#من_راقب_الناس
#الكاتبةورودالخالدي
الجزء الثالث
شاف دموعي بعيوني سكت خاله كالت:
شكو بيها يمه خلي، تتغدة يمنه اذا تشوف ماكو اشكال من جهه اهلها.. تعالي بنيتي كعدي لتبجين فدوة لعينج
ولزمتني من ايدي كعدتني ع المدة وراحت جابت صينيه وكعدت يمي هو واكف سمعت امه تكوله
تعال اكلك لكمه ويانا البنيه خسرت وراحت جابت غدة بهالحر لتفشلها
جان صوته حاد من كال:
يمه!!!!!
وعافنا وطلع بقيت بس اني، وخاله الي فتحت السليفون.. وكالت وهي مبتسمه بوجهي:
اكلي بنيتي..لاتهتمين لعلي، هو شويه طبعه صعب
ومسحت خدودي هي عاد سوتلي، لفة زغيره اكلتها وبديت اكل وياها شويه صح مختنگة منه بس مردت افشل امه لان حيل حبابه وكلبها طيب.. بس حتى شهيتي للاكل راحت كوه جبرت نفسي اكلت اللفة من ايدها ووياها لكمتين اكلتهن شلون مجان كلتلها
شبعت الحمد لله
يااا شكلتي
ولفتلي بعد لفه زغيره
دهاج بس هاي اكليها
اكلتها.. هي، عاد شالت الصينيه بس طلعت هو دخل اني شلت كتبي وجنطتي وردت اطلع كلي:
اوكفي يبنيه خلي احجي وياج
اولا اسمي، خمائل.. وثاتيا ماكو داعي ترزلني اكثر اني رايحه واسفه ع الازعاج
ابتسم وكال:
لج شبيج ملكوفة انتي دقيقتين بس اسمعيني
تفضل احجي
خمائل
وسكت
ها شبيك سكتت كمل عادي اسمع رزايل منك
هههه لا مورزاله بس اسمج غريب!!.. شنو معناه
شمدريني
زين منو سماج خمائل
اهلي غير
زين ليش سموج خمائل
وعرفت هو ديحشش فكتله
شمدريني اهلي.. گبل... مخابيل عرررب
اول مره اشوفه يضحك وبصوت عالي صدقة شكد حلوة ضحكته
هههه بسرعة استلمتيها
اي بسرعة استلم.. تره الزين والشين استلمه وافهمه صح
واكيد معتبرة كلامي الج من الشين مو!!
ليش اني شمسويه علي.. ودتطرد بيه.. دزيتلك اكل خابرتني رزلتني.. جبتلك اكل ويايه كلت بلكي يستحي منه ويقبله مقبلت تاكل ووجهك.. بيه الف تعبير على رفضك وجودي عدكم
وتغيرت ملامحه من الابتسامه للجد وكلي
خمائل.. اسمعيني وافهمي كل حرف اكوله بايجابيه.. كلتي دتطرد بيه لا والله مو اخلاقي ولا شيمتي اطرد اي شخص دايس بساطي.. بس وضعج مختلف.. اني عندي اخوات.. واخاف عليهن من اي حرف يطلع من حلوك هالناس الي كلوبها.. وصخة لدرجة القذاره.. وانتي، هم بالضبط مثل اختي وحالج حال اخواتي بالنسبه الي
