حبهُ خَطيئه

بارت 14❤

#حُبهُ خَطِيئةٌ.

الـحـلـقـة«15».
«حقيقيه».

بعد الغداء خوت مصطفى جو كلهم .
ومصطفى كلم خواته وفاطمه و ماريا نزلها بلغصب

مصطفى قاللهم كل شي بالتفصيل بس يلي صدمة ردة فعلهم💔.

صلاح: انتَ تدوي من جدك والله تبصر ولله طايح على رأسك والله كيف بالضبط؟؟؟.

انس: مصطفى انتَ شن تقول مستحيل حاجه كيف هذي تصير.

جهاد حط رأسه بين ايديه ومصدوم.

الحاج عثمان: مصطفى كيف هذي وكيف حاجه نفس هذي تصير.

وائل واقف ويلف في الدار وحط ايديه وراء رقبته : ياربي شن القصة هذي شن القصة هذي ياربي عليك عار.

مصطفى : بس كيف ما قلتلكم الحمدلله ويره مازالت بنت وانا و فاطمه مراد غاضبين عليه طول العمر.

الحاج عثمان: اللهُم لا اسألك رد القضاء وانما اسألك اللطف فيه لا حول ولا قوة الا بالله.

صلاح وقف و يدوي بي تقزز ومش مقدر وضع خوه: اسمع يا مصطفى لا انتَ خوي ولا انا نعرفك لما ادور سوداني يستر على بنتك في هذيك الساعه توا نرد خوك من جديد وتوا السلام عليكم وتحرك من مكانه بس قبل ما يخطي خطوة جاه كف من يد مقهووورة  مصطفى ضربه كف لعند اصابعه علموا في خد صلاح.

صلاح حط ايده على خده: تضربني عشان بنتك تضربني انا وشن عرفك انه هيا مش دايرلته سريب؟ توا عادي حتى الاخ مع اخته و العم مع بنت خوه عادي ما تستغرب شي.

فاطمه تبكي بحرقه: صلاح متقولش هكِ نحنَ كلمناكم عشان  يكون عندكم علم نبوكم تصبو معانا مش تزيدونا علي ما بينا

الحاج عثمان : صلاح اقسم بالله علي العظيم وحياة اعيالي لو نلقى القصة طالعه برا منا اقسم بالله نقتلك وما يرفلي جفن والكلام هذا لكم كلكم و بذات زوجاتكم لو نسمع الموضوع وصلهن نغضب عليكم وانا نبهتكم.

صلاح: تغضب علينا عشان مصطفى وعياله؟.

وائل بصوت عالي:  صلاح اطلع برا مش ناقصنه.

صلاح: حتى انا طالع وطلع من الحوش.

مصطفى قعمز بحيل مهدود.

وائل قرب منه : وسع بالك يا مصطفى اهم شي انه ويره مازالت بنت هذي اهم شي.

انس : ومراد وينه؟.

مصطفى : اسمعوني انا مراد بريئ منه ليوم الدين امام الله و امامكم ونبي نعطيه مبلغ ويسافر معَش بنشوف وجه نهائي .

الحاج عثمان: هذا افضل حل.

جهاد رفع عيونه وشاف ماريا قاعده على الكرسي و سااارحه وقف وقرب منها ونزل قعد على رؤوس اصابعه : ويره يلي داره مراد غلط بس نحنَ معاكِ وضده هوا ونحنَ عارفين تربيتك نوثقوا فيك اكثر من انفسنا.