*#حُـبـهُ خَـطِـيـئـة•*
*الــحــلـقة «40»*
« *حَـقـيـقـة* »
يوسف : اخيراً.
ماريا : اهاا و اخيراً😭❤️❤️❤️❤️.
ماريا : يوسف بتخشوا انتَ و ارحومه مع بعضكم صح؟ ، ندى هكِ قالتلي .
يوسف : لا انا مش حَـ نخش و على ما اعتقد لما انا ما نخشش ارحومه مش حَـ يخش.
ماريا : يوسف جديات متبيش تخش؟.
يوسف : اها .
ماريا تأثرت بس مش حابه تبين.
ندى جايه معاها .
ندى : ويره كنك عاقده حواجبك جاكِ خناق العرايس😂؟.
ماريا : يوسف قالي منبيش نخش في الصالة.
ندى : معناها حتى ارحومه مش حَـ يخش.
ماريا بعصبية : مش عارفه.
و يوسف يدزلها في مسجات متردش عليه لعند اتصل.
ماريا الارتست خلتها شويا لأنها شبه مكمله و بتبدأ في ندى .
ماريا : نعم؟
يوسف : كنك تتكلمي هكِ.
ماريا : ما كني شي .
يوسف : لا بتقولي كنك .
ماريا : قتلك مفيش شي.
يوسف : تبي تقولي ولله نجيكِ وين مانك قاعده.
ماريا : يوسف طبيعي اي بنت تستنى في ليلة فرحها عشان يخش عرسها و هوا يلي يأخذها مش خوهاا او تطلعها ام العريس و امها.
يوسف : بس انتِ عارفه انا منحبش ال...
قاطعاته ماريا :ولو لي مره واحده خلي تَديُنك على جنب .
يوسف : باهي افه..
ماريا سكرت في وجه.
الساعه 6 جاهن مؤيد خذاهن من الارتست طبعاً هنا جنها بدري عشان تكمللهن بسرعه لأن الصاله بعيده على البيضاء و الارتست تسكن في شحات.
ماريا طلعها مؤيد ركبها في سيارته و خلفهم ، جهاد راكب معاه انس ، محمد راكب معاه و اسامه و علاء و اسامه طول الطريق يمسك في دومان محمد عشان يخليه يمتع😂 ، و معاهم مازن راكب في سيارة ماريا و طول الطريق داير العار.
ماريا وصلت للصالة الساعه 7 و ربع خششوها في دار يلي في الصاله و خشن عليها صبايا اعمامها و امها سلمن عليها و قعدن يستنن في ابتهال عشان يخشن مع بعضهن.
عهد دزت عليا ماريا مع ياسمين و خشيتلها بصراحة عيوني دمعوا لما شفتها بـ الڤيلو و كيف اليوم حَـ تنزف لي حبيبها و الفرحه مالية عيونها و قلبها قربت عليها حضنتها و باركتلها .
YOU ARE READING
حبهُ خَطيئه
Romanceرواية منقولة وليست من كتابتي و انشالله تستمتعوا بيها كيف ماحبيتها انا❤❤. قراءة ممتعه❤. للكاتبه: Wede Alshaary❤❤