#من_راقب_الناس
#الكاتبةورودالخالدي
الجزء الاول
اسمي، خمائل.. عائلتي مكونه من ست اشخاص، جدو.. وبابا وماما واختي ريا واخويه الي هو اخر العنقود والي، اسمه زيد.. عمره ١٩ واختي عمرها ٢٦ متزوجة وعدها طفل واني عمري ٢٢.. اسكن بمنطقة من مناطق بغداد المعروفة ببيوتها البغدادية العريقة وناسها الي طباعهم مختلفة عن طباع ناس،الاماكن الشعبية ما اقصداطبعا البيوت قديمة لان معظم بيوت منطقتنا اصحابها فلوشها وبنو بمكانها بيوت حديثة ومرتفعة عن الشارع ع الاقل متر او اكثر ماعدا البيت الي، بصف بيتنا بقى على بناءه القديم وبما انه احنا بيتنا حديث وعالي، والبيت الي، بصفه من الجهه الثانية هم عالي، بقه هذا البيت انصه واقدم بيت بالشارع وطبعا من وعيت ع الدنيا البيت فارغ ومتروك وعرفت من بابا وماما انه البيت ملك لاخوة ورثوه عن ابوهم وصارت بينهم مشاكل وكل اخ سكن بمحافظة خارج بغداد فبقه البيت على حاله لاسكنو بيه ولا فلشو وبنو من جديد ولا حته احد رممه بس، من بره مقفول بسسلسلة قديمه وقفل جبير ولان غرفتي فوك من افتح الشباج بالنهار تفاصيل البيت كولها اشوفها باعتبار البيت كولش ناصي وبيتنا عالي فمتسلط عليه وينطيني زوايه كامله حتى اشوف معظم تفاصيلة من جنت زغيرة جنت اخاف اباوع من الشباج واحسه بيت مسكون ويخوف ومرات يتخيلي بيه ناس يتحركون ومرات اتخيل اضويه تنعلك وتنطفي بيه وطبعا هاي كولها تخيلات طفوله ماالها..اي صحة.. بس من كبرت البيت صار اقدم وصرت من افتح الشباج اصلا ما اباوع عليه ولا اهتم لوجودة..
وبيوم جنا كاعدين دنتعشه وسمعت زيد يسولف ويه بابا:
شنو هذا البيت البصفنه رجعو اهله
بابا رد
لا مو اهله مأجريه لان المختار ابو عباس كلي البيت البصفكم تأجر
ماما كالت:
عشتو منو اجرة بيت قديم ويخوف وتلكاه مليان عثه وعكارب وحياية
والله مشفت منو سكن بيه بس، ميه بالمية ناس، على كد حالهم والا منو يسكن بهيج بيت؟؟
يجوز!!
استغربت منو يسكن بهذا البيت؟؟ يله همه صاروا جيرانا واكيد منا وجاي اشوف بناتهم لو جهالهم يعني اصادفهم من اجي من الكليه لو اطلع للسوك وفكرت بلكي، عدهم بنات بعمري شارعنا وحشه محد يطب ع اللاخ والي اعرفه الناس البسطاء، يحبون التواصل مو مثلنه حقنه ومنحب نختلط
ومن صعدت لغرفتي صار عندي فضول اشوف البيت وفعلا باوعت من الشباج شفت البيت معلوكة بيه اضويه وكانما سرﮂاب واجه احد علك بيه شمعه حيل استغربت شكل الاضويه من شفتها من شباج غرفتي..
ومر اكثر من اسبوعين والغريب ابد مشفت احد ولا صادفني اي، شخص منهم بالشارع حتى من اكعد بالحديقة العصر صنطه ماكو صوت الهم.. ودفعني الفضول اعرف منو جيرانا وليش، ما الهم حس كم شخص همه زين عدهم بنات اطفال شو ماكو لاحس، ولا شي ابيتهم من سكنو لحد الان وماما حتى مفكرت ادزلهم صينيه اكل مثل عادات قبل من يسكن جار جديد يدزوله صينيه اكل حتى يتعرفون عليه
