ּڛۜــٻۧــڣــ🔥؏ــڜــڦــ🔥دٰ̍ا̍

13

ماذا لو تحولت الغيرة يوما ما الي حب ...⁦❤️⁩

شكون هذا الي قاطع اعترافه..نزل الزاج بشويه
البوليسي:البطائق الى سمحتي
شهاب:دقيقه (دار يقلب على بسطامو ملقاهش)هازا لاكارط تاعك(حركت راسي بلا قاد لكوسان تاعو) ماهازينهمش(بابتسامه لكن واضح بلي كارز على سنانه)
البوليسي(شاف لوطو برانيه):تقدرو تفضلو معانا اسيدي
شهاب:تقدرو تمشيو هاحنا تابعينكم
البوليسي:سمحولينا ولكن ما يمكنش(نزل شهاب مكره و انا وراه حابسه الضحكه)طلعو
شهاب: فالصطافيط؟؟
البوليسي:اييه (كيطنز )ماشي فمقام سيادتكم

طلعنا كانو زوج ولاد و بنت مقطعين ملي طلعت و انا حابسه الضحكه وقفات الصطافيط شحال من مره تا عمرات عاد مشات فاتجاه المركز نزلنا لقينا مروان و سفيان واقفين كايتسناو درنا تحقيق ديال ثبوت الهويه و خرجنا مروان و سفيان ركبو القدام و انا و شهاب لور..
انا:مقلتيش ليا راك ضابط
شهاب(مخنزر):منبغيش شي حد يعرف فالدار خاصه الواليد و الواليدة(غير كمل صونات مو)وي عمرك طويل😏...اه معايا...وا الواليدة راه مغناكلهاش راه خوها معانا(دوا مع مروان) حبس لخرا خليني ننزل...(نفاعل و بدا كيغوت و حنا كنسمعوه ) وحق الله الى كان معانا اسلام...اه عرفتو رجع و دبا معانا خوها.. متصعرينيش راني راجل ماشي شماته باش نتعدا على بنات الناس(هز التيلي تال السما و ضربو مع الشانطي تاتفرتت نزلنا ملي شفناها غادي فالطريق مامسوقش لينا تبعتو كنجري شديت ايدو كان كيترعد وجهو حمر عينيه ولاو كحلين تفكرت فاش تعصب و ضرب داك الحيوان...كان نفس الشكل تخلعت ولكن ما قدرتش نخليه بحال هاكاك هو غادي و انا تابعاه و نطلبو يتهدن ما نتابهتش للوطو لي جايا مورايا صوت الكلاكسون مجهد مروان غوت شرييييفااا حسيت براسي تخبط فشي حاجه قاصحه   كان صدرو كيطلع و يهبط كينهج بحال شي ثور هائج محاوط خصري بتملك دورت عينيا لخويا لي كان واقف على بعد متر او زوج شاد فقلبو و سفيان شاد فراسو باينا فيهم الخلعه...دقيقة صمت..حتا بدا شهاب كيهضر حط جبهتو على جبهتي كيبان بحالا مثني على نصه حيت أنا سنفوره قدامه
شهاب(بصوت مبحوح): كنبغيك
مروان😳😳😳😳😳
سفيان😳😳😳😳😳
شهاب:ما تشوفيش فيا هاكا كنبغيك ا شريفه و هوما ما بغاوش يفهمو(هز راسو) انا عمري غنآذيك عمري (صوتو تبدل ولا عامر غضب) الى متقتيش بيا هانيا الى كانو والديا لي كبروني و رباوني ما كيتيقوش فيا كيفاش اتيقي نتي..واليديا لي ماتاقوش فيا و تيقو  (كيغوت و طالع جيهة الجرف)ديك ال*حبه (ضحك بجاااهد) قالت لك انا تعديت عليها
مروان(كيهضر بهمس):شنو كيخربق هاذا
سفيان(بهمس و حسره):بلان قديم
انا:شهاب نزل (صوتي بح بالغوات)شهاااب نزل عفااك
شهاب:وقفي مطلعيش غطيحي
انا:نزل ولا غنطلع
شهاب: مطلعيش بركي تم و سمعيني
انا:واخا نزل(غوتت)متعصبنيش نزل اشهاب(تقجيت حليت الشال ساعا ولد الكلبه طار)
شهاب:مزيان مزيان تبارك الله..
انا: وا نزل و حق الله تا نطلع سول مروان راني حمقه و الله تانديرها(تلفتت لقيت مروان و سفيان واقفين و كيشوفو فينا شكلهم كيضحك)
شهاب(ما تسوقش ليا و بدا كيهضر):كان اول عام فالخدمه كانت عندي مهمه نطيح بنت واحد الزعيم ساعا بنت ال(سكت) عرفات عائلتي و مشات لعند الواليدة(تنهد)بقات تبكي وتشكي عليها بلي انا تعديت عليها و معرت شنو الواليدة رغمات عليا نخطبها وافقت بزز مني حيت كان خاصني غير شهر واحد مزال و نطوي صفحتها ساعا شي حد قتلها و سيفط تصاورها متغتاصبه و مقتوله فسريرها فداري فالمانيا للواليدة...و موراها بداو كيوصلوها تصاور ليا مع بنات اخرين ولا انا بارك فبار ولا مع شي بنت فطونوبيل مي لي ولداتني كتقول عليا كيف كدير فبنات الناس غيديرو فخواتاتك..انا مكنتش كنآذيهم كانو كيكونو عميلات ولا بنات فشي مهمه...مقدرتش نشرح ليها بلي راها خدمتي حيت هي كتخاف من ديك الخدمه ملي مات خوها..نهار بغاو يدخلو للمغرب رفضت حيت أنا ماشي مدير شركه كيف هي كتعرف انا راه كوموندو واخا هاكاك اصرت عليا و قالت مغتخلينيش عايش فالحرام على اساس انا عايش فالحرام و من بنت لبنت..(مسح على وجهه) نهار طرا داك المشكل محملتش راسي كيفاش واحد يحط ايدو عليك و يضربك و انا عايش نقدر نسامح خوتك حيت مردوش ليك البال (مروان هز حاجبه) و لكن ما نسامحش راسي...مي لحد الساعه كيصحاب ليها غنآذيك فشي حاجه رغم أنها عارفه كنبغيك ملي كانت عندي 15 عام و انا كنبغي نفس البنت لي كانت كتعجبني سميتها (شبح ابتسامه على شفايفو و هو كيشوف فمروان) باقي عاقل كنت قلت ليك غنكبر و نتزوج بختك و نتا بقيتي كضحك عليا (مروان قهقه برجوله و هو كيتفكر كانت عندو 18 ديك الساعه) اااخخخ ا شريفه بغيتك و انا صغير و بغيتك و انا كبير بغيتك قبل ما نشوفك و بغيتك فاش شفتك فشكااال هادي نعتارف ليك بلي كنبغيك و انا كاره الوضع و قدام خوك و داك الزمر د سفيان لي كيضحك(سفيان هز ايديه زعما هانا ساكت) و نتي غير كتشوفي فيا بحالا كنهضر بالشينويه مغتقولي والو
انا(شفت فيه تزنݣت و شفت فخوتي و رجعت شفت فيه):فيا الجوع(وقفت و انا نزلݣ)
شهاب:الخرا الكحل قلت ليك ما تحركيش(نزل لعندي بالزربه وقفني ساس حوايجي و جرني من ايدي تاووصلنا لعند مروان لي كانو قربو لوطو)
مروان:تؤتؤتؤ نتي لقدام نتا لور دونت تاتش ماي سيس برو
طلع شهاب ساخط
سفيان:شنو تاكلي الدار راهم تعشاو و سالاو
انا(تلفتت فشهاب):مافيا لي يطيب
مروان:شكون قالك غطيبي ليه(تلفت فشهاب) جمع راسك البعلوك
سفيان:مزيان تبارك الله قالك الصغير باغي يتزوج
شهاب(ضرب مروان لݣفاه):عطيني سيمانه الى مخليتكش تولي تقوليا الشاف مانتسماش
انا(قاطعت حوارهم الساخر): جوع جوع
مروان:شنو تاخدي
انا:غنمشيو ناكلو الدجاج تاع صوفيا
سفيان:اييه مزيان راها مخليا لشهاب حقه(بنبره مقلده)شيييهااب راه خليت ليك حقك من الدجاج المحمر انا لي صاوبتو
مروان:هاء و شهاب ضرب لراسو رفيسه مع المدام المستقبليه(توسعات ابتسامته تا بانو غمازاته) شوف كيف كيضحك
سفيان:تاخدي ماك ؟؟
انا:واخا
مشينا لماك سادين بيتزا هات سادين برغر كينغ سادين عيت و جاني النعاس
انا:صافي غنرجعو و نشوف واش شايطا شي حاجه نسخنها و صافي(حطيت راسي على الكوسان ونعست حسيت بشي حد هزني سمعت شهاب تيقوليه حطها غير هنا نعست تافقت على صوت المقالي فالكوزينه حليت عيني كنت فالصالون مغطيه بمونطو ديال شهاب..طويتو حطيتو فالجنب حيدت جلابتي و مشيت لكوزينه..