အပိုင်း ၆- သူ့ကြက်ကလေးကို လူလေးယောက်က ဝိုင်းထားတယ်!!
ချောင်ရှီ သူ့တည်ရှိမှု့ကို အတတ်နိုင်ဆုံး လျော့ချရန် ထောင့်ကိုကပ်သွားသည်။သိုသော် တခြားသူများ၏အာရုံကို မဆွဲဆောင်မိစေရန် သူ့အတွက်မဖြစ်နိုင်ပေ။ပြောရရင် ဒီအတန်းတွင် ကျောင်းသားဆယ်ယောက်သာရှိသည်။ထို့ကြောင့် အသစ်ဝင်လာသောသူ၏တည်ရှိမှု့သည် ထိုရက်စက်သောသားရဲများ၏မျက်လုံးကို ချက်ချင်း ဖမ်းစားနိုင်မည်ဖြစ်သည်။
ကျား၊ ခြင်္သေ့နှင့် ကျားသစ်သည် စားပွဲပေါ်သို့ ခုန်ချလိုက်ပြီး အနက်ရောင်ဝက်ဝံက အံ့သြနေပြီး အနက်ရောင်ဝက်ဝံမင်းသမီး၏ ပုခုံးပေါ်တွင် စပါးကြီးမြွေသည် ရစ်ပတ်နေသည်။
ထို့ကြောင့် ချောင်ရှီအပေါ်တွင် ကြီးမားသောအရိပ်သည် ရုတ်တရက် အုပ်မိုးလာသည်။
သူကအဝိုင်းခံလိုက်ရပြီး ရက်စက်ကြမ်းကြုတ်သောသားရဲများသည် သူ့ကိုတည့်တည့်စိုက်ကြည့်နေကြသည်။
ချောင်ရှီ: "....."သူချက်ချင်း အသက်ရှုရတာ ခက်ခဲလာပြီး ခဏလောက်ပျောက်ကွယ်သွားချင်သည်။သူ့အမွှေးတွေကလဲ အနည်းငယ် တုန်ရီနေသည်။
ကျားသစ်တွေထဲကတစ်ယောက်က ကျားသစ်လေးကိုနှုတ်ဆက်လိုက်သည် "ဒါက ကျင်းယန်ပြောတဲ့ ငှက်မင်းသားလား?အရမ်းသေးတာပဲ။"
ကီစီလီသည် စားပွဲပေါ်တွင်လှဲနေပြီး ပျင်းရိစွာပြောလိုက်သည် "သူကမင်းနဲ့အသက်တူတူပဲ။"
ကျားသစ်သည် တကယ်တော့ သူ့အမွှာအကိုဖြစ်သည်။သူတို့သည် အသက်တူတူပဲဖြစ်ပြီး သူ့အကိုက အသွင်ပြောင်းခြင်းကာလကို တွေ့ကြုံပြီးပြီ။ထို့အပြင် သူ့တိရစ္ဆာန်ပုံစံသည် ကျင်းယန်ကဲ့သို့ မြင့်မားပြီး အင်အားကြီးသည်။
ကျားသစ်သည် ချောင်ရှီကိုအံ့သြစွာကြည့်လိုက်သည်။
"သူကတကယ်သေးတာပဲ။"
"ငှက်မျိုးနွယ်က ဒီလိုပုံစံအသွင်ပြင်မျိုးကြီးတာလား?ဒါက ကြက်ကလေးမဟုတ်ဘူးလား?"
YOU ARE READING
ဝံပုလွေနန်းတော်က အတောက်ပဆုံး ကြက်ကလေး
FantasyCredit to Author and Translator. ခွင့်ပြုချက်မရထားပါ။