ּڛۜــٻۧــڣــ🔥؏ــڜــڦــ🔥دٰ̍ا̍

15

عند شريفه لي واقفا مع شهاب....
انا:كون غير خليتيني مشيت مع خالي و لا عصام
شهاب(وقف و دار): شنو ما باغاش تمشي معايا
انا:لا لا ماشي هاكاك غير ..حشمت قدامهم و صافي
شهاب:يخليلي لي كيحشم(شاف الغورميط هز ايدي سرحها قدامه كيشوف فيها باعجاب) جاتك زوينه (هز ايدي باسها) متحيديهاش من ايدك ا شريفه (حركت راسي بأه) مزال عندي ليك حاجه تانيه تايوصل وقتها(تنهد) يا ربي يكون قريب( ساهي فملامحي)
انا: احم واقيلا خاصنا نمشيو
شهاب:اه اه ياله
ديمارا و محتاجش يقوليا شدي فيا حيت غير طلعت حاوطته بايدي بزوج و مع هو عريض ياله وصلت لجيوبتو شديت فيهم دار ليغاتو و قاليا نزلي الماسك د الكاسك غير نزلتو كسيرا وصل عليهم و تخطاهم سراج تحمس وبدأ كيتسابق حسيت بشهاب بحالا شعلتي فيه البطوله الخضرا حط ايدو على ايدي بحالا كيقوليا ستاعدي زيرت عليه و حطيت راسي على ظهرو انور و اسلام خدمة السيلفيات كيصورو فالسباق فرانا شهاب قدام فيله فبوزنيقا عاد لوطو د سراج عاد عماد وكنظن الباقي معطلين شويه..
نزلت من داك السكوتر حاسا بمعدتي كترعد حيدت الكاسك و بركت فوق الطروطوار
شهاب:شويه ياكما دختي(صونا فالباب تينا العساس يحل)واش قادره توقفي
انا:اه اه غير تخنقت
وقفت ولكن مكنتش متوازنه الحمد لله كانت ايد شهاب سباقه سنداتني قبل ما نطيح ايد تحت ركبتي و ايد مورا ظهري
شهاب:اولا
انا:شهاب حطني ويلي شوهه حطني
شهاب:سميتي زوينه من فمك ولكن كتكون زوينه ملي كتكوني ناعسه(كنحاول نتفكر ايمتا كنت ناعسه و عيطت عليه معقلتش)
انا:كيشوفو فينا نزلني حرام عليك

عيت معاه فالاخر خشيت راسي فعنقو كنخبي وجهي زفر نفس سخونه حسيت بيها فوذني تبورشت و زدت خشيت وجههي تا حطيت نيفي بارد على عنقو فرمشه عين لقيت راسي فالارض

انا:احح وعتيني(كنحك فايدي)مالك طلقتيني على غفله
دنيا:هههه مالك طلقتيها
انا(مدات ليا ايدها):اح ولد الهم طلقني على الارض (كنشوف فيه)معرت فين غادي

#بعد ساعه كنا كلنا كنتعاونو..من غير شهاب معرت فين مشا..
اسلام:صوني ليه شوفيه فين
انا:معرفتش صوني نتا
اسلام:علاش مالك نتي
انا:وصافي صوني نتا
سلام:هاوا كيصوني.....الو
انا:دير هوتبارلور
سلام:وي شكون معايا..
...:بونجور انا مايا
سلام:شكون مايا هادا ماشي تيلي تاع شهاب
مايا: وي راه فلي طواليط ملي يرجع نقولو يصوني ليك
سلام:اوك(تلفت لقاني كارزا يدي شكون هاد البنت لي جاوبت)
انا:عيط لدنيا تعاونا بلاش منو ݣاع
سلام(خرج و رجع):ما بغاتش باقا كتعاون لي كيب ديالها
انا:بناقص
سلام:شنو غنصايبو
انا:راس مشوي🙂
سلام:اعوذ بالله
انا: سكت ولا ندير راسك نتا(حليت الشال و التجاكيط علقتهم بقا السروال مزير و هزيت طابليه طويله درتها و جمعت شعري كوتشوفال و القصيصه نازله درت ايربوت حطيت اغاني كوريه احم كيبوبيه انا.. جبدت داكشي من الثلاجه لي درنا البارح قررت ندير شي حاجه خفيفه باش فالعشا يكون حفل شواء معرفتش شحال داز د الوقت سمعت صوت سكوتر د شهاب و موراها زوج طوموبيلات..الكوزينه فيها حيط كلو زاج كيطل على الجرده طليت منو و انا هازا مدلك هاي هاي هاي سيكم شهاب مركب ديك البنت معاه فالسكوتر نص فخاضها عريانين و دراوعها عريانين شعرها قصير بحال دنيا زعر نزلا حيدات الكاسك عينيها زرقين شنايفها باينا دايرا فيلر و دايرا بانسينغ فنيفها و بوطها ما فيقني من تبرݣيݣ غير هشام لي عنقني يخخخخخ كنت ناويه نضربو و لكن شفت شهاب طلع حاجبو خليته)
هشام(طلقني و حيد المدلك من ايدي و كيسوس ليا شعري من الدقيق و كتفي): الزين ديالي توحشتك (دور ايدو على كتفي و جابني لجيهة شهاب) شريفتي (شهاب شاف فيا و شاف فيه زعما شنو هادشي علاش يدير ياء التملك)هادي مايا خطيبة شهاب(تخوا عليا الما بارد) مايا هادي حبيبة الطفوله و مراتي المستقبليه
شهاب:شنووو
انا:مبروك عليكم (درت غنرجع و انا نوقف و شفت فشهاب)مادرتي فيها ما يصلاح ملي ما علمتيناش بلي غتجيب خطيبتك كون جبت الحليب و التمر و ستقبلتها مرحبا بيك احبيبه تقدري تمشي ترتاحي الغدا واجد شويه و نحط (شديت فايد هشام بلعاني) اجي عاوني بلاصة شهاب كنظن مغيبقاش السو شاف طالما كاين لي يشغلو
هشام:ايه احبيبه واخا(جر الباندا د شعري) كنقولك مطلوق كيجيك زوين(برك يقاد ليا فشعري
انا(هزيت عيني فشهاب وجهو حمر و عينيه خارجين طلعت حاجبي باستهزاء):بون جوغني...

#فطبله الغدا..
مايا:هادشي بنين
هشام(هز ايدي باسها):الله يخلي ليا هاد ليديدات
دنيا و اسلام و سفيان(وحلات ليهم):كح كح كح
انا:ويل الشيطان مالكم بشويه
مريم:شدو الما شربو
مروان:هضرنا شحال من مره اهشام ما تبقاش تصرف بحال هاكا ما نتا خاطبها ما ضارب عليها الكاغط
انور(ناض وقف و جا وسطنا):تسوخر الشريف مليوم شريفه غتبرك حدايا بيني و بين دنيا
انا:كولو و سكتو
هشام(ما عجبوش الحال):شحال كتزيدو فيه انا خطبتها من عصام و من باها
عصام:انا قلت لك الكلمه الاولى و الاخرى ديال شريفه
عماد: و انا نسيبي كنظن قال تادير 18
انا:لا 18 لا زمر انا باغا نبور ما باغاش نتزوج(حطيت الفورشيط ووقفت) نتا و نتا و نتا(هشام و شهاب و اسلام)ما بغيتش نشوفكم مورا داك الباب(ديال الكوزينه) ما بغيت لا مساعدين لا زمر قادا بشغالي🙂
دنيا:😂😂😂😂 اول 3 لي سو شاف كيطردو فاول نهار..بركاتك يا شريفه

رجعت لكوزينه كنكمل اش كنصايب انا عارفه غدا عيد ميلاد التوين واخا مكنهضروش مع بعضياتنا قررت نصايب ليهم ݣاطو و كنت شريت داكشي لي نحتاج لبارح صيبتو فاللون اللي كيعجبني غوز اخيرا ساليت كنت سادا على راسي بقا ليا غير المونطاج المهم خبيت داكشي و خليت المونطاج تالغدا ... داكشي لي طرا و مع تغدينا معطلين تاحد ما سول على الكسكروط وصلات ديك 7 و قالك غيبداو يقادو الجريده خرجو الطوابل و الكوفيات و الشوايات و الفاخر و اي حاجه انا خديت كونجي من الطياب تكلف عماد و انور لقاوني مقادا ليهم كلشي اي حاجه كتشوا قاديتها و الشلايض مصايبين غير مابغيتش نقرب لدخان وصافي