Love Constellation (On-Going)

Chapter 5: «The Signal Is Here...»

Chapter 5

«The Signal's Is Here...»

"PATI ba ang pagsubo ay nakalimutan mo nadin,"

Napapikit pikit si Astra habang nginunguya ang isinubong pagkain ni Killian sakanya.

Tumango naman si Astra bilang sagot sa tanong nito. Isa iyong katanungan kaya normal lang na sumagot siya. Well, kung hindi siya tumango, baka maging suspicious na si Killian sakanya. Baka malaman pa nitong hindi niya pala nakalimutan ang alaala niya.

"Baka pati pagligo ay nakalimutan mo nadin, ah. Ayaw mo namang pati pagligo ay tutulongan pa kita diba?" Muli siyang sinubuan ni Killian.

Nagtatakang napatingin si Astra sa binata bago tumango.

'Kaya ko naman atang maligo. Isa lang itong basic na paraan ng paglilinis sa katawan'

Napakunot noo si Killian nang makita ang reaksyon ni Astra. Nagtataka siya kung bakit ang simpleng pagsusubo ay nakalimutan ng babae.

Talaga nga bang naging tanga na ang asawa niya?

Habang pinapanood ang pag-nguya at pagtataka sa mukha ni Astra, hindi mapigilan ni Killian na mapa ngiti.

Mas gusto niya ata ang Astra na ito. Sobrang dali lang pagsabihan at talaga namang nakikinig sa sinasabi niya.

Naalala niya tuloy ang nakaraang Astra na siyang dahil sa pagsisisi sakanya, idinadahilan nito ang pilit na pagpapakasal kaya hindi man lang ito nakikinig sa mga sinasabi niya. Alalang alala niya pa nga ang palaging masamang tingin ng babae tuwing nakikita siya nito.

Ni minsan din ay hindi sila tumatagal sa iisang kwarto dahil ayaw na ayaw ng nakaraang Astra na nasa iisang kwarto sila dahilan halos dalawang buwan na natutulog si Killian sa sala ng bahay.

Tsaka sa loob ng dalawang buwan na ito, ni minsan ay hindi sila nagkaroon ng maayos na pag-uusap. Pati ang galit at pagkakainis ng pamilya niya kay Astra ay naiintindihan niya.

Wala kasing ginawa ang babae kundi ang manatili sa kwarto nito o kaya'y gumala sa labas, nakikipag chikahan sa ibang babae at mukhang wala itong binabalak na maging normal na housewife dahil wala man lang siyang ginawa upang makatulong sa bahay.

Kahit naiintindihan ni Killian ang dahilan ni Astra. Hindi niya padin gusto ang inaakto nito sa sarili niyang pamamahay. Ngunit wala siyang magagawa dahil ang pamilya niya ang nagpilit ditong pakasalan siya.

Sa totoo lang ay wala naman talaga siyang gusto kay Astra at sa isipan niya, gusto lang ng Lola Lara niyang magkaroon ng apo sa tuhod na nanggaling sakanya.

Aware si Killian na siya ang pinakapaboritong apo ng lola niya ngunit naiintindihan niya din na isa sa mga dahilan kung bakit gusto siya ng lola niya ay dahil sa kulay berde niyang mata.

Kahit anong sabihin ng Lola niya ay nakahanda siyang sundin ito dahil malaki din ang utang na loob niya sa matanda. Simula kasi ng dumating ito galing sa syudad naging mas mabuti na ang buhay ng pamilya nila lalo na ang kalagayan niya.

Sa isipan pa ni Killian, ang dahilan kung bakit pinili ni Lola Lara si Astra kahit pa malaki ang pagkaka digusto nito sa dalaga ay dahil sa magandang mukha nito. Para kay Killian, ang dahilan nga ng pag pilit na pagkakasal nilang dalawa ni Astra ng matanda ay para sa apo sa tuhod. Siguro'y gusto ng matandang magkaroon ng apo sa tuhod na mayroong berdeng mata.

Sa ngayon, nakahanda na siyang tupadin ng kagustuhan ni Lola Lara.

Hindi niya nga lang alam kung paano magsimula dahil sa walang alaalang si Astra.