*#حُـبـهُ خَـطِـيـئـة•*
*الــحــلـقة « 35 »•*
« *حَـقـيـقـة•* »
*« إِضـافـيـة•»*
*مفيش واحده تقولي قصيره لأني درتها إضافيه🙂😂.*
مؤيد باسها على رأسها : وحق ربي انتِ طعمة حوشنا💞، و نزل.
ماريا : ياربي ما تحرمني منهم🤍.
*___________________________.*
مؤيد نزل لي اصحابه و واضح عليه انه مش كويس بس قعد يجامل فيهم ( اصحابه هذوما مش مفتاح و محمد و باقي الشلة لالا هذوما اصحابه من الجامعة).
ماريا عاودت على يوسف : ايوا.
يوسف : مؤيد شن دار توا كويس؟.
ماريا : اها كويس ولله كل لما نشوفه قلبي يتقطع عليه.
يوسف : شن انديروا هذي حكمت ربك.
ماريا : لا اله الا هو❤️.
يوسف : ايوا نبيكِ هكِ .
ماريا: باهي انتَ ايدك شن وضعها تمام؟.
يوسف : يلي مكسوره مفيهاش ألم بس يلي فيها الخياطه تنغز فيا مره مره.
ماريا : ان شاءالله فيا ولا فيك😟💔 .
يوسف : تؤ تؤ تؤ ليش توا تقولي هكِ بعيد السؤ عليكِ.
ماريا بخبث: تخاف عليا🙂؟.
يوسف : احم ءاحم اها نخاف عليك.
ماريا : باهي ليش مرتبك هكِ😂.
يوسف : لا مش مرتبك بس اول مره نقول كلام هكِ فهمتي عليا.
ماريا : حتى تبرير متعرفش تبرر 😂.
يوسف : انتِ نفس اسلوب اسامه و نفس حتى تفكيره ديما يقولي هكِ حتى هوا.
ماريا : جديات صح انتَ بريء بكل يلي يسمعك يقول هذا عمره *_15_* سنه و بادي في الحب الجديد.
يوسف : يعني واثقه اني انحبك.
ماريا : يب يب😌.
يوسف : باهي وانتِ؟.
ماريا : انا ءء يوسف ماما تناديلي باي و سكرت و دزتله مسج : ( هذا كله وتسأل فيا تي انا انحبك مووت❤️، اسفةة كذبت عليك🙂💔.)
يوسف قرأ المسج وقعد يضحك😂.
ماريا نزلت : خير عليكن يا حناتي.
ياسمين : وين الوقت هذا كله تغيري😉.
ماريا ابتسمت : لا مش هكِ يا حنه مشيت غيرت و قرأت قرأن بعدها جاني مؤيد " و دمعن عيونها" و .
ندى : كنه مؤيد؟.
ماريا : قالي حلمت بي وفاء الله يرحمها.
كلهن ترحمن عليها.
أنت تقرأ
حبهُ خَطيئه
Romanceرواية منقولة وليست من كتابتي و انشالله تستمتعوا بيها كيف ماحبيتها انا❤❤. قراءة ممتعه❤. للكاتبه: Wede Alshaary❤❤
