*#حُـبـهُ خَـطِـيـئـة•*
*الــحــلـقة « 30 »*
« *حَـقـيـقـة* »
ماريا سيبت النُسكافيه و تستني في الحليب يغلي : في شني؟.
يوسف : قصة السياره.
ماريا : سيفا اسمعني انا السيارة صح فرحت بيها واجد لما بابا جابها ليا بس أنا إنسانة خوافة فوق ما تتصور يعني انا لما نقعد في الدور الثاني بروحي نخاف شن معنى نطلع بسيارة بروحي .
يوسف : باهي شن نفهم من كلامك.
ماريا : انا شفت انه الكل رافض اني نسوق حتى اعمامي و مؤيد يجاامل فيا مجامله عشان هكِ حالياً بنخليها فترة بعدها نقول لـ بابا منبيهاش ونقوله اني منبيش نسبب اي حساسية بيني وبين حد بسبب السيارة.
يوسف : وليش بتقعدي فترة؟.
ماريا : توا اذا عطيتها لـ بابا في الوقت هذا حَـ يقول في حد غير رأيها عرفت و حَـ يزعل مني انا بنخليها فترة بعدها نقولها له.
يوسف : باهي انتِ منو غير رأيك؟.
ماريا : انتَ بصراحة ، انا لما شفتهم كلهم مش راضيين بعدها سمعت منك الكلام قلت شن نبي فيها وانا اي شي نبيه بابا و خوتي مش مقصرين معايا.
يوسف: يعني توا مش زعلانه مني؟.
ماريا : تؤتؤ.
يوسف : شني تؤتؤ قولي؟.
ماريا : لا مش زعلانه منك❤️.
يوسف : ريحتيني.
ماريا شافت الحليب فاج على الغاز :لالالا وووووواااك.
يوسف : كنك بِسم الله😂؟.
ماريا : نسيت على الحليب في النار فاج و لبز الدنيا.
يوسف : ههههههه بايرة😂.
ماريا : انا بايرة باهي ، المهم خليني نسكر نرتب المطبخ قبل ما تشوفه ماما تذبحني.
يوسف : تمام و معَش تتعبي حَـ تنتكسي من المرض.
ماريا : حاضر استودعك الله.
يوسف : استودعك الله🤍.
سكرت الخط و رتبت و جهزت النُسكافية و ركبت .
فاطمه : جيبي حاجة معاه.
ماريا : اول شي انا مش اخطبوط و ثانياً لقيت ماكرون بس .
فاطمه : و جيبيه .
ماريا نزلت جاباته و ركبت.
جهاد : مصطفى توا شن بدير في قصة السيارة؟.
مصطفى : انا السيارة جايبها لي بنتي ومش سأل حد على رأيه يلي عاجبه باهي و يلي مش عاجبه يشرب من البحر.
ماريا تأكل في ماكرون : و كان البحر بعيد عليه يخلط امية و ملح و يشربهن.
فاطمه : ويررةةة اسكتي.
VOUS LISEZ
حبهُ خَطيئه
Roman d'amourرواية منقولة وليست من كتابتي و انشالله تستمتعوا بيها كيف ماحبيتها انا❤❤. قراءة ممتعه❤. للكاتبه: Wede Alshaary❤❤
