ּڛۜــٻۧــڣــ🔥؏ــڜــڦــ🔥دٰ̍ا̍

27

تسريع الأحداث......
مينه بغات تنفاجر ملي عروستها طجات من الدار.. جاو التوينز و الباقي كلهم للقصر درنا حفلة شواء و حتافلنا بعيد ميلاد ختي حبيبتي.. جات ماما حياة و بابا يوسف و كانت هداياهم مميزة و شريفه فرحات بيهم بزااااف...عمران جاب ليها سيارة بي ام سبور بحال تاعو حيت كانت عجبتها نهار تلاقينا...روان جابت ليها براسلي بحال تاعي.. ليليا و التوينز خواتات شهاب و دنيا هداوها مشتل الفكره تاع دنيا و لاخرين انفيستاو..زين هداها ارض كاينا قدام القصر تاعنا و قاليها تصمم فيلا و هو ايبنيها ليها باش تبقى قريبا ليا بزوجنا فرحنا بزااااف و طبعا التميز و التألق كله تيكون عند بابا يوسف الغموض ما بغاش يقول هديته و تا انا مزال ما عرفتش هديته ليا شنو هي.. خدا من عندها لاكارط تاعها و قال هو غيتكلف بالباقي...
من داك النهار لدبا و شريفه كاينا معايا على ما يخرجو نتائج الباك .. دنيا رجعات لدارهم.. اسلام مره مره تيجي عندنا انور تاهوا ليليا جات بركات معانا و هي و شريفه ما تيتفارقوش جمعهم عشقهم للرياضه نهار و ماطال هوما فلاصال د سبور...

دازت المدة المسموح بيها لتقديم الملفات وانا اخر ملف غيتقدم..واقفا شاداني الخلعة لي محسيتش بيها نهار الباك لابسا تجين زرق مع تيشورط شيبي فاتح بزااف وشوميز نفس اللون طويلة تالكعب مفتوحة وفولار فالسومو غامق مع مكياج برونز مامعايا تاحد وهادشي بطلب مني باش تا الى تشوهت ميديوش خباري هههه..المهم اليوم عندي طموح..وصلات نوبتي..دخلت بخطوات واثقة..ماهو كلشي على الثقة تقول عندي خبرة 60عام..هههه
اللجنة كانت مكونة من 3السيدات و4الرجال..
ولي درت عليهم بحث ديجا..
مدام لوسي 45سنة فرنسية الاصل عندها دوق غريب تقدر تعجبها شي حاجة لي ماتستاهلش والعكس..
مدام بيونكيباكشي 36سنة مصمة ازياء هندية مختصة فالمجوهرات وكتعجبها الحاجة لي تبان وثير الانتباه وداكشي كيلمع
ناتاليا 29سنة خريجة معهد الفنون فألمانيا متشبتا بالفن الحديث وعزيز عليها الحاجة السامبل والبسيطة
فالرجال كان نفس الراجل لي شفتو اول مرة شميتو حكيم..وكان معاهم سي العلمي وولدو الكبير حسام 30سنة..ومعاهم مصمم ازياء ايطالي ليوناردو

بركت قدامهم عرفتهم على راسي على اساس ريما التازي..مسولوش على السن..وقفت باش نبدا نقدم تاقاطعني..
حسام:شنو لي عندك غيخليها نتبعو العرض ديالك
انا:شنو لي غيخليك متبعوش سؤال نقدر نجاوب عليه اما المزايا لي كاينا فالتصاميم ديالي ميحتاجش نقولها انا غتسمعها من فم الناس ملي غيخرجو للوجود
حسام:ثقتك براسك كبيرة
انا:الحمد لله
بديت العرض ولي كان عبارة على صور 3D لتصاميم وصور خطية مع شرح مفصل تطلقت وحسيت براسي خداما عادي..وكل تصميم كنجبدو مكنخليش ليهم الفرصة باش يعيبو عليه حسيت براسي رضيت جميع الاطراف..وشفت فعينيهم الانجذاب لبعض القطع..
خرجت من عندهم وانا كنطلب الله يوفقني رجعت لاتوليي لي تزادو فيها ناس جداد وفظرف هاد المدة القصيرة عمرو بزاااف تاع البوسطات..
دوزت الوقت عادي ورجعت لقصر غير دخلت لقيت ليليا وروان كيتناقشو على شنو غيلبسو فالحفلة و شريفه فالكوزينه تتوجد لينا شهيوات هاد الوحم ايدوز زاهي ختي مهليا فيا
انا:صافي تكالماو انا وجدت ليكم كساوي ورلهم كيتخيطو
روان:لا دبا هادوك راه الى ربحنا حنا غنلبسوهم اما الى داها خويا ولا سهيل خاصنا نلبسو شي حاجة اخرى
انا:صافي هادشي علاش اوا انا يربح لي بغا غنلبس هاديك اللبسا باش تالا مربحناش ندمهم علاش مختاروناش ونقلب على صفقة جديدة وسط ديك الحفلة
روان:هادي فكرة
ليليا:نتي ذكية بزااااف عطيني دماغك ندوز بيه غير الكونكور
انا:اشمن كونكور
روان:الاخت بغات تقرا فواحد المدرسة تاع البرمجة فكوريا
انا:بصح كان حلمي نقرا فيها
ليليا:متقوليش ليا عندك مع لانفورماتيك
انا:وي هاداك هو التخصص لي كنت غنتبع حيت التصميم غير هواية ومبغيتش نخليها ومدام الحمل والزواج قلت نستغلها
ليليا:هي غتعاونيني
انا:انشاء الله
خرجات شريفه دافعا طبله متحركه.. فيها كيك شوكولا و كريب و قهوه و عصير
شيري:نوضو تحركو
روان(تتهز و تحط و تتهضر):نتي دبا بابا غيخليك تمشي
ليليا:غير سكتي نقولها ليه يزوجني الغد ليه
انا:صافي وتانتي ديري شركة تاع اللبرامج الالكترونية وندخل معاك شريكة
ليليا:خليها ليا فراسي فكرة زوينة
شيري:ونتي اروان وختك اش كديرو فهاد الحياة
ليليا:هادي بعدا 7صنايع والرزق ضايع..اما رزان هاديك غير فاز محطوط فهاد الدنيا كتسنا فارس احلامها
ميسون:مدام مدام
انا:امالك
ميسون:تأجلات النتيجة تالدومان
انا:علاش
ميسون:واقع شي مشكل فاللجنة
انا:اوكي تالغدا ونعرفو..
شيري: كولو و نساو الهم را الشوكولا مصدر السعاده

ناضت ليليا طلقات مزيكا و بقينا باركين تنضحكو..

اظن شي ساعه
ليليا(شافت المغانه): البنات جاني الجوع الثلاته هادي مغنتغداوش
دادا(خارجه من الكوزينه): هي الأولى الزوينات موجوده ليكم دجاج مدغمر قالت ليا بنتي شريفه تتبغيه
انا:احح تشهيتو من قبيلا و انا تتقول ريحته فنيفي هههه صافي انطلع نلبس شي كسوة و ننزل
شريفه: وا تي سيري ضربي شي قندورة مريحه قالت لك كسوة باز

داكشي لي كان نزلت بقندوره فالغوز لقيتهم كلهم لابسين قنادر ههههه بركنا تنتغداو
روان: ابشويه الي موحمه و مادارتهاش
ليليا خاشيا وجهها فالطبسيل : سوقك واش تتصرفي عليا و لا شنو دخلي سوق جواك تنوض نتف ختي
انا: اديك شاطا ماطا تعاشرتي مع دنيا و لا شنو
دنيا(لي داخلا مع الباب): يا بنات الحرام تضربو الدجاج على قلبكم و شادين فيا النميمه مكاينش لي عيطات ليا
انا:غسلي و اجي المعفونه
دنيا هازا الفريت و غادا لكوزينه: حبسو تاكلو فيه السم تانجي
كلشي هزو أيديهم لفوق بطريقه تضحك دنيا وقفت حلات صدف قميجتها البيضه نصلتها بقات بديباردور و دارت لشعري جرات فيليل جمعات شعرها و حيدات السمطه تاع السروال
دنيا:بسم الله تبارك الله 4 الطيور غ بوحدكم فيكم الهيمري و لا مسبقين الزرده
شيري: كولي و سكتي

كلهم تياكلو و يقطعو يحطو ليا تهز الدجاج و تحطات السفه و تما ذبت انا ... تغدينا و البنات مناقرين.. ناضت شيري و ليليا عاونو دادا..
انا: البنات نطلعو لجاكوزي اش بان ليكم
دنيا:لي فبيتك ما يقدناش
انا:لا زين داير بيسين كبير فجناح لفوق فيه جاكوزي قالك اذا بنته بغات دير بارتي مع صحاباتها... ما فراسوش رانا غنديرها قبل منها😂
شيري: ايه نطلعو (وقفت) باغين شي حاجه تشربوها و لا تنقبو
انا: غير طلعي معانا انا انقول لبنات يجيبو لينا عصائر كل وحده تجبد بينوار و شنو تلبس فا تسالي و تبعوني لطروازيام

#وسط الجاكوزي..
انا هازا شوكولا و ليليا شيبس و روان و دنيا مضاربين على الموسيقى و شيري هازا تيلي مزال مشغول بالها مع شهاب ميسون نعست نغزاتني دنيا
دنيا:ميسوووووووووووون
مسكينه ناضت قافزه
ميس: الاجتماع مع العشره
انا: الله يا حنينتي بشويه عليك اويلي تتحلمي بالخدمه
بقينا تنضحكو عليها...
شيري:اجي نتي لاش جايا
دنيا: صيفطني انور(ليليا هزات عينيها) قالك را النتائج ايتلونصاو هاد الليله و نتي ما هازاش الكود تاعك و بغاك تونسيه نشوفو ب 3 تما و قالك اجي لعند عماد ما تمشيش لداركم...
شيري شافت فيا : صافي واخا نتي ما غيخليكش زين تمشي معانا
ليليا: لا انا انديها معايا لقصر را غدا ايخرجو نتائج المناقصه خاصنا نشوفو وجاههم سوى ربحنا سوى لا
دنيا: اه عندك الصح المهم أنا معروضه الحفله ياك (تضحك بصوت مرتفع) را يا نتي يا خويا زين اذا داوها لاخرين نقتلكم...