فى تمام الثانيه فجرا .. انتفض بيجاد فزعا من الفراش و من ثم خرج مسرعا بعدما سمع تحطم قوي ..
وجد بريق تجلس القرفصاء أمام حطام أحد التحف تلملم قطعه بهدوء في راحه يدها .. لينطق بغيظ : قطه يا اخواتي ايه البراءه دي ..
نظرت له مدعيه البراءه و هي تكمل : الفازه اتكسرت ..
شهق مدعيا الفزع واضعا يده على فمه : اتكسرت ازاي يا قلبي ..
حملت القطع ناهضه : كنت بسمع اغنيه و انا حاطه السماعه بعمل بايدي كده راحت خبطتها و وقعت انت زعلان علشان الفازه صح كان شكلها حلو معلش ..
- فداكي الف فازه يا قلبي تعالي ..
فتح ذراعيه لها لتنظر له بريبه .. اقترب منها و من ثم أمسك بتلابيبها و هو يتحدث بغضب مكتوم : عارفه يا بريق لو خسرت الصفقه بتاعه بكره دي هعمل فيكي ايه .. هعلقك علي باب الشقه تميمه حظ .. الفازة رزعت نفسها ها ..
قالت محاولة الافلات منه : ده مش اسلوب علي فكره ..
- و انتي لما تفزعيني من النوم ده اسلوب ..
- مكنش قصدي و الله كنت بتفرج عليها وقعت الله و كمان مش عارفه انام يا بيجو ..
- بيجو هيتشرد بسببك ..
- علي فكره هقول لبابا علي الطريقه دي ..
- ابوكي اصلا لو خسرت صفقه بكره هيشردنا يا قلبي علشان هترفد .. اسمعيني كويس أنا عايز انام ساعتين علشان اعرف اصحي الصبح مركز مسمعش صوتك ..
قالت بتبرم : طب أنا زهقانه ..
- ازهقي عايز انام سمعاني .. ما هو مفيش حد بيزهق الساعه 2 يعنى ..
ترك ملابسها و كاد يتحرك لتوقفه و هي تنادي تمتم مستغفرا و هو يحاول الهدوء : اللي زهقان في البيت ده يعمل ايه ؟
- يسيبني انام و بكره نشوف ..
- طب بيجاد ..
- نعم يا ماما نعم ..
- أنا عايزة اقابل نوف و كنان بكره ..
- أنا معاكي ..
نظرت له بعدم فهم قائلة : يعني ايه ..
ليكمل هو : يعني انا موجود و لا لا ..
- خلص شغل و تعالي ..
- يبقي تقعدي مع نوف لحد ما اجي و بعدها كلموا البيه أو خليها تقعد هنا معاكي لحد ما اجي و نتحرك سوا ..
- فرقت ايه يعني ..
- معلش متخلف و عايز ينام هاوديه ..
- طب ..
زفر بضيق فقد كان متعب بحق و هو يتمتم : يا ادي الليله ..
YOU ARE READING
بريق خافت ✨ - مكتملة
Short Storyمن قال ان الحكايه تحتاج إلي شخص سئ او شرير .. من قال ان الاخيار لا يفسدون قصصهم أو أن حياه الاخيار سعيده هانئه .. تلك القصه هي قصه اشخاص جيدين في الحقيقه أساؤوا التصرف ليصبحوا السيئين في قصه احدهم .. و للاسف أحدهم ذلك كان أهم شخص في حياتهم طفلتهما...