ּڛۜــٻۧــڣــ🔥؏ــڜــڦــ🔥دٰ̍ا̍

35

بعد مرور 4سنوات..
زين:برك لأرض..زگا..حط داكشي من ايدك..جاااااد
جاد:هيهيهي
زين:كتفرنس قاد معايا هادشي خلاص
جاد:وانا عيييت
زين:جاد ترجل معايا اصاحبي مالنا على للفشوش
جاد:دبا هانتا عيد ميلاد من
زين:ديال ماماك
جاد:وماما شكتجيك
زين:مرتي
جاد:اوا انا مالي مرتك نتا انا مالي
زين:وانا شتنجيك
جاد:بابا
زين:اوا حيت باباك خاصك تعاوني
جاد:ممم...واااه متكونش غشاش هادا تقيل
زين:تقيل هادا الكذاب نهزك نتا وياه
جاد:صافي باراكا انا فيا الجوع
زين:بغيت نعرف لمن طلعتي تاكل ماتشبع
جاد:بقا حاضيني

#فلاتوليي
جودي:ماماااا
انا:شبغيتي تاني
جودي:قولي ليه بغيتها طويلة من هنا وبغيتها كلها غوز
انا:دير ليها شنو بغات
فرولة:وراه الموديل مغيجيش مع وحدة صغيرة
جودي:نتا اش كتعرف سير فحالك(شافت فالمصمم) عمو فهمتيني شنو بغيت ياك
المصمم:هي لي متعاودش على شحال عندنا من جودي
جودي(بغرور):وحدة وهي انا
#فالبيرو
ميسون:هاد البنت شحال مغرورة
انا:بزااف وعندها عقدة الأنا فوطوكوبي لخالها 🎶🎶🎶هانتي هاوا تاني(جاوبت)وي رئبال
رئبال:هابي بورثداي
انا:ثانكس
رئبال:غنجي غدا ندي معايا جوديا وجديها ليا
انا:مم وشحال غتبقا معاك
رئبال:معرفتش ملي نجي ندويو
انا:اوكي(قطعت)هاوا غيديها تاني ومغتكمل نهار مقاد يرجعها راه مكاينش لي صابر لهبالها قدي
ميسون:الله يكون فعوانك
انا:شخبار حسام والكتاكيت
ميسون:الحمد الله عمار يدور ويقولك باغي يمشي عند جاد وملي يمشي كيطيح فجود كيرجع كيبكي
انا:ههه جاد هبيل بحال عماتو وضارب الدنيا بركلة اما جود حبيبي قبيح
ميسون:فين هوما بعدا
انا:جاد مع زاين وجود عند مو فين بغيتيه يكون عيد ميلادي ليوم زعما ومجاش يشوفني العام كامل فألمانيا وقليل الى جا المغرب تامن العربية زرگ فيها.. اودي هي لي مو ماشي انا ديك النهار قلت ليه جي عندي قاليا عيد ميلاد مامي و انستازيا منقدرش و المشكله كان باقي عليه شهر قالك خاصو يوجد لسيربرايز مع ادم وا طرطقي نتي
ميسون: و رباب؟؟
انا: لا هاديك حالة خاصه هاديك فين كاينا انستازيا كاينا هي يجيو بزوج و يطجو بزوج ياربي انا را غ حملت و صافي وعد هي مهم حملي اريما و هزيهم 9 شهر و يسكنو عند وعد اربي لما قولي ليا اش تما
ميسون: رباب را تابعا فشوش ادم زين مفشش جاد و رئبال مفشش جوديا ادم مفشش البنات بزوج تيحماقو عليه..

رجعت لداري انا وجوديا باش نتفاجأ بالعائلة كلها تما رسمه كبيرة فالجردة ليا..دورت عينيا بيناتهم مي ملقيتوش..
كلهم:هاپي بورتزداي ريما
جاد(شد فايدي):ماما طلعي بدلي حوايجك
انا:واخا
جودي:تاانا غنطلع نلبس

طلعت لبيتي وغير حليتو تفاجأت ببوكي دفلور بيض من النوع لي كيعجبني ووسطهم كارط حليتها كانت مكتوب فيها"كل عام وانت أمي"(بالالمانية)..

هزيت البواطة ودخلت لدريسينغ خديت منها لبسة فالغوز تاع الشيفون وفيها وريدات قاديت ميكاب خفيف وشال مع غادي ننزل حليت لباب لقيت زوج اميرات صغنونات...
انا: رباب انستازيا حبيباتي(عنقوني)توحشتكم
بزوج: هابي بيرثداي مامي(باسوني و كل وحده مدات ليا بواطه حليتهم لقيت براسلي و سنسله فيهم ريما لبستهم)
انستازيا(بالالمانيه):جيتي زوينه امامي
رباب:تيتيزا(و هو يخبطها خوها لراس)زاد هدى (دورات وجهها و هي تشهق) زود سوري سوووري
جود(بالالمانيه): ماما توحشتك عيد ميلاد سعيد

عنقته و نزلنا نحتافلو هاد المره وعد مكيناش و لا مره فلتات عيد ميلادي ما عرفتش مالها..رغم انه غ شهر دبا باش تلاقينا ففيلنالدا..

بحال كل صباح تنفيق نصلي الفجر..
هاد المره فقت معطلة حاسة براسي مراشقاش ليا ما قادراش نتحرك ما باغاش نفيق تنحس بواحد الطاقة سلبيه...نعلت الشيطان توضيت و صليت و هزيت القرآن تنقرا فيه تا صونا تيلي تاعي...كانت نمره ما غريباش عليا..
انا:الو حياتي اشنو مفيقك ياكما خارجين..
قاطعني صوت شهقات متتاليه..
انا تخلعت و تزاد معايا الزايد :مالك احبيبا اش واقع شنو طاري
نطق جود بصوت مخلط بالبكى ما عمرني سمعته تيبكي بهاد الشكل...نطق و قال زوج كلمات"مامي ماتت"
طاح التيلي من ايدي وليت كنترعد الساعه لي تنراقب بيها دقات قلبي بدات تتصفر... تنحس براسي غادي نسخف فاي لحظه تنسمع صوت اخر فالتيلي تيعيط *ريما* صوت ناضج و لكن كان باكي نبرة البكاء كانت باينا...طحت على ركابيا هزيت التيلي و انا تنترعد..
انا:ششنو شنو واقع ا ميرا
ميرا(تتنخصص):مشات ا ختي مشات
قطعت عليها نضت لبست حوايجي بالزربة درت شالي و قبل ما نخرج صونيت على المساعده ديالي باش تجي تبرك مع ولادي..
اول ما طلعت للوطو و ديمارا السائق.. دخلت تنقلب فالنيوز(جديد الاخبار)..
جات عيني فالعنوان لي بث الرعب فقلبي.."الموت يخطف الشقراء وعد جبران" عنوان كبير باللون الاحمر فيه صورة وعد بكسيوى زوينه باقا عاقلا مزيااااان ايمتا لبساتها.. كفاش مغنعقلش و انا لي صممتها..
وصلت للوجهه ديالي و انا عقلي كيخمم فبزااااف د الحوايج كيفاش وعد ماتت نزلات دمعه متمرده وحده ورا وحده مالحقاتش تتهنا بالبيبي ديالها كيفاش ماتت و شكون قتلها و علاش ..لقيت البوليس مطوق الدنيا و الصحافه دايرا حاله وصلت انا و لوطوات د عائلتها قد قد جيش د البشار.... نازل كيتغاوتوو مخلوعين..مخلاهمش البوليس يدخلو شافتني ميرا لي خارجه باش تهضر مع حفصه لي حالتها لا تقل على حالتي الكحل و الدموع وجهها تخلللط قالت للبوليس يسمحو ليا ندخلو
حفصه:اوووف كيفاش قدرت ننسى البادج ديالي..
من اول خطوه فالكلينيك حسيت برعشه فروحي جاني احساس بلي اللي جاي أسوء بكثيررر..

##الي بغى يعرف شنو طرا بين عيد ميلاد ريما و بين مقتل وعد يقرى قصة
لن اموت بسهولة...