نار الهوى

الجزء6

في يوم انا كنت هابطة عند مرت بابا الكبيرة بقاو شي 5درجات عفست على مقفال تاع الڨازو كان مرمي فالدروج طحت على وجهي وكرشي حسيت غير بمرت بابا كي قلبتني على ظهري وجبهتي تسيل بالدم فطنت لقيت روحي فالسبيطار خويا ومرت بابا معايا حطيت يدي على كرشي لقيتها مزال كاينة كنت راقدة ونحلم بلي طاح رجعت رقدت مافطنتش حتى سمعت صوتو حليت عينيا لقيتو واقف مع خويا غير شافني زرب  جا عندي طبس عندي همسلي فطنتي حبيبي واش خبارك ،لباس وليدي ما صرالو والو _الحمد ماصرالوا والو سبع كي يماه ،بصح كيفاه طحت على كرشي _الحمدالله عدات سلامات بصح معجزة كبيرة والله نزلو دموعي كنت خايفة كاش مايصرالو ماعرف لاه حسيت روحي مانيش رحيل لقديمة لي ما تخافش صار كل خوفي هو وليدي قبل مايجي لدنيا تعلقت بيه ماكنتش نعرف الامومة هكذا _لازم ترجعي معايا ،لا مانرجعش _علاه ،هكذا مانيش حابة نرجع لهذيك الدار تعبت بزاف منك ومن فريدة وتخطيطاتكم خلاص ارحموني _واش من تخطيطات والله ما كاين حاجة انتي برك تتخيلي من راسك ،كيفاه نتخايل سمعتكم تهدرو بوذني _يا والله ما كاين حاجة بصح فريدة هدرت معايا قاتلي اهدر معاها تعطيلي نربيه وهي تزيد تجيب وتربي عندها فرصة  تجيب 5 و6 ولاد ،وانت بصحك انا نعطيها وليدي _كنت نساير فيها برك كي شفتها في هذيك الحالة ،كنت تخطط كيفاه تنحولي وليدي وتقولي نساير فيها _شكون راح ينحيلك وليدك واحد مراح ينحيهولك وهي راهي تهدر من حرقة قلبها وعلابالها بلي مستحيل تمديهولها وانا كنت غير نساير فيها ،صاي فقدت الثقة فيكم مانقدرش نرجع لهذيك الدار ووليت نخاف منكم _رحيل بصحك تخافي على وليدي مني انا ،ايه نخاف _الله يهديك والله ،امين بصح مانرجعش معاك _يا بنت الناس علاه ديري هكذا تعذبي فيا وفي روحك قتلك الشي لي في راسك والله ما كاين منو ووليدك واحد ما يديه منك وديها وعد مني ديجا لازم ترجعي الطبيبة قالت ممكن تجيبي فالسابع مراحش تبقاي عند باباك لازم ترجعي لدارك وانا نبقى معاك حتى تبان حالتك دخل بابا جا عندي الحمدالله على سلامتك كاش مابيك ،لا والو لباس _الحمدالله هيا نوضي ترجعي لدار ناض عندو هو عمي مرتي راح ترجع عندي وراهي تاع زيادة مانقدرش نخليها عندك شاف معايا _ترجعي سكت _خلاص روحي ارجعي لدارك ملا جيت نهدر شاف معايا سكت جات طبيبة عطاتني نفس النصائح وكاش ما كاين ارجعي عاوني نضت جيت بلا نقاب دار الخمار على وجهي لاح يدو على جنبي تكيت عليه وخرجني عييت نوقف على طولي ركبني فالطوموبيل هبطلي الكوسالة رقدت  وجا ركب ديراكسيو لدار دخلنا لدار تلاقيت بفريدة شافتنا جات تجري يا واشبيك الخير برك ،طحت من الدروج _ياخاه كيفاه حتى طحتي ،زلقت _واش حوالك وانتي والببيبي ،لباس طلعوني الفوق رقدت على السرير فريدة هبطت وهو بقا معايا هاه مزلتي تتوجعي ،ايه شوية _كيفاه طحتي ،زلقت _وانتي واش مهبطك ،رايحة عند مرت بابا _لاه تروحي عندها _كيفاه  لاه نروح عندها مرت بابا هذه في مقام يما وديجا نعيطلها يما _ما خفتيش منها ،لاه نخاف يما تحبني كي بنتها صح شوية ما تتفاهمش مع ماما بصح انا تحبني وانا نحبها _وكيفاه تخافي على  وليدك من فريدة وتخاف تآذيه ،شكون قال _انتي قلتي بلي وليتي تخافي مني ومن فريدة تخافي على وليدك من باباه ومن فريدة؟ علبالك وليدك هذا فريدة تحبو كثر ما تحبيه انتي متحمسة لجيتو كثر منك ،بصح تحوس تديهولي _ صح قاتلي اهدر معاها بصح علبالها بلي مراحش تمديلها مي قاتلي جرب ممكن تحن عليا وتمدهولي  قتلك ماديريش عليها وعلى تصرفاتها الشي لي صرا معاها خلاها تخمم في هذا الشي تحوس على اي حاجة يسدلها هذه النقص راهي محرومة رحيل انا راجل مالغري مافيا حتى عيب وكنت قادر نتزوج ياحصراه ونجيب بصح كنت ديما حاب يرزقني ربي الذرية وينك يا هي راح تبقى طول عمرها محرومة سكت_ماديريش عليها وعلى هدرتها ،كيفاه مانديرش عليها وهي تخطط تديلي وليدي _واحد مايديه سبحان الله ،صراحة فقدت الثقة فيكم وليت نخاف منكم بقا يشوف معايا وكيفاش ضك ،حابة نخرج بداري وحدي _هاكي بدارك وحدك ،حابة كوزينتي _علاه ديري كوزينتك وتجبدي روحك علينا ابقاي معاما ،حابة نبقى بعيدة عليكم وعلى مشاكلكم حابة نعيش غير انا ووليدي _ انتي لي مخططة تحرميه علينا _لاه نحرمو عليك ياك راك هنا _لا مانقبلش لاه تقسمي علينا ابقاي معانا علاه شكون فالدار عير فريدة وقتلك فريدة ماديريش عليها راهي تهدر برك ووليدك واحد ما يديه منك ،ملا ابقاو بعاد عليا في زوج بانت بهي وليت نخاف منكم ومانيش حابة نكون سبب في مشاكلم هذيك كل ماطلعت عندي تحاسبني _وقتاش حاسبتك ،ديما تحاسبني ونظراتها ليا ڨاع بلي انا سرقتك منها لذلك ارجع لمرتك وانا من عندي سامحة في حقي ومتنازلة على كلش بقا يشوف معايا وانا مانسامحش وانتي مرتي كيفك كيفها ليلة عندك وليلة عندها وحدة فيكم ماتحاسب لخرى لي عندها مشكل تجي تهدر معايا ،بصح انا مانيش حابة تجي عندي _علاه ،هكذا حابة نبقى وحدي شاف معايا وناض ارقدي شوية مبمعد كي يوجد العشا ماتهبطيش انا نجيبلك راح خرج عدلت روحي وغطيت راسي رقدت .فطنت على صوتو ينوض فيا نتعشا حطلي البلا برك وهبط  مارجعش ڨاع جاني مقلق ماعرف واشبيه شبعت نوم قعدت سهرانة مع التيلي شفت مع الساعة لقيتها 11 وجعني ظهري من الرقاد وكرهت فالشمبرة نضت نهبط التحت نضرب دورة ونجي نضت ومنها ندي لماعين تاع العشا نضت وقفت حكمتني وجاعة خفيفة في كرشي درت الخمار على كتافي كعاد الروبة بروتال هزبت البلا وخرجت حكمت فالحيط ونمشي وصلت لدروج هبطت درجة درجة نحس في حاجة تقطر من تحتي شفت الضو تاع تيلي يمشي فالصالو فت  الكوزينة شعلت الضو حطيت البلا راح نغسلهم بصح ماقدرتش طفيت الضو وخرجت شفت مع الصالو واقيلا راه راقد هنا رحت نمشي طليت لقيتو متكسل على الفوتاي شعلت الضو سمعتو يهدر بلا ماينحي ذراعو فريدة اخرجي عليا خليني في حالي رحت نمشي عندو وقفت فوق راسو نحا ذراعو لقاني واقفة هذه انتي واش مهبطك هنا ،جبت البلا برك حطيتو فالكوزينة _ولاه مخليتيش الصباح ضك نطلع نجيبو لاه حتى تهبطي _كرهت من الشمبرة قلت خلي نضرب دورة ونروح _ناض قعد حكمني من يدي قعدني معاه اقعدي ملا معايا سكت لاح يدو ورا كتافي ودار وجهو في وجهي شفت معاه لقيتو يشوف معايا درتلو براسي واشنو _توحشتك هبطت راسي وسكت _راني نقولك توحشتك علاه دورتي وجهك وهبطتي راسك ما جاوبتوش بقيت كيما راني حاطة يدي على كرشي حط يدو على كرشي مزال توجع فيك ،شوية برك كي نوض نوقف دارلي براسو وسكت بقيت مهبطة راسي وهو يشوف معايا حسيت بنفسو قريب لوجهي بقا يبعدلي في شعري على وجهي بصبعو شفت معاه واشبيك تشوف معايا _راني نقولك توحشتك سكت زعما انتي ماتوحشتنيش درتلو براسي لا _علاه درتلو بكتفي هكذا _مزلتي تكرهيني وماطيقينيش ،لا _تحبيني درتلو براسي لا _وشنو ملا ماتحبيني ماتكرهيني درتلو براسي ايه بصح انا حابك تحبيني ،تحبك فريدة بزاف _خليك من فريدة الموضوع يخصني انا وانتي ،كيفاش راح نحبك وانت تحب غيري وتحبك _قتلك انساي الباقي انا وياك وبس _ماكانش حاجة انا وياك وبس ماتصلحش _تصلح رحيل تصلح انتي برك راكي معقدتها ،واش تحوس من عندي مافهمتش _حابك تحبيني ،الحب ماشي بالسيف _بصح انا نحبك شفت معاه حتى انتي لازم تحبيني_كيفاه تحبني انا وتحب فريدة _انا علابالي انتي ماتحوسيش تفهمي مهم انا نحبك حتى انت خاصك تحبيني وتبادليني مانحبش نكون معاك وانتي مجبورة عليا وماكيش طايقتني ،عادي ماشي اول مرة _هذيك كي كنت مانحبكش مي ضك نحبك مانقدرش نتقبلو ،نورمال مع ليام تقدر تتقبلو كيما تقبلت انا تصرفاتك معايا و والفتها _جامي تقبليتها شفيتي واش كنتي ديري ،هذيك مع لول بصح ضك صاي تقبلت _علاه ديري هكذا اعطي فرصة ليا وليك ونعاودو كلش من جديد _واش راح نعاودو مثلا مدام كاين مراة غيري في حياتك وتحبك وتحبها ماعندنا مانعاودو...بقا يشوف معايا علاه صعيبة هكذا ضحكت لا ماكانش اسهل مني _علبالي ساهلة بصح تصعبي روحك وتعقدي الحالة غير باه ما نوصلش ليك  جيت نوض حكمني وين اقعدي معايا ،لا نروح نعست _هيا نوصلك ،لا نروح وحدي _واشبيك ديري هكذا سكت ناض وقف ونوضني معاه حط يدو على جنبي بقا يمشي فيا وحدة وحدة برك كاش ما يوجع فيك ،شوية وجاعة _لاه ماهدرتيش _لا خفيفة برك كي نمشي _ماتزيديش تنوضي حتى تبان حالتك طلعني لشمبرة نحالي الخمار حكمت بلاصتي شفتو نحا التريكو ودخل عندي ،راح ترقد هنا _ايه هنا مانخليكش وحدك نخاف كاش مايصرالك ،ماعندو مايصرالي روح برك _واشبيك تحاوزي فيا ،لالا بصح الصباح ديرلك فريدة مشكل _لاه ديرلي مشكل بايت مع عشيقتي مرتي ماتساليش ونفس الشي انتي ما تسالنيش ،انا ماعندي حتى مشكل كي تبات معاها _لاه نحوس كي نبات عندك ماتساليليش  سكت جبد الغطا لاح يدو تحت راسي هيا عندي ارقدي تريحي حطيت راسي على صدرو حظنتو ورقدت
لثاني يوم فطنت لقيتو مكانش نضت خرجت من الشمبرة  لقيتو دخل  صباح الخير لاه نضتي ،صباح نور نغسل وجهي _تنحاتلك لوجاعة ،ايه تنحات _هيا اغسلي واحكمي بلاصتك ضك نقول الفريدة تجيبلك الفطور ماتهبطيش انتي،لا مكلاه حابة نهبط وحدي _وين تهبطي اقعدي ضك فريدة تجيبلك لفطور سكت _هيا كاش ما تحتاجي نجيبلك ،لا والو جا عندي باسني على كتفي وراح غسلت ورجعت لبلاصتي دخلت عليا فريدة هازة بلا حطتهولي صباح الخير ،صباح نور _هاكي افطري وكولي مليح وجهك صفر ،لاه شقيتي روحك كنت انا نهبط وحدي _ماتهبطيش الطبيبة وصاتك ماتتحركيش قادر طيحي سكت قعدت قدامي شوفي انا مانيش مجرمة كيما كنتي تقولي جيست عندي امل صغير فيك تعوضيني علبالي ماشي ساهل تمديلي كبدتك ومتاكدة مراحش تمديهولي بصح قلت نجرب خاطر انتي تقدري تجيب 5و6 بصح انا مانقدرش نجيب سكت ما لقيت ما نقولها _البارح شفت سرة تاع ولاد صغار عجبني واحد فيهم راح نشريهولو اذا ماعندكش مشكل ،لا نورمال _خلاص ضك نعيط ليحي يجيبو معاه  ناضت خرجت العشية غير روح جابو معاه فالابيض جهة سرير وجهة فيها 5 قجور تحت بعض وقجر كبير التحت ڨاع ومعاه الناموسية تاعو معلقة الفوق وه‍ابطة على سرير مغطياتو  في الازرق والماطلة والمخايد والدرا ڨاع نفس اللون انا بقبت متكسلة على سرير وهما بقاو يسڨمو فيها حطوها على جيهتي فريدة راحت هبطت جابت فاليزا حلتها قدامي لقيتها مليانة قش تاع ولاد صغار شفت معاها واشنو هذوك _شريتهم لمحمد ،بصح انا شريتلو _معليش حتى انا شريتلو بقات توريلنا وتطبق فيهم فرحانة تقول هي لي راحة تولد قعدت معاهم فرزتتهم كامل وفرزتلي قشي ڨاع تاع زيادة تقول كانت حاسة  فطنت على وجاعة في كرشي وقوات عليا هزيت تليفون عيطتلو مرة وزوج الثلاثة باه ريبوندا عليا _وي رحيل ،اطلع عندي حكمتني الوجاعة _راني جاي كوبا عليا وطلع  يجري دخل جا عندي قعد حط يدو على كرشي واشبيك ،ماعرف بصح قوات عليا الوجاعة _هيا نوضي نديك لسبيطار عطالي حوايجي لبسني وخرجني معاه وجاب فريدة معانا غير وصلنا لهيه دخلت انا وفريدة  قاتلي غدوا الصباح تكوني هنا ديري اوبيراسيو الما تاع راس قريب يخلاص دارولي تحاليل وكتبلي دواوات ناكلهم قبل العملية وبعد العملية خرجنا من عندها لقيناه يستنا فينا شاف معايا لقاني خايفة شاف مع فريدة واش كاين الخير برك ،لازم غدوا تزيد سيزريان _كيفاه وهي مزالها فالسابع _الما تاع الراس قريب يخلاص  _وضك وين نروحو_نستناو حتى يخرجو ليزاناليز جا عندي واشبيك ،خايفة _ماتخافيش مكان والو سكت حكملي يدي وداني لكرسي اقعدي هنا ماتخافيش مكاين والو قعدنا نستناو حتى خرجو ليزاناليز خرجنا شرالي دوا ورحنا لدار
دخلنا فتنا ديراكت لصالو نحيت حجابي وتكسلت على الفوتاي دار عند فريدة جيبيلها كاس ما تشرب دواها راحت خرجت قعد قدامي بقا يشوف معايا علاه هذ الخوف ڨاع ياك سيرزيان مراح تحسي بوالو ،خايفة تديهولي _وقتاش توثقي فيا انتي ،ماعرف بصح خايفة غير تكذبو عليا وتدوهولي وتحاوزوني _رحيل نحي هذ الافكار من راسك واحد مايديلك وليدك،علبالك واش راني نقول في قلبي _واش راكي تقولي _اذا راح تدهولي نشالله نموت ولا يموت _بعيد الشر علاه الهدرة  ادعي ربي يكون بخير برك دخلت فريدة عطاتني شربت دوايا نشوف مع عينيها حمر كشغول كانت تبكي راحت خرجت شفت معاه واشبيها فريدة_لاه واشبيها ،كشغول راهي تبكي سكت  ،فريدة ناس ملاح بزاف _قتلك فريدة معدنها ذهب صافي مزلتي ماتعرفيهاش انتي نشوف فيه يهدر وعينيه فيهم لمعة والبسمة على وجهو كل مرة نشوف الحب في عينيه من جيهتها_ هيا ارقدي هنا شوية ارتاحي وغدوا يرحمها ربي درتلو براسي ايه باسني على جبيني وخرج بقيت نشوف نوض  نطلع الشمبرة خير كل مرة نتاكد بلي انا دخيلة بين هذا الزوج وصلت الكوزينة سمعت صوتهم يهدرو _غير فهميني واشبيك تبكي _روح يحي ترقد روح _فهميني واشبيك علاه هذا الدموع _حتى اذا حكيت مراحش تفهمني _من وقتاش انا مانفهمكش فريدة _يحيى تعيش خليني  وحدي_غير نفهم واشبيك مقلقة مني _مقلقة من روحي  ومن كلش داير بيا تعبانة بزاف وعييت نتحمل _واش مقلقك احكيلي _تخيل انا بيدي لي ندي في ضرتي لي دات حبي مني لطبيبة ونجري بيها من طبيب لطيبب على جال الطفل لي نورمالمو انا لي نجيبو ماشي هي ومن الفوق نشوف فيك خايف عليها حسيت روحي غريبة بنياتكم انتما تجريو على وليدكم وانا علاه الظاهر في زوج نحسو بنفس الشعور  _بصحك فريدة تهدري في هذا الهدرة علبالك هذا لي راكي ديري فيه يتسمى سخط وزيدي كيفاه تحسي روحك غريبة عليا _ماشي غير غريبة حتى الحب وليت ما تحبنيش ومكلاه تنكر هذا الشي انا نعرفك كثر من روحي والمراة تحس براجلها كي يتبدل عليها ويحب غيرها _بطلت نحبك  علاه الحب لعبة لوكان جيتي صح تعرفيني كثر من روحي راكي شفتي حبي ليك فريدة الدنيا قاع تتبدل غير حبي ليك ما يتبدلش واذا على قلقي وخوفي شي طبيعي نخاف على وليدي وهي صغيرة واول مرة راهي خايفة كيما اي وحدة تحتاج لي يكورجها  وزيد ماشي تقولي وليدك هو وليدي كيفاه ضك تقولي وليدكم _يحيى كي نقولك تحبها يعني تحبها راني حاسة بهذا الشي ماتغلطنيش انت تبدلت عليا بزاف _وعلاه ما نحبهاش ماشي مرتي وراح تكون يمات ولادي _ايه حبيتها هي وانا كرهت مني _اللله يهديك والله شايفة هذيك لي راكي تقولي بلي نحبها هي شايفة حبي ليك وانتي ماكيش شايفاتو كملت طريقي خليتهم وحدة فينا ماهي مرتاحة كل وحدة فينا تحس روحها غريبة طلعت الفوق مالغري الطبيبة حرمت عليا الطلعة بصح مانرتاح غير في شمبرتي جيت في بلاصتي ونتقلب خايفة من العملية وخايفة ينحولي وليدي ونفس الوقت نخمم فيه يجي عندي يقولي نحبك وكي يروح ليها يقولها  نحبك انتي  هذا يلعب بينا في زوج ولا كيفاه اواه الوحيدة لي يلعب بيها هي انا اصلا باينة كان يعامل فيا كالحيوان نهار عرف بلي اونسات تبدلت معاملتو ليا..