لاتحرم الروح من وصلك ، وترى الوصل منك يحييها

29

ركب الاثنين السياره وكان السائق صديق فيصل .
كان فيصل يناظر من الشباك وهو ماسك ذقنه .
كان يتأمل المناظر وهو يسال نفسه وش بيسوي بحياته الجديده .
طالما حلم بحياه مع فاطمه وانجاب اطفال منها .
لكن ظهر النصيب له الزواج من ياسمين .
بنت قريه وقرويه وحياتها كانت بين الاغنام ورعيهم .
تنهد ونظر لها هي الاخره .
لم يجد تفسير لكل ماحدث معه .
لكنه يعلم جيدا ومثل اسمه ان الزواج سوف ينتهي .
أوقف السياره احمد ونظر له من المراه العليه : هيا وصلنا يازواج الحمام
تنهد بهدوء ونزل ونزلت ياسمين .
رفعت عينها وشافت الفندق .
فندق ٥ نجوم كان كثير عليها .
مشت بهدوء واستنكار لجنبه .
اما احمد رجع وراح عنهم .
نظر لها وقال بهدوء : تفضلي
فتح يده بمنع تحاوط يده .
الزواج هذا كان يقلق فيصل ومن يوم وقف عند الفندق مايدري ليه صار قلبه ينط بقوه .
لكنه مجبر يرجع نفسه علشان مايبان ضعيف قدامها .
فتح الباب ودخلت وهي تشيل فستانها ودخل وراها وقفل الباب .
جلست هي على طرف السرير وقال وهو يبتسم بتوتر : تبين عشاء ؟
استغربت من سؤاله ، بالعادة محد يسأل اذا تبغا عشاء ولا لا .
نظرت له وقالت : لا مابغا
هز رأسه ودخل يغير ملابسه .
نظرت لنفسها بالمرايه وبدأ تتحسس وجهها .
شدت على يدها وهدات نفسها .
بعد ماطلع فيصل دخلت هي وغيرت لبسها .
فتحت الشنطه وبقت تناظرها وهي مصدومه .
قالت وهي تقلب الملابس : وين راح حاطته هنا
قلبت الشنطه على بعضها لكن مالقته .
تنهدت بخوف ورفعت الفستان العريان بشده .
نظرت له ونظرات الخوف عليه .
نظرت لنفسها وقالت بهدوء : اوريك انا
مرت ساعه وهي بالحمام وبالوقت هذا استغرب فيصل ان مالها صوت وانها تأخرت .
وصل العشاء وهي ماطلعت .
فهم تأخيرها انها تمسح مكياجها وتفتح شعرها وتغير ملابسها .
قررت تلبسه والخوف عليها .
قالت بتذمر : وش اللي طحت عليه ياربي
لفت للباب وقالت بهمس : يارب انه نام
نظرت لنفسها وهي تتحسس الفستان وشكلها .
لمت الأغراض بالشنطه .
وأخذت نفس عميق وغمضت عينها وطلعت .
فيصل اللي كان على الجوال نظر لها وقال : ليه تأخرتي كذ...
سكت وهو يشوفها لابسه زي كذا .
ماعرف وش يسوي الا انه سكت ومشت هي بخجل عميق للجهه الثانيه .
فتحت اللحاف بهدوء وتلحفت واعطته ظهرها .
تنهد بعمق وهو يرمي الأفكار الخبيثه اللي بعقله .
قرر بالنهايه ينام .

--------------

فاطمه |

بعد اقناع من ام فيصل رجعت فاطمه لبيت ام فيصل هي ونجود .
وكان مقرر يكونون الليله عندهم لان هذا من العادات الشائعه عندهم .
بعد الزواج يجتمعون الأقارب في بيت ام العريس وينامون عندهم .
في الغرفه اللي كان الكل متجمع فيها .
جلس الكل بالأرض وبداو يسالفون عن الزواج .
وكل وحده بفستانها والثانيه تمسح مكياجها .
وبالنص كان  حلا وقهوه .
لكن بعيد عنهم كانت فاطمه ونجود وتولين ورغد وانهار جنب بعض .
رغد : انا صراحه كلمت امي ماتعزمها لكن ماسمعت لي
نجود بقهر : احيانا افكر وش الشي اللي فيها علشان الكل يحبها
انهار ابتسمت وهي تشرب القهوه : الخبيث ماتعرفينه الا بعد عشره
فاطمه : ياخي اللي سوته تارا كان طيش مراهقه ، بالنسبه لي ماتهمني واعرف انه مراهقه ماتعرف شي وقتها
رغد : حتى انتي كنتي مراهقه زيها وفنفس الفصل ليه ماسويتي اللي سوته ؟
فاطمه : ماله علاقه بالموضوع ، انا كنت هادئه وماحب الهواش بس هي الله يهديها
نجود : امسحو الموضوع مانبي نتكلم عنها
تولين ابتسمت وهي تقرب وتهمس : وش صار على حامد
توسعت عيون فاطمه ونظرت لنجود اللي ابتسمت .
انهار : اقول لاتنكرين مافي مجال ، الحب واضح من عينك
فاطمه ب إنكار : طيش مراهقه ومثل ماقالت انهار "الخبيث ماتعرفينه الا بعد عشره"
انهار : ياخي انتي مو بس طيش مراهقه انتي تحبينه وعمرك ٢٣ !
نجود : اتركو البنت قالت ماتحبه يعني ماتحبه !
رغد تنهدت : توني اتذكر ان فيصل راح وبقعد لحالي بالبيت
تولين : ماعليك ٢٤ ساعه عندك ولايهمك
انهار : السنه الجديده بتبدأ وانا لازم اسجل بالجامعه ، واحس مو قادره
رغد : من سوء حظك تولين بتروح معك
تولين ابتسمت وتلاشت ابتسامتها وضربت رغد .
رغد ضحكت ومسكت مكان الضربه وقالت : اح ياقوه يدك
ابتسمت فاطمه : ماعليك اسجلك انا
انهار ابتسمت : شكرا
رغد نظرت لتولين وقالت بضحك : وانتي ايت جامعه تروحين لها
تولين بثقه وهي تبتسم : افضل الجامعات جامعه نوره
ضحك الكل ولفت عليهم بتعجب : خير ليه تضحكون !
رغد بضحك : جامعه نوره مره وحده !
قطعت عليهم ام تولين وهي تقول : هي الوقت تأخر نامو
قام الكل وتوزعو بالغرف .
فاطمه ونجود وانهار مع بعض .
وتولين ورغد .
عند تولين ورغد كانو منسدحين يناظرون بالسقف .
رغد بهمس : تولين
تولين : نعم
رغد : ننزل تحت
تولين نظرت لها بتعجب : ليه
رغد : عندي خطه
وقامت بهدوء وحذر ونظرت لتولين : تعالي