#من_راقب_الناس
#الكاتبةورودالخالدي
الجزء الرابع والاخيرررر
ايام الصيف والعطله.. دتمر، وبما انه اني دائما اروح لبيت خاله ام علي اكيد اهلي عرفو بروحاتي واكيد جانو يسألوني ليش دائما اروح عليها وجنت ابررلهم واكولهم حيل احب سوالفها تسولفلي، على اهل قبل وتعرفني، الناس شلون جانت عايشه وحيل ارتاح من اكعد يمها وطبعا بابا اعترض، وكال عيب المرة عدها ولد شاب... زيد كله يابه علي، خوش، ولد درة من الله والظاهر هو ملتقي، بيه اكثر من مرة ما اعرف بكوفي، لو بمكان عام ويحمد باخلاقة واني، هم كلت.. لبابا اصلا ما اشوفه الصبحيه كولها هو بالشغل واهلي، معدهم شك باخلاقي، ويثقون بيه خصوصا ماما.. فلهذا جانت روحتي لبيت خاله ام علي عادية حتى اذاتأخرت يمها ومن جبت لماما شغل الحياكة مال خاله كالت معقوله هيج تحوك بهالمهارة والترتيب..كتلها اي كولش موهوبه بالحياكة..
المهم.. الايام تمر واني حيل اشتاقيتله الصيف خلص واني مشايفته وجه لوجه.. وبدت الدنيا تبرد والنهار يصير قصير
فمن اروح يمهه الصبح الوقت يمر بسرعة الى ان جنا كاعدين.. وجتي، وحده من بناتها بصراحه صار، كم شهر كاعدين بهذا البيت اول مرة اشوف وحده من بناتها جانت بنيه حبابه وبسيطة مثل امها وكعدنا نسولف تحجيلي عن حياتها واني هم اسولف وياها واخذتنا السوالف ومحسيت اله هو جاي للبيت حيل صار شكد مشايفته عن قرب اول مدخل كال
السلام عليكم
كامت اخته سلمت عليه هو حيل فرح بجيتها وانتبه اني موجودة ابتسملي وكلي:
هلوو خيتي خمائل.. شلونج
الحمد لله انت شلونك
الحمد لله بخير
كمت كلت:
اني اروح.. خاله تأخرت
وكمت سلمت على اخته.. اسمها زينب كتلها
هسه اروح ولو السوالف وياج حلوة بس تأخرت.. فرصة سعيدة تعرفت عليج
ومن طلعت منهم حسيت كلبي بقه عدهم حيل فرحت من شفته ومن سلم عليه واهم شي شفت ابتسامته الحلوة..
ويوم بعد يوم صرت اصادفه من اطلع من يمهم بيناتنا تبادل سلام وابتسامات بسيطة بس، هذا بحد ذاته يسعدني اعظم سعادة..
ومرت الايام واني اتعلق بيه يوم بعد يوم.. حبيته من كل كلبي.. وبعمري متعلقت باي.. بشر بالدنيا ولا اخذ هالحيز من كلبي ومن افكاري اول مرة احب وجان حب ها.ديء وشريف والانسان الي، حبيته مثالي، بمعنى الكلمة اي والله خلقة واخلاق..
خلص الشته واجه الربيع تقريبا نهاية الثالث جنت فوك بغرفتي اباوع على بيتهم ماما صعدت لكتني يم الشباج.. كالت:؟
شتسوين يوميه كلما افوت العصر مادة بوزج بالشباج
