"ဖျက်ဆီးပစ်မှာ... ခင်ဗျား ပိုင်ဆိုင်သမျှ အားလုံး မြတ်နိုးသမျှ အားလုံးကို တစ်ခုချင်း တစ်ခုချင်း ဖျက်ဆီးပစ်မှာ..အထီးကျန်ခြင်းနဲ့ရင်နာစရာတွေချည်း ပြည့်နှက်နေတဲ့ လောက ထဲမှာ ခင်ဗျား ရှင်သန်စေရမယ်.."
ဆောင်းဝူဟျွန်း တစ်ဖြစ်လဲ မက်သရူး တစ်ယောက် Webtoon ဖတ်ထားတုန်းက ဆောင်းဝူဟျွန်း ပြောစကားတွေနဲ့ သိပ်မကွာသည့် စကားမျိုးတွေကို မှတ်မိသလောက် ပြောချလိုက်ပြီး ချာကနဲ လှည့်ထွက်သွားလိုက်သည်။
မက်သရူး လမ်းလျှောက်နေရင်းက မြင်ကွင်းသည် ရေလှိုင်း လို လှုပ်နေသယောင် မြင်လိုက်ပေမဲ့ သူ့ ခြေလှမ်းတွေ မရပ်တန့် ဘဲ ဆက်လျှောက်သွားလိုက်သည်။ အင်း... နေရောင်ကြောင့် သူ အမြင်မှားတာ လို့သာ တွေးနေသည်။
"ဟင်း... ဘယ်လိုလုပ်ကြမလဲ... သနားပါတယ်... ဆောင်းဟန်ဘင်းကြီး"
အားကစားကွင်းကို ကောင်းစွာမြင်နိုင်သည့် ကျောင်းရဲ့ တတိယ အထပ် ကော်ရစ်တာ ထောင့်ချိုးတစ်နေရာကနေ မက်သရူး ဆောင်းဟန်ဘင်းကို ခိုးကြည့်ရင်း မချိတင်ကဲရေရွတ်လိုက်သည်။ နောက်မှ တစ်စုံတစ်ခုကို သတိရမိတာ သူ့ပါးစပ်သူ ပြန်အုပ်လိုက်ပြီး ဘေးဘီကို အကဲခတ်လိုက်သည်။ တီ ဆိုသည့် အသံရှည်ကြီးလည်း ထွက်မလာသလို ရပ်တန့်သွားခြင်းလည်း မရှိ။
"ရုပ်ရှင်ထဲက မင်းသား တွေ ရုပ်ရှင်ရိုက်နေတာနဲ့တူနေပြီ... သူ့ scene ပြီးသွားရင် ကင်မရာနောက်ကွယ် မှာ ဘယ်လိုနေနေ ဘယ်သူ မှ ဘာမှမပြောတော့သလိုပေါ့.."
မက်သရူး သူ့ဘာသာ တွေးရင်း တခြားမင်းသားရဲ့သရုပ်ဆောင်ချက်ကို အထူးတန်းပွဲကြည့်စင်ကနေစောင့်ကြည့်နေသည်။
ဆောင်းဟန်ဘင်း အနား ကို ဂင်ဂယူဗင်း ရောက်လာပြီး သူငယ်ချင်းဖြစ်သူကို နှစ်သိမ့်မည်။ ပြေရာပြေကြောင်းပြောမည်။ ဆောင်းဟန်ဘင်း ပခုံးကို ပုတ်ပေးပြီး စိတ်မပူနဲ့ မင်းဘက်မှာ ငါရှိတယ် စသည်ဖြင့် အားပေးစကားပြောနေသည်။
"ဂင်ဂယူဗင်း ကချောလည်းချော မိုက်လည်း မိုက်တာပဲ...ဟီးဟီး.... ရှည်ရှည်ဝေးဝေး လျှောက်ရှာမနေဘဲ.. Friend Zone ကို ကျော်.... ကျော်...."
YOU ARE READING
From The Other Side
FanfictionHanbin x Matthew binthew Fanfiction ဤ FanFiction သည် စာရေးသူ၏ စိတ်ကူးအတွေးသက်သက်သာဖြစ်သည်။မည်သူတစ်ဦးတစ်ယောက်ကိုမျှ ထိခိုက်လိုစိတ်မရှိပါ။ ( ၂.၅.၂၀၂၃ မှ ၅.၆.၂၀၂၃ )