جبدت بزاف تاع الوراق وسرحتهم كنقادهم على حساب الموديلات وبقيت كنفكر فشنو فيهم الفكرة لي غنختار غندخل للمناقصة بلا منعلم شي حد..
ميس:مدام سي بون كملت
انا:اوكي
نزلنا وشدينا الطريق لمجموعة شركات العلمي..
بركنا فقاعة الاجتماعات كنتسناو المسؤول على المناقصات..دخل رجل خمسيني ومعاه بنت صغيرة تكون سيكريتيرة..من بعد اخد ورد دام ل3السوايع باش يقبل ندخل فالمناقصة..خرجت فرحانة بزاااف
ميس:الصراحة صدمتيني قنعتيه بلا متقولي ليه لا مرت من ولا شحال عندك فلاج معروف على هاد الراجل بلي قاصح ومكيخليش الرجال يدخلو بسهولة عساك بنت صغير تصدمت
انا:الى حضيتيني غتصدمي بزاف
شدينا الطريق لأقرب ريسطو تغدينا وحنا كنضحكو وحسيتها طلقات معايا شوية..رجعت لاتوليي ودبا من الشوفة تقدر تقول عليها شركة محترمة الزاج كيلمع والگارد عند الباب..دخلت مع اول نظرة كتحس براسك فبلاصة انيقة فرحت نفس الديكور لي بغيت..
انا نوصف ليكم..
على ليمن كاين البيرو تاع الاستقبال لي كلو بالابيض ولي فوطوي قبالتو بالبيض والكحل والطابلة تاع الزاج وسط كل 3 ايسباص كبير خاوي بيناتهم والارضية كلها باركينغ بالرمادي والغرس كاين جيهة الزاج..لاسانسور خدام طلعت لطاج الاول البيروات كلشي بالرمادي والبيض والبيسيات جداد الريدوات مقادين الكافيتيريا فالموف بارد مقادة..طلعت لي فوقو زنفس الديكور ولي فوقو السطيتج..مقادة والاضاءة تاهيا الصباغا روعة والمانكينات جداد العلاقات تاع الحوايج طوال ولا القصار والطاجات الفوقانيين كلهم مقادين لي قبل من الاخر نفس الرسمة لي عطيت لخوليو الطوابل دايرين فالجناب المونيكات فالقنات وخشبة طويلة الوسط..بيوتا ديال التبدال وبلايص الماكياج كلشي زوين..طلعت لاخر واحد لقيتهم واقفين فيه
انا:مالكم
حياة:اجي تشوفي بيروك
انا:بيرويا
روان:على ماشي نتي مولات الشي
انا:ههه باقي مولفتش..
قطعت ديك السينتا الحمرة وليليا كتصور دخلت لداك الطاج كانو فيه بيروات مفرقين واحد لسيكريتيرة ولي اكيد ماشي هي ميسون هاديك مساعدة خاصة..والبيرو تاع الشريك لي غيكون مولاه مبدل فكل صفقة دخلت ليها..قاعة كبيرة على قبل الاجتماعات..واخر بيرو كان ديالي تصدمت فاش شفتو بالنوار كلاااص بزاف فالصراحة كيعكس شخصية ذكورية متعصبة حزامية..
انا:زوين بزاف
روان:واخا كحل
انا:المهم زوين
حياة:اجي تشوفي شنو درت فيه
دخلت كبير بزاااااف فيه بيرو كحل كلاااص وراه حيط تاع الزاج كيطل على مناظر زوينة..وفيه دوش خاص وجلسة بالفوطوي فالرمادي وطابلة دالزاج وايسباس خاوي..جراتني وخلات كلشي كيشوف دخلنا لبيت وسداتو من وراها..كان بيت نعاس زوين فالبيج والزرق
انا:ههه الى جرا عليا زين نعس هنا
حياة:ويلي يا الحمقة ششو اجي تشوفي
حركات واحد الطابلو كبير ديال واحد الفنان ايطالي وبانو ليا دروج طلعنا فيهم..كانت بيت كبير يعني نفس الميتراج تاع المكتب تاعي بحال ورشة فيه طابلوات تاع الرسم وتصاميم قدام وكلو جاج
انا:هاد البيت ديالك وهاد التصاميم تاهوما
حياة(بحزن):هادا حلمي لي ضاع هاد الزاج غوفلي مكيبينش من برا..وهادو كلهم تصاميم ديالي قدااام دبا تاحد ميلغي يخيطهم غير لوحيهم(قطعاتهم وكمشات شي وحدين)هاد البيت خاصو يتنقا شوية راه تاحد معارفو كاين عمتي بوحدها وهي دبا عايشا فكولومبيا وانا ودبا نتي هاد الفراش راه باقي صالح للاستعمال وانا جبت وحدين جداد كوفيات تستعمليهم غتلقايهم فبيتك..المهم هادا ميعرفو تاحد
انا:المفروض وحدة فبناتك تاخد هادشي
حياة:فعلا وحدة من بناتي لي خداتو(بنظرة عتاب) معادا الى مامعتابرانيش ماماك..
انا:لا بالعكس..نقولك حاجة(بحال الدراري الصغار)
حياة:قولي نسمع شي صدمة
انا:قدرت ندخل لمناقصة تاع العلمي
حياة:بصح وكي غديري ليها بقات غير 13يوم
انا:متخميش غنبقا نعلمك بكل التطورات
حياة:الله يسهل عليك وديري فبالك عندك منافسين شداد
انا:ولكن ميغلبوناش ياك😯
حياة:اكيييد😄
أنا: ماما عندي مشكل مفشكل شويه هو ما تيخصنيش مي فنفس الوقت تيخصني(هزات حاجبها باستغراب) تيخص ختي شريفه
حياة: ياك لباس مالكم..
أنا:دبا شريفه ماشي بنت خالتي(بملامح حزينه) شريفه ختي التوأم غير حنا توأم مختلف ماشي بحال روشيا و زارينا..ماما الحقيقة كانت تتقرى فكندا كانت مهندسة طيران.. تعرفات على رجل أعمال بغاو بعضياتهم و تزوجوا..ولدات معاه زوج ولاد..الكبير صفوان و الصغير عصمان... ماما طلقات من بابا بسباب عائلته..و الحضانه تقسمات بيناتهم.. خدا هو الكبير و هي الصغير.. رجعات ماما للمغرب و فالطريق من المطار لدار والديها دارت اكسيدون خايبه.. تشكل ليها ورم فالدماغ و فنفس الوقت عرفات رأسها حاملة.. رفضات تتعالج حيت خطر علينا.. فاش ولداتنا باسبوع واحد ماتت.. (حياة كانت مصدومه و أنا تنعاود و تنبكي) ماما كان عندها زوج خواتات و اخ وحيد... مرات عمي خداتنا رضعاتنا حيت كانت عاد والده.. ولدها هو انور...من زهران المنحوس للمره التانيه انخسر الام لي تعطف و تحن فيا... خالي و مراتو دارو حادثه خايبه... و ماتو بزوج الله يرحمهم كاملين..خلاونا عندنا عام..خالاتي بزوج طلبو يتكلفو بينا و لكن جات ختها د مرات خالي و داتني معاها...حيت ما كانتش والده..و قالت تربية البنت اسهل من الولد ختارتني أنا و ما بدلاتش السمية لي سماني خالي *ريما التازي* و خالاتي بزوج حيت واخدين الخوت هوما لي تكلفو بانور و شريفه و مامات دنيا هي لي رضعاتهم و لكن خالتي لي كلشي عارفها دبا أنها مامات شريفه كانت ختي تترتاح عندها عليها هي لي كلشي تيصحابليه مها... مع الوقت انور ما بقاش مرتاح و رجع برك عند جده..
STAI LEGGENDO
ּڛۜــٻۧــڣــ🔥؏ــڜــڦــ🔥دٰ̍ا̍
Storie d'amoreشهاب- أحببتكُ ، حتّى أمنت بأنّ ما مَضى مِن العُمر قبلك كّان مجرّد إنتظَار لك 🖇♥️ ريما-حتى لو كان لدي مليون خيار ' سأظل أختارك دائما'💍❤ ليسا حبيبين..فهو مهووس بشقيقتها و هي عشقت صديقه.. حين يلتقي الهوس بالغيرة اي جنون يكون☄️🍒 هو شهاب و هي شريفته ...
