ּڛۜــٻۧــڣــ🔥؏ــڜــڦــ🔥دٰ̍ا̍

3

صبح الحال والأغلبية ناعسين من غير لي عندو شي خدمة ناض ليها البنات داخلين تال العشرة فاقت شريفه مع 6 كيف عادتها توضات و صلات و دخلات لكوزينه و مع 6  و نص دازت لبيوت الدراري فيقات عصام  و مروان و طرفات بيوتهم و سمعات شهاب فايق دقات فبيته حل ليها..
شريفه:صباح النور
شهاب:صباح الخير (طلع حاجبه) شكون نتي؟
شريفه(دورات وجهها حيت ملابسش لفوق): انا شريفه بنت عمك اسماعيل
شهاب(تفكر البنت لي كان خوه تيهضر معاها لبارح):اش فيقك بكري و نتي اخر وحده نعست
شريفه: غير فقت صليت الفجر و مجانيش النعاس(كذبت) قلت نطرف ليكم البيوتا
عصام(من وراها):نزلي صايبي ليا قهوه و خلي البيوت تايفيقو البنات يعاونوك
شريفه(جرت صدر البيجامه): تف تف نتا منين كتبعث اخويا(شهاب تهز بالضحك) عفاك اشهاب شوف خوك واش فايق ندير بحسابه ولا بلاش.. (غادا للدروج) سيفطو ليا مسج و نقصو صوتكم غتفيقو با سيدي...

#بعد نص ساعه كان..مروان و عصام..عمران و امان.. عبير وشهاب مجموعين فالصالون فطابله الفطور فيها داكشي خفيف كيف كيبغيوه

شريفه:غنطلع نطرف البيوت بينما فاق الكيب التاني بون كوغاج (باست مروان من خدو بوحدو و طلعت فالدروج بحال شي بنيته صغيره)

طرفات بيوت هادو الي فاقو كلهم و نزلات طفات الفران على الكيك و البتيبان..سمعات صوت سراج كيهضر فتيلي و لكن ما نزلش لتحت طلع لسطح باش ياخد راحتو شافت فالمغانه كانت 8:45 طلعات لبيت دنيا فيقتها و لبسات سيرفيط حيت عندهم حصه الرياضه لوات شالها و هزات من "فلوسها" خرجت لباتيسري....

#عند سراج...
حاط ايدو على السور د السطح كيشم الهوا الممزوج بريحة الورد الي مزروع فشي مكان قريب نتابه لديك الزهور الي مزروعه فسطح المنزل المقابل كيبان على الشخص الي زارعهم مهتم بيهم بزااف دقائق لمح بنت داخله للسطح هازة بلاطو فيه طيرموسات تاع الحليب و القهوه و كيسان حطاته فالارض و دخلات لداك البيت الي فيه الزاج و الالمينيوم الشعا د الشمس حجب عليه رؤية ملامحها...عندها قوام زوين باينا صغيره شعرها بني واخد حريتو خرجات من داك البيت و حطات طابله صالا مونجي بيضه فوسط السطح حطات 4 الكراسا و البلاطو و رجعات نزلات فضوله خلاه يتجاهل النداءات الي عليه و بغى يعرف شنو كدير البنت.. دقائق معدوده طلعات هي و راجل كبير شويه هازا طبسيل فيه كرواسه و الايد التانيه طبسيل فيه البطبوط و الراجل هاز بلاطو فيه الفرماج و العسل و الزيت و الشكلاط و الماس و المعالق برك هو فكرسي و البنت قادت الفطور ومشات كتعيط جاه صوتها مغريبش نادات على شي حد سميته "أنور" و شي حد اخر سميته "عماد"...
طلع ولد لابس سيرفيط تاهوا فنفس سن البنت تقريبا و الولد التاني طلع و هاز مرا كبيره دخل الولد الاول جبد كرسي متحرك...مقدرش سراج يكمل فراجته كثر حيت مو شحفات و هي كتعيط.. تنهد حيت مشافش ديك البنت لي جذبوه تصرفاتها و حنيتها..تلفت فيها نظره اخيره لعل و عسى يلمح منها شي حاجه لكن لقى الولاد درقوها بمره....
نزل باش يفطر..
لقاهم كاملين تاني من غير شريفه سول عليها ختو قالت ليه يمكن كتقاد البيوتا...