#حبهُ خَطيئه.
الـحـلـقـة«10».
«حقيقيه».
وكمل سيف يهدرز وماريا بلغصب كانت تدوي متحشمه ومنحرجه .
سيف: باهي ليش متدويش معايا واجد انا دويت نين رقبتي جفت.
ماريا:لأني اول مره ندوي مع شاب خليني نتعود عليك قبل بعدها حـ تشوف لساني.
سيف:نعليا منك وخلاص🤤.
ماريا:سيف انا بنسكر توا .
سيف:،باي يا قلبي ،انحبك.
ماريا:باي.
وسكرت الخط .
ونزلت قعدت مع اهلها.
ماريا و امل يتفرجن على فيلم PAPlLLON.
فاطمه:منحبهن بكل الافلام .
ماريا:هذا قديم شويا وكله هروب وحبس وضرب وقتل و حرب وكملوها يهربوا نين طاح سعدهم لكن فيه جو.
امل:جبت معايا افلام يهبلن توا نتفرجوا عليهن في الليل.
ماريا:شن هنا الافلام؟.
امل:BIRD BOX و THOR و UP.
فاطمه:هذا ايسما.
ماريا:😂 فيلم UP انيميشن صح؟.
امل :اها.
فاطمه:شن تقولن شن معناها امنيشن.
ماريا:اولاً اسمها انيميشن يعني فيلم انمي وووه ، يعني افلام كرتون.
فاطمه:اها.
طق الباب.
فاطمه :ويره نوضي افتحي.
ماريا :منعرفش نفتح بي ايدي اليسار واليمين الله يرحمها.
فاطمه: درتيها عذر توا .
ندى:توا نفتح انا وناضت فتحت وخشوا عيت انس وسلموا و قعمزوا .
انس لاف ايده على ماريا :شن تحسي روحك توا كويسه؟.
ماريا:الحمدلله.
سلمى تبكي :حسبي الله ونعم الوكيل.
ماريا:سلمى عليش تبكي انا كويسه الحمدلله.
سلمى مسحت دموعها: الحمدلله بس يدك متمزقه وفيها خياطه و اغمى عليك ومرضتي من السحر وتقوليلي كويسه.
ماريا:وحق ربي ما فيا حاجه .
فاطمه:فيها غير طولت اللسان بس.
سلمى ضحكت:خليها لسانها هوا يلي محليها.
ماريا:سلمها مرات عمو .
انس: خلاص توا انا بنمشي تأخرت على المحل.
ماريا:خليك نشربوا قهوة وامشي.
انس:معناها بسرعة لأني مستعجل.
ماريا:حاضر بس انا يدي معذورة😂 ، قول لي واحده من هذينا تصبي اديرلك واديرلنا (واشرت على ندى و امل وياسمين و فاطمه).
YOU ARE READING
حبهُ خَطيئه
Romanceرواية منقولة وليست من كتابتي و انشالله تستمتعوا بيها كيف ماحبيتها انا❤❤. قراءة ممتعه❤. للكاتبه: Wede Alshaary❤❤
