AS WE GO ON.. I Hate You, I Love You

Chapter 5

After ng class sa auditorium, naghihintay na sa stage si Keith para sa photoshoot nila, aasarin pa sana niya si Steven dahil napakatagal nito sa dressing room.

"Daig pa ang babae" bulong pa niya sa sarili.

Pag akyat ni Steven ay napatitig siya dito, inayos nito ang buhok at nilagyan ng konting wax, napaka neat din nitong tignan sa suot na longsleeve na white at maong na black.

"Okay.. Steven, Keith, please make your best angle for this" sigaw pa ni Ms. Toni sa kanilang dalawa.

Habang pinipicturan sila Keith at Steven ay magkahiwalay pa rin sila ng konti.

"Ma'am Toni, paki sabi closer" senyas pa ng photographer nilang si Rey. Hindi ito makakuha ng maayos dahil pakiramdam niya pang divorce ang itsura ng dalawa.

"Can you guys move closer" saad ni Ms. Toni sa dalawa pero walang gumalaw sa kanila.

"Steven!" Napalakas na ang boses ni Ms. Toni sa kanila dahil pakiramdam nito ay ayaw parin makinig sa kanya, nakita niyang napabuntong hininga pa si Steven

"Okay Ma'am" sabi pa nito saka tumingin kay Keith.

Hinawakan ni Steven si Keith sa braso saka dahan dahang hinila palapit sa kanya. Dahil hindi inaasahan napalapit ng husto si Keith at napahawak sa dibdib niya.

"Picture.. Picture.. bilis" biglang sabi ni Ms. Toni kay Rey na halatang tuwang tuwa.

"Yes Ma'am" saka ito kumuha ng kumuha ng magandang anggulo dahil halos magkayakap na ang dalawa.

"Just go with the flow.." bulong ni Steven saka ngumiti pa ito at inilagay ang dalawang kamay ni Keith sa batok niya. Hindi nakakibo si Keith sa sinabi ni Steven naging sunud sunuran siya sa bawat galaw nito. Kahit humaharap siya sa camera ay hindi niya maiwasan mapatingin kay Steven. Ngayon niya lang natitigan ng ganun kalapit si Steven napakagwapo pala nito sa malapitan, mamulamula ang pisngi. Matangos na ilong, may magandang mata na pakiramdam niya ay punong puno ng emosyon ng mga oras na yun, mapulang labi, napaka perfect halos bulong ng isip niya.

Habang kinukunan sila Steven at Keith para sa poster nila,nandun sa isang gilid sila Selene at Mona inis na inis sa nakikita.

"I can't believe this"

"Diba you ask Steven para dito, hindi ka na nagsubmit because ayaw niya. Then eto he did accept din pala" maarte pang sabi ni Mona.

"I have to do something about this" saka padabog na lumabas kasunod si Mona.

Masayang masaya naman si Ms. Toni habang pinagmamasdan ang dalawa. Napakasweet pagmasdan at bagay na bagay. Sino ba ang nag aakala na parang mga aso't pusa ang dalawa kung mag away. Naiiling pa siya na natatawa.

Isang busina ang nagpalingon kay Keith habang naglalakad, napatingin pa siya kung saan padaan si Cliff, Tapos na ang photshoot nila at pauwi na sila.

"Okay na?" Tanong pa nito sa kanya.

"Yup" saka nito binuksan ang backseat para ilagay ang mga gamit.

"Magdala ka na ng kotse bukas ha"

"Mas feel ko parin yung pinagddrive ako, hatid sundo yung ganyan"

"Boyfriend hanapin mo"

"Ah di ba driver?"

"Loko, sumakay ka na nga" nakangiti pa nitong sabi sa kanya.

"Is he her boyfriend, they are so bagay" narinig ni Steven na sabi ni Selene kay Mona, palabas na sila at nagkaayaan na magdinner muna.

"Gwapo si Cliff and also matalino, ano pa bang hahanapin niya girl"