ခွေးမ!
သင်းက ဟန်ကျိုးလီနှင့်လူတွေအများကြီးရဲ့ရှေ့မှောက်မှာ သူမကို ဂုဏ်သိက္ခာပျက်အောင်လုပ်ခဲ့သည်။
ဒီတစ်ခါ အရှက်တကွဲဖြစ်ရခြင်းမှာ ခံစားချက်က အရင်က သူမ မောက်မာထောင်လွှားခဲ့တာတွေ၊ လုမန်ကို အထင်အမြင်သေးခဲ့တာတွေလုပ်တုန်းကလို ပြင်းထန်သည်။
ဟန်ကျိုးလီရှေ့မှာမှ လုမန် သူမကို တမင်အရှက်ခွဲခဲ့တာ!
တွေးလေ သိုက်ယီးရန် မျက်နှာ ဖြူဆုတ်သွားလေဖြစ်ကာ ဟန်ကျိုးလီကို သနားစဖွယ် ကြည့်လိုက်သည်။
“ အစ်ကိုဟန်.. ”
ဘယ်လိုများ ဟန်ကျိုးလီ သူမကို မစာမနာ အလုပ်ထုတ်ပစ်မယ် ပြောရက်တာလဲ!
သူမ ဟန်ကော်ပိုရေးရှင်းကိုရောက်လာခဲ့တာ ဘယ်သူ့အတွက်လဲ..
သို့ပေမယ့် သူ သူမကို လုံးဝ မသိသည့် သူစိမ်းတစ်ယောက်ပမာ ဆက်ဆံခဲ့သည်။
သူမကတော့ သူ့ကို အစ်ကိုဟန်လို့ပဲ အမြဲ ခေါ်ခဲ့တာဖြစ်သည်။
ဒါပေမဲ့ ဟန်ကျိုးလီက တစ်ချက်မှ ငဲ့ကြည့်ခြင်း မရှိ။ လုမန်ဘက်ကို လှည့်လိုက်ကာ
“ လုမန်က ငါ့ရုံးခန်းထဲကိုလိုက်ခဲ့ပြီး တုလင်းနဲ့ အစီအစဥ်အကြောင်း အသေးစိတ်ကို လာအတည်ပြုပါ ”
ထို့နောက် လုမန် ဟန်ကျိုးလီနှင့်ထွက်သွားကာ သိုက်ယီးရန် နှုတ်ခမ်းတွေ မဲ့လျက် ကျန်ခဲ့၏။
အစ်မလိ၊ အစ်ကိုကျန်းနှင့် တခြားသူတွေကမူ သူမကို တစ်ချက်ပဲ ကြည့်ပြီး သူတို့အလုပ်စားပွဲတွေဆီကို ပြန်ကာ လုပ်လက်စအလုပ်တွေ ဆက်လုပ်ကြသည်။
အရင်က သူတို့ လုမန်ကို မနှစ်သက်ခဲ့ကြပေ။ သို့သော်လည်း သိုက်ယီးရန်နှင့် ဒီလိုဖြစ်ပြီးသည့်နောက်မှာ လုမန်နှင့်ပတ်သက်ပြီး သူတို့အမြင်တွေ သဘောထားတွေ ပြောင်းလဲသွားခဲ့၏။
***
လုမန် သူ့နောက်ကနေ ထိပ်ဆုံးထပ်ကို လိုက်သွားခဲ့သည်။ ဟန်ကျိုးလီက သူ့ရုံးခန်းတံခါးကို တွန်းဖွင့်ပြီး လိုက်ဝင်ခဲ့ဖို့ လက်ဟန်ပြ၏။
သူမ အထဲဝင်လိုက်သည်။ ပြီးတော့ တံခါးပိတ်ဖို့ ဟိုဘက်ပြန်လှည့်လိုက်ချိန်မှာ ဟန်ကျိုးလီက ရုတ်တရက် ဆွဲလှည့်ပြီး တံခါးမှာ ဖိကပ်ချုပ်၏။
BẠN ĐANG ĐỌC
ထိုမှစခဲ့သော အချစ်များစွာသည်
Lãng mạnTranslation of ❛ The Long-awaited Mr. Han『韩先生，情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...
161 ~ 165
Bắt đầu từ đầu
