نار الهوى
بقلم هوس ريجا
من ذيك الليلة فاتت فترة جبدت روحي عليهم نهائيا نغلق الباب على روحي ونقعد نهبط غير كي ما يكونوش هنا ،الصباح فطنت مريضة مسخنة ومڨريبيا عظامي مكسرين جيت فالفراش وراقدة حتى طبطب الباب لقيتها فريدة صباح الخير ،صباح نور _واشبيك لاه ماهبطتيش ،مريضة _لاه واشبيك ،مسخنة _ضك نجيبلك دوا ونجي راحت جابتلي دوا شربتو وراحت رجعت رقدت فطنت على اذان الظهر نضت وقفت كلش يدور بيا حكمت فالحيط ورحت نمشي لدوش غسلت وجهي مرة وزوج عيينا تضببو خفت غير يصرالي كيما كيما هذيك المرة ضربتني ريحة الماكلة من تحت وجعني قلبي وليت نرجع غير غسلت وجهي ودرت لقيتو ورايا ويشوف معايا عينيه يسقسو فيا هذاك السؤال_علبالي ماشي وقتها بصح ممكن ،لي في بالك مكانش منو راني مسخنة برك _معليش رواحي نديك لبلاصتك جا يحكمني جبدت روحي مكلاه تمسني بعد عليا مكلاه دير روحك مليح معايا حكمت فالحيط نمشي وهو معايا يجي يحكمني ونجبد روحي دخلت لشمبرة قعدت على سرير خايفة يكون لي في بالي صح والله ماني حاباتو تكسلت على سرير هو قعد قدامي حط يدو على جبيني مزلتي مسخنة اواه راحت جبدت لغطا عليا ودرت رقدت على جنبي طفي عليا الضو خليني نرقد ومذابيك ماتزيديش تطلع عندي لا انت لا مرتك خليوني في خالي _راني شاك بك بلي اونسانت ،قتلك مريضة _ضك نهبط نجيبلك تاست ديريه ونشوفو درت عندو انت ماتفهمش قتلك مانيش _وانتي علاه خايفة ديريه ونشوفو سكت ناض وقف نروح نجيبو ونجي راح خرج نضت قعدت بقيت نحسب لروحي لقيت روحي روطار مانيش حابة نكون اونسات خاطر اذا خرجت اونسات راح نبقى عايشة هذه المعيشة طول حياتي عندي امل نطلق كعدت براسي بصح اذا فيها الكرش مستحيلة واحد مايقبل نطلق لا هو لا بابا شوية لقيتو دخل عليا فرحان وملهوف هاكي علبالي مريضة وماكيش قادرة بصح ماقدرتش نستنا حكمتهم ونضت جابلي زوج درت لول خرج زوج خطوط حمر طبطب الباب رحيل واش خرج ،مزال ماعرفتش واش ندير مانيش حابة نخبرو ويشفق عليا مخططة في راسي ندير مشاكل معاه ومع مرتو حتى يطلقني نروح حليت الباب ها بشريني ،قتلك مكان والو ورميت التاست فالسلة واش زعف ووجهو تبدل قبيل دخل عليا فرحان _معليش روحي ترقدي تريحي زعف زعاف كبير خرج ديراكت مزية ماتولهش لتاست ماعرف لاه ماخبرتوش بصح لاه نخبرو باه يهبط يفرح مرتو رحت حكمت بلاصتي ورجعت رقدت حسيت بيد على جبيني حليت عينيا لقيت روحي مبللة من كثرة العرق لقيتو يقيسلي فالسخانة كنت بين الوعي ولا وعي شربلي دوايا ورجعت رقدت جابتني الفطنة لقيت راسي على صدرو ماحسيتش بيه ڨاع كي تحركت تحرك_ها رحيل كيفاه راكي ضك ،وقتاش _واشنو بقيت نشوف ماعرف راني نحلم ولا حقيقة _طلعتلك الحمي وبقيت معاك خفت تزيد تطلع وما نشوفكش شفت معاه اول مرة يدير هكذا معايا بصح كنت محتاجة هذا الحظن رجعت رقدت على ذراعو حاوطني بيدو شفت معاه لقيتو يشوف معايا حشمت منو بصح حظنو كان دافي دفنت وجهي في صدرو باسني على شعري انصدمت بصح ماتحركش نزلو دموعي وبقيت نبكي بهدوء بلا مانهدر حسيت بيدو على خدي وبقا يمسح في دموعي خلاص ماتبكيش والله قهرتيني بدموعك وليت كل مانغمض عيني تجي صورتك وانتي تبكي كي شفت معاملتو تغيرت معايا قريب قتلو راني اونسات بصح صونا تليفونو جبد روحو وخرج سمعتو يهدر معاها ايه راني مع رحيل مسخنة _شوية خير من الصباح نجي نديك ولا تباتي _خلاص كاش ماكاين عيطي كوبا عليها ودخل عندي درت روحي راقدة رقد ورايا ولاح يدو تحت راسي بقيت نخمم في أسلوبو ممكن حاب يغير معاملتو معايا كي شك فيا بلا اونسات مزية ماصرحتوش ڨاع حابين صلاحهم وليت نبكي_واشبيك ،حابة نموت تخنقت من هذه المعيشة دورني عندو جبد راسي لخظنو خلاص ماتبكيش ارقدي ويرحمها ربي .
الجزء17
فات على هذيك الليلة شي 5ايام فريدة لاحظت بلي انا غير طبيعية متاكدة شكت بلي اونسانت بصح ماهدرتش حتى وقت الظهر حنا نتغداو دار قلبي على طابلة خرجت نجري لتوالات غسلت وجهي غير خرجت لقيتو جا عندي وهي واقفة بعيد _امشي البسي نديك للطبيبة،علاه _باينة علاه ،اذا على الشي لي في راسك ياك درت تاست ومكانش _الكلينيك احسن هيا امشي البسي ،مانروحش _رحيل مكلاه تعييني راني برا نستنا فيك عندك 5د في يدك وراح خرج شفت معاها وليت طلعت الفوق لبست وهبطت نخمم كيفاه ندير وصلنا للعيادة ڨارا صونا تليفونو ريبوندا سمعتها كي قاتلو يحيى فرحني قالها نشالله صار هكذا يفرحها وليت مانشوفش قدامي اهو حل الباب هبط وانا حليت من جيهتي وكانت في بلاصة كبيرة وفيها الغاشي خبطت الباب ورحت نجري بين الطوموبيلات تالمو الغاشي والحس ونزرب فالمشية خرجت لطريق بلا ماندير حساب حتى نسمع لاصونات و طوموبيل فرينات اخر لحظة بصح قاستني طحت في لرض هبط عندي يعيط واشبيك انتي واشبيك تجري في وسط طريق هبلتي حسيت بقلبي راح يحبس من الخلعة لي ديتها وطيحة خفيفة غير يدي تسلخت حتى حسيت بيديه ورايا لباس بقيت نشوف نوضني وهذاك يعيط ماحبش يسكت حتى يعيط عليه واشبيك تاكل في روحك اسكت علينا ارواح ضربها خير هذاك راح هو نوضني حسيت برجلي توجعني واقيلا دارت وخفت منو خاطر على وجهو باينة مراحش يفوتهالي بقا ساكت ماهدر حتى حرف جيت نهدر بلعي حسك مانسمعوش ،ديجا مايهمنيش واش حاب دير دير دخلنا للعيادة عيط للفرملية هدر معاها دخلتني درت تحليل وخرجت عندو لقيتو قاعد دارلي براسو رواحي رحت قعدت معاه _شفت في حياتي صحيحات الوجه بصح كيما انتي ماشفتش شاف معايا علبالك واش متمني في هذه اللحظة ،وشنو _نتمنى من كل قلبي ماتكونيش اونسانت خاطر هذه التمسخيرة كرهت منها لازم هنا تحبس زهري المسود يعني كون مانيش اونسانت كان طلقني وتهنيت ،علاه وكون نكون اونسانت واش عادي تقدر طلقني _مانقدرش نطلقك انا لاه رميت روحي هنا غير على جال هذا الطفل ،شفت معاه راني اونسانت خلينا نروحو مكلاه نستناو _وين علبالك ،كي درت تاست خرج بلي اونسانت بقا يشوف معاياا حتى الفرحة لي ستنيتها من 7سنين فسديتها عليا بقا يشوف معايا بعصبية بصح ردود افعالو هادئة _وعلاه كذبتي ،كنت مخططة نبقى ندير فالمشاكل حتى طلقني _علبالك هذاك النهار كي شكيت فيك اونسانت كان قلبي طاير حسيت احساس مانقدرش حتى نوصفو وكي قلتي لا حتى النفس ماقدرتش نتفنس من الخنقة لي تخنقتها وضك كي سمعت خبر عندي سنين وانا نستناه مافرحتش ناض راح جاب التحليل وجا ،واش خرج تخنزر فيا دورت وجهي ونضت خرجنا ركبنا ماهدر حتى كلمة وصلنا لدار هبطنا دخلنا لقيت فريدة تستنا فينا ها الخير ،مبروك عليكم صار لي كنتو تستناو فيه ضحكت اونسات حظنتني بالبراكة درتلها براسي ورحت طلعت سمعتها تهدر معاه مبروك يحيى بصح لاه مادتنيش معاكم _علبالك كلش راه يصرا ضك من تحت راسك كنت ناوي ننهني هذه المهزلة بصح صرات روطار_واش قصدك قصدك مكنتش حاب نشاركم هذه الفرحة ياك _فرررييييدة اسكتي عليا مانيش حامل روحي مكلاه تبداي عليا كل مرة ...وعيط رحييييل كملت طريقي دخلت لشمبرة نحيت الخمار لقيتو دخل قبل مانعرف بلي اونسانت كنتي ما تهمنيش خاطر كنت ناوي ننهني هذه المهزلة بصح ضك اختلفت الامور تصرفك تاع اليوم عكس تربية باباك ،واش تحوس عندي انت مافهمتش حكمني من زندي والله وحق رب محمد كون تزيدي تعاودي هذه الجاست تاع قبيل لنكون ذبحتك بيدي كلش نتقبلو غير الشرررف تصرفاتك لي كنتي ديرها في داركم تخليها في داركم انا ماعنديش مدامكي تمشي باسمي عتبة الباب ماتفوتيهاش الا اذا كان عندي علم وسمحتلك فهمتي
الجزء18
بقيت نشوف معاه _فهمممممممتي بقيت غير نشوف معاه _رحيل فهممتي ،ماشي قصدي نقلل من شرفك ،فهممممتي بقيت غير نشوف رحيل فهمممممممممتي وحل عينيه فيا _لاااااا مافهمتش و مراحش نفهم وحاب تقتلني اقتلني مايهمنيش وماتهمنيش يحيى ماتهمنيييييش _رحيل راح تخليني نضطر ندير حوايج مانيش حاب نديرهم معاك انا نقولك فهمتي وانتي تحكي في غير شي واش قصدك بهذا التصرف ،حابني نكذب عليك ايه ماتهمنيييييش واش حاب دير دير _علبالك كون ماجيتيش بالكرش واش درت فيك طول عمري نكره الراجل لي يضرب مرتو بصح اليوم لي عندو وحدة كيما انتي حقو والله غير حقو ..يعني ضك كون ماجيتيش بالكرش واحد مايقدر يخلصك من بين يدي وكون تبقاي بهذه العقلية والمعاندة انتي الخسارة، واااش راح نخسسسر اصلا انا خسرت كلش واش بقالي ماخسرتوش بعد مادخلت حياة ظالم كيما انت ماحسيتش غير كي طبعني وضربني لوجهي مخي حبس لدرجة بقيت غير نشوف وحاكمة خدي اول مرة في حياتي نتضرب بكف _هذا تستاهليه في حياتي كامل جامي هزيت يدي على مراة وانتي لولى وتستاهليه ومانيش ندمان بقيت نشوف معاه نحس في شفتي ترجف ،هذا ڨاع خاطر مالقيتس لي يوقفك عند حدك علاه تهز يدك علااااااااااه _تستاهلي ومراحش تكون اخرة مرة كل ما بقيتي بهذه العقلية تنضربي وراح خرج خبط الباب بقيت نتنفس بزريبة ونبكي ونعصر في يدي تضربني يا كلب وليت نضرب فالحيط حتى وجعوني يديا طلقت روحي قعدت في لرض حكمتني دوخة حطيت راسي في لرض ماحبتش تتنحا عليا وليت نرجف كشغول طاحلي السكر بقيت على نفس الحالة حتى غفيت اخر شي فطنت على صوت لاذان عظامي تكسرو نضت رحت تكسلت على لسرير عاودت نضت رحت لمراية بقيت نشوف مع روحي وجهي مزال مطراسية فيه يدو اعصابي تلفو ماقدرتش نوالف على هذ الحياة مرات نحس روحي راني منام ونصحا منو حابة نرجع لحياتي لقديمة راح نعيط لبابا بصح صاي خذلني مرتين راح غير نزيد نهين نفسي قدامو مي بقات حرقة في قلبي حابة ندير حاجة باه يبرد قلبي وليت خرجت هبطت التحت سمعت صوتهم فالكوزينة رحت ديراكت دخلت عندهم كانو ياكلو بقاو يشوف معايا في زوج ناضت عندي فريدة ارواحي تتعشاي ماهدرتش معاها بقيت نحوس فالكوزينة ماعرف علواه راني نحوس _كاش ماتحوسي نعطيك درتلها براسي والو وفت للبوطاجي بقيت نشوف شفت مع طباسا لقيتهم فالبانيو مستفين هزيتهم ودرت لقيتو يشوف معايا هزيتهم وضربتهم لطابلة بقا الزجاج يطاير تخطفت من بلاصتو ناض جا عندي واشبييييييييك هز يدو دخلت بيناتنا فريدة طبعاتو عليا _قولي واشبيك حابة تدي طريحة ،اضرب راح تخوفني اصلا كون جيت راجل ماتهزش يدك على مراة ماعرف كيفاه طبع فريدة وحكمني من رقبتي ملور وهبطلي راسي حسيت برقبتي نصلت كي بقا يخلخل فيا دخت وطحت على ركايبي غير فريدة تضرب في يدو باه يفكني طبعاتو عليا وتفكيت منو نضت وقفت بقات تطبع فيها هو يقولها خلي نربيها _راهي بالكرش واشبيك شفت كاس على البوطاجي هزيتو ورميتو عليه كون مابعدش وجهو راني قستو في عينو طبعها طاحت على الطابلة وجا عندي كان ناوي يقتلني كون مزربتش هزيت الموس وحطيتو على رقبتي قيسني قسما بالله غير نقتل روحي ونباصيكم كي شافني في هذيك الحالة وفاقدة عقلي جبد روحي وفريدة جات تجري عندي نحاتهولي واشبيك انتي اليوم هاتي هنا امشي اطلعي لدارك خرجتني طلعت الفوق فت لدوش غسلت وجهي وخرجت لشمبرة حكمت بلاصتي وقعدت هادية حتى غفيت بلا مانحس
لجزء19
لغدوا جابتني الفطنة شفتها ل5 تاع العشية جيت في بلاصتي وقاعدة حتى لقيتو دخل عندي بقا يشوف معايا جا عندي قعد على سرير وتكا على ذراعو حكم فيا نظرة ،واش تشوف معايا جيت تكمل ضربك _علاه توصلي روحك هنا علااه علاه تخليني نهز يدي عليك واالله ماكنت حاب نضربك بصح انتي خليتيني ندير هذا الشي ،وضك لاه جيت عندي مافهمتش _لسانك وقتاش تنقصي منو راح يديك لهلاك علبالك ،يديني حتى للبحر ياكلني وانت واش دخلك فيا _راكي تشوفي كيفاه تهدري معايا علبالك كون جات فريدة لي تهدر معايا بهذا الاسلوب ياحصراه ملي قصيت لسانها ،وانا رحيل مانيش فريدة بقا يشوف معايا واش ندير معاك يابنت الناس والله ماني حاب نهز يدي عليك وانتي راح تخليني نهزها ،لاه جيت عندي مافهمتش_غضتيني وجيت نطل عليك مالغري تستاهلي بصح ندمتيني عليها والله ماحبيت نوصلو هنا ،بصح وصلنا ومدام وصلنا هنا نظن صاي جا الوقت نحبسو هذا الشي اذا جيت تخاف ربي فيا ماتزيديش تجي هنا عندي ياك جبتوني على جال لولاد وصرا لي كنتو حابين صاي هنا وخلاص كل واحد في حدو بركات ظلم عليا والله غير بركات طغيتو بزاف بصح قسما بربي وقسما بربي وقسما بربي وراني حلفت واشفى على هذا الحليف مليح هذه الغلطة تاعك ال3 معايا ومراحش نعيط لبابا ونحكيلو خاطر كالعادة راح يخليني نطلب السماح على شي مادرتوش بصح هذه الثالثة وهذه اللخرة خاطر المرة الرابعة راح تكون حد بيناتنا اشفى عليها مليح باه دير حسابك معايا نتمنى بعد هذ المرة ماتزيديش توصلني لا بالخير لا بالشر بعدني وصح هذا ماصرا .
بداية حملي كانت صعيبة جبتها بين الشمبرة والتوالات لصقت فالفراش مانهزش ڨاع راسي رحت لدارنا قعدت شهر لول الشهر الثاني جا داني ماحبيتش نرجع معاه رجعني بالسيف غير دخلت الشهر الرابع بدا يتنحا عليا كانت فريدة اكثر وحدة مهتمة بحملي وفرحانة بيه هي لي كانت متهلية فيا اما هو مايقربش مني يجي يسقسي عليا برك واش راكي وكاش ما تشاهيتي وصاي حتى انا ماكنتش معبرتهم ديما مسمطتهم كون مايهدروش معايا مانهدرش معاهم ونجاوب كلمة وقص اكثر وقتي فالشمبرة كعاد وحمي صعيب مانهبطش ڨاع فريدة هي لي مهتمة بماكلتي جيبلي كلش لشمبرة،
العشية قاعدة فالشمبرة صونا تليفوني لقيتو هو ريبونديت عليه انعم _اهبطي التحت ،علاه _اهبطي برك وكوبا خدامة عندك واقيلا وليت نضت خلي نهبط اصلا كرهت من الشمبرة هبطت التحت لقيتو قاعد فالصالو وفريدة مكانش دخلت عندو انعم _وقتاش نقدرو نعرفو واش يجينا ،قاتلي فالخامس _ياك فالشهر الرابع ،ماعرف لاه ما بانش قاتلي بلاك للخامس _راكي تحسي بيه _اكيد نحس بيه ساعات نحس بحركات خفيفة _ ماتحكيش كرشك بزاف ،وين علبالك _الحامل بصفة عامة تحك كرشها وانتي 24 سا تحكي في كرشك ،ماشي بزاف مرات برك _روحي تاكلي ماتغدتيش اليوم ،انت وين علبالك ماتغديتش _نعرف كلش رحيل روحي تغداي ،ما ناكلش _علاه تعانديني روحي تاكلي ،قتلك شبعت جيت ماشية حكمني من يدي راسك علاه يابس روحي تاكلي وجهك صفر وكاش مايصرالك ،ماتخافش وليدك راه ياكل مني _راني عليك انتي روحي تاكلي بقيت نشوف معاه وليت رحت الكوزينة كليت دخل عليا وقتاش يتحرك ،واشنو هذا _البيبي ،ماعرف بصح اكثرية فالليل كي نرقد دارلي براسو وراح .
وقت العشا هبطت لقيتهم مجمعين قعدت تعشيت معاهم ونضت طلعت ديراكت لشمبرة شوية لقيت فريدة دخلت هازة كاس حليب كل صباح وليلة جيبلي كأس اذا ماشربتش وحدي جيبهولي هي عطتهولي وراحت شربتو ورقدت.الج
ماعرف شحال كانت الساعة كنت في سابع نوم حسيت بيد على كرشي تخطفت _اشش هذا انا ماشي قلتي البيبي يتحرك فالليل ماقدرتش نرقد حاب نحس بيه دخل يدو تحت الروبة وحطها على كرشي بقا يمس _رحيل متاكدة راه يتحرك في كرشك ،ايه متاكدة فجاة حسيت بنبضة درت عندو هاه تحرك حط يدو وبعدها حط راسو على كرشي بلاكي تتحركي كشغول حسيت بحاجة ..والله غير حسيت صوتو فيه لهفة كبيرة بقا حاط راسو على كرشي ويسمع طلع راسو شاف معايا حتى انا بقيت نشوف معاه حط يدو على كرشي مراحش يزيد يتحرك ،مانعرف بقا يشوف معايا ويمس في كرشي حسيت بيدو اكثر جرأة حكمتلو يدو راني اونسات ماتنساش واش تفاهمنا _يوم واحد استثنائي ماعندو مايصرا ديجا تبقاي هكذا راح تتحرمي عليا ،هذاوين تفكرت الدين _نعرف الدين مليح بصح للضرورة احكام انتي ماعلبالك بوالو ،ومانيش حابة نعرف دار وجهو في وجهي يوم استثنائي ماعندو مايصرا جيت نهدر حسيت بشفتو على شفايفي بقا يبوس فياصدري يطلع ويهبط فجاة سمعت صوت الباب التحت خبط طلع راسو شاف معايا ،واش خفت منها _لسانك طويل وقتاش يقصار دورت وجهي لاح يدو دورو عندو ورجع يبوس فيا كان كالعطشان ولقا قطرة ما هكذا حسيت لهفتو همست يحيى خلاص _فاتو شهور واستنيتك تجي عندي وماجيتيش حاربت نفسي وفالاخير استسلمت وجيت عندك ورجع يبوس فيا حسيت روحي نذوب ونضعف قدامو عندو سحر غير طبيعي يخليني نحب قربو مني .... حظني وبقا يمس في كرشي هزيت راسي لقيتو مغمض عينيه لاح يدو جبدني لحظنو كل شوية نقول ضك يروح بصح بقا معايا حتى غمضت عينيا وغفيت على صدرو ، حسيت بيه تحرك فطنت لقيتو نايض صباح الخير ،صباح نور _نوضي راح الحال راهي 8:30 نضت قعدت جبدت روبتي لبستها ونضت وقفت رحت لكوفاز لميت شعري لحت عيني ورايا لقيتو يشوف معايا خرجت لدوش غسلت وجهي بقيت نمسح فيه حتى حسيت بيديه على كرشي حطيت الفوطة لحت يديا نحي يديك عليا بقا غالق عليا _ملي حسيت بيه البارح وانا حاب نخلي يديا على كرشك 24 سا درت عندو بعد يدك عليا واش تفاهمنا _راح نبقى نعاودلك قتلك البارح استثناء وديجا اولا انتي معنتيلي باه نجي عندك كي قلتي يتحرك في الليل ثانيا حتى انني كنتي حابة و بادلتيني نفس الشعور حطي عينيك في عييني وانكري هذا الشي دورت وجهي كي نتفكر البارح كيفاه استسلمتلو نحشم _واقيلا اليوم ماحبش يتحرك جبد يدو وراح هبط غسلت وبدلت وهبطت التحت لقيتهم فالكوزينة صبحت عليهم وقعدت نشوف في فريدة مقلقة من اليوم ماتهمنيش هي دارت هذا الشي تتحملو دارت عندي انا رايحة عند يما درتلها براسي ايه راحت خرجت هو وياه مارجعوش حتى ليل فريدة فاتت ديراكت رقدت وانا قعدت نتعشا شوية دخل هو حطيتلو تعشا _وشراكي مع الحمل ،لباس _ماتحركش حبيب بابا درتلو براسي ايه _كل ماتحرك قوليلو باباك يحبك تبسمت ناض خرج وانا غسلت وطلعت.
فاتت فترة روتينية غير يحيى كل ما يشوفني يتبسملي وين يلقى فرصة يمس كرشي فريدة انتبهت ديما مقلقة وعصبية ماعلباليش علاه اصلا مايهمنيش لاتية بعمري وكرشي وبس
جا نهار نشوفو جنس البيبي دانا في زوج لطبيبة دخلت معايا بقات الطبيبة تفحص فيا وهي واقفة على راسي _هذا اول بيبي ليك درتلها براسي ايه شافت معاها الطبيبة راح يجيك حفيد مالغري ما تبانش عليك فريدة صغيرة فالعمر بصح كعاد سمينة و تلبس الجلباب ودير نواظر تبان كبيرة كثر من عمرها شفت معاها حسيتها زعفت بصح مابينتش هذا الشي بقات الطبيبة تهدر معايا راح يجيك طفل وصحتو لباس عليه عطاتنا الايكو حكماتو هي خرجنا من عندها ماعرفتش واش بيها زعفانة ولا مقلقة مافهمتش حالتها ركبنا فالطوموبيل خبطت الباب لقيناه يستنا فينا _واش الخير برك كاش مكاين _مبروك عليك راح يجيك طفل _قووولي والله دار عندي صحححح درتلو براسي ايه عطاتو الايكو بقا يشوف معاه ويحمد في ربي ويعاود راح يفرفر من الفرحة شفتو حكم يد فريدة وعصرها ماعرف من الفرحة ماعرف يواسي فيها كي شاف حالتها هكذاك .
