ּڛۜــٻۧــڣــ🔥؏ــڜــڦــ🔥دٰ̍ا̍

28

اصبحنا واصبح الملك لله كلشي فايق ومجموع على الفطور فالجردة ليوم سبيسيال..انا عن نفسي فايقا ناشطة..على ماشي لبارح فالليل خرجات نتيجة الوطني ونجحت انا الاولى على الصعيد الوطني فرحت بزااااف ومبغيت نقولها لتاواحد..تامن زين بعيت نخليها مفاجأة..صونيت غير لشيري لي كل مرة تصوني..اما لي فالقصر مسولوش يمكن مشغولين مع الصفقة لي تاهيا وصل الايميل ديال نتيجتها هاد الصباح..وكانت صدمة..لبست كسوة فالاحمر قاتم وشبشب شعري درت لي ضفرة مرخوفة وجمعتها لفوق بفيليل ولحت شالي..نزلت لكوزينة ديريكت
احلام:مدام سيري لجردة راه كلشي تما
انا:جيت غير نعلمك مديريش بحسابي انا والبنات وماما حياة فالغدا
احلام:وفين غادين بالسلامة
انا:شنوو
احلام:احم راه الفطور غيتحط

خليتها كتقلى وخرجت لجردة سلمت عليهم كيف موالفة ولقيت عائلة ندين باقا هادو مبغاوش يتقلعو

انا:ليليا شفتي النتيجة
ليليا:وي
انا:نجحتي ياك
ليليا:اه ونتي
انا:وي اوا مبروك
ليليا:لينا بزوج
انا:ومالكي كاعيا
ليليا:مصعب سقط
انا(بالجهد):اويييلييي
كلشي شاف فيا نضت بالزربة لعند مصعب لي بارك فكرسي بوحدو بعيد علينا
انا:مصعب(مهزش راسو)صافي مديرش فبالك
مصعب:احم دبا عاد غيلقاو باش يتشفاو فيا ويضحكو عام كامل وانا كنجتاهد وفالاخر والو
انا:صافي يكون فيها خير تعاود العام الجاي
مصعب:عندي استدراكية
انا:حلف راه تقدر تنجح انا نعاونك
وقف علينا زين
زين:مالكم
انا:ها..لا والو
زين:مصعب مالك
مصعب:بقات فيا ليليا منجحاتش فالباك ومعطاوهاش تااستدراكية..نهار وماطال وانا نقول ليها نوضي تحفضي وهي حاضيا الخروج
زين(تعصب):ونتا اش درتي
مصعب:مالي انا هو ختك انا راه نجحت وجبتها بدراعي
انا حاليا مصدومة وغير كنتفرج زين طار وقف على ليليا ومكيناش الهداوة حيت ديجا محلف عليها
زين:شتي الترخوين ديالك
حياة:مالك اولدي
زين:الفشوش ديالكم ليها خرج عليها سقطات فالباك
يوسف:نعل الشيطان انا شفت نتيجتها بعيني
زين(خنزر فمصعب):نتا اش كتخربق
مصعب:وا مرتك لي قالت ليا ليليا سقطات
انا😨😨
ليليا:اويلي راه انا لي جات عندي وقالت ليا عطاوها استدراكية وقلت ليها نجحت
انا😵😵
زين(بعصبية):اش واقع دبا شكون نجح وشكون سقط
حنا بثلاتة:انا نجحت
زين:وملي ناجحين مالكم على هاد التبرهيش

بقا فيا الحال حيت انا ماشي مبرهشة بركت فكرسي خاوي حدا خو ندين وجلست كنفطر بزز

ليليا:تفو تقلقات
مصعب:يخ كلشي من لعبك الباسل
ليليا:اجي نطلبو منها السماحة
مصعب:اجي
ليليا:ريما(مجوبتهاش)سمحيلينا
مصعب:غير بغينا نضحكو معاك(مشفتش فيهم)
زين:شنو درتو تاني
ليليا:انا..احم انا لي قلت ليها مصعب سقط..وهو قاليها عطاوه استدراكية
مصعب:وهي بغات تعاوني وملي جيتي نتا انا كذبت عليك ودورناها لريما
زين:ريما هادشي بصح(متسوقتش ليه)
خو ندين لي مكنحملش وباقا معارفاش سميتو: هه مكدبتيش ازين ملي قلتي تبرهيش
انا(ضربت السربيتا مع الطابلة):بزاف زدتو فيه تبرهيش تبرهيش..اااو..تبرهيش هو دخل فشي حاجة مكتخصكش(وقف تاهوا مخنزر)
هو:نزلي صوتك
انا(واااع علاش طويل):والى منزلتوش شنو غدير (هز ايدو غيصرفقني)
زين:رئباااااال(هزيت ايدي لزين بحال صطوب✋)
انا:شنو ناوي ضربني غير ضرب اصلا فعايل الشمايت هوما هادو
رئبال:مزال كترفعي صوتك البرهووووشة
انا:شماااااتة(صرفقني تارعفت)
منكذبش عليكم حسيت بالبرق ضرب فراسي..مجيت فين نهز ايدي تاتلاح عليه زين وسعد كل واحد يضرب من قنت وتاهوا دخلو خوتو..محبسهم غير صوت تيليفونات لي بداو كيصونيو تقلبات الجردة لصونطر دابيل..كلشي تينفخ..طلعت لبيتي وتبعاتني حياة..
حياة:صافي ابنتي متبكيش
انا:عرفتي اماما كلشي بسباب زين هو لي قال عليا برهوشة..هه نيت انا برهوشة ومطيحا بقيمتي حيت سامحت ليه ومجرجرتوش..ولكن شنو انا حيت زعما مكاينش لي يوقف فصفي ويحامي عليا وندين خوتها مسخنين ليها كتافها..كلهم واقفين فجنبها حيت انا والديا غير مساكن..يااك😢😢 ندين باها لاباس عليه ومها ختك..وانا شنو واش لي جا يلوح ليا كلمة ونسكت..ولكن يصبرو عليا غير ساعتين وغندمهم بزوج..
سمعت الباب تحل ودخل زين كيسوط مدويتوش وتاهوا دخل دوش بالزربة بغات ماما حياة تخرج ومخليتهاش..هزيت مشاور كنمسح بيهم وجهي ولا طراس ديال الضربة دغيا تصور حقدت على هاد رئبال..خرج زين من الدوش لبس سروال كلاص مع شوميز زرقا وقاد حالتو ونزل معصب..5الدقايق بدينا كنسمعو اصوات لوطوات خارجين منيرين
انا:ماما اللبسة لي وصيتك عليها واجدة ياك
حياة:اييه وكاينا فبيتي(طارت جابتها وجات)
صايبت ميكاب خفيف وراقي..ولبست كوستيم فالغوز بناتي سروال فصالة انيق وشوميز بيضة والفيست ديكورها لايك الكاب بلا ايدين كمايمها محلولين مع گرافاط نواغ صاك وصباط نواغ..وهادشي كلو تصميم ديالي وأول انتاج لشركتي..توادعت مع ماما ونزلت هاد المرة ركبت فالفيراري ديالي جابها خاليد وتبعني هوا و3اخرين فاوطو اخرة ميسون ديجا سبقاتني..
#عند زين..
اليوم تصدمت ملي عرفت بلي خسرنا الصفقة ولي زاد صدمني هو ان رئبال ماشي هو لي ربح وسمية الشركة مجهولة وحتى مولاها كلشي مجهول.. صوناو لينا باش نمشيو نتعرفو على لي ربح المناقصة..كلشي مجموع تما والشركات الكبار.. كلهم تما معرفتش شكون فيهم ربح..تابانت ليا ميسون داخلة دوات مع حسام ..
حسام:كيشرفني نعلن على سمية الشركة لي قدرات تقنعنا باش نسلموها المشروع ديالنا..وكيشرفني كتر نخدم ولأول مرة مع العنصر النسوي

مشا فبالي سلوى لي بانت ليا واقفة حدا رئبال مدام هي ختو مي عندها شركتها بوحدها فنيويورك.. مبقيتش مركز مع حسام وعقلي خدام حتى نطق اخر سمية ممكن نتوقعها
حسام:رييييييم موووود..ولي الصاحبتها الانسة ريما الوازاني

هه كيفاش ريما واشمن شركة وانسة من لفوق...
#عند ريما..

فرانيت الفيراري قدام القاعة لي فيها المؤتمر.. كنظن وصلت فالوقت المناسب..عدسات الكامرة كلها توجهات ليا.. دخلت بخطوات انثوية..والگارد مورايا وقفو عند الباب زوج وزوج وقفو عند المنصة مبعدين الصحافة..طلعت وبديت كنلقي كلمتي لي كنوضح فيها زعما مدى سعادتي بانني ربحت هاد الصفقة قدام شركات كبار..وجا حسام تاهوا وبدا كيمدح طريقتي فالخدمة..اوا وصل وقت الصحافة
1:انسة التازي اكيد غديري شي احتفال بهاد المناسبة
:اكيد ونبغي نصحح انا مدام بنسودة(كلشي شاف فالطبلة تاع بنسودة)مدام زاين بنسودة
2:نتي نفسها لي دارت ليها حفلة ميلادها الاصطورية
انا:مم وي انا
1:يعني نتي مجرد مراهقة عندها 17سنة
انا:كنظن بلي عبارة "مجرد مراهقة" فيها نوع من التصغير ولالا
1:كنعتاذر مدام
3:فين غتكون الحفلة وشكون غيحضر فيها
انا:الحفلة كاينا فقصر زاين بنسودة واكيد العنوان راه معروف..والتاريخ ليوم بالليل ومرحبا بيكم
بنظرة وحدة فهم الگارد بلي باغا نخرج بعدو الصحافة على طريقي وجيت خارجة تاعيط ليا حسام:تشرفت بمعرفتك انسة..هه سوري مدام بنسودة ولو انك صغيرة على كونك مدام
انا(بابتسامة صفرا):مدام وام قريبا
حسام:اوووه مبروك الالة
انا:شكرا مسيو حسام ومرحبا بيك فالليل
حسام:نحيدو الالقاب بيناتنا
انا:عادي المهم نتمنا تبلغ دعوتي لعائلة العلمي وخاصة الأم ديالك سمعت عليها بزاف ومكرهتش نتعرف عليها واللجنة تاهيا
حسام:الله اودي كلنا غنكونو حاضرين
انا:ياله مع السلامة