغير عليا ،ايه وامبعد _يعني انتي كون جيتي تحبيني مراحش تقولي هذا الكلام وتسمحي فيا بالسهولة هذه ،تحبك هي بزاف عليك اصلا مانخليش روحي نحبك خاطر انا راح نكون مضرورة من هذا الحب _علاه زعما ،مانيش حابة نعيش حب من طرف واحد بقا يشوف معايا ،تصبح على خير _اقعدي معايا واشبيك تهربي مني علبالي ماكيش طايقتني بصح حاولي درتلو براسي ايه وعطيتو بظهري لاح يدو تحت راسي وحط يدو على كرشي بقا الليل كلو هو يمس في كرشي ويبوس في شعري حتى غفيت لثاني يوم فطنت لقيتو هو مكانش نضت جاني صوتهم
من الكوزينة سمعت اسمي وسط هدرتهم قدمت للباب وبقيت نسمع _صار لي صار فريدة وكون يرجع بيا الوقت لور والله ماندير هذا الشي وكون جات رحيل ماشي بالكرش راني طلقتها ظلمناها بزاف ملي جبتها وهي تبكي الطفلة تعيط بصوتها ماهيش طايقة هذ المعيشة بصح صرا لي صرا مراحش نبقاو غير في هذ السيجي صاي لازم نغلقوه _ماشي غير انت لي ندمت حتى انا راني ندمانة ندمت لزوجتك وجبتلك مراة كان لازم علينا نطلقو وكل واحد يشوف حياتو انت توالف وانا نوالف ماعلباليش كيفاش راح تخلاص علينا بصح ماعرف لاه راني حاس بلي بديت تضيع مني كون طلقنا احسن على الاقل نبقى نحبك _واحد مايضيع من واحد رحيل هي الخاسر الكبير في هذا الشي _علبالي والمشكل بسبابها مراحش نتهناو في حياتنا لا انا لا انت تعبت من هذا الشي ولات تبكي _انتي سبب هذا التعب قتلك راني راضي بقسمة ربي العالمين خليتيهم يلعبو بعقلك وجيتي لعبتي في عقلي وندمنا عليها في زوج وزدنا جرينا وحدة ماعندها حتى ذنب في هذا الشي الله يلعن الشيطان وساعتو _واش تحبني ندير ويماك وخاوتك وداركم ڨاع يقنعو فيك باه تزوج كنت عارفة راح يجي نهار وتتزوج واختصرت الحالة ورضيت بهذا الشي قبل مايفرضوه عليا _شوفي فريدة هنا وخلاص ساعفتك بزاف مانبقاش غير انا نراعي في مشاعرك على حساب ضميري انتي دخلتينا هنا ارضاي واسكتي كيما رضيت انا رحيل مرتي كيفك كيفها واش تسالي انتي تسال هي وواش من حق تساليه عندي حتى هي نفس الشي ،واش قصدك _قصدي واضح ماعندكش حق تزعفي اذا رقدت عندها اليامات لولين تفهمت حالتك واسبابك بصح نورمالمو تكوني تقبلتي هذا الشي انا مراحش نبقى هكذا نراعي في مشاعرك على حساب مشاعرها هي ونظلمها _بديت تحبها ياك حتى انا عرفت هذا الشي وحسيت بيه _فريدة افكارك هذو نحيهم من راسك وياسيدي نفترضوها بلي نحبها وراه المشكل والعيب في هذا الشي مرتي ومن حقي وحقها نحبها ونراعيها مي تهناي ماني نحب حتى وحدة غيرك وليت طلعت خليتهم غسلت وبدلت وعاودت هبطت لقيتهم قاعدين صبحت عليهم وقعدت نفطر نشوف فيهم ماشي نورمال ناضت هي نلبس ونجي نضت وقفت جيت خارجة عيطلي درت عندو دارلي براسو رواحي رحت عندو وقفت قدامو حط يدو على كرشي واش صبحتي ،لباس _كاش مايوجع فيك ،لا والو _تهلاي في روحك علبالي بديتي تعياي ماتعبيش روحك بزاف درتلو براسي ايه ناض وقف باسني على خدي روحي اطلعي تريحي ماعندك ماديري ،ندير الغدا _ماديريش مراحش نرجعو ليل مسح على راسي وخرج غسلت الماعين تاع الفطور وطلعت الفوق تكسلت على السرير وقعدت نهدر مع خواتاتي فالتليفون حتى اذن الظهر صليت وهبطت التحت كاش ما ناكل حاجة لقيتو حل الباب ودخل وهاز صاشية السلام عليكم،وع السلام _تغديتتي ،لا مزال راني هبطت كاش ماندير _راني جبت من برا رواحي حطيلنا حتى نصلي ونجي جا عطاني صاشية مسح على شعري وفات دخلت الكوزينة حطيت الغدا وقعدت نستنا فيه حتى دخل بقينا ناكلو بالساكت كملنا شاف معايا واش رايك نديك نشرو حوايج لمحمد ،شكون محمد _وليدي شكون ،راح تسميه محمد _ايه علاه ماعجبكش ،لا مليح بصح كنت حابة نسميه نوفل_خلي هذا لول نسميوه محمد ولخرين سميهم كيما تحبي سكت _واش ماعجبكش الحال ،لا نورمال اصلا محمد خير مكاش كيما اسم الرسول _صحيتي اصلا كشغول ولات قانون لازم اي دار فيها اسم محمد ضحكت ايه صح لاحظت هذا الشي مكانش دار مافيهاش اسم محمد _تروحي ،ايه نروح نلم الحالة منا ونغسل ونجي _خلاص انا نروح نتكسل شوية كي تخلصي رواحي راح خرج انا لميت الحالة غسلت وطلعت الفوق لبست كحلت عينيا درت بريولاف درت نقابي طلعتو على وجهي هزيت صاكي وهبطت رحت لصالو لقيتو مكانش رحت لشمبرتهم الباب محلول طليت لقيتو راقد ويدو على عينيه والقران يمشي فالتيلي طبطبت الباب مكانش رحت عندو قدمت عندو يحيى يحيى مكان حتى صوت جبدت ذراعو يحيى فطن وحل عينيه لقاني في وجهو ناض قعد واقيلا غفيت بلا مانحس ،اذا راك عيان مكلاه نروحو خليك راقد _اواه كعاد الشمبرة سخونة جاني النعاس راكي واجدة ،ايه واجدة _دقيقة نبدل برك ونروحو جيت خارجة ويييين ،نستناك برا _علاه تستناي برا اقعدي هنا برك ،لا برا خير _هيا اقعدي ماتبقايش واقفة قعدت على سرير حل الخزانة بدل حوايجو لبس سروال جين نوار تريكو نوار نوار تيان نوار وفاست خفيفة فالمارو بقيت نشوف معاه هذا صح سلافي جامي شفت سلافي يلبس هكذا حتى اللحية عادية دار عندي لقاني نشوف معاه هاه واش ،انت صح سلافي ولا يكذبو _علاه كيفاه يكون عندك السلافي انتي ،كيما بابا عصبي ومتشدد ومربي اللحية ويلبس قميص _ماشي شرط نلبس قميص ونربي اللحية باه نكون سلافي سما عندك انتي السلافي كي يلبس السروال ماشي سلافي ،ماعرف موالفة ديما نشوف السلافية هكذا ومنهم بابا _القميص احب لباس عند الرسول بصح ماشي واجب شرعا المهم تلبس لباس مستور ومقبول ومحترم وانا نلبس القميص وفي نفس الوقت نلبس اللباس العادي سورتو فالشتا وبحكم خدمتي لي اغلبها برا لازم نلبس اللباس العادي ،مانعرف _مابقاش ويسخن الحال ونلبسلك القميص هز التليفون والمفتاح نضت وقفت خرجنا للباب دار عندي هبطي على وجهك لحت يدي نهبطو حكملي وجهي شاف مع فمي حط صبعي واشنو هذا ،بريو _واشنو بريو هذا ،جاي كيما الحمرة مي هو سائل _وتخرجي بيه ،ايه ياك دايرة نقاب شاف معايا ومع فمي اوه نحيه خير وباسني على شفتي حتى نحاهولي جبد روحو شاف معايا هكذا خير ضحكت هبطلي على وجهي راح يزيد دوزيام ،مانقدرش نشوف هكذا _وتخرجي بعينيك مكحلين ،ايه نورمال _ولاه درتلك ملا نقاب نحيه وصاي ،واش دخل العينين _انتي عينيك دورجين يجذبو الواحد زدتي كحلتيهم اكيد مراحش نخليك تخرجي هكذا ،وكيفاه والله مانقدر نمشي وعينيا مغطيين ضك نطيح _علاه طيحي انا ڨودتك هيا امشي ،اصبر ملا نمسحهم ونجي _ارواحي لطوموبيل ضك نعطيك امسحيهم خرجنا ركبنا عطاني مسحت وديمارا وصلنا دخلت انا وياه شرينا كلش فالازرق للبيبي وشريت شحال من حاجة ليا روب بيجامات وكيمينوات جينا خارجين لقينا مانكا لابسة روبة بروتال بيزو فالروز فونصي طويلة ومشقوقة على الجيهتين وعلى الصدر فتحة جاية على شكل قلب ومعاها بابيونة تاعها دار عندي هذه جيك تقتل ضحكت وين علبالك _علبالي ارواحي نشريوهالك ،خلينا منها واش ندير بيها _تشاهيت نشوفك بها شحال لاطاي تاعك بقا يشوف مع لطاي تاعي كنتي 38 بصح مع الحمل زدتي شوية يعني توصل حتى 40 ملا نجيبولك لطاي L عيط لوحدة قالها عطالي وحدة كيما هذه لطاي L راحت جبتها وجات عطتهالنا خرجنا من ثما وڨارا قدام السبيطار درت عندو لاه حبسنا هنا _نروحو نزورو يمات فريدة راهي هنا ،مزال مرتاحتش _مزال ،ملا فريدة ديما جي هنا _ايه مدايرين دالة هي وخواتاتها ،ربي يشفيها _امين هبطنا طلعنا الفوق دخلنا لصال فيها شي 10 نسا وكل وحدة معاها الڨارد ملاد تاعها داني لياماها لقيتها دايرة السيروم اكسجين سلمنا عليها دخلت فريدة هازة الماعين في يدها كانت تغسل فيهم لاحت عليا السلام وراحت عندو انا بقيت نهدر مع يماها وهي تهدر معاه ماعرف واش بقاو يهدرو شفتو تقلق هي تهدر وهو يتخنزر فيها راح خرج وهي لحقاتو لحقاتو بقيت يماها على خير وخرجت لقيتهم فالكولوار هو عاطيني بظهرو نسمع فيه يهدر بعصبية ماهيش وحدة من الشارع حتى نحاسبني مرتي هذه _راك تشوف كيفاه وليت تتصرف معايا على جالها _فرييييدددددددة حابة تكفريني _خلاص ماقلت والو رحت نمشي عندهم دارو عندي في زوج شفت معاها ربي يجيبلها الشفا خلفتلكم الراحة _امين وراحت دخلت ماعرف واشبيها مايهمنيش تخبط راسها لحيط شاف معايا دقيقة نسلم على عمتي ونجي راح عندها وعاود خرج رحنا لدار هبطنا فتحلي الباب حطلي لحوايج هيا ادخلي العشية نشالله حكمتو و درت العشا بكري حطيتو وطلعت الفوق قعدت نفرز في حوايجي شفت الروبة لي شرهالي قلت خلي نلبسها درت فيها دوش وقصيت شعري وحدي خليتو حدود الرقبة مانحبش الشعر الطويل سشورتو مكيجت كثرت شوية ولبست الروبة شفت روحي فالمراية فصلتني تفصال وعلى صدري فتحة كبيرة على شكل قلب درت سلسلة سامبل وبراسلي في يدي وقعدت نتفرج شفتهم طولو وانا جعت وليت نضت نروح ناكل خير حليت الباب هبطت درجة شفت الباب تحل سمعت صوتو جيت نرجع حسبتها هي معاه مانقدرش نلبس قدام فريدة بهذا الفضح وهو معانا سورتو كعاد صدري مكشوف حتى هي جامي تلبس المفضوح فالدار ديما روبة يا بالذرعين يا ديميمونش ودير الخمار على راسها ولا فولارة سمعت عيط محمد درت عندو شكون محمد شفتو يهدر فالتليفون وفريدة مكانش معاه دارلي براسو رواحي هبطت على دروج درجة درجة وهو يشوف معايا حتى وصلت عندو فتحلي ذراعو دخلت عندو حظني طلعت راسي شفت معاه بقا يهدر مع الراجل ويبوس فيا _هيا غدوا نشالله ونتفاهمو مليح...ياودي قولو مكانش كيما الحلال حطو قدامك واتمتع كيما حبيت...الله يهديه قولو اركح وروح تزوج هذاك السوق مراحش يخرج عليك ...مايشبعش من نسا عندو الحق في 4 يجيب 4 ويهني روحو ...هو يعني الصح الصح فيها معاناة وعذاب بصح كاين شي عذاب والله ما خسارة تتعذبو جنة وماادراك شاف مع عينيا ...راني نهدرلك عن تجربة واشبيك سقسي المجرب وماتسقسيش طبيب... اواه كولو بصحتكم ...ياو طيرو وجنحو عشاكم مراحش يكون كيما عشايا وشاف مع فمي...هيا روح عليا ضيعتلي وقتي باطل ...اكيد كاين اهم منكم ...ماشكيتش نزيد نخرج حاب نسكر ما نصحاش ...كاين خمر حلال واشبيك ...ماتقدرش تشريه غالي عليك ديجا كاينة قرعة وحدة وديتها انا مراحش تلقاو غيرها فالعالم ڨاع..الاصلي عندي والباقي تقليد..هيا غدوا ونتلاقاو كوبا عليه وشاف معايا دور عيينه على ملامح وجهي انتي ديما حلوة بصح اليوم احلى بعدني عليه شاف مع الروبة والله انتي لي خرجتي عليها ضحكت لاهي خرجت عليا _قلنا انت هي صح الروبة مليحة بصح كي لبستيها انتي ولات روعة ماشاء الله عليك حط يدو على كرشي وهذا ماتحركش اليوم ،ماشي بزاف _ راه راقد واقيل سكت _هيا نصلي العشا راح عليا ونجي ،متعشي؟ _لا مزال ،معليش هذاك هو نوجدو حتى جي فات لشمبرة وانا فت الكوزينة نوجد فالطابلة حسيت بيديه دارو على كرشي باسني من رقبتي درت عندو بقا يشوف معايا انا صح كنت نبكي في هذ العينين سكت باسلي عينيا في زوج نبكي انا وماتبكيش انتي بقيت نشوف معاه ماعرفتش واش ندير مانيش موالفة نكون معاه بهذ الحميمية جبدت روحي رواح تتعشا قبل مايبرد وقعدت شاف معايا وسكت جا قعد كلينا وكملنا ناض وقف وحكمني من يدي وين _نطلعو ،حتى نغسل هذو _خليك منهم نضت معاه دارني في حظنو وحط يدو على كرشي طلعنا ع الدروج بالشوية برك امشي وحدة وحدة دخلنا الشمبرة نحا لغطا هيا ادخلي هنا طلعت لسرير عدلت روحي ودخل هو دار المخدة ورا ظهرو فتحلي ذراعو تكيت على صدرو طلعلي وجهي عندو بقا يشوف معايا وجهك يبعث الراحة فالنفوس واقيلا راح تولي تعبي وراحتي في نفس الوقت ،كيفاه زعما _يجي نهار وتفهمي باسني على شفتي كالعادة ديما نستسلملو هذه المرة بادلتو حتى كمل دارني في حظنو ورجع رقد على ظهرو ويخمم ماخبيتش نسقسيه نخاف يكون جوابو مايعجبنيش بقيت هكذاك حتى غفيت ،فطنت على صوت تليفونو يصوني ناض تكا عليا لاح يدو جبدو وريبوندا وي فريدة راني راقد علاه _شحال الساعة ضك راهي 1 مانقدرش نجي باتي برك في داركم وغدوا نجي نديك...راني عيان مانيش قادر ..راح ديري معايا تحقيق ولا كيفاه ...راكي تحققي معايا ....فريددددة كي عيط عليها خلعني تخطفت و فتحت عينيا لقيتو في وجهي جبد التليفون عليه حط وجهو في رقبتي وباسني منها هيا حبيبي ارجعي ارقدي حتى نجي ناض خرج نضت قعدت مافهمتش واشبيهم هذو في زوج تبدلو سورتو هو عييت نفهمو ونفهم تصرفاتو معايا كون يبقا هكذا معايا راح غير نحبو ونتعلق فيه لقيتو دخل عليا _علاه نضتي ،راك رايح _وين ،تجيب فريدة _لالا دخل عندي رقد وفتحلي ذراعو هيا رواحي عندي ،لاه دير معايا هكذا _واش راني ندير ،تعامل فيا بهذه الطريقة _والله حيرتيني معاك اذا عاملتك مليح مايعجبكش الحال واذا ماعاملتكش مليح كيفكيف واش ندير معاك باه يعجبك الحال وترضاي ،ماعرف مي نفضل تعاملني على حقيقتك ماتمثلش عليا _وشكون قالك راني نمثل عليك ،ماعرف كنت تكرهني _شكون قالك نكرهك يابنت الناس علاه حتى نكرهك جامي كرهتك انتي لي كنتي تكرهيني ،خاطر ماكنتش تعاملني مليح _وكي نعاملك مليح تحبيني ،اذا تبقا هكذا ايه بصح مانيش حابة نحبك _علاه ،انت تحب فريدة ماجاياش _حبيني برك ومايهمكش فالباقي ،انت مايهمكش بصح انا يهمني مانقدرش نحب واحد وهو يكرهني ويحب غيري _ياودي شكون قالك نكرهك والله غير نحبك،كيفاه تحبني وتحب فريدة _حتى انا ما فهمتهاش خلينا منها هيا رواحي ترقدي عندي حطيت راسي على صدرو حظني وباسني على شعري هيا ارقدي وماتخمي في حتى حاجة خلي كلش يمشي على حالو درتلو ايه هزيت يدي حطيتها على صدرو هزها باسها وحطها على قلبو راكي هنا ماتخميش فالباقي غمضت عيني ورقدت على احاسيس جديدة،فطنت على صوت تليفونو ستنيت ينوض ما ناضش نضت تكيت على صدرو لحت يدي جبدتو لقيتها فريدة حسيت بيدو على ظهري شكوون ،فريدة _هزي عليها ،لالا _علاه ،ضك تزعف _علاه تزعف ،كي تعرف بلي بايت عندي _شكون انتي رحيل ،مرتك _خلاص ملا ريبوندي عليها نورمال وقوليها راه راقد ريبونديت عليها _صباح الخير يحيى ،صباح نور فريدة يحيى راقد حسيت بصوتها كي تبدل يحيى راقد عندك ،ايه علاه _لا حسبتو راح للخدمة ماشي عوايدو يبقى لهذا الوقت معليش ممبعد نعاودلو وكوبات شفت معاه _رحيل حتى انتي لازم تقنعي بلي انتي كيفك كيفاه واش تسال هي تسالي انتي ماعندك لاه تخافي منها ولا تحشمي واحد ماعندو الحق يحاسبك عليا صحا حبيبي ،صحا حكملي وجهي باسني على شفتي حتى استسلمتلو دارني في حظنو وحط يدو على ظهري اليوم راح نجيب النهار ڨاع معاك ،بصح لازم نوض ندير شغلي _من اليوم انا شغلك الشاغل كي نحضر انا ما يولي عندك حتى شغل غيري تفاهمنا ،تفاهمنا جبنا نهار كامل مع بعض صونا تليفونو شي الف مرة بصح ماريبونداش علبالي بيها فريدة كي سقسيتو لاه ماهزيتش قالي مانهزش مانزعفك لا انتي لا هي اذا هزيت وقلتلها راني فالدار راح تزعف واذا هزيت عليها وهدرت معاها راح تزعفي انتي خلي هكذا خير.
حتى العشية ڨاع قالي نخرج نجيب فريدة ونجيب معايا عشا ونجي هو راح وانا غسلت المواعين تاع صباح نص ساعة سمعت صوت الباب خرجت لقيتهم دخلو من حالتهم يبانو تقابضو هي فاتت ديراكت لشمبرتها وهو جا عندي عطالي صاشية هاكي حطيلنا نصلي ونجي حكمتها راح مشا عاود رجع درتلو براسي واشنو لاح يدو دورها ورا ظهري جبدني عندو باسني وجبد روحو مانيش قادر نشبع منك علاه درتلو بكتفي ماعلباليش قرصني من خدي قتلك راح تولي تعبي وراحتي ضحكت _ عسى ان تكرهو شيء وهو خير لكم بقيت نشوف معاه سمعت صوت الباب جبدت روحي قرصني من خدي وراح وانا دخلت الكوزينة دخلت هي رحيل درت عندها اليوم يحيى مراحش يخدم ،علاه _سقسيتك برك ،ماعندو مادخلني سقسي راجلك هو يجاوبك انا علاه تسقسيني ودرت قعدت نحط فالعشا راحت خرجت نسمع في صوت عياطهم بصح مافهمتش علواه غير هو يعيط ياووو خلاااااص خلااااااص راني كرهتتتتتتتتتتتتتتت وطاح تكسار فالشمبرة بعدها حل الباب خرج يعيط معيشة الكلاب هذه حل الباب خرج وخبطو وراه نسمع في صوت بكاها شفت مع الشمبرة تاعها ومع الباب واش دخلني فيهم الله يسهل عليهم دخلت درت العشا فالبلا وخليتلهم هما وطلعت الفوق قعدت ناكل ونتفرج
عيطتلي ماما قعدت نهدر معاها نسمع في صوت بكاها وصل عندي قلت لماما نروح عندها نشوفها _احكمي بلاصتك وابقاي بعيدة عليهم هي وراجلها الله يسهل بيناتهم مشاكلهم يحلوهم وحدهم ماتدخلي بيناتهم ماتربحي العيب لي يدخل بين البصلة وقشرتها مايربح غير دمعتها كون تروحي عندها كاش ماتسمعك خليها هي وراجلها يدبرو راسهم اربحي ملاحتك واسكتي مهما كان نيتك توتسيها تبقاي ضرة وتحسبها شفاية منك ملا بلا مانزيد نوصيك مشاكلها هي وراجلها تبقاي بعيدة عليهم راجل ومرتو تقبضو ضك يرجعو ومراح تربحي غير العيب عندها الحق ماعندو مادخلني هبطت التحت باه نرجع الماعين لقيتو دخل هبطت راسي خفت يطرطق فيا انا ثاني دخلت للكوزينة حسيت بيه دخل ورايا واشبيك انتي ثاني درت عندو علاه واشبيا _ماعرف لاه راكي دوري في خليقتك عليا ،لا والله والو سكت درت حليت العين باه نغسل واشبيه هذا شعل فيا واقيلا جا يفرغ غش مرتو فيا انا هكذاك حتى لقيتو حاوطني بيديه وباسني على رقبتي بقيت كيما راني نخاف منو كي يكون هكذا اكتشفت حاجة في شخصيتو انو عندو ردات فعل غير متوقعة يكون مقلق وعصبي فجاة يهدى ويتكالما ولا العكس درت عندو حط يدو على خدي انتي ثاني زعفانة ،لالا علاه نزعف حط يديه على البوطاجي ودفن وجهو في رقبتي بقيت كيما راني خفتو نبعدو يطرطق فيا حتى نطق علاه ماتبادلنيش الحظن حطيت يديا على ظهرو بقا يهدر في وذني راكي فرحانة ،علاه _دعاويك خرجو فينا ،علاه زعما _انتي مرتاحة وحنا مناش مرتاحين ،روح راضي مرتك ضك ترتاحو جبد روحو شاف معايا انتي ماكيش فاهمتني ڨاع ،مانيش حابة نفهم _ قتلك انتي تعبي وراحتي سكت شاف معايا وراح خرج بقيت نشوف وليت درت غسلت وخرجت تلاقيت بيه خرج فات عليا ودخل لصالو طلعت الفوق بقيت ندور نروح عندو ولا مانروحش خلي نروح عندو
احتى العشية ڨاع قالي نخرج نجيب فريدة ونجيب معايا عشا ونجي هو راح وانا غسلت المواعين تاع صباح نص ساعة سمعت صوت الباب خرجت لقيتهم دخلو من حالتهم يبانو تقابضو هي فاتت ديراكت لشمبرتها وهو جا عندي عطالي صاشية هاكي حطيلنا نصلي ونجي حكمتها راح مشا عاود رجع درتلو براسي واشنو لاح يدو دورها ورا ظهري جبدني عندو باسني وجبد روحو مانيش قادر نشبع منك علاه درتلو بكتفي ماعلباليش قرصني من خدي قتلك راح تولي تعبي وراحتي ضحكت _ عسى ان تكرهو شيء وهو خير لكم بقيت نشوف معاه سمعت صوت الباب جبدت روحي قرصني من خدي وراح وانا دخلت الكوزينة دخلت هي رحيل درت عندها اليوم يحيى مراحش يخدم ،علاه _سقسيتك برك ،ماعندو مادخلني سقسي راجلك هو يجاوبك انا علاه تسقسيني ودرت قعدت نحط فالعشا راحت خرجت نسمع في صوت عياطهم بصح مافهمتش علواه غير هو يعيط ياووو خلاااااص خلااااااص راني كرهتتتتتتتتتتتتتتت وطاح تكسار فالشمبرة بعدها حل الباب خرج يعيط معيشة الكلاب هذه حل الباب خرج وخبطو وراه نسمع في صوت بكاها شفت مع الشمبرة تاعها ومع الباب واش دخلني فيهم الله يسهل عليهم دخلت درت العشا فالبلا وخليتلهم هما وطلعت الفوق قعدت ناكل ونتفرج
عيطتلي ماما قعدت نهدر معاها نسمع في صوت بكاها وصل عندي قلت لماما نروح عندها نشوفها _احكمي بلاصتك وابقاي بعيدة عليهم هي وراجلها الله يسهل بيناتهم مشاكلهم يحلوهم وحدهم ماتدخلي بيناتهم ماتربحي العيب لي يدخل بين البصلة وقشرتها مايربح غير دمعتها كون تروحي عندها كاش ماتسمعك خليها هي وراجلها يدبرو راسهم اربحي ملاحتك واسكتي مهما كان نيتك توتسيها تبقاي ضرة وتحسبها شفاية منك ملا بلا مانزيد نوصيك مشاكلها هي وراجلها تبقاي بعيدة عليهم راجل ومرتو تقبضو ضك يرجعو ومراح تربحي غير العيب عندها الحق ماعندو مادخلني هبطت التحت باه نرجع الماعين لقيتو دخل هبطت راسي خفت يطرطق فيا انا ثاني دخلت للكوزينة حسيت بيه دخل ورايا واشبيك انتي ثاني درت عندو علاه واشبيا _ماعرف لاه راكي دوري في خليقتك عليا ،لا والله والو سكت درت حليت العين باه نغسل واشبيه هذا شعل فيا واقيلا جا يفرغ غش مرتو فيا انا هكذاك حتى لقيتو حاوطني بيديه وباسني على رقبتي بقيت كيما راني نخاف منو كي يكون هكذا اكتشفت حاجة في شخصيتو انو عندو ردات فعل غير متوقعة يكون مقلق وعصبي فجاة يهدى ويتكالما ولا العكس درت عندو حط يدو على خدي انتي ثاني زعفانة ،لالا علاه نزعف حط يديه على البوطاجي ودفن وجهو في رقبتي بقيت كيما راني خفتو نبعدو يطرطق فيا حتى نطق علاه ماتبادلنيش الحظن حطيت يديا على ظهرو بقا يهدر في وذني راكي فرحانة ،علاه _دعاويك خرجو فينا ،علاه زعما _انتي مرتاحة وحنا مناش مرتاحين ،روح راضي مرتك ضك ترتاحو جبد روحو شاف معايا انتي ماكيش فاهمتني ڨاع ،مانيش حابة نفهم _ قتلك انتي تعبي وراحتي سكت شاف معايا وراح خرج بقيت نشوف وليت درت غسلت وخرجت تلاقيت بيه خرج فات عليا ودخل لصالو طلعت الفوق بقيت ندور نروح عندو ولا مانروحش خلي نروح عندو
هبطت التحت غير وصلت للباب سمعت صوتو يعيط اغلقي عليا الموضوع _بصح انت وعدتني تهدر معاها _قتلك اغلقي عليا الموضوع ولات تبكي يحيى انت وعدتني ماتنساش _ماشي ضك كي تولد ونهدر معاها _علاه اهدر معاها ضك خير فهمت الموضوع عليا حطيت يدي على كرشي وزدت قدمت للباب بقات تبكي وتحاول فيه تعيش يحيى انت وعدتني تهدر معاها وتقولها تعطيهولي انا نربيه كي قالت هكذا كرشي وجعتني راح يرجعوني كلبة تتكاثر باه يمدو ولادي لناس يربوهم انا نتعب ونمرض ونعاني هما يجو يتقاسموه سمعتو كي قالهم يرحمها ربي ضك نهدر معاها خرجت لقاتني في وجها من الصدمة رجعت لور رحييييل خرج وراها يجري بقا يشوف مع وجهي ويثبت في ملامحي واشبيك تبكي راكي موجوعة بقيت نشوف معاهم بحقد بدا تزيد عليا الوجاعة ماقدرتش نوقف درت نمشي جا ورايا يجري حكمني من ذراعي طبعتو عليا بعدددد ورحت نمشي حكمت فالحديد تاع دروج نوزان في روحي حط يدو على ظهري واشبيك طبعتو بعددد علياااا ماتمسنيش قسما بربي وتدولي وليدي غير نقتلكم بيدي ونشرب دمكم فهمت ولا مافهمتش راني رحيييل يا وسمك رحييييييييل درت عندها وانتي تحلمي نعطيك وليدي انا تهز ونتعب ونمرض وانتي تجي تديه واجد شفت معاهم بتفزز واشنو انتما واشنو بشر ولا شياطين مافيكمش رحمة ربي لدرجة جيتو هنا وتخططو كيفاه تنحولي وليدو وتحاوزوني من الدار بصح مانيش انا لي ديرو معاها هذا الشي جيت نطلع حكمني اصبري نفهمك واشبيك شكون هذا لي راح ينحيلك وليدك ويحاوزك ،ماكنتوش فالصالو تخططو باه تنحوهولي وتحاوزوني جات تهدر هي بلعي انتي عليا منين جبتي هذا الشر والقساوة كامل زعما انتي لي اكثر وحدة تعرف واش يعني الضنا _راكي فاهمة غالطة اقعدي نهدرو ونفهموك ،واش تفهموني اااه واش تفهموني بصح فريدة ماشي انا لي ديري معاها هذا الشي مزلتي ماتعرفنيش مليح شكون انا وواش نقدر ندير على جال وليدي قوات عليا الوجاعة هبطت راسي حكمني اقعدي هنا وماديريش عليها انساي واش سمعتي راهي تهدر برك نطقت هي مانيش نهدر ياك تفاهمنا انا وياك _فريييييدة بلعي علينا ، بصح انت وعدتني بهذا الشي وقتلي تهدر معاها _فريددددددة اسكتي علينااااااا دار عندي واشبيك واش يوجع فيك بعدتو علبا ونضت وقفت حكمت فالحديد _اقعدي هنا واشبيك طبعتو بعدددددددد عليا سراقيييين بصح والله ما نبقالك تبيع في وليدي وهو مزال ماخرجش لدنيا دير فالخير على ظهري وضنايا هي ما عطاهش ربي الضنابة وجات تسرق في كبدتي نعطيها جمر يكويها حاب تفرح مرتك ماشي على حساب كبدتي حكمني من ذراعي قتلك ماديريش على هدرتها واحد ماينحيلك وليدك ،كشغول راح نخليكم تدوه راح نروح لبابا بقا يحكم فيا وانا نجبد في روحو بعددددد عليا ظالمين ماتخافوش ربي مجرمين سراقين هو يحكم فيا غير اهداي كاش مايصرالك حسيت بحاجة هبطت تحتي حكمت كرشي وعيطت عيطة وحدة طحت على ركايبي وطاح معابا بقا يشوف واشبيك بقيت نعيط وليدي مات ابردو ضك ناض يعيط على فريدة اجري جيبي الحجاب راحت تجري جابتلي الحجاب والخمار ولبست هي هزني وراح يجري بيا لطوموبيل ركبني وركبت هي حطت راسي علي رجليها وطار الطوموبيل وانا نبكي بالعياط حسيت بيه كي فرينا عيطت من الوجاعة حل الباب هبط يعيط عليهم جاو هبطوني بعدها ماحسيت بوالو فطنت لفيتو قاعد قدامي خايف وفريدة واقفة بعيد ناض عندي ها فطنتي ،وليدي حط يدو على كرشي لباس لباس ماتخافيش انتي واش حوالك دورت وجهي عليه وليت نبكي دورلي وجهي قتلك ماتخافيش واحد مايديلك وليدك بقيت نشوف معاه وساكتة ماعدتش ندير فيهم الثقة _رحيل واشبيك قتلك ماتخافيش وليدك واحد مايقدر يديه الشي لي سمعتيه انسايه المهم ضك تهلاي في روحك الطبيبة قالت الماء تاع الراس طاح شوية والحمدالله ماصراش عندك ولادة لازم تتهلاي في روحك وماتتحركيش من بلاصتك وتشربي بزاف حتى تدخلي السابع صح السابع دونجي بصح اهون من السادس شفت معاه بخيبة امل مانقدرش نعيش معاهم فقدت ثقتي فيهم بقاو معايا ساعة وراحو وانا لازم نبات حتى لغدوا خممت خممت وعيطت الباب جا عندي حكيتلو كلش بلي ضربني ومخططين يدو وليدي مني ويحاوزوني من دار بقا ساكت ما قال والو بقا يستنا لصباح حتى تحسنت حالتي وقبل مايجي هو خرجني ديراكت لدار فرشتلي ماما شاف معاها بابا يحيى من اليوم ممنوع يلمح خيالها وكون تخليه يدخل ويشوفها في غيابي انتي تطلقي _علاه بصح _باه يعرف بنات الناس ماشي لعبة كي كنت نتغاضو على اغلاطو مع بنتي ومانحلش العين لبنتي غير باه نحافظ على دارها بصح هو واقيلا مايعرفش هذا الشي مداير صح في بالو بلي انا مليت من بنتي ورميتها عليه معليش كون مانخليهش يحلم يشوف خيالها مانيش راجل وصح من هذاك النهار ما لمح خيالي .
