#من_راقب_الناس
#الكاتبةورودالخالدي
الجزء الثاني
فتحت خط
ها اخويه شلون صرت
ماكو شي ديخطيون الجروح شوفي.. كلمة وحدة متحجين ولاجنج شفتي شي او الج علاقة بالموضوع اوتعرفين اي شي!!
ليش انت مراح تشتكي على قيس، اكيد راح تشتكي، واني راح اروح واشهد عليه واكولهم هددني،.. بيك والي، سواه وياك شروع بالقتل لازم يتحاسب عليه
مراح اشتكي!!
ليش، متشتكي.. اشتكي، واخذ حقك منه واني اشهد وياك
انجبي لج تشهدين وياي شنو!!
والله اروح واشهد وياك واكولهم الموضوع كوله بسببي
كتلج انجبي وسدي حلكج
شنو انجبي.. انجبي مو عيب تغلط عليه
انجبي 😂😂😂😂
وحسيته يتألم يمكن صدوك.. ديخطيون بجروحه
اسفه ما اريد اطول احسك دتتألم بس، اذا مشتكيت انت اخلي بابا يشتكي، عليه
اخ.. اخ.. لج سكتي ثواني.. ثواني
وبقه الخط مفتوح اسمعه يحجي ويه احد ويكوله.. شالسالفه صارلك ساعة بجرح واحد.. و على كيفك تشتغل خيط وفضها
ورجع حاجاني:
يبنيه طلعي، من الموضوع معليج انتي.. اني احلها
شلون اطلع يعني، حاولو يقتلوك بسببي لازم تشتكي ولازم اكول للشرطة بلي شفته وبتهديد قيس
لج انتي عاقلة مخبله.. اني اخلي بنيه مثلج تفوت مراكز وشرطة ومحاكم وتسولف ويه الزلم.. مستحيل طبعا
صفنت على كلامة.. وابتسمت بداخلي، شكد حلوة عباراته بس رجعت كتله
وانت شنو ذنبك.. تتحمل الموضوع وحدك
طبني مرض طلعي منها هذا كل الي اريده منج
لا.. اني راح اكول لبابا ميصير اسكت واسولف للكل على موقفك وياي..
يعني انتي ضامنه اذا ابوج او اخوانج عرفو هيج مشكله بهالحجم صارت بسببج راح يخلوج تستمرين بالدوام اكيد راح يبطلوج
لا بابا متفهم.. ميبطلتي.. واخويه زيد ازغر مني واصلا ميتدخل
والموضوع اذا كبر والناس عرفت مو راح تحجي اشكال والوان عليج شكولك اثنين شباب، تمالخو على مودها والامر ميسلم.. وبالنهاية تتشوه سمعتج وانتي بنيه مو ولد وتعبر السالفة
انت خايف على سمعتي يعني!!
لعد على شنو خايف قابل على سمعه ابويه..؟؟؟؟؟ معليج انتي كتلج طلعي منها.. واذا الي حق اخذه بيدي
