#وخذلت_قلبي
#الكاتبةورودالخالدي
نورهان:::
اني نورهان٢٣سنه..من محافظة كربلاء ..مواصفاتي لوني خمري ..عيوني كبار شعري اسود ناعم طويل ملامحي ناعمة الحمد لله شكلي مقبول ولو عيبي الوحيد انه اني قصيرة بس الناس تكولي انتي حلوة بس اني اشوف نفسي متوسطة الجمال ..المهم الجمال مو موضوعنه هسه احجيلكم عن اهلي شويه..اهلي سادة ..ومتحفظين الى درجة الاختناق مثل ميكولون ..بابا حيل متدين ..وماما مو من السادة يعني ابوها عامي بس امها خاله بابا....يعني بابا متزوج بت خالته..ماما حلوة ..تقريبا احلى اخواتها..واكثرهم كاريزما..كلبها طيب وصحتها على كدها...عاشت كل عمرها زوجة مطيعة متفتح حلكها بحرف ويه بابا لان بابا عصبي كولش ..ومتحفظ اكثر مثل مكلت الكم....تحملته ع الحلوة والمرة عاشت وياه بأيام مجان يملك فلس بجيبه كونته من الصفر وهسه الحمد لله وضعنا المادي فوق الممتاز بفضل صبر ماما وحكمة بابا..عندي اثنين اخوات ازغر مني واخواني خمسه اني ازغر من الجبير يعني تسلسلي رقم ٢ بالعائلة..سمعتنا حلوة بين الناس وكل معارفنا وناسنا وجيرانا تحلف باخلاقنا وشرفنا والحمد لله ..وطبعا معظم الناس الي يعرفونا يتمنون يناسبونا وتصير وحده من عدنا جنتهم وطبيعي هوايه ناس تقدمولي اني واختي الازغر مني ..بس بابا مجان همه مثل كل الابهات يزوجنا ويرتاح..لا جان طموحة ندرس ..ونتعلم ونخلص كليات ..ونشوف مستقبلنا..وبعدين نفكر بالزوج لان المستقبل بنظر بابا شي اولي..والزواج شي ثانوي وقسمه ونصيب..
خلي احجيلكم شويه عن طبيعة اقارب بابا واقارب ماما..ظاهريا اقاربنا متواصلين وواحد مهتم بالاخر بس بالحقيقة بيت يدور على بيت زله ولو زغيره حتى ..يفرغ بيها طاقة الكبت والحسد الي بداخله وطبعا هذه الامور راح يجي..دورها وتاثيرها بحياتي بشكل مباشر
وهسه احجيلكم قصتي من بدايتها
نجحت من السادس ودخلت الكليه. سنه 2017 كلبي جان فارغ الحب ما اعرفه شنو اختلف ع البنات الي عدهن علاقات وكذا
دخلت الكليه حتى ادرس وبس مابالي اي حب
شفت مهميمن وجان وياي بنفس الدفعه وبنفس القاعه شاب ملامحه مسالمة عيونه تضحك..شعره اسود ناعم طوله حلو متوسط الاناقة على وجهه مسحة هدوء واطمئنان وطبعا جان مميز عن كل الطلبة بأخلاقة العالية وانعدام علاقاته ويه البنات يعني جان ثكيل وغاض البصر عن كل البنات وهذا رأي كل صديقاتي بيه اني معليه بي ومنعزله فتره وسوو كروب للقاعه حتى انزل بي امتحانات ضافوني وكولنا دخلنا بي
مهيمن عرف حسابي بوقتها فدخلي خاص كال:
اريد ملازم
وسألني ع الامتحانات ومدري شنو يدور حجه عود هههه
المهم شفت رسالته ومارديت بقيت تقريبا شهر مخليته ما اجاوبه بحكم اني عندي ابويه صعب واخواني ابد ما اكدر ادخل علاقه ف عفته لحد ما ضل يذب بسامير بالقاعه وبصوت ناصي بس اني اسمعه :
