*الــحــلـقة «33»*
« *حَـقـيـقـة* »
عند ماريا كانت قاعده هيا و اهلها عند عيت جدها و كانت 24 ساعه واقفه و تضيف في الناس يلي يجوهم بعدها جت قعمزت و مسكت تيليفونها عشان تتصل بي يوسف تطمن عليه بس التيليفون رن مره و اثنين و ثلاثه اخر مره رد بس ردت عليها بنت.
البنت : سلام.
ماريا : منو انتِ؟؟.
البنت : انااا.
ماريا : اها انتِ منو انتِ.البنت : انا روعه.
ماريا : من روعه.
البنت : انا روعه بنت محمد و يوسف عمو.
ماريا : باهي وينه يوسف.
البنت: عمو يوسف قاعد في الدار مع رجاله و معطينا تيليفونه عشان نحطوه له على الشحن.
ماريا : اها تمام .
البنت : عادي استني نعطيه التيليفون .
ماريا : لا لا توا ندوي معاه بعدين.
البنت : تمام اوكي.
البنت سكرت وجايه بتحط التيليفون على الشحن خذاته منها ابتهال.
ابتهال: توا مش انا لما سمعته يرن قلتلكن مفيش واحده تمسه عليش رديتي تبي يوسف يديرلنا مشكله .
نجوى : بالشويا على بنتي وشن فيها لو ردت صدقت روعه رأسها وجعها من الاتصالات معَش وقفوا.
ابتهال تتكلم بعصبية:. وانتن شن دخلكن ان شاءالله يرن لعند الصبح شن دخلكن.
امينه تدخلت بسرعه و مسكت ابتهال : ابتهال خلاص الصبايا توا يسمعن هرجتكن خلاص عشاني .
ابتهال : تي فورتلي دمي .
امينه تهدي فيها : عشان خاطري خلاص هيا نجهزوا العصريه للناس عيب.
نجوى : جهزنها بروحكن.
امينه : خلاص بنجهزها انا و ابتهال.
ابتهال : منو طلب منك تحطي خشمك معانا اقلبي وجهك برا هيا اطلعي.
نجوى مسكت يد روعه و طلعت.
*_______________________ .*
*عند اهل ناصف .*
فريحه قعمزت على الطاوله : عبير امشي شوفي كان المربوعه فاضيه بنشوف علاء.
عبير : حاضر و طلعت.
بعد شويا جت عبير : ماما انا خشيت لقيتها فاضيه بس لما طلعت شفت شباب خشوا عليه.
فريحه : اها تمام.
ساميه : فريحه انتن منو جابكن هنا يوم الحادث؟ ناصف؟.
فريحه : لا مش ناصف .
سميره : من معناها.
عهد : لما صار الحادث و نحنَ نزلنا شافتنا واحده و معاها بناتها و ولدها نازل يشوف في الحادث قعدوا يقنعوا فينا لعند ركبونا معاهم و حطونا قدام الحوش.
ESTÁS LEYENDO
حبهُ خَطيئه
Romanceرواية منقولة وليست من كتابتي و انشالله تستمتعوا بيها كيف ماحبيتها انا❤❤. قراءة ممتعه❤. للكاتبه: Wede Alshaary❤❤